Dagblaðið Vísir - DV - 23.07.1983, Blaðsíða 23

23
stjómarinnar er afar góð samstaða um
að fara þessa leið. Við ætlum einfald-
lega að gera meira fyrir minna. Og það
máttu gjarnan hafa sem fyrirsögn.
Ég ó von á því að námsmenn skilji
þetta eins og annað fólk og að þeir taki
á sig sinn hluta þeirrar kjaraskerðing-
ar sem allir verða að bera að einhverju
marki. Um orðsendingu kvennanna
get ég sagt þetta: Ég býst við og er
raunar viss um að þessar elskur vilja
vel og ég á von á góðu samstarfi við
þær á þingi þegar þar að kemur. Þær
taka skerðingu námslánanna þó full-
hátíðlega. Sögðust þær ekki heldur
vilja spara teppalagningu hjá ríkinu?
Ég gæti best trúaö að þær hefðu parket
undir teppunum hjá sér.”
Ný fjárlög á
teikniborðinu
Hvernig er staöiö að gerð f járlagatil-
lögu vegna næsta árs? Nú er engin
f járveitinganefnd Alþingis til.
„Hagsýslan hér í ráðuneytinu er
þegar byrjuð að undirbúa fjárlögin,
ásamt aðstoðarmanni mínum og öðr-
um starfsmönnum. Jafnframt vinna
þeir Lárus Jónsson og Guðmundur
Bjarnason að undirbúningnum sem
fulltrúar stjórnarflokkanna, báðir
þaulvanir. Við erum núna að fá óska-
lista ráðuneytanna og yfirfara þá. Síð-
an kemur að þessari heildarmótun eft-
ir að ríkisstjórnin hefur sett sér mark-
mið fyrir næsta ár eins og ég gat um
áðan.
Á þessu stigi er ekki komiö að vinnu
fjórveitinganefndar Alþingis og hún
verður ekki kosin fyrr en eftir að þing
kemur saman, væntanlega 10. október.
Það væri þó æskilegt að fá fulltrúa
stjórnarandstöðuflokkanna til starfa
fyrr ef þvi verður við komiö. Þar eru
einnig færir menn sem akkur er í að
komi að fjárlagagerðinni með líkum
hætti og ef fjárveitinganefnd væri
starfandi. En það er vitanlega mitt og
ríkisstjórnarinnar að móta f járlagatil-
lögunasjálfa.”
Einkennileg
áramót
Ætlarðu að bylta fjárlögunum?
„Fjárlagadæmið verður skoðað nið-
ur í kjölinn. Ég hef þá sérstaklega í
huga að finna flöt á því að stöðva alla
sjálfvirkni í útþenslu ríkiskerfisins í
tengslum við þann niðurskurð og þó
hagræðingu sem nú er unnið að.
Mér finnst sú tilhneiging ákaflega
einkennileg að gera áramót að ein-
hverjum sérstökum vendipunkti í þjón-
ustu ríkisins hverju sinni. I þeim fyrir-
tækjum sem ég hef stjórnað, og eru
sum býsna stór, er unnið í samræmi
við verkefnin sem fyrir liggja á hverj-
um tíma, hvort sem þau eru til 24 eða
12 mánaða eða einhvers annars tíma-
bils. Áramót geta ekki sjólfkrafa þýtt
það að ríkið færi út kvíarnar, helst alls
staðar.
Með gerð næstu fjárlaga skapast
fyrsta alvörutækifærið til þess að
koma fram þeim sjónarmiðum sem ég
berst fyrir. Á bak við þau stendur það
einfaldlega að ég er hér í vinnu hjá
fólkinu í landinu. Eg legg mig allan í
þetta, sem slíkur. Ef ég næ ekki ár-
angri þá er það ekki vegna þess að hér
sé ekki gott starfsfólk, því það er
aldeilis frábært; þá er eitthvað að mér
sjálfum.”
Erfiðara en
ég bjóst við
En er þetta ekki strembið starf ?
„Jú, ég gerði mér grein fyrir því að
það yrði erfitt. En mér finnst það erfið-
ara en ég bjóst viö. Ég er hér allan
daginn að heita má og oft frameftir.
Þetta tekur hugann bókstaflega. Eg
ætlaði mér sem dæmi að halda áfram
aö aka bilnum mínum mest sjálfur en
hef staðið mig að því að vera allt að því
hættulegur í umferðinni, utangátta
með hugann við starfið. Og það gengur
vitanlega ekki.”
Nú hefur það trúlega komið þér á
óvart að lenda hér.
„Já, svo sannarlega. Þetta æxlaðist
svona á síðasta augnabliki þegar þing-
flokkurinn hafði valið ráðherraefni. Eg
ótti þá frekar von á að fara í embætti
viðskipta- og bankamálaráðherra. En
svona geta örlögin verið. ”
Dyrnar standa
öllum opnar
Þú hefur sagt oftar en einu sinni og
oftar en tvisvar að þú værir fyrir-
greiðslupólitíkus.
„Já, égerþað.”
Er það ekki erfitt hlutskipti fyrir
slíkan pólitíkus að styðja annarri hend-
inni á ríkissjóð og heilsa þurfandi fólki
með hinni hendinni?
„Nei, síður en svo. Það hefur ekkert
breyst í þessu efni. Hingaö kemur fólk
með sín persónulegu vandamál alveg
eins og áður og ég geri mitt besta til að
hjálpa því. Eg hef ekkert breyst þótt ég
settist hér aö störfum um sinn. Og
vandamál fólksins eru áfram mín
vandamál.
Aðallega kemur fólk hingaö í viðtals-
tímum á miðvikudögum en ég hef sagt
starfsfólkinu hér að vísa öllum til mín
sem vilja tala við mig hvenær sem er
og þegar ég er ekki upptekinn. Dyrnar
hérna standa öllum opnar,”,segir ráð-
herrann Albert. „Eg er hins vegar ekki
í því að leysa sjálfur vandamál fólks
almennt. Ef ég veit að fólk er þurfandi
og stendur við sitt get ég einungis beint
því á færar leiðir. Oftast dugir það,
sembeturfer.”
„FASTAMAÐUR í
STJÖRNULIÐI ÚMARS"
Er gamli knattspyrnukappinn búinn aö leggja
skóna endanlega á hilluna meö ráðherradómnum?
Albert; Nei, ertu frá þér. Ég er fastamaöur í
stjörnuliði Ómars Ragnarssonar. Þaö hefur ekkert
breyst. Veistu aö ég var spuröur aö þessu í forseta-
kosningunum. Ég svaraöi auðvitað neitandi, enda á
það ekki að breyta neinni persónu, þótt hún skipti
um starf. Þessi spurning var lögö fyrir mig, þegar
ég mætti útataöur á framboðsfund. Ég hafði gleymt
mér f leik við nokkra skemmtilega stráka f plássinu.
„VINDLARNIR HAFA
STÆKKAÐ"
Risastórir vindlar eru í augum margra orönir að
einkennismerki fyrir þig. Hvers vegna veluröu
svona grfðarstóra vindla?
Albert: Ég hafði aldrei reykt þegar ég hætti í fót-
boltanum, 36 eöa 37 ára. Þá fór ég aö fikta viö aö púa
einn og einn vindil. Og vinir mfnir erlendis og hér-
lendis hafa fundið upp á þvf að gefa mér vindla viö
hin og þessi tækifæri. Einhvern veginn hafa þeir svo
alltaf verið að stækka. Þeir duga líka betur. Sjáöu
þennan (hann bendir á vænan stubb í öskubakkan-
um), ég hef kveikt í honum af og til alveg síðan í
morgun og nú er komiö alveg fram aö kvöldmat. Já,
þeir endast þessir stóru.
BERGSTAÐASTRÆTI 10A - SlMI 16995

SILVER
ÍBTAt
pú ^Iö *
PjfÍr *ð *
Greiöslukjor
EINAR FARESTVEIT & CO. HF.