Dagblaðið Vísir - DV - 22.10.1986, Blaðsíða 5

MIÐVIKUDAGUR 22. OKTÓBER 1986.
5
r Stjómmál
Sigur Alberts
veldur úlfaþyt
- eifið vígstaða blasir við, segir Morgunblaðið
„PrófkjQr á vegum Sjálfetæðis-
flokksins í Reykjavik til undirbún-
ings alþingiskosningunum hafa
yfirleitt skapað fleiri pólitísk vanda-
mál fyrir sjálfstæðismenn en þau
hafa leyst. Svo er einnig um það
prófkjör, sem fram fór síðastliðinn
laugardag."
Þetta eru orð leiðarahöfundar
Morgunblaðsins um það prófkjör
hérlendis sem flestum sætum ráð-
stafar á Alþingi Islendinga. I því
börðust að þessu sinni fimmtán
frambjóðendur um líklega átta þing-
sæti.
Albert Guðmundsson kemur út
sem sigurvegari. í fyrsta sæti hlaut
hann 2.374 atkvæði, rúmlega eitt
þúsund atkvæðum fleira en Friðrik
Sophusson, varaformaður flokksins,
fékk í það sæti.
Ekki skorti Albert andstæðinga.
Þeir kjósendur í prófkjörinu, sem
alveg slepptu því að merkja við
hann, voru 2.131 talsins, eða 243
færri en þeir sem settu hann í fyrsta
sæti. Þeir sem kusu annan mann í
fyrsta sæti voru 3.848 talsins.
Andstæðingar Alberts höfðu
engan til að sameinast um
Ekki hefði þurft mikið til að gjör-
breyta útkomu Alberts. Ef til dæmis
60% þeirra kjósenda, sem settu Birgi
ísleif Gunnarsson, Ragnhildi
Helgadóttur og Eyjólf Konráð Jóns-
son í fyrsta sæti, hefðu fallist á að
setja „sinn“ mann í annað sæti en
Friðrik Sophusson í það fyrsta hefði
áttunda sæti orðið hlutskipti Al-
berts.
Þannig var það grundvöllur að
sigri Alberts að andstæðingar hans
höfðu engan frambjóðanda til að
sameinast um gegn honum.
Sjálfur hefur Albert lýst sigrinum
sem þrekvirki stuðningsmanna und-
ir forystu dótturinnar, Helenu.
Óopinber formaður hulduhersins,
Asgeir Hannes Eiríksson, sem þurfti
að sætta sig við fjórtánda sæti í próf-
kjörinu, lýsti því yfir að þeir hefðu
smalað 630 nýjum félögum í flokk-
inn.
Erfið vígstaða í borginni blas-
ir við
Um árangur Alberts sagði Morg-
unblaðið i gær:
„I ljósi þeirrar erfiðu stöðu, sem
Fréttaljós
Kristján Már
Unnarsson
Albert Guðmundsson hefur verið í
undanfama mánuði, fer ekki á milli
mála að hann vinnur umtalsverðan
vamarsigur með því að ná kosningu
í efsta sæti listans. Hitt er jafhljóst,
að það atkvæðamagn, sem hann fær
í heild, er pólitískt áfall fyrir hann.
Það mun óhjákvæmilega valda hon-
um erfiðleikum við að leiða Sjálf-
stæðisflokkinn í kosningabaráttunni
í Reykjavík næsta vor. Erfið víg-
staða Sjálfstæðisflokksins í höfuð-
borginni blasir við.'“
DV bar þessa skoðun leiðarahöf-
undar Morgunblaðsins undir Albert:
„Þetta er náttúrlega furðuleg
skoðun. En þeir vilja ráða ferðinni
í sambandi við Sjálfstæðisflokkinn
en geta það ekki. Það er eins og
þeim líði illa þegar mér líður vel og
gengur vel,“ sagði Albert.
Morgunblaðið beinir spjótum sín-
um að fleirum:
„Friðrik Sophusson, varaformaður
Sjálfstæðisflokksins, nær hvorki
þeim árangri í þessu prófkjöri að
skipa efsta sæti listans né að verða
hæstur að atkvæðamagni. Það sýnir
veikleika hjá öðrum helsta forystu-
manni Sjálfstæðisflokksins, sem er
umhugsunarefni fyrir hann og for-
ystuna."
Álit Þorsteins Pálssonar
DV spurði Þorstein Pálsson, for-
mann Sjálfstæðisflokksins hvort
hann væri sammála þvi að prófkjör-
ið hefði skapað fleiri pólitísk
vandamál og að erfið vigstaða
flokksins blasti við í borginni?
„Nei. Ég er ekki sammála því,"
svaraði formaðurinn.
„Skipan efstu sæta á listanum er
sú sama og í síðustu kosningum. Þar
á verður ekki breyting.
Hins vegar bætast við í þingsæti,
sem ætla má að Sjálfstæðisflokkur-
inn fái í kjölfar breyttra kosninga-
laga, ungir frambjóðendur, Geir
Haarde og Sólveig Pétursdóttir.
Þetta eru ungir og glæsilegir fúlltrú-
ar nýrrar kynslóðar í flokknum. Ég
tel að þeir muni styrkja mjög fram-
boð flokksins. Það er meginbreyt-
ingin sem verður.
Að öðru leyti er þetta svipuð nið-
urstaða og var í síðasta prófkjöri hér
í Reykjavík. Að vísu kom flokkurinn
þá út með heldur slakari útkomu en
annars staðar á landinu en ég vænti
þess að með tilkomu fulltrúa nýrrar
kynslóðar inn í væntanleg þingsæti
munum við styrkja okkar stöðu.“
- Ollu úrslit prófkjörsins þér von-
brigðum að einhveiju leyti?
„Nei.“
- Morgunblaðið segir að útkoma
Friðriks Sophussonar sýni veikleika
hans. Ertu sammála þessu?
„Ég sé ekki hvemig er hægt að
draga þessa ályktun. Friðrik var i
þessu sæti í síðasta prófkjöri sem
varaformaður flokksins. Þannig að
ég sé ekki að það séu nein rök fyrir
þessari ályktun," svaraði Þorsteinn.
Hvað segja önnur flokksmál-
gögn?
Lítum í málgögn andstæðinga
Sjálfstæðisflokksins. Alþýðublaðið
segir í leiðara í gær:
„Prófkjörið hefur ekki styrkt stöðu
Sjálfstæðisflokksins hvernig sem á
það er litið. Það er aðeins spuming
hversu alvarlegar afleiðingarnar
verða.“
Þjóðviljinn segir:
„Niðurstöður í prófkjöri Sjálfstæð-
isflokksins í Reykjavík eru dapurleg
uppákoma fyrir þá sem meta póli-
tískt siðferði einhvers, því þrátt fyrir
tengslin við Hafskipsmálið, eitt
versta spillingardæmið í sögu lýð-
veldisins, vildu langflestir sjálfstæð-
ismenn fá Albert Guðmundsson i
efsta sætið.“
Tíminn hlakkar yfir úrslitunum:
„Héðan úr herbúðum andstæðing-
anna berast Sjálfstæðisflokknum
heillaóskir með Albert Guðmunds-
son og honum er jafnffamt óskað
innilega til hamingju með íhaldið.“
Áhyggjur leiðarahöfundar Morg-
unblaðsins verða lokaorðin í þessari
samantekt:
„Hætta er á að Sjálfstæðisflokkur-
inn nái ekki þeirri sóknarstöðu í
kosningabaráttuni í Reykjavík sem
vænta mætti vegna pólitískra svipti-
bylja, sem búast má við á tindinum,
eftir það, sem á undan er gengið.
Albert Guðmundsson hefur sýnt að
hann hefur mikið pólitískt þanþol.
Hitt er annað mál hvört það dugar
Sjálfstæðisflokknum í næstu kosn-
ingum.“
-KMU
Það er eins og Morgunblaðsmönnum liði iila þegar mér gengur vel, segir
Aibert.

afmælisafsláttur
út október.
Hárgreiðslustofan
Desirée,
Grettisgötu 9,
sími 12274.
TOGGURHR
SAAB UMBOÐIÐ
Bíldshöfða 16 - Símar 681530 og 83104

Seljum Idag
Saab 900 GL árg. 1980, 3ja dyra,
dökkblár, beinskiptur, 4ra gíra,
ekinn aðeins 67 þús. km. Verð
aðeins kr. 275 þús.
Saab 900 GLI árg. 1982, 4ra
dyra, hvítur, beinskiptur, 5
gíra, ekinn aðeins 48 þús. km.
Mjög fallegur bill. Verð aðeins
kr. 360.000,-
Saab 900 GLS árg. 1982, S
dyra, 5 gira, ekinn 84.000 km.
grænn. Verð 350.000,-
Saab 900 GL árg. 1982, 5
dyra, Ijósblár, beinskiptur,
4ra gíra, góður bíll á mjög

góðum kjörum.
Qpið laugardag kl. 12-16. Ath. breyttan opnunartíma^^r
n AMCI Jeep
GÆÐI - ÖRYGGI - GLÆSILEIKI
Wagoneer, Cherokee
ÁRGERÐ
1987
Hver bíll frá AMC er hannaður að óskum hvers
kaupanda með það fyrir augum að hann verði
ávallt stoltur og ánægður með sinn AMC.
riAMC Það er valið.
ri AMCI Jeep
Aðalsmerki
IEGILL 7
/ VILHJÁLMSSON HF. /
Smiðjuvegi 4, Kópavogi. Simar 77200-77202.