Dagblaðið Vísir - DV - 02.02.1984, Blaðsíða 11

11
DV. FlMMTUDÁGUK2.'ííÉ6fitíÁ'R' 1984.
Færeyjar:
Tværsjón-
varpsrásir?
Frá Eðvarð T. Jónssyni, fréttaritara
DVíFæreyjum:
Hugsanlegt er að sjónvarpað verði á
tveimur rásum í Færeyjum eftir 1.
apríl næstkomandi þegar útsendingar
færeyska sjónvarpsins hefjast. Páll
Vang landstjómarmaöur hefur lagt
fram tillögu um það á lögþinginu að
þeim einkaaðila sem séö hefur um
rekstur sjónvarps í Færeyjum sl.
fjögur ár verði gefiö leyfi til að halda
áfram útsendingum á annarri rás og
jafnframt verði honum heimilað,
þegar fram líða stundir, að gera sér-
staka þætti og jafnvel auglýsingar
fyrir ríkissjónvarpið færeyska.
Þessi einkaaðili, Sjónvarpsfélagið í
Þórshöfn, hefur fengið nánast allt
sjónvarpsefni sitt endurgjaldslaust frá
Danmörku þar sem það er tekið upp á
myndbönd meö þegjandi samþykki
danska sjónvarpsins sem er full-
kunnugt um þessa „sjóræningjastarf-
semi” en sér í gegnum fingur við
félagið, ekki síst vegna þeirra
menningarhagsmuna sem Danir telja
sig hafa að gæta í Færeyjum.
Rekstur Sjónvarpsfélagsins hefur
skilað töluverðum arði og hefur því
tekist aö koma sér upp miklum tækja-
kosti. Forráðamenn og velunnarar
félagsins hafa því knúð á um að félag-
inu verði leyft að halda áfram starf-
semi sinni og fengið góöar undirtektir
almennings, ekki síst eftir að ráðherra
menntamála í færeysku landstjórninni
boðaði niðurskurö á útsendingartíma
eftir aö færeyska sjónvarpiö tæki til
starfa. Sjónvarpað er f jögur heil kvöld
í viku en fréttaþættir danska
sjónvarpsins eru sendir út daglega.
„Lengi
geturgott batnað"
Nýja Nordmende myndtækið hefur nú verið gert tíu
sinnum betra og var þó valið af stærri myndbandaleigum
vegna gæða og góðrar þjónustu.
STUTT
LÝSING:
1. Skyndi-upptaka ef mikið iiggur
á.
2. 14 daga upptökuminni gefur
mikla möguleika á upptöku
fram í tímann.
3. Læsanleg myndleit á níföldum
hraða fram og til baka.
4. Góð kyrrmynd ef skoða þarf
nánar.
5. Rammi á eftir rammakyrrmynd
þannig að hver hreyfieining á
eftir annarri er möguleg.
6. Sjálfvirk fínstilling á móttakara.
7. Sjálfvirk bakspólun.
8. Rakaskynjari.
9. Átta stöðva minni.
10. Kvartz-stýrðir mótorar.
11. Digital-teljari þannig að auðvelt
er að skrá hvar ákveðið efni er
á myndbandinu.
12. Framhlaðið, tekur minna pláss.
13. Léttrofar sem eru samhæfðir.
14. Stærð:
Breidd 43,5 sm.
Hæð 13,0 sm.
Dýpt 36,0 sm.
NORDMENDE
Færeyski sagnfræðingurinn Hans
J. Debes ætlar að verja doktorsrit-
gerð við Háskóla íslands i vor. Rit-
gerðin fjallar um færeyska sögu og
sjálfstæðisbaráttu á síðustu öld.
Færeyingur
ver doktorsrit-
gerð við Hf
Frá Eðvarð T. Jónssyni, fréttaritara
DVíFæreyjum:
Nú í vor mun færeyski
sagnfræðingurinn Hans Jacob Debes
verja doktorsritgerð sína „Nú er tann
stundin...” við Háskóla Islands. Rit-
geröin, sem kom út í bókarformi í Fær-
eyjum fyrir nokkrum mánuðum,
fjallar um færeyska sögu og sjálf-
stæöisbaráttu á siðustu öld. Sagt er frá
stofnun færeyskrar sjálfstæðis-
hreyfingar, Færeyingafélagsins, í
kringum 1880 og saga þessarar
hreyfingar rakin fram til 1906.
Sagnfræðingarnir Gunnar Karlsson,
Ingi Sigurðsson og John F. West hafa
fariö yfir ritgerðina og mælt einróma
meö því að hún verði tekin gild til
doktorsvarnar viö heimspekideild Hl.
Þrennt er án fordæma um þessa
doktorsritgerð. Þetta er í fyrsta sinn
sem ritgerð, sem skrif uð er á færeyska
tungu, er lögö fram til doktorsvarnar.
Jafnframt er þetta í fyrsta sinn sem
Færeyingur ver doktorsritgerð á
Islandi. Loks er þetta í fyrsta skipti
sem færeysk ritgerð um sagnfræði er
lögðframtil doktorsvamar.
Nafn sitt „Nú er tann stundin...”
dregur ritgerðin af frægu kvæði
Jóhannesar bónda Paturssonar í
Kirkjubæ, en hann var lengst af
fremstur í flokki þeirra sem börðust
fyrir auknu sjálfstæði Færeyinga.