Dagblaðið Vísir - DV - 18.02.1987, Side 4

4
MIÐVIKUDAGUR 18. FEBRÚAR 1987.
Stjómmál
Iðnráðgjófverði
árangursríkari
Albert Guðmundsson iðnaðar-
ráðherra hefur lagt fram á Alþingi
stjómarfrumvarp um iðnráðgjöf.
„Meginatriði þess er það að iðnr-
áðgjöfin verði markvissari og
árangursríkari en verið hefur,“
segir í athugasemdum sem fylgja
frumvarpinu.
„I stað þess að hafa sjálfvirkt
styrkjakerfi, eins og nú er, þykir
vænlegra til árangurs að styrkja
þá aðila, sem sýna frumkvæði og
hafa vilja og getu til athafna á því
sviði, sem lögin taka til. Þar með
er talin upplýsingaþjónusta um
iðnaðarmál, fræðslustarfsemi,
fundarhöld og ferðakostnaður, þar
sem gjaldtaka getur ekki átt við.
Ætlunin með frumvarpinu er að
einungis njóti stuðnings skilgreind
verkefni og þá að jafnaði með
mótframlagi umsækjenda. Með
þessu er að því stefnt að beina at-
hygli manna að verkefnum, sem
þeir telja verulegar líkur á að skili
árangri," segir ennfremur í at-
hugasemdunum.
-KMU
Búnaðarfélag
missi ekki
nefndarmann
Meirihluti samgöngunefndar
neðri deildar Alþingis vill ekki
fallast á þá tillögu samgönguráð-
herra að Búnaðarfélag íslands
skuli missa fúlltrúa sinn í skipu-
lagsnefnd fólksflutninga.
Matthías Bjarnason samgöngu-
ráðherra sagði á Alþingi um aðild
Búnaðarfélagsins að nefndinni,
þegar hann mælti fyrir stjórnar-
frumvarpi um skipulag á fólks-
flutningum með langferðabifreið-
um. að hún væri að vísu orðin
gömul, frá 1945. Gjörbreyting hefði
hins vegar orðið á þjóðfélaginu.
„Tel ég að því hlutverki sem full-
trúa Búnaðarfélagsins var ætlað
að gegna í upphafi verði jafn vel
gegnt af fulltrúa Sambands ís-
lenskra sveitarfélaga sem fyrir er
i nefndinni," sagði Matthías.
-KMU
Ekkert í máli ráðherrans
hrekur það sem ég hef sagt
- sagði Jóhanna Sigurðardóttir í umræðu um húsnæðiskerfið
„Sá áróður, sem hafður er uppi um
að nýja húsnæðislánakerfið sé brostið,
hefur ekki við rök að styðjast en er
til þess eins að skaða lánakerfið og
veikja tiltrú fólks á jákvæða þróun
þessara mála,“ sagði Alexander Stef-
ánsson félagsmálaráðherra á Alþingi
í gær í umræðu um húsnæðismál.
Alexander beindi orðum sínum að
Jóhönnu Sigurðardóttur, Alþýðu-
flokki, sem í viðtali við DV fyrir
tveimur vikum fullyrti að stefndi í fjár-
hagslegt hrun húsnæðiskerfisins.
Jóhanna sagði í DV að mun fleiri
umsóknir hefðu borist um lán en gert
hefði verið ráð fyrir. Ennfremur hefðu
orðið miklar verðhækkanir á íbúðum.
„Ég er þeirrar skoðunar að hátt-
virtur þingmaður eigi að geyma stóru
orðin og fullyrðingar þangað til nýja
útlánakerfið er húið að sýna sig og
menn átta sig betur á kostum þess og
göllum," sagði Alexander.
Hann sagði að frá 1. september 1986
til ársloka hefði Húsnæðisstofhun bo-
rist 4.260 lánsumsóknir. Gert væri ráð
fyrir 15% affollum, sem mörgum þætti
of lágt áætlað. 46% umsækjenda væru
að eignast sína fyrstu ibúð.
Ráðstöfunarfé lífeyrissjóða myndi
stóraukast á næstu árum. Beinlínis
væri gert ráð fyrir mikilli eftirspum
eftir lánum næstu 2-3 árin. Þeirri eftir-
spurn mætti mæta tímabundið með
lengri afgreiðslufresti lána.
„1 lögunum er ekkert minnst á bið-
tíma eftir afgreiðslu lána. Hins vegar
er skýrt kveðið á um það að Húsnæðis-
stofnun skuli svara innan tveggja
mánaða hvenær lán er til reiðu,“ sagði
Hvers vegna sniðgengur Jón
starfsaldursregluna?
„Hveiju sætir að svonefnd „starfs-
aldursregla" Dýralæknafélags íslands
hefur margsinnis verið sniðgengin við
veitingu embættis héraðsdýralækna?"
Svo hljóðar ein þriggja spuminga
sem Steingrímur J. Sigfússon, Al-
þýðubandalagi, hefur lagt fyrir Jón
Helgason landbúnaðarráðherra á Al-
þingi.
Þingmaðurinn spyr einnig eftir
hvaða reglum ráðherrann velji hér-
aðsdýralækna úr hópi umsækjenda og
hvort ráðherra hyggist grípa til ann-
arra aðgerða til að tryggja afskekktum
og tekjurýrum hémðum dýralæknis-
þjónustu ef fallið verður frá því að
hafa hliðsjón af „starfsaldursreglu“
Dýralæknafélagsins.
-KMU
Alexander.
„Ekkert sem fram kom í máli ráð-
herrans hrekur það sem ég hef sagt.
Þvert á móti staðfesti ráðherrann það
sem ég hef haldið fram,“ sagði Jó-
hanna Sigurðardóttir.
Sagði hún að 1.200 til 1.700 milljónir
króna vantaði í húsnæðiskerfið í ár.
Meðalbiðtími hefði í desember síðast-
liðnum verið kominn i 15 mánuði.
Ljóst væri að biðtíminn stefndi í að
verða á þriðja ár.
Tvöfalda þyrfti fjármagn til hús-
næðiskerfisins á næsta ári, upp í 8
milljarða króna, ef biðtími ætti ekki
að lengjast.
Lýsti Jóhanna þeirri skoðun sinni
að taka þyrfti félagslega íbúðakerfið
til gagngerrar endurskoðunar nú þeg-
Hjörleifur Guttormsson, Alþýðu-
bandalagi, sagði að brotlendingin lægi
fyrir. Ennfremur uppgjöf og andstaða
stjómarflokkanna við að taka á hinu
félagslega íbúðakerfi.
Kristín Halldórsdóttir, Kvennalista,
sagði það skoðun sína að fólk hefði
verið blekkt.
Stefán Benediktsson, Alþýðuflokki,
spurði ráðherrann hvort hann hefði
vitað í apríl 1986, þegar nýju lögin
vom sett, að í greinargerð með frum-
varpinu þá hefði fjárþörfin verið
vanáætluð.
Umræðunni lauk ekki. Verður henni
líklega fram haldið á morgun.
-KMU
Ný umférðariög á Alþingi:
Hámarkshraði í
þéttbýli 50 km
Hækkun hámarkshraða á vegum
utan þéttbýlis, bílbeltasektir og nýtt
bflnúmerakerfi em ekki einu breyt-
ingamar sem gerðar verða á um-
ferðarlögum með frumvarpi því sem
efri deild Alþingis hefur þegar sam-
þykkt en neðri deild á eftir að fjalla
um.
í þéttbýli má ökuhraði ekki vera
meiri en 50 km á klst. Samkvæmt
þessu ákvæði verður hámarkshraði
á götum eins og Miklubraut og
Kringlumýrarbraut í Reykjavík
lækkaður úr 60 km á klst. niður í
50 km á klst.
Reglur um ökuhraða stórra fólks-
bifreiða, vömbifreiða og dráttarbif-
reiða em rýmkaðar. Ökuhraði
vélsleða á vegi er takmarkaður við
30 km á klst.
Skylda verður að aka með tendmð
Ijós allan sólarhringinn í átta mán-
uði á ári, frá septemberbyijun til
aprílloka.
Bam yngra en 7 ára má ekki hjóla
á akbraut. 15 ára lágmarksaldur er
settur til að reiða bam.
Til að stjóma dráttarvél þurfa
menn að vera orðnir 16 ára. Á trakt-
or við landbúnaðarstörf utan alfara-
vegar er lágmarksaldur þó 14 ára.
16 ára lágmarksaldur er fyrir létt
bifhjól, vélsleða og torfemtæki.
Fela má verkstæðum almenna
skoðun ökutækja, Þá er ákvæði um
að setja megi reglur er heimili öðrum
en lögreglu að stjóma umferð.
Bráðabirgðaökuskírteini er gefið
út til byijenda til tveggja ára. Eftir
það fá menn fúllnaðarökuskírteini
sem ekki þarf að endumýja fyrr en
við sjötugsaldur.
-KMU
I dag mælir Dagfari
Þingmenn þrefuðu um það á
mánudaginn hvort rannsaka ætti
Sverri menntamálaráðherra. Sjálf-
stæðismennimir eru á móti því að
rannsaka Sverri en aðrir telja að
hann sé rannsóknarinnar virði. Nið-
urstaða fæst í dag ef að líkum lætur
en þá verða greidd atkvæði um þetta
örlagaríka mál sem þingheimur hef-
ur látið ganga fyrir aðúndanfömu.
Tilefni þessarar uppákomu er
brottrekstur fræðslustjórans fyrir
norðan. Sverrir rak manninn úr
starfinu þegar hann taldi fúllreynt
að fræðslustjórinn gegndi sér ekki.
Þjóðin hefúr síðan deilt um það fram
og aftur hvort brottreksturinn væri
réttmætur eða lögmætur, pólitiskur
eða ópólitískur, rökstuddur eða
órökstuddur. Hingað til hefúr ekki
verið gert tiltakanlegt veður út af
því þótt menn séu reknir úr starfi
fyrir óhlýðni enda hefur mönnum
verið sagt upp vinnu fyrir minni sak-
ir frá því land byggðist án frekari
refja. Nú eru hins vegar allar líkur
á því að efna þurfi til þjóðarat-
kvæðagreiðslu í hvert skipti sem
ráðherra vill segja opinberum starfs-
manni upp.
Allir vissu reyndar að opinberir
starfsmenn njóta nokkurs öryggis í
starfi og geta komist upp með leti,
segir má ekki
Pabbi
vanrækslu eða óreglu án þess að
ástæða þyki til að amast við þeim.
Það er aftur á móti nýtt að embættis-
menn geti beinlínis ögrað yfirmönn-
um sínum, ráðherrunum, og neitað
að hlýða fyrirmælum þeirra og lög-
um án þess að þurfa að óttast
brottrekstur þegar ráðherra brestur.
þolinmæði. Fræðslustjórinn fyrir
norðan taldi sig hafa öðrum hnöpp-
um að hneppa heldur en að hlusta
á Sverri ráðherra og það þótt
fræðslustjóraembætti eigi, lögum
samkvæmt, að heyra beint undir
menntamálaráðherra landsins. Þeg-
ar Sverrir Hermannsson nennti ekki
lengur að hafa þennan mann í vinnu
vegna óhlýðni og mótþróa hvers
konar lét hann senda fræðslustjór-
anum bréf um uppsögn eins og hver
annar almennilegur vinnuveitandi
mundi gera.
Það var þá sem landið sporðreist-
ist fyrir norðan og þingmennimir á
Norðurlandi eystra tóku undir sig
stökk og heimtuðu rannsókn á ráð-
herranum. Engum datt auðvitað í
hug að biðja um rannsókn á fræðslu-
stjóranum, sem þó væri meira vit í.
Allt er þetta heldur kúnstugt og
segir ekki frekar af þessum vígaferl-
um að öðru leyti en því að sjálfstæð-
ismenn hóta stjómarslitum ef
Sverrir verður rannsakaður og
Steingrímur forsætisráðherra fer á
handahlaupum til að koma ríkis-
stjóminni sinni undan þessum
gemingum. Og hvað gerði Stein-
grímur? Jú, hann hringdi í forseta
hæstaréttar og spurði hvort ekki
væri bannað að rannsaka Sverri.
Forseti Hæstaréttar er greinilega
maður á réttum stað og svaraði um
hæl í símanum að alþingi væri að
gera tóma vitleysu með því að rann-
saka Sverri. Og þessi boð flutti
Steingrímur síðan þingheimi: ég er
búinn að tala við Hæstarétt, hann
er alveg á móti þessari rannsókn.
Punktur, basta. Pabbi segir má ekki.
Nú hafði Dagfari haldið að Hæsti-
réttur hefði annað að gera en að
hlusta á umræður á þingi, enda
liggja fyrir óafgreidd mál hjá dóm-
stólnum nokkur ár aftur í tímann.
En annað kemur í ljós og er það
kannske skýringin á drættinum og
sleifarlaginu hjá Hæstarétti. Bless-
aðir mennirnir mega ekki vera að
því að dæma því að þeir eru önnum
kafnir við að fylgjast með tillögu-
flutningi og málatilbúnaði á þingi
til að vera viðbúnir því að upplýsa
forsætisráðherra um hvað má og
hvað má ekki.
Hér eftir verður símalínunni hald-
ið opinni milli alþingis og hæstarétt-
ar í hvert skipti sem alþingismenn
taka upp á því að deila um hvaðeina
og þegar deilan er orðin þeim um
megn geta þingmennimir hringt í
forseta hæstaréttar og leitað álits á
vitleysunni sem þeir segja eða vitley-
sunni sem aðrir segja. Og forsetinn
mun sitja við símtólið og svara að
bragði: má, má ekki, má, má ekki.
Þetta er auðvitað mjög hentugt og
nú verður alger óþarfi að skipa
nefiidir í málin eða setja lög um
rannsóknir því stóri pabbi uppi í
hæstarétti getur svarað því sam-
stundis með einni símhringingu.
Einfaldara getur það ekki verið.
Dagfari