Dagblaðið Vísir - DV - 10.08.1987, Blaðsíða 14

14
MÁNUDAGUR 10. ÁGÚST 1987.
Spurningin
Hefurðu ferðast um ís-
land í sumar?
Þóra Einarsdóttir: Já, ég fór í sumar-
bústað upp i Skorradal og síðan fór
ég austur í Biskupstungur. Ég er svo
bara búin að vera að vinna og hef
ekki komist neitt.
Ragna Leifsdóttir:Ekki mikið. Ég hef
þó farið til Akurevrar og þaðan fór
ég í Ásbyrgi og Hljóðakletta. Það
var æðislega gaman.
Helgi Jóhannesson:Ákaflega lítið, en
ég fór til Akureyrar sem er alveg
dásamlega fallegur og skemmtilegur
bær um daginn. Ég ferðaðist h'ka um
Eyjafjörðinn og fór t.d í Svarfaðard-
alinn og til Grenivíkur.
Lárus Svansson:Nei, lítið. Ég fór í
Húsafell um verslunarmannahelg-
ina. Annars er það nú varla mikið
út úr bænum. Ég hef mjög lítinn
áhuga á því að ferðast um landið.
Sigmar Eðvarsson:Frekar lítið. Ég
fór í sumarbústað fyrir ofan Þrasta-
skóg fyrir skömmu. Annars stendur
þetta allt til bóta næsta ár en núna
er þetta svolítið erfitt því ég er með
ungabarn svo það er lítið hægt að
komast.
Guðmundur Elíasson:Já, ég fór í
Húsafell um verslunarmannahelg-
ina. Annars er ég búinn að vera í
útlöndum. Ég hef mikinn áhuga á
því að ferðast um Island og það er
skömm að því hvað maður gerir lítið
að því. Maður hefur bókstaflega ekki
tíma.
Lesendur
Salmonella hefur ekki fundist
í lamba- og nautakjöti
Salmonella hefur ekki fundist i lamba- og nautakjöli hér á landi en einungis í kjúklingum og svínum.
Halldór Þórðarson, Laugalandi,
skrifar:
1 fréttum útvarpsins 24. júlí sl. var
sagt frá erindi sem flutt var nýlega
á fundi dýralækna og í fi-amhaldi af
þvi rætt við formann þeirra samtaka
þar var hvað eftir annað talað um
nýlega salmonellusýkingu í kjúkl-
inga- og „nautakjöti". Þetta var að
visu leiðrétt í lok fréttanna - fyrir
þá sem þá hlustuðu. í umræddu er-
indi og samtali kom fram lífsnauðsyn
þess að hafa sláturhús ekki fleiri en
dýralækna - þeir þyrftu nauðsynlega
að vera í húsunum allan daginn.
Einnig var talað um undanþáguslát-
urhús sem öll yrði að leggja niöur
af heilbrigðisástæðum. - Állt var
þetta vandlega fléttað saman við
salmonellusýkingu - sem útlit er fyr-
ir að neytendur sumra kjöttegunda
muni alltaf eiga á hættu. I framhaldi
af þessu vildi ég biðja blaðið aðkoma
á framfæri nokkrum spurningum.
1 .Hefur salmonellusýkingar ein-
hvem tíma orðið vart í lamba- eða
nautakjöti?
2. Hefur salmonellusýkingar orðið
vart í kjöti frá undanþáguhúsun-
um?
3. Treystirdýralæknirinn-semrætt
var við - sjálfum sér til að ftnna
salmonellusýkingu strax ef hann
er staddur í sláturhúsi meðan
slátrun fer fram?
4. Hefur komið í Ijós að vinnaákjöti
í undanþáguhúsunum sé verri en
í hinum og hefur kjöt frá undan-
þáguhúsunum valdið einhverjum
tjóni?
ö. Voru ekki húsin - sem sýkta kjöt-
ið kom frá - löggild og undír góðu
eftirliti dýralækna?
ÐV hafði samband við formann sam-
taka dýralækna, Birni Bjamason,
héraðsdýralækni á Höfri, og lagði
fyrir hann spumingarnar:
1. Nei, ekki hér á landi, en hún er til
í nautakjöti í Bandaríkjunum.
2. Nei.
3. Nei, til að finna salmonellu þarf
að rækta bakteríuna við sérstakar
aðstæður en slíka aðstöðu hafa dýra-
læknar ekki hér á landi enn sem
komið er.
4. Kjöt frá undanþáguhúsum þarf
ekki að vera verra en burtséð frá
gæðum þurfa sláturhús að uppfylla
þær kröfur sera gerðar era til slátur-
húsa almennt í lögum og reglum.
Fullkomið sláturhús gefur að sjálf-
sögðu betri möguleika til að verka
kjötið þannig að viðunandi sé.
5. Já, þau voru löggild og undir eftir-
liti en fram að þessu hafa ekki verið
tekin sýni til að finna salmonellu í
sláturhúsum. Sýnataka verður
eflaust hafin í haust.
Hjólastuldir:
Foreldrar,
fylgist með
börnum
ykkar
Ásthildur Sveinsdóttir hringdi:
Ég er bara alveg öskureið og get
ekki setið á mér lengur. Ég bý í
Breiðholtinu og hjólastuldir þar
era svo svakalega algengir. Hjól-
inu hans sonar míns var stolið fyrir
rúmlega viku og það er kannski
þess vegna sem maður fer að pæla
í þessu.
Mér er sagt að þetta séu bara
krakkar sem standa í því að stela
og jafnvel breyta hjólum svo að
þau þekkist ekki aftur. Það sem
mér finnst aðallega óhuggulegt er
það að foreldrar þessara krakka
skuli ekki gera einhverjar athuga-
semdir þegar bömin koma heim á
nýjum hjólum. Krakkamir segjast
kannski hafa fundið hjól en það
vita allir betur. Það á alltaf ein-
hver þessi hjól.
Mórallinn hjá foreldrum, sem
skipta sér ekkert af þessu, er eitt-
hvað skrítinn. Fólk ætti að hugsa
betur um hvaða áhrif þetta hefur
uppeldislega séð. Ég veit að þessir
hjólastuldir era mjög algengir og
mér finnst að fólk ætti að láta í
sér heyra um þessi mál.
Hringið
1 síma
27022
milli kl.
13 og 15,
eða skrifið.
Hangið á
vinstri akrein
Hákur skrifar:
Nú get ég ekki lengur orða bund-
ist. Það er orðið hreint óþolandi
hvemig umferðarsauðir hanga á
vinstri akrein tveggja akreina gatna
og halda þeim sem vilja herða á sér
fyrir aftan sig. Það er engu líkara en
að illmögulegt sé að uppræta þennan
ósið hér á landi. Langverstir era leigu-
bílstjórar og bílar með utanbæjamúm-
erum. Það er engu líkara en að
ökumenn utan af landi og leigubíl-
stjórar geti ekki ekið á hægri akrein.
Umferðarlögreglan gerir heldur
ekkert í því að stugga við þeim sem
þannig brjóta umferðarreglumar en
leggja alla áherelu á að elta þá uppi
sem fara eitthvað lítilræði yfir lögleg-
an hraða.
Hvar sem maður kemur erlendis
verður allt vitlaust ef einhver ætlar
að halda vinstri akreininni sem er fyr-
ir þá sem vilja hraða ferð sinni. Ef
ökumanni liggur ekki meira á en það
að hann ekur á vinstri akrein sam-
hliða annarri bifreið á hann skilyrðis-
laust að víkja yfir á hægri akreinina.
Hvemig væri nú fyrir lögregluna að
gera smáatrennu að þessu vandamáli
í umferðinni?
Hressir krakkar í Húsafelli.
Skemmtikraftar borga inn
Hljómsveitarmeðlimur skrifar:
Hæ, hó, nú er það Húsafell um
helgina, fjöldinn allur af skemmti-
kröftum, hljómsveitarkeppni og fleira.
Jæja það er nú gott og blessað en mig
langar til að vita síðan hvenær
skemmtikraftar hafa þurft að borga
sig inn á stað sem hefur auglýst að
þeir muni skemmta á?
Allavega er þetta í fyreta skipti sem
ég heyri um slíkt en það er svekkjandi
þegar menn hafa eytt miklum tíma í
undirbúning og fá að vita þegar á
svæðið er komið að maður þurfi að
borga inn svokallað lágmarksgjald
sem var kr. 800 á laugardagskvöldið
en hefði verið kr. 1.000 hefðum við
komið kvöldið áðður.
Þetta getum hvorki ég né aðrir með-
limir hljómsveitarinnar sætt okkur
við. Við vorum búnir að eyða öllum
okkar pening í undirbúning, nema
hvað við áttum smáaur fyrir bensíni á
heimleiðinni. Við höfðum mætt skryk-
kjótt í vinnu síðustu dagana en við
vorum að æfa fram á nótt.
Það að fá svo á móti sér andlit með
peningamerki í auga sem sagði að við
yrðum að borga okkur inn eða að við
yrðum strikuð út úr hljómsveitar-
keppninni gerði það að verkum að ég
missti allt álit á þessum aðilum en ég
hafði metið þá mikils fyrir að leyfa
bílskúrsböndum að spreyta sig.
Ég vil benda þeim hljómsveitum sem
að borguðu sig inn á að það er nógu
slæmt að spila án þess að fá nokkuð
borgað fyrir en að borga fyrir að fá
að koma fram er fráleitt. Það er a.m.k
hlutur sem að hljómsveitir og aðrir
listamenn eiga að vita. Ég spyr, var
ekki hægt að sleppa þessu eða láta
vita með fyrirvara?
„Ég held að íslendingar ættu að
líta sér nær og ferðast og fræð-
ast fyrst um ísland áður en þotið
er á sólarstrandimar."
Ferðist um
Bima Þorgrímsdóttir skrifan
Nú er sá tími árs þegar íslending-
ar taka sig upp hópum saman og
spæna á fjarlægar sólarstrandir í
brúnkuleit. Nær hvert einasta ía-
lenskt mannsbam hefrir komið til
sólarstranda Spánar og Ítalíu svo
ekki 8é talað um sumarhús hér og
þar í Evrópu, frá Danmörku til
Svartaakógar.
Sá hinn sami Islendingur þarf
þó ekkert frekar að hafa komið í
Þórsmörk eða upp í Kerlingafjöll
þvi íslendingum finnst það flottara
og meira sport að fara á útlendar
slóðir en íslenskar.
Og þar stendur hnífúrinn f
kúnni. Islendingar eru hreinlega
að missa af sínu óspillta og fallega
landi. Nú hellist útlendur ferða-
mannastraumur yfir ísland og
brátt verður svo komið að við Is-
lendingar komumst varla að til að
njóta eigin náttúru svo stríður er
straumur annarra landa ferða-
manna.
Ég held að íslendingar ættu að
líta sér nær og ferðast og fræðast
fyrst um ísland áður en þotið er á
sólarstrandimar. Það er eins og
það sem er nálægt þurfi eitthvað
að vera verra fyrir það eitt að
þangað er auðveldara að komast.
Það eru margir staðir hér á landi
sem eru alveg óviðjafnanlegir og
standa erlendu landslagi fyllilega
snúning.