Dagblaðið Vísir - DV - 02.05.1988, Blaðsíða 7

MÁNUDAGUR 2. MAÍ 1988.
7
Fréttir
Svenir Stormsker miður sín eför úrslHjn í söngvakeppninni:
„Ekkert í heiminum er
ömuriegra en 16. sætið“
Sextánda sætinu fagnaö: Sverrir Stormsker og Margrét Hreindóttir, kona hans, eftir úrslitin i Dublin.
DV-myndir ELA
„Eins og ég hef sagt áður í lífinu
var mitt markmið aldrei að vera í
kompaníi með Magnúsi Eiríkssyni
og Válgeiri Guðjónssyni hvað varð-
ar þetta margfræga sæti. Ég kem
heldur ekki til með að sætta mig
við orðinn hlut en þetta er ein-
kennilegt," sagði Sverrir Storm-
sker eftir Eurovision-keppnina á
laugardagskvöldið.
„Island er ekki komið á landa-
kortið og það skiptir engu máli
hversu gott lagið er því það kemst
ekki að. Við erum illa kynnt þó við
eigum sterkasta mann í heimi, fall-
egustu konu, fallegasta forseta og
fallegasta forsætisráðherrann og
allt sé fallegast hjá okkur. Það er
ekki það sem skiptir máli.“
Sendum ekki betra lag
næstu tíu árin
„Ég vil alls ekki halda því fram
að einhver pólitísk sjónarmið ráði
ferðinni. Ég vil meina að það verði
ekki sent inn betra Eurovison-lag
næstu fimm til tíu árin. Ég hefði
búist við að lagið hefði orðið ofar-
lega þar sem standard keppninnar
hefur verið ótrúlega lágur fram að
þessu. Ég átti fastlega von á að
lenda innan við tíunda sætið. Nú
veit ég ekki hvort ég stend við eitt-
hvað af því sem ég hef lofað,
þjóðinni til mikilla harma. Ég
sleppi því að hengja mig og líka að
taka þátt í keppninni á næsta ári.
Engu að síður er ég ennþá ánægður
með lagið mitt. Þetta er lag sem
ætti að gera það gott hvar sem er
í heiminum en það eru önnur sjón-
armið sem ráða' í keppninni."
- Ertu svekktur?
„Ég er mjög svekktur. Mitt mark-
mið hefur aldrei verið að lenda í
sextánda sæti í Eurovision og mér
þykir ekkert auðvirðilegra. Sext-
ánda sætið í Eurovision fyrir
íslendinga er neðar en þijátíu. Það
er ekkert í heiminum ömurlegra
en að lenda í þessu sæti - ekki
neitt. Sem betur fer núna er ég
ekki maður sem stend við mín lof-
orð. Ég heyrði Hrafn Gunnlaugs-
son eða Björn Emilsson segja allt
er þegar þrennt er en þeir áttu við
að þriðja lagið, sem við sendum í
keppnina, myndi sigra. Ekki veit
ég í hvemig skapi þeir félagar eru
núna en ég get ímyndað mér að það
sé svipað og mitt. Ég er ekki ánægð-
asti maðurinn í heiminum - óneit-
anlega ekki.“
Skítsama um alla banka
- Nú spáðu veðbankar þessum úr-
slitum?
„Mér hefur alltaf verið skitsama
um alla banka, hvort sem þeir heita
veðbankar eða Útvegsbankar. Að
íslandi sé ætlað að lenda í sextánda
sæti er mér óskiljanlegt. Ef við
leggjum saman einn og sex og fáum
sjö er það heilög tala í Biblíunni og
sennilega er það mottó íslensku
þjóðarinnar að lenda númer sextán.
Ég hefði verið miklu ánægðari með
fimmtánda eða sautjánda sætið.“
- Heldur þú að æran sé farin
heima?
„Nei, við stóðum okkur vel á svið-
inu og gerðum okkar besta eins og
það heitir á húsmæðratali. Það get-
ur vel verið að ég komi mér niður
í kjallara og semji skúringakerling-
arlag, þá mun það kannksi gera
sig. Ég held áfram að spjara mig
eftir þessa keppni. Þegar stigin
voru ljós gat ég ekki annað en grát-
ið úr hlátri. Þetta er fyndið.
Mórallinn var aldrei betri hjá
hópnum en þegar úrslitin voru
kynnt. Okkur þótti þetta brandari
ársins.“
Vaknaði á morgnana
og drakk aðeins bjór
„Ég hef staðið mig mjög vel hér
í Dublin, vaknað á morgnana, pass-
að mig á að drekka aðeins þá bjóra
sem niér voru ætlaðir og greinilega
líka passað að lenda í því sæti sem
mér var ætlað. í rauninni tel ég
ekki slæman félagsskap að lenda í
kompaníi með Valgeiri og Magnúsi
sem lagasmiður, bara að lenda í
sextánda sæti finnst mér neðst af
öllu neðarlegu. Mér varð hugsað til
þess þegar úrslitin voru tilkynnt
hvernig fólkinu liði heima. Það
hlýtur að hafa verið í sama hlát-
urskastinu og ég. Ég ætla að vona
að þetta verði tekið fyrir í áramóta-
skaupinu, ef ekki þá stend ég við
öll mín fyrri loforð."
- Hvernighefurþérfundistaðtaka
þátt í keppninni?
„Það sem mér er virkilega illa við
í sambandi við íra eru þeir sjálfir.
Andlitið er brosmilt en það höfðar
til manns eins og kokkamennskan.
Ef umstangið í kringum þessa
keppni hefði snúist í kringum mig
hefði ég orðið ánægður. Til dæmis
á íþróttavellinum, þar sem kynn-
ingin var tekin upp, vorum við að
drepast úr kulda þó við settum upp
þetta Eurovision-bros. Veikindi
Stefáns skiptu engu máli í þessu -
við hefðum lent í sextánda sæti
hvort eð var.“
- Hvernig fannst þér sigurlag-
ið?
„Ég talaöi við þessa söngkonu
fyrir nokkrum tímum og mér
finnst hún vera sjarmerandi og
hafa skemmtilegan söngstíl. Lagið
er hins vegar hræðileg drulla. í
þessum „local“ húmor, sem var
inni hjá okkur þegar stigin voru
gefm, þá gekk allt út á að hreski
silfurrefurinn myndi lenda í öðru
sæti. Við klöppuðum mikið þegar
sú varð útkoman. Undir það síðasta
var það okkar markmiö, dæmigerð
íslensk illkvittni. Hann fór óskap-
lega í taugarnar á okkur og átti það
sannarlega skilið að lenda í öðru
sæti.“
Eins og á vel heppnuðum
miðilsfundi
- Var ekki andrúmsloftið þrungið
spennu?
„Það var eins og á virkilega vel
heppnuðum miöilsfundi. Menn
voru að falla í trans varðandi hvort
þeirra myndi vinna. Það stukku
alhr upp þegar ljóst varð að silfur-
refurinn var búinn að tapa.
- En hvað datt þér fyrst í hug þeg-
ar ljóst var að við værum í sext-
ánda sætinu aftur.
„Ég sá mynd af mér, Magnúsi og
Valgeiri hangandi á snaga í Þjóð-
leikhúsinu. Þrír verstu lagahöf-
undur landsins að mati heimsins
og þrír bestu lagahöfundar heims-
ins að mati landans - íslenska
tríóið.
- Hvað ímyndar þú þér að þú mun-
ir segja við sigurvegara söngva-
keppninnar heima að ári?
„Velkominn í kvartettinn.“
-ELA
KYOLIC
Lyktarlausi hvítlaukurinn. 20 mánaða kælitæknivinnsla
gerir KYOLIC algerlega jafngildi hráhvítlauks. Engin
sambærileg hvítlauksræktun eða framleiðsla fyrirfinnst
í veröldinni. KYOLIC, líkami þinn finnur fljótt muninn.
Helstu sölustaðir: Heilsu- og lyfjaverslanir.