Dagblaðið Vísir - DV - 29.05.1987, Blaðsíða 28
40
FÖSTUDAGUR 29. MAÍ 1987.
Ámað heilla
bextugur er í dag. 29. mai. Uunnar
Kjartansson frá Fremri-Langey á
Breiðafirði, Karfavogi 36 hér í bæ.
Hann tekur á móti gestum í félags-
heimili Lögreglumannafélagsins.
Brautarholti 30 eftir kl. 20 í dag.
Níræður er í dag, 29. maí. Ingvar
Hallsteinsson frá Skorholti í Mela-
sveit (nú vistmaður á Hrafnistu).
Hann bvður kaffisopa á heimili dótt-
ur sinnar og tengdasonar að Loka-
stíg 28, Reykjavík, frá kl. 4-7 í dag.
Fundir
Flokkur mannsins
gengst um þessar mundir fyrir fundaher-
ferð undir kjörorðinu ,.Við erum rétt að
byrja’* í Revkjavík og nærliggjandi kjör-
dæmum. Mánudaginn 1. júní halda félagar
úr Flokki mannsins baráttufund í Garða-
lundi Garðabæ og hefst fundurinn kl.
^21. Aðalræðumaður fundarins verður Pét-
ur Guðjónsson. formaður flokksins. Allir
sem áhuga hafa fyrir að kynnast flokknum
og manngildishugsjóninni sem hann berst
fyrir eru hvattir til að mæta á fundinn.
Framkvæmdanefnd um
launamál kvenna
Þriðjudaginn 2. júni nk. heldur fram-
kvæmdanefnd um launamál kvenna opinn
fund með formönnum stjórnmálaflokk-
anna og forystumönnum aðila vinnumark-
aðsins undir vfirskriftinni: Launamunur
V
Laus staða
Við Tækniskóla íslands er laus til umsóknar staða kennara/deildar-
stjóra í heilbrigðisdeild.
Laun samkvæmt launakerfi starfsmanna ríkisins.
Umsóknir ásamt ítarlegum upplýsingum um námsferil og störf
sendist menntamálaráðuneytinu, Hverfisgötu 6,150 Reykjavik, fyrir
22. júní nk.
Menntamálaráðuneytið,
26. maí 1987.
Auglýsing
um aflatilflutning milli ára
Að gefnu tilefni vekur sjávarútvegsráðuneytið athygli
á að núgildandi lög um stjórn fiskveiða gilda aðeins
til næstu áramóta og óljóst er hvernig staðið verður
að stjórn fiskveiða á næsta ári. Útgerðarmenn verða
því að ganga út frá því að hvorki sé mögulegt að
flytja hluta aflakvóta ársins 1987 til ársins 1988 né
veiða á árinu 1987 hluta aflakvóta ársins 1988.
Sjávarútvegsráðuneytið,
26. maí 1987
BLAÐBURÐAR-
FÓLK
VANTAR í EFTIRTALIN HVERFI
Sólvallagötu 12- út
Hávallagötu 18- út
****************
Sóleyjargötu
Fjólugötu
Smáragötu
****************
Skúlagötu 50- út
Borgartún 1-7
Laugaveg 120-170
****************
Háaleitisbraut 14-51
****************
AFGREIÐSLA
Þverholti 11 - Sími 27022
I gærkvöldi
Herbert Guðmundsson tónlistarmaður:
„Ekki fastur á neinni rás“
Ég hlusta mikið á útvarp þar sem
ég er mikið á ferðinni á daginn. Ég
er mjög skotinn í rásinni þegar Kolla
er með morgunþáttinn. En á fimmtu-
dögum hins vegar eru það Kristján
Siguijónsson og Sigurður Salvars-
son sem sjá um rnorgunþáttinn
þannig að ég skipti oft á milli stöðva
þegar ég keyri um. Ég er ekki fastur
á neinni rás. Ég hlusta á rásina ef
mér líkar lagið sem verið er að spila
en ef ekki þá skipti ég yfir á Bylgj-
una og öfúgt. Ég hlusta yfirleitt
alltaf á fréttimar á Bylgjunni, þær
eru stuttar og vel lesnar að mínum
dómi. Rás 2 hefur unnið á, þar á ég
sérstaklega við Hringiðuna hans
Brodda Broddasonar og Margrétar
Blöndal. Broddi tekur fyrir mjög
skemmtilega hluti og hefur sérlega
góða rödd og fer á léttri sveiflu yfir
Herbert Guðmundsson.
allt milli himins og jarðar.
Vinsældalisti rásar 2 fer fyrir ofan
garð og neðan hjá mér því hann er
núna á svo slæmum tíma, akkúrat
þegar ég er að horfa á fréttir á Stöð
2. Því miður er ég að mestu hættur
að horfa á Ríkissjónvarpið nema
fréttimar. Ég horfi mest á Stöð 2.
I gærkvöldi horfði ég á Morðgátu
sem alltaf er gaman að sjá. Þátturinn
Af bæ í borg (Perfect Strangers)
rennur inn um annað eyrað og út
um hitt. Aftur á móti horfði ég á
síðustu myndina á Stöð 2, Aðstoðar-
maðurinn (The Dresser), sem var
alveg frábær. Þetta var gott innskot
inn í heim Shakespeare leikara.
Fjölmiðlamir hafa lagast mikið
síðan samkeppnin kom, sérstaklega
útvarpsrásimar. Samkeppnin hefúr
haft mjög jákvæð áhrif.
kynja - hvað er til úrbóta?. Á fundinn
mæta formenn þeirra stjórnmálaflokka
sem fulltrúa eiga á nýkjörnu þingi, forseti
ASf. talsmenn BSRB og VMS og formaður
VSI. Fundurinn verður haldinn í Sóknar-
salnum. Skipholti 50, og hefst kl. 20.30.
Fundurinn er opinn öllum þeim sem áhuga
hafa á launajafnrétti og vilja komast í
návígi við fólkið sem stjórnar landi og
launum hvort sem er til að spyrja eða ein-
faldlega hlusta á það sem fram fer.
Tímarit
Skinfaxa sem er tímarit Ungmennafélags
fslands. Meðal efnis að þessu sinni er við-
tal við Eðvarð Þór Eðvarðsson, sundmann
í Ungmennafélagi Njarðvíkur. Einnig er
grein um lottómál eins og þau snúa við
eignaraðilum Ungmennafélags fslands,
þ.e. héraðssamböndum og ungmennafélög-
um um allt land. Þá er einnig rætt við
Vilhjálm Vilhjálmsson, framkvæmda-
stjóra íslenskrar getspár. í blaðinu er
einnig grein um aðstöðu hér á landi til
iðkunar frjálsíþrótta sem sannast sagna
er ekki beysin miðað við nágrannalöndin.
Jón L. Árnason stórmeistari skrifar sinn
fasta skemmtilega skákþátt í Skinfaxa.
Nýr ritstjóri hefur verið ráðinn að Skin-
faxa, Ingólfur Hjörlcifsson.
Tímarit Máls og menningar
um karlabókmenntir
Annað hefti Tímarits Máls og menningar
á þessu ári geymir óvenjumargar greinar
um klassískar bókmenntir. Peter Hallberg
lýkur grein sinni, Listin að ljúka sögu,
um verk Halldórs Laxness. Arni Berg-
mann og Halldór Guðmundsson skrifa um
bókmenntarisana Fjodor, Dostojevskí og
Honoré de Balzac og Kristín Geirsdóttir
skrifar um Jónas Hallgrímsson. írska
skáldið og ritstjórinn John F. Deane samdi
grein um írskar bókmenntir sem hér birt-
ist. Ólafur Gunnarsson á sérkennilega
samantekt í heftinu sem hann kallar Að
kunna skil á sínu skaz-i. Friðrik Rafnsson
tók viðtal við jógóslavneska rithöfundinn
Danilo Kis fyrir Tímarit Máls og menning-
ar og þýðir líka söguna Dýrlegt er að deyja
fyrir föðurlandið eftir hann. Þá eru einnig
umsagnir um bækur, ljóð og fleira í þessu
hefti.
Ýmislegt
Kvenfélag Óháða safnaðarins
Farið verður í kvöldferðalagið nk. mánu-
dag, 1. júní. Lagt verður af stað frá
Kirkjubæ kl. 20, Fríkirkjan í Hafnarfirði
verður skoðuð og drukkið kaffi í veitinga-
húsinu Hansen.
Styrkir úr sjóðnum
Þjóðhátíðargjöf
Norðmanna
Uthlutað hefur verið styrkjum úr sjóðnum
Þjóðhátíðargjöf Norðmanna á þessu ári.
Norska stórþingið samþykkti í tilefni ell-
efu alda afmælis íslandsbyggðar 1974 að
færa íslendingum eina milljón norskra
Útskrift úr
Flensborgarskólanum
Flensborgarskólanum í Hafnarfirði var
slitið 22. maí sl. og voru þá brautskráðir
45 stúdentar frá skólanum. Bestum náms-
árangri náðu Þuríður Stefánsdóttir og
Rakel Kristjánsdóttir, sem báðar braut-
skráðust af náttúrufræðibraut eftir að
hafa stundað nám í öldungadeild skólans.
króna að gjöf í ferðasjóð. Samkvæmt
skipulagsskrá sjóðsins skal ráðstöfunar-
fénu, sem eru vaxtatekjur af höfuðstóln-
um, en hann er varðveittur í Noregi, varið
til að styrkja hópferðir Islendinga til Nor-
egs. Styrkir voru fyrst veittir úr sjóðnum
1976 og fór nú fram ellefta úthlutun. Ráð-
stöfunarfé sjóðsins var að þessu sinni 681
þúsund krónur. 26 umsóknir bárust um
styrki en samþykkt var að styrkja eftir-
talda aðila: Barnalist, Dalvíkurskóla,
Krabbameinsfélag íslands, Foreldrafélag
norskunema, Pálma, félag æskulýðsfull-
trúa, Sambýli fatlaðra, Skátafélagið
Hraunbúa, Sunddeild Vestra.
Aðalfundur Meistara-
og verktakasambands
byggingamanna
var haldinn á Akureyri 15. og 16. maí sl.
Fundinn sóttu um 60 fulltrúar af öllu
landinu. Fundarefni vai almenn aðalfund-
ars'örf og svo ýmis málefni, svo sem
atvinnumál, skattamál og fl. Eftirfarandi
ályktun var samþykkt á fundinum: Aðal-
fundur Meistara- og verktakasambands
/ byggingamanna, haldinn 15. og 16. maí
1987, ítrekar kröfur samtakanna um að
framkvæmdalán til byggingafyrirtækja í
því formi sem gert er ráð fyrir í núgild-
andi lögum verði komið í framkvæmd sem
allra fyrst og á þann hátt stuðlað að betri
og fljótvirkarí framkvæmdum í íbúðar-
byggingum. Formaður sambandsins var
endurkjörinn Gunnar S. Björnsson.
Kappflug bréfdúfna
Fyrsta kappflug sumarsins var haldið
sunnudaginn 17. maí sl. Á keppnisskrá var
laugardagurinn en keppnisstjórn frestaði
keppni vegna mikillar þoku. Þessi fyrsta
keppni fór í alla staði vel fram og var
þátttaka með eindæmum góð, um 200 fugl-
ar þreyttu flugið og af öllum þessum fjölda
náðu um 150 heim á tíma (333 m á mín.)
Þessi fyrsta keppni var frá Gullfossi, um
eitt hundrað km, og var mjög jöfn. Fyrsti
fugl flaug á 1076 metrum á mín. en nr. 98
á 1047 metrum á mín. Fyrstu 4 sætin skipa:
1. IS 85 1910, 1076,794 metrar á mín. Eig-
endur Ási og Villi. 2. ÍS 85-3331, sami tími,
eigandi Þórir Eggertsson. 3. ÍS 86-1004,
1073,129 metrar á mín. eigandi Þórir Egg-
ertsson. 4. fS 85-3280, 1070,343 metrar á
mín. Eigendur Hannes og Stefán.
Skólagarðar Reykjavíkur
hefja starfsemi sína nú eftir helgina. Þeir
starfa á sex stöðum í Reykjavík: Skerja-
firði, við Ásenda, í Laugardal, við Stekkj-
arbakka, við Jaðarsel í Breiðholti og á
Ártúnsholti í Árbæ. Innritun hefst mánu-
daginn 2. júní kl. 8 og stendur til kl. 16.
Þátttökugjald er kr. 300. Öllum börnum á
aldrinum 9-12 ára er heimil þátttaka. í
skólagörðum Reykjavíkur fá börn leið-
sögn við ræktun á grænmeti og plöntum,
auk þess að fara í leiki og stuttar göngu-
ferðir í nágrenni við garðana til náttúru-
skoðunar og fræðslu um borgina.
Við skólaslitin söng Kór Flensborgarskóla
undir stjórn Hrafnhildar Blomsterberg.
Skólameistari, Kristján Bersi Ólafsson,
flutti skólaslitaræðu, afhenti einkunnir
og bækur í viðurkenningarskyni fyrir góð-
an námsárangur. Einnig tók til máls
Gunnar Markússon, fyrrv. skólastjóri, og
færði skólanum myndarlega peningagjöf
til bókakaupa frá 50 ára gagnfræðingum.