Dagblaðið Vísir - DV - 24.11.1986, Page 20
20
MÁNUDAGUR 24. NÓVEMBER 1986.
Fréttir
Pétur Snæbjömsson, 26 ára hótelstjóri á Húsavík. „Ég átti ekki von á því að það yrði neitt að gera í haust en þaö
er öðru nær.“ DV-mynd JGH
.. í-
Sumarið það besta í
sógu hótelsins
- segir Pétur Snæbjömsson, hótelstjóri á Húsavík
Jón G. Haukssan, DV, Akureyri;
„Haustið hefur farið fram úr björtustu
vonum, ég átti ekki von á því að það
yrði neitt að gera en það er öðru
nær,“ sagði Pétur Snæbjömsson, hót-
elstjóri á Hótel Húsavík, en á ferða-
síðu DV nýlega kom fram að hótelið
býður upp á ódýrustu helgarpakka á
landinu.
Pétur er 26 ára, ættaður úr Mývatns-
sveit og af hótelfólki kominn. Foreldr-
ar hans em Snæbjöm Pétursson og
Guðný Halldórsdóttir sem standa að
Hótel Reynihlíð. Pétur tók til starfa
15. maí sl. Hann er hótelrekstrarfræð-
ingur frá Noregi.
Ekki er enn ljóst hvort Samvinnu-
ferðir-Landsýn verða áfram með
hótelið en fyrirtækið hefur rekið það
síðasta árið. Eigendumir, Húsavíkur-
bær fremstur í flokki, reka nú hótelið.
„Mér líst mjög vel á framtíð Hótel
Húsavíkur og reyndar almenna ferða-
þjónustu á Islandi. Það hefur aldrei
gengið eins vel í sögu þessa hótels og
síðasta surnar."
Hvað er hægt að gera á Húsa-
vík?
- En hvað geta ferðalangar gert
á Húsavík?
„Það er margt. Það er að koma fólk
hingað sem eyðir kannski þetta tveim-
ur til þremur dögum í safiiahúsinu á
Húsavík, gönguferðir um bæinn og
næsta nágrenni em vinsælar, skíða-
brekkan er hér alveg við hótelið og
siðast en ekki síst er stutt til Mývatns
og í Ásbyrgi. Mér sýnist þó að það sé
sífellt vinsælla að ferðamenn eyði
meiri tíma í bænum sjálfum enda
Húsavík fallegur bær.“
Að sögn Péturs er tími árshátíða
núna á Húsavík og em árshátíðir á
hverju einasta laugardagskvöldi á
hótelinu og verður svo út nóvember.
„Við stefhum að því að setja í vetur
upp nokkrar skemmtidagskrár með
mat á undan. Það Iofar ömgglega
góðu. Við fórum til dæmis inn á það
síðastliðið sumar að halda dansleiki
með vínveitingum og það kom mjög
vel út.“
Bátsferðir og
sjóstangaveiði næsta sumar
Næsta sumar mun hótelið bjóða upp
á bátsferðir um flóann og sjóstanga-
veiði. „Ég hef trú á að þær skili
árangri. Það sem gildir þó í ferðaþjón-
ustunni er að sýna þolinmæði, það
tekur þetta þrjú til fjögur ár að kynna
þjónustuna, eftir það fer hún að skila
sér,“ sagði Pétur Snæbjömsson, hótel-
stjóri á Húsavík.
Kauptu A - garnið á íslandi!
Það borgar sig ekki að kaupa það
erlendis og fylla ferðatöskurnar.
Gerið verðsamanburð milli íslands
og Þýskalands: Þýskal. ísland
kr. kr.
Limbo - ullargarn . 123 137
Camping ullargarn . 112 125
Casablanca bómullargarn . . 101 110
Samba bómullargarn 97 105
Ingrid, Hafnarstræti 9 - S. 62-15-30 JK-Póstversiun - s. 24311.
Verðmunurinn er því ekki mikill, þar
sem viðaukaskattur er aðeins 14% í
Þýskalandi á móti 25% söluskatti á
Islandi.
Það er ekki allt miklu dýrara á Is-
landi. Hafðu það í huga þegar þú
verslar erlendis.
Blönduós:
Hjálparsveitin
vel tækjum búin
Baldur Daníelssan, DV, Blonduósi:
Hjálparsveit skáta á Blönduósi hefúr
nú verið starfandi i rúm 20 ár. Á þess-
um árum heftur sveitin byggt yfír
starfsemi sína og allan útbúnað. Hús-
næðið eiga þeir í félagi við björgunar-
sveitina Blöndu. Hjálparsveit skáta er
í dag allvel búin tækjum. Sveitin hefur
yfir að ráða öflugum bíl, vélsleða og
lóran, auk hinna hefðbundnu tækja
sem þarf til björgunarstarfa, s.s. tal-
stöðva, útbúnaðar fyrir lækni o.fl.
Tækjagæslumaður sveitarinnar er
Eiríkur Ingi Bjömsson. Hefur hann
starfað með hjálparsveitinni í hartnær
10 ár. Hann var spurður um störf sveit-
arinnar að undanfömu.
„Það er alltaf eitthvað um útköll
þótt þau séu sem betur fer í færra lagi.
Þó að rjúpnaveiðimenn séu nú famir
að þvælast um öll fjöll heyrir það til
undantekninga ef það kemur til út-
kalls þeirra vegna. T.d. vom aðeins tvö
útköll sl. vetur, en veiðigarpamir
komu nú fram áður en skipulögð leit
var hafin. Þá er alltaf eitthvað um að
hjálparsveitin sé kölluð út til þess að
hjálpa skepnum úr sjálfheldu.
I byrjun október héldum við mikla
björgunarsveitaræfingu hér á Blöndu-
ósi. Auk heimamanna tóku þátt í
henni sveitir frá Akureyri, Akranesi,
Dalvík, Varmahlíð og Laugarbakka.
Tókst þessi æfing að mestu leyti vel,
þó alltaf megi gera betur.“
Félagar í sveitinni em 33 og alltaf
er pláss fyrir fleiri. Helstu fjáríiflanir
hafa verið flugeldasala og sala á jól-
atrjám.
Þá má að lokum geta þess að síðasta
verk sveitarinnar var leit að manni
nokkrum er fór úr Skagafirði og ætl-
aði með hesta yfir að Gautsdal í
A-Húnavatnssýslu. Vom leitarmenn
kallaðir út um 3-leytið um nóttina og
var komið langt fram á morguninn er
hjálparsveitarmenn úr Skagafirði
fúndu hestamanninn heilan á húfi.
Hjálparsveit skáta á Blönduósi hefur nú starfað um 20 ára skeið. Hún er nú
í eigin húsnæði þar sem þessi mynd er tekin.
DV-mynd Baldur
Hjálparsveit skáta í Vestmannaeyjum:
Fengu fullkom-
inn bjöigunarbát
Ómar Garðarsscm, DV, Vestmarmaeyjum:
Hjálparsveit skáta í Vestmannaeyjum
fékk nýlega afhentan mjög fúllkominn
björgunarbát af norskri gerð.
Magnús Þorsteinsson sveitarforingi
sagði í samtali við fréttaritara DV, að
báturinn væri mjög fúllkominn og
smíðaður í Noregi. Bátar af þessari
gerð eru notaðir við olíúborpalla í
Norðursjó og hafa reynst mjög vel.
Báturinn, sem er sjö metra langur og
2,8 metrar á breidd, er byggður úr áli
með tvöföldum botni. Botninn er hólf-
aður og fylltur milli laga með frauð-
efni. í bátnum er 155 hestafla Ford
Mermade vél með forþjöppu. Báturinn
er með útbúnaði sem réttir hann við
ef honum hvolfir. Ekki er skrúfa á
bátnum, heldur er hann knúinn áfram
með vatnsþrýstingi. Hann getur borið
allt að 20 manns og tvennar sjúkrabör-
ur.
Sunnudaginn 9. nóvember sl. sýndu
skátamir bátinn og þá kosti sem hann
er búinn. Eins buðu þeir stórum hópi
bama í skemmtisiglingu um höfhina.
Skátar sýndu nýja björgunarbátinn á dögunum og buðu þá bömum í smásigl-
•n9u- DV-mynd Ómar