Dagblaðið Vísir - DV - 18.01.1986, Blaðsíða 2

2
DV. LAUGARDAGUR18. JANÚAR1986.
Fiskveiðasjóður býður togarana Sigurfara II ogSölva Bjamason:
TÓLF AÐILAR HAFA
SÓTT HLBOÐSGÖGN
Tólf aðilar höfðu í gær sótt til-
boðsgögn til Fiskveiðasjóðs vegna
sölu togaranna Sölva Bjarnasonar
og Sigurfara II. Frestur til að skila
tilboðum rennur út næstkomandi
þriðjudag, 21. janúar, klukkan 16.
Að sögn Ragnars Guðjónssonar,
deildarstjóra hjá Fiskveiðasjóði,
hafa þessir tólf aðilar yfirleitt tekið
gögn um bæði skipin.
Sigurfari II SH-105 var sleginn
Fiskveiðasjóði á uppboði í Grund-
arfirði 24. september síðastliðinn
fyrir 187 milljónir króna. Fisk-
veiðasjóður átti þá 289 milljónir
króna kröfu í skipið sem Hjálmar
Gunnarsson, útgerðarmaður í
Grundarfirði, gerði út.
Sölvi Bjarnason BA-65 var sleg-
inn Fiskveiðasjóði á uppboði á
Patreksfirði 3. september fyrir 146
milljónir króna. Krafa sjóðsins
nam 172 milljónum króna. Skipið
var gert út frá Bíldudal en eigandi
þess var Tálkni hf. á Tálknafirði.
Lilja Pálmadóttir vann í undankeppninni um Face of The 80s
síðasta ár. Nú er leitað að stúlkum til að fara í keppnina í ár.
FORD-MODELS
Kanadísk stúlka
bar sigur úr býtum
Úrslitakeppni í fyrirsætukeppn-
inni Ford-Models, Face of the 80s,
fór fram í Los Angeles í Bandaríkj-
unum í vikunni. Sigurvegari var
kanadísk stúlka, Monika
Schnarre. Fulltrúi íslands í keppn-
inni var Lilja Pálmadóttir.
Þátttakendur voru frá um 25
löndum og var keppninni sjón-
varpað beint um öll Bandaríkin.
Lilja Pálmadóttir hefur undan-
farna mánuði dvalið í New York
við að reyna fyrir sér sem fyrirsæta.
Verður hún áfram þar eftir keppn-
ina og spáir Lacey Ford, sú sem
hefur keppnina með höndum og
rekur fyrirsætuskrifstofu þar í
borg, henni velgengni á fyrirsætu-
sviðinu. Helga Melsted, sem sigraði
í keppninni árið á undan Lilju, er
nú í Þýskalandi og starfar þar sem
fyrirsæta.
Eftir um það bil mánuð hefst í
Vikunni ný undankeppni hér á
landi um titilinn Face of the 80s
og er verið að leita eftir stúlkum
sem áhuga hafa á fyrirsætustörfum.
Úrslit keppninnar hér á landi verða
í júní. Sú sem sigrar þar fer í aðal-
keppnina í New York.
BLOÐSKORTUR
VEGNA EYÐNI
„Hér er alltaf blóðskortur þó ekki
sé hægt að rekja það beint til eyðni-
hræðslu," sögðu hjúkrunarfræðing-
arnir í Blóðbankanum er DV bar að
garði. „En leit að mótefnum gegn
eyðniveirunni er hafin hjá Blóð-
bankanum.“
Aðspurðar sögðu þær að stór-
hættulegt væri að byrja á því að
borga fyrir blóð „þá koma þeir sem
eru ekki æskilegir og ekki mega gefa
blóð, t.d. eiturlyfjaneytendur og
fleiri."
Frá útlöndum berast þær upplýs-
ingar að víða ríki vandræðaástand
á sjúkrahúsum vegna blóðskorts sem
rekja megi beint til eyðnihræðslu.
Sérstaklega er þetta slæmt í Banda-
ríkjunum. Fólk er annaðhvort hrætt
við að fá eyðni við blóðgjöf eða að
uppvíst verði að það sé með eyðni-
veiruna.
Rannsókn, sem gerð var á vegum
blóðbanka í Bandaríkjunum fyrir
skömmu, leiddi í ljós að heil 34%
blóðgjafa halda að þeir eigi á hættu
að fá eyðni við blóðgjöf.
Fram til þessa hafa 252 fullorðnir
og 34 börn í Bandaríkjunum fengið
eyðni við að þiggja blóð frá öðrum.
Hjá Blóðbankanum í Reykjavík
hafa allar reglur varðandi val á blóð-
gjöfum verið hertar vegna eyðni.
Allir blóðgjafar eru látnir lesa yfir
lista sem tengist eingöngu sjúk-
dómnum. Ef viðkomandi tilheyrir
einhverjum tilgreindra áhættuhópa
má hann ekki gefa blóð. Blóðbank-
inn gerir ekki meira í málinu og þeir
sem hverfa frá, skelfdir af ótta við
eyðni, verða sjálfir að fara til Borg-
arspítalans í rannsókn vilji þeir
komast að hinu sanna í málinu.
-KB
BLÓDBANKINN
TWt IIOOD BAMR
I « Ml <«
»»i - tcrvAJao
SMITVARNIK
Kgri blóógjafi
A siíustu fjórum árur. hefur nvr s júkdór.ur , ón.rr: ? t *v: r.u
alnæni (AITS', breióst út ví*a ur. heir.. Veor.a fjélau.-.ar ti'.folia
i nágrannalöndun okkar álitur. vió i Blóöbankanur. tir.abær: aj b.æta
varúóarráóstafanir okkar neö neiri aógæslu i vali blóöu'afa er.
hingaó til hefur tiókast. Vitaó er, aó einstakl ir.car i sur.n
þjóófélagshópum eru liklegri sr.itberar en aórir.
Leit aó mótefnum fyrir alnænisveirunni i blóógjöfur. er hafin.
Þykir rétt i öryggisskyni, að þeir sem hevra til eftirtalir.r.a
áhættuhópa fólks qefi ekki blóó.
- Þeir, sem hafa dvalist i Haiti og Mió-Afríku
- Þeir, sem eru hommar og hafa haft náió sanband vió
fleiri en einn aóila.
- Þeir,sem hafa notaö eóa nota fiknilyf (stungulyf)
- Þeir,sem hafa haft náió samband vió vændiskor.ur eóa
mök viö bæói kynin
- Þeir, sem hafa haft náiö samband vió aóila úr ofannefndur.
hópum og fólk meó ónæmistæringu
Revíuleikhúsið f rumsýnir Skottuleik:
Skottur orðnar sið-
samari en þær voru
Barnaleikritið Skottuleikur eftir
Brynju Benediktsdóttur leikstjóra
verður frumsýnt í dag hjá Revíu-
leikhúsinu í Breiðholtsskóla. Efni
verksins, sem mun vera eins konar
trúðleikur, er að hluta til sótt í
þjóðsögur um hinar illræmdu
skottur sem gerðu sér leik að því
að hrella íslendinga fyrri alda.
En svo er að sjá sem skotturnar
hafi tekið upp ögn siðsamari hegð-
un þegar þær nú á tuttugustu öld
bregða sér þrjár saman til Reykja-
víkur part úr degi. Þeim sárnar
hvað mannfólkið forðast þær og
eru þess vegna að mestu hættar að
hrella það, stundum er að vísu mjög
erfitt að stilla sig. Því skottur eru
og verða skottur; þær verða að fá
útrás fyrir stríðnina og stríða því
hver annarri. En það er reyndar
allt í góðu enda þykir þeim afskap-
lega vænt hverri um aðra, eiga líka
engan annan að. Eða hvað? Herra-
maðurinn Móri slæst óvænt í för
með þeim: Hann er eins og þær,
gamall hrekkjalómur úr þjóðsög-
um en hefur í tímans rás lært
mannasiði og er nú orðinn gjald-
gengur dansherra. Að minnsta
kosti Iíst skottunum þrem vel á
hann.
Jón Ólafsson samdi tónlistina og
Karl Ágúst Úlfsson söngtexta.
Leikarar eru þrír: Guðrún Alfreðs-
dóttir, Guðrún Þórisdóttir og Saga
Jónsdóttir. Hönnun búninga er í
höndum Unu Collins og Kjurege
Alexandra. Leiksvið gerði höfund-
ur og leikstjóri, Brynja Benedikts-
dóttir, og lýsingu annaðist David
Walters.
Þetta er þriðja verkefni Revíu-
leikhússins, áður hafa verið sýnd
Græna lyftan og Litli Kláus og
stóri Kláus. Skottuleikur er, eins
og áður segir, sýndur í Breiðholts-
skóla en þar er góður salur sem
tekur tvö hundruð manns, sæta-
raðimar hver upp af annarri þann-
ig að engin hætta er á að áhorfend-
ur byrgi hver öðrum sýn. -JSÞ
Hér má sjá reglur sem allir hugsanlegir blóðgjafar Blóðbankans verða
að lesa vegna eyðnihættu. Ef þú kannast við að tilheyra einhverjum
af ofangreindum áhættuhópum er þér vísað frá. Leit að eyðnimótefni
í blóðgjöfum er hafm hjá Blóðbankanum.
DV-myndir KAE og GVA.
Hver blóðdropi verður dýrmætari eftir því sem blóðskortur um víða
veröld eykst.