Dagblaðið Vísir - DV - 10.08.1987, Blaðsíða 32

44
MÁNUDAGUR 10. ÁGÚST 1987.
Sviðsljós
DV
Olygmn
sagði...
Jóakim prins
átti átján ára afmæli fyrir stuttu.
Það var vissulega stórvið-
burður fyrir drenginn; merkur
áfangi í lífi hans. Haldin var hin
glæsilegasta veisla að hætti
kónga og drottninga. Prinsinn
fékk auðvitað heilmikið af gjöf-
um frá ættingjum og vinum
sem boðið var til veislu. Af
gjöfunum bar hæst glænýjan
Mercedes Bens sem hann fékk
frá foreldrunum. Bensinn kost-
aði einar þrjár milljónir króna.
Jóakim ætti þvi ekkert að þurfa
að skammast sín þegar hann
býður kærustunni, Helene
Bjerg-Pedersen, næst á rúnt-
inn. A næstunni tekur prinsinn
svo við herragarði á Jótlandi
sem hann var að erfa. Það var
bamlaus milljónamæringur
sem arfleiddi hann að slotinu.
Þau eru ekkert á flæðiskeri
stödd, Helene og Jóakim, þótt
ung séu að árum. En svona að
lokum. Farið er að tala um
paiið sem eitt því samband
þeirra er vist alvarlegra en
gerist og gengur á meðal
unglinga.
Þetta umferðarhorn við Illugagötu í Vestmannaeyjum hefur löngum þótt
erfitt. Það er tíður viðburður að bílar klessi á vegginn. Eins og sjá má ef
myndin prentast vel hefur mörgum sinnum verið gert við vegginn því hann
hefur oftar en ekki molnað við árekstrana. íbúar hússins hafa líklega verið
orðnir þreyttir á sífelldum „límviðgerðum“ því fundið hefur v'erið ráð við
vandanum. Og það með þeim sniðugari. Tveimur bíldekkjum hefur verið
komið fyrir hvoru á sínu horninu. Þar með er vandinn úti. Dekkinn taka
úr mesta högginu og skemmist síður bíll og hús. Reglulega góð hugmynd
hvað sem öllum fegurðarsjónarmiðum lfður.
Umferðarskiltin eru af ýmsu tagi. Þetta er eitt skemmtilegasta skiltið sem
við höfum rekist á. Við Hlíðabrekku í Vestmannaeyjum er búið að koma
þessu fyrir. Vitanlega til verndar blessuðum rollunum sem geta komið hlaup-
andi út á götuna úr snarbrattri brekkunni. En hvort þær koma fljúgandi,
eins og lítur út fyrir á skiltinu, hefur ekki verið sannað ennþá.
DV-myndir Ragnar Sigurjónsson
Fáimeimt í Atlavík
Dolph
Lundgren
gerði garðinn frægan þegar
hann lék sovéska tröllið á móti
Stallone í kvikmyndinni Rocky
IV. En einna þekktastur varð
hann þó sem fylgisveinn
Grace Jones, sönjgkonunnar
langleggjuðu. Islendingar
minnast þeirra þegar þau
heimsóttu landið fyrir nokkr-
um árum. Hann hefur vakið
alls staðar athygli þar sem þau
■ hafa komið saman og oft stolið
senunni. Drengurinn er gríð-
arlega vöðvamikill og ekki
síður hávaxinn, eða hundrað
níutíu og sjö sentímetrar á
hæð. Harrn virðist hafa tekið
stefnuna nokkuð örugglega á
Hollywood. Um þessar mundir
standa yfir upptökur á kvik-
mynd þar sem harrn fer með
aðalhlutverkið.
Raquel Welch
varð yfir sig bit á manni sínum,
Andre Weinfeld, fyrir nokkru.
Þau voru í mestu þægileg-
heitum í sumarleyfi í Rió.
Kvöld eitt fóru þau í nætur-
klubb og horfðu þar meðal
annars á darts fagurra stúlkna,
svona til skemmtunar og ynd-
isauka. En hvað með það,
málið væri ekki fréttnæmt
nema fyrir þær sakir að
skömmu eftir að danssýningin
var yfirstaðin hvarf Andre á
braut og á vit ævintýranna í
fylgd einnar fegurðardisarinn-
ar úr sýningunni. Þeir þurfa
að þola mikið í eirtkaúfinu,
þeir frægu. En Raquel hvíslaði
þvi að kunningjum að hún
hefði nú aldeilis látið gosann
heyra það þegar hann sneri til
hennar aftur.
Anita Ingólfedóttir, DV, Egilsstööum;
í Atlavík voru um fimmtán hundr-
uð gestir á útihátíð um verslunar-
mannahelgina. Miðað við fyrri
hátíðir þar var því um frekar fátt
fólk að ræða.
íþróttasamband UÍA hélt hátíðina
og áttu menn von á fleiri gestum
endá var öflug gæsla, löggæsla í
hámarki og sjúkragæsla.
Marinó, Ómar og Óli. Hressir strákar sem komnir voru frá Bakkafirði. Þeim
fannst ekkert verra að hafa rigningu enda vel búnir.
Mótið fór vel fram en þrátt fyrir
fámenni urðu smáóhöpp eins og
gengur og gerist. Umgengni var
ábótavant en starfsmenn mótsins sáu
um að tína rusl jafnóðum. Menn
voru sammála um að aldrei hefði
verið eins lítið um glerbrot og
nú í kjölfar plast- og dósavæðingar.
Sjálfsagt tekur það um viku fyrir
marga að púsla saman heilsunni og
öðlast röddina aftur að lokinni
skemmtun um þessa löngu helgi.
Utihátíðin í Atlavík var fremur fámenn að þessu sinni en fór ágætlega fram.
A Karólína von á tvíburum?
Karólína prinsessa af Mónakó og
maður hennar Stefano Casiraghi
eiga að öllum líkindum von á
tveimur bömum um eða eftir næstu
mánaðamót. Hjúin eru yfir sig
lukkuleg með horfur mála enda eru
þau barngóð með afbrigðum. Tví-
burafæðing myndi falla mjög svo
vel í kramið því þau hafa margoft
lýst því yfir að þau vilji eignast hóp
af börnum. Þarna yrðu því tvær
flugur slegnar í einu höggi.
Eins og áður segir á Karólína von
á sér eftir um það bil mánuð og
ætlar hún að fæða á fæðingar-
heimili í Mónakó sem kennt er við
móður hennar, Grace. Þar fæddi
hún böm sín tvö sem hún á fyrir.
„Karólína er hreinlega fædd til
að ganga með og eiga börn,“ segir
ljósmóðir fjölskyldunnar. „Hún
finnur ekkert fyrir því að ganga
með; engin óléttuvandamál sem
hrjá svo margar konur á með-
göngutímanum. Hún breytir ekkert
sínu lífsmunstri; heldur alveg upp-
teknum hætti fram að síðasta degi.
Svona eins og það á að vera.“
Sjálfri líður Karólínu aldrei bet-
ur en þegar hún er þunguð. Hún
er frábrugðin starfssystrum sínum
um víða veröld, prinsessum, drottn-
ingum og öðmm fínum dömum, að
hún er ekkert að fara í felur með
kúluna sína. Hún sprangar um,
sýnir sig í laugunum og leyfir ljós-
myndurum að mynda bumbuna
eins og þeir vilja. Fyrir henni er
þetta ekkert mál.
Þegar Karólína gekk með fyrri
böm sín fann hún fljótt á með-
göngutíma hvort kynið hún gekk
með í hvort skiptið. Spá hennar
reyndist rétt í báðum tilvikum.
Núna segist hún þess fullviss að
börnin séu tvö. Þá er bara að bíða
og sjá hvort prinsessunni skjátlist
nokkuð frekar en fyrri daginn.
Karólína sprangar um með kúluna og syndir daglega. Þessi mynd var tekin af henni í laug í Monte Carlo
fyrir stuttu.