Dagblaðið Vísir - DV - 29.05.1987, Blaðsíða 27

Dagblaðið Vísir - DV - 29.05.1987, Blaðsíða 27
FOSTUDAGUR 29. MAÍ 1987. 39 Menning Af skornum skammti Sýningar Níelsar Hafstein og ívars Valgarossonar að Kjarvalsstöðum Sýningar þeirra ívars Valgarðs- sonar og Níelsar Hafstein i austursal Kjarvalsstaða líða báðar fyrir smæð sína. Hinn margræði niðursetningur Níelsar um mýtólógíu hestsins, sem þarf á nánu samneyti við áhorfand- ann að halda, missir hluta af áhrifa- mætti sínum út um víðan völl í þvi gímaldi sem salurinn er. Sömuleiðis þyrfti framlag ívars að vera meira (og heillegra) til að gefa manni tilfinningu fyrir listrænum „prófíl" hans, þankagangi og mark- miðum. Allt um það er ágeng verk og krefjandi að finna á sýningum beggja. Þau hefðu einfaldlega plum- að sig betur annars staðar. Níels Hafstein er meðal fjölhæf- ustu listamanna sinnar kynslóðar, hefur lagt gjörva hönd á skúlptúr, bækur, málverk, auk þess sem hann hefur samið ýmiss konar myndlistar- lega texta. Hugur hans hefur jafnan hneigst til nokkurs konar naum- hyggju, meinlætastefnu, sem blönd- uð er eilitlum „dandyisma" eða sundurgerð, sem birtist gjarnan í nostri við smáatriði og yfirborðs- fágun. I niðursetningnum um hest guð- anna er Níels sjálfum sér samkvæm- ur. Verkið er blendingur af stílfærðum tréskúlptúr á gólfi, vegg- myndum úr málmi, útsaumsverkum og svo texta, sem gefur vísbendingar um það sem listamaðurinn er að fara. Sjálfur verður áhorfandinn að spá í eyðurnar, gerast virkur þátttakandi í því ævintýri sem listamaðurinn segir frá. Allir þættir verksins eru einfaldir en margræðir, fágaðir í útliti - jafn- Frá sýningu Níelsar Halsteip. Myndlist Aðalsteinn IngóHsson vel „smart", sem skemmir þó ekki fyrir. Rökræn myndsýn Eins og Niels er Ivar hallur undir ákveðna tegund huglægrar (kon- septúal) naumhyggju, en meðan Níels gerir sér far um að gefa henni ljóðræna vídd, sem áhorfandinn get- ur lifað sig inn í að vissu marki, er ívar að steypa tilbrigði um frumform - pýramíða, strendinga o.s.frv. - sem ítreka gildi hinnar rökrænu og hlut- lausu myndsýnar, þar sem áhorfand- inn „finnur" ekkert inntak, heldur verður að búa sér það til sjálfur. Hið „persónulega" í þessum ann- ars ópersónulegu steypum Ivars birtist í óvæntum skurði formanna, teikningunni á yfirborði verkanna, eða þá í útúrdúrum eins og hinum stóra, lífræna skúlptúr á miðju gólfi, sem er eins og hylling til Hans Arps. ívar hefur meðfram fengist við málverk sem eru tengd skúlptúrun- um, en þó er ýmislegt annað að gerast í þeim sem ég átta mig ekki alveg á. Þar er hann meðal annars að fikra sig áfram með myndkerfi og sterka liti, sem eru á skjön við flest annað í myndlist hans. Annaðhvort er ívar að leita fyrir sér á nýjum vígstöðvum eða á eftir að samræma þessi viðhorf. -ai Frá sýningu ívars Valgarðssonar. Anna Fúgaró á sýningu sinni. DV-mynd BG A hugar- flugi Sýning Önnu Fúgaró í Menningarstofhun Bandarikjanna Klippimyndir Ónnu Fúgaró eru eins og smásögur eftir Colette þar sem angurværar ungar konur lifa ríkulegu innra lífi í mollulegum herbergjum, innan um þung bróderuð gluggatjöld, rykfallnar mublur, postulínsdúkkur og málverk í útskornum römmum. Meðan þær hlýða kalli ástríðnanna láta þær sig dreyma um sakleysi æsk- unnar þegar hlutirnir virtust einfaldir og vandalitlir. Jafnframt gleyma þær sér í ýkjum og draumórum um tor- tímingu, trúmál, frægðina, og hina einu sönnu ást. Eins og Colette er Önnu Fúgaró einnig umhugað um dýr og plöntur sem eru í senn fulltrúar hins óspillta og tengiliður við hið upprunalega í mannmum. En Colette var skilgetið afkvæmi 19 aldar andófsstefnu þegar frásagnar- form raunsæisins er virkjað til tján- ingar á hinu fáránlega, meðan Anna Fúgaró getur látið greipar sópa um alla þá strauma og stefnur, frá súrreal- isma til ofurraunsæis, sem umbylt hafa myndlistinni á vorum dögum, og þar með hinni pósítífisku heimsmynd. Köngulóarvefir Þetta notar Anna sér óspart enda eru myndir hennar að springa undan uppfinningagáfum hennar, formræn- um og efhislegum. Samt hanga myndir hennar saman, ekki kannski á rauðum þræði heldur veikum. Nógu sterkum samt til að MyndJist Aðalsteinn Ingófsson maður skynji hjartslátt listamannsins í þeim. "" Allt það góss sem dreifist um mynd- ir hennar er þar af góðum og gildum ástæðum en ekki fyrir tilviljun. Efniviðurinn, myndir úr bókum, blöðum, bæklingum o.fl, er því aðeins brúklegur að hann samsvari einhverju sem býr innra með Önnu, minningum eða tilfinningum. Yfirborð mynda hennar er orðið efn- ismeira en áður, upphleypt með lími, lagt þráðum sem liggja eins og köng- ulóarvefir um einstaka hluta þeirra, alsett gullstjörnum eða glimmer. Allt gerir þetta myndir Önnu glæsilegri ásýndar. A sýningu Önnu í Menningarstofn- un Bandaríkjanna, sem hefur yfir- skriftina „Þú flýgur hæst meðm hugarfluginu", eru 22 ný eða nýleg verk. Sýningin er ekki alveg í alfara- leið en ætti að vera það. Það er annars eins og við séum að eignast eilitla klippimyndahefð hér á íslandi: Erró, Róska, Valdís Óskars- dóttir, Kristján Kristjánsson, Anna Fúgaró, sjálfsagt fieiri. Einhver dug- andi safnamaður ætti að taka saman sýningu á þessari hefð. -ai ^KADET ¦©¦ GM + mumri Vandaðu valið! Veldu KADETT! Þessi glæsilegi vestur-þýski bíll var kosinn bíll ársins af dómharðri nefnd bílagagnrýnenda þegar hann var fyrst kynntur fyrirtveimurárum. Þessi stórkostlega viðurkenning var upphafið að miklum vinsældum OPELKADETT. Áður en þú gerir upp hug þinn varðandi hugsanleg bílakaup getur borgað sig fyrir þig að kynna þér kosti KADETT bílanna, ss. rými, hönnun, aksturseiginleika og lágan eldsneytiskostnað. BíLVANGURsfr HÖFDABAKKA 9 SÍMI 687300

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.