Dagblaðið Vísir - DV - 25.10.1985, Blaðsíða 8

DV; FÖSTUDÁGUR 25. OKTÖBER1985.
Útlönd Útlönd Útlönd Útlönd
Ines Duarte er sloppin úr prisund
inni sem hún var í i 44 daga.
m------------------*-
Vinstrisinnaðir mannránsmenn-
irnir fengu marga félaga sina
leysta úr haldi fyrir dóttur forset-
ans.
Handtökur
í Argentínu
Argentínustjóm hefur gripið til
neyðarástandslaga til þess að hefta
ferðafrelsi fyrrverandi foringja úr
hemum og borgara sem ákærðir em
fyrir samsæri.
Fimm foringjar vom handteknir í
gær og einn óbreyttur borgari en
gefnar vom þar á ofan út handtöku-
skipanir á sex aðra. Þar á meðal er
hershöföinginn, Guillermo Sutrez
Mason, sem er flúinn.
Þessar handtökur em í tengslum við
rannsókn á sprengjutilræðum sem
fylgt hafa i kjölfar málaferlanna gegn
foringjum úr fyrri herforingjastjóm-
um landsins vegna hlutdeildar þeirra í
„skítuga stríðinu” gegn vinstriöflun-
um meö öllum þeim mannránum og
morðum, pyndingum og ofsóknum sem
þvífylgdu.
Engin vopn
til Jórdaníu
Reagan forseti beið algeran ósigur í
tilraun sinni til að selja Jórdaníumönn-
um bandarísk vopn. Bandaríska
öldungadeildin greiddi því atkvæði í
gær að banna tímabundið meiriháttar
vopnasölu til landsins. Atkvæða-
greiðslan var 97 gegn einum. Reagan
ákvað að samþykkja bannið frekar en
að berjast gegn vilja þingsins tæpum
mánuöi áður en hann á að hitta Gorbat-
sjov Sovétleiðtoga.
Bannið nær til tveggja milljarða
dollara sölu á háþróuðum stríðsflug-
vélum og flugskeytum til nota gegn
flugvélum. Bannið gildir til 1. mars,
nema Jórdanir hefji beinar og
„alvöru” samningaviðræður viö
Israelsmenn.
Ýmislegt þykir nú benda til að
friðarviðræður kunni að fara að hef jast
í deilumálum Miðausturlanda.
Dóttur Duartes sleppt
— en flóknir samningar fóru í hnút þegar sex bæjarstjórar, sem átti að leysa, komu ekki í Ijós
Vinstrisinnaðir skæruliðar í E1
Salvador hafa leyst úr haldi dóttur for-
seta landsins og vinkonu hennar eftir
að hafa haldið þeim í 44 daga. En flókn-
ir samningar um að leysa 100 skæru-
liða úr haldi fóru í hnút í gærkvöldi.
Það gerðist þegar sex bæjarstjórar,
sem skæruliöar höföu einnig lofaö aö
leysa úr haldi, höfðu ekki komið í ljós
við sólarlag.
Ines Duarte Duran og vinkona
hennar Cecilia Villeda eru komnar
heim til sín. En Bæjarstjórarnir hafa
enn ekki látiö sjá sig. I staöinn fyrir þá
átti að láta lausan 21 andófsmann og
hleypa 96 særðum skæruliðum úr
landi. Embættismenn sögðu að 18
skæruliðanna hefðu viljaö vera áfram í
E1 Salvador, og þeir væru nú á örugg-
um stööum víös vegar um landið.
Rauði krossinn, kaþólska kirkjan og
erlendar ríkisstjórnir sáu um fanga-
skiptin. Talið var að særöu skæru-
liðarnir myndu fljúga til Kúbu.
Reagan lofar bandamönnum
tillögum um vopnatakmarkanir
Reagan Bandaríkjaforseti virðist
hafa fullvissað áhyggjufulla banda-
menn sína um að hann muni koma meö
eigið friðartilboð í viöræðunum við
Gorbatsjov Sovétleiðtoga í nóvember.
En á fundi sínum í gær með leiðtogum
Bretlands, Vestur-Þýskalands, Italíu,
Kanada og Japans gaf Reagan ekki í
skyn hvers konar tilboð hann myndi
leggja fram. Bandarísk blöö sögöu að
Bandaríkjastjórn hefði enn ekki komiö
sér saman um samningsstöðuna í
Genf.
Embættismenn bandalagsríkja
höfðu lýst yfir áhyggjum yfir því að
meö ræðu sinni í New York í gær heföi
Reagan virst reyna að leggja minni
áherslu á vopnatakmarkanir en meiri
á lausn vandamála í hinum ýmsu
heimshlutum. Reagan sagði á allsherj-
arþingi Sameinuðu þjóðanna að mjög
Sænska lögreglan mætir margvislegum háska i sinu starfi og ein siðasta ógnunin er að verða bitin af smit-
bera ónæmistæringar.
stórt umræðuefni í Genf yrði árásar-
hneigð Sovétmanna.
En eftir fundinn í gær sögöu leiðtog-
ar bandalagsríkjanna að Reagan hefði
gefið þeim ákveðnar yfirlýsingar um
að hann myndi koma með ný tilboð
þegar hann hittir Gorbatsjov þann 19.
og 20. nóvember.
Verkamenn
sækja á
Fyrsta skoðanakönnunin á fylgi
stjórnmálaflokka í Bretlandi sem gerö
er eftir þing íhaldsmanna í Blackpool
sýnir að Verkamannaflokkurinn hefur
enn bætt við sig fylgi. I Gallupkönnun
fær Verkamannaflokkurinn 38 prósent
atkvæða, íhaldsmenn 32 og Bandalag
sósíaldemókrata og frjálslyndra 28
prósent.
Síðla í september sýndi Gallupkönn-
un Ihaldsflokkinn aöeins rétt á eftir
Verkamannaflokknum.
önnur skoöanakönnun, sem birt var
í gær, sýndi Verkamannaflokkinn með
34 prósent fylgi en Ihaldsflokkinn og
Bandalagiö jöfn með 32 prósent.
Hóta að bíta lögguna með OT
Frá Gunnlaugi A. Jónssyni, fréttarit-
ara DV í Svíþjóð:
Hræðsla sænsku lögreglunnar við að
smitast af alnæmi getur teflt réttarör-
yggi landsins í tvísýnu. Ýmsir sænskir
fjölmiðlar létu í gær í ljósi áhyggjur
vegna þess að komið hefur fram að lög-
regla landsins hefur í mörgum tilfell-
um látið fyrirhugaðar handtökur falla
niður vegna ótta við aö smitast af al-
næmi.
Nú eru 58 slík tilfelli skráð hjá Stokk-
hólmslögreglunni það sem af er þessu
ári.
„Þetta er lágt reiknað. Sjálfur tel ég
að tilfellin séu nokkur hundruð tals-
ins,” sagði Mats Gunnarsson, trúnað-
armaður Stokkhólmslögreglunnar, í
viðtali við eitt sænsku dagblaðanna í
gær.
„Hræðslan við að smitast af alnæmi
er miklu meiri en óttinn við ofbeldi í
starfinu,” sagði Eva Olivecrona, trún-
aðarlæknir lögreglunnar, á ráðstefnu
sem haldið var um málið nú í vikunni.
Þar kom fram að algengt væri að
lögreglunni væri hótað af þeim sem
taldir eru smitaðir af alnæmi. Sem
dæmi var tekið að lögreglan hefði í
ágústmánuöi stöövað bílstjóra einn,
grunaðan um ölvun. Þar sem bílstjór-
inn, sem sagður var smitaður af al-
næmi, hótaöi að bíta lögregluþjóninn
lét sá síðarnefndi fyrirhugað blóðpróf
falla niður.
„Svipuð tilfelli eiga sér stöðugt
stað,” sagöi Mats Gunnarsson. Sænsk-
ir lögregluþjónar óska nú eftir að
mörkuð verði ákveðin stefna um
hvernig bregðast skuli við í slíkum til-
fellum. Þeir hafa óskað eftir að fá að
nota deyfingarsprautur eða eitthvað
slíkt til að geta yfirbugað viðkomandi
áður en hann getur gert alvöru úr hót-
un sinni.