Dagblaðið Vísir - DV - 23.11.1988, Blaðsíða 7
MIÐVIKUDAGUR 23. NÓVEMBER 1988.
7
Fréttir
Nýjar ratsjárstöðvar byggðar á Miðnesheiði og Stokksnesi:
Rekstur fjögurra ratsjár-
stöðva í höndum íslendinga
„Framvegis veröa fjórar ratsjár-
stöövar á vegum varnarliösins á
landinu - á Miðnesheiði, Stokksnesi,
Gunnólfsvíkurfjalli á Langanesi og
Bolatjalli við Bolungarvík. Stöövarn-
ar eru hlekkur í heildarviövörunar-
keðju sem hggur frá Miðjarðarhafi
upp með meginlandi Evrópu, um ís-
land, Grænland og Alaska að Kyrra-
hafi. Rekstur stöðvanna er og verður
í höndum Ratsjárstofnunar og ís-
lenskra starfsmanna, um 60 í allt.
Þeir eru aftur á móti þjálfaðir af
bandaríska fyrirtækinu Raytheon
sem samkvæmt samningum hefur
sína menn hér á landi til loka sept-
ember á næsta ári,“ sagði Jón E.
Böðvarsson, forstjóri Ratsjárstofn-
unar, í samtali við DV.
Um þessar mundir eru tæplega 30
manns frá Raytheon á íslandi. Eru 8
á Stokksnesi, 5 í aðalstöðvum hersins
og 15 á Miönesheiði, þar af 3 kennar-
ar. Þessir Bandaríkjamenn vinna að
nýjum ratsjárbúnaði, þjálfa íslend-
inga til ratsjárstarfa og ganga bak-
vaktir til að vera innan handar ef
eitthvað kemur upp á sem íslending-
arnir ráða ekki við eða hafa ekki
reynt áður.
Allar í gagnið 1990
Verið er að byggja nýja ratsjárstöð
á Miðnesheiöi og tekið verður til við
byggingu nýrrar stöðvar á Stokks-
nesi eftir áramót. Stöðvarhúsin á
Gunnólfsvíkurfjalli og Bolafjalli eru
tilbúin. Hugbúnaður í þessar nýju
stöðvar hefur verið í útboði og reikn-
að með að þær verði allar komnar í
gang 1990. Hafa íslenskir hugbúnað-
araðilar og verkfræðifyrirtæki
myndað með sér fyrirtæki, Viking
Engineers, sem mögulegt er aö verði
undirverktaki við gerð hugbúnaðar-
ins.
„Þessar framkvæmdir og útboðin
eru á vegum varnarliðsins en þegar
stöðvarnar verða allar tilbúnar í fyll-
ingu tímans mun Ratsjárstofnun
taka húsin í notkun og sjá um rekst-
urinn. Á Miðnesheiði eru nú 13
manns í þjálfun og munu taka við
rekstri Miðnesheiöarstöðvarinnar 1.
apríl á næsta ári. Hlutverk okkar er
þannig tvíþætt í dag: að reka stöðv-
arnar á Suðurlandi og setja sig inn í
nýja tækni til aö koma rekstri stööv-
anna á Norðurlandi í gang. Banda-
ríkjamenn koma aðeins inn í mynd-
ina á Norðurlandi vegna þjálfunar
starfsmanna."
Myndin sýnir sjónsvið þeirra fjögurra ratsjárstöðva sem framvegis munu
starfa fyrir varnarliðið og svæði islensku flugumferðarstjórnarinnar. Sjón-
svið stöðvanna er töluvert meira fyrir 30 þúsund feta hæð. H-1 er stöðin á
Miðnesheiði, H-2 á Gunnólfsvíkurfjalii, H-3 á Stokksnesi og H-4 á Bolafjalli.
DV-kort JRJ
Nám hér og erlendis
Jón sagöi að íslenskir starfsmenn
væru í tveggja mánaða námi í Banda-
ríkjunum og síðan 6 mánuði á ís-
landi. Fylgdu Bandaríkjamennirnir
íslendingunum hingað til lands.
Gömlu landsfjórðungastöðvarnar
þykja. vera allt of langt frá byggð og
eru því opnar fyrir veðri og vindum
í dag. Báðar nýju Norðurlandsstöðv-
arnar eru nálægt byggð og því auð-
veldara að manna þær en gömlu
stöðvarnar, sérstaklega fjölskyldu-
mönnum.
„Ratsjárstöðvunum er ætlað að
nema öll merki varðandi almenna
flugumferð á svæðinu í kring um
ísland. Upplýsingarnar eru sendar í
stjórnstöð á Keflavíkurflugvelli þar
sem Bandaríkjamenn lesa úr þeim.
Sá hluti merkjanna er varðar al-
mennt flug er síðan sendur til ís-
lenskra flugmálayfirvalda á Reykja-
víkurflugvelli. Stöðvarnar eru til efl-
ingar varna og stuöla ekki síst að
meira öryggi í flugumferð við ís-
land.“ -hlh
Business Opportunity Club
1107 Crawford Road
Statesville. NC 28677
FAST CASH! equity loan-by-phone
CAPITAL AYAILABLE:
To Start or Expand Your Business
Get VISA® or MasterCard
Regardless of Your Credit Expenence
Business Opportunity Club
1107 Crawford Road • Statesville, North Carolina 28677
(704) 873-2163
Solve Your Credií Problems
Once and For All
„Lan í gegnum síma“ og „lán í pósti“:
Nýtt fíflhelt kerfi
til að verða ríkur
„Vantar þig peninga? Þegar
bankarnir lána þér ekki... þá ger-
um við það. Fáðu lánaða peninga
án lánstrausts.“
Á þessum orðum byrjaði auglýs-
ing sem birtist í Morgunblaðinu á
sunnudaginn. Þar var boðið upp á
lán að upphæð frá 50 þúsundum til
50 milljóna dollara (2,3 milljónir til
2,3 milljarða króna). Þeir sem
áhuga hafa eiga, samkvæmt aug-
lýsingunni, að senda 500 krónur í
ákveðið pósthólf til þess að fá um-
sóknareyðublöð og frekari upplýs-
ingar.
„Ég er umboösmaður fyrir félag
sem heitir Business Opportunity
Club,“ sagði Reynir Z. Santos sem
stendur að þessari auglýsingu.
„Þetta er stofnun fyrir fólk sem
langar til að koma undir sig fótun-
um. Þetta hefur verið kallað sér-
hæfð lánaþjónusta," sagöi Reynir.
Hann sagði að sjö umsóknir
hefðu borist um lán.
í upplýsingabæklingum, sem
Reynir sendir fólki, er boðið upp á
frekari upplýsingar fyrir um 1.000
til 2.500 kr. Þar er boðið upp á
umsóknir um ýmsa lánaflokka sem
heita nöfnum eins og „lán í gegnum
síma“, „lán í pósti“, „greiðsluerfiö-
leikar", „fjárfestingapörun" ogsvo
framvegis.
Orðalagiö í þessum kynningar-
pésum er um margt ólíkt því við-
móti sem íslendingar eru vanir frá
bankastofnunum.
„Ég ætla að sýna þér hvernig þú
getur orðið ríkur með því að nota
'nýtt flflhelt kerfi. Hefur þú áhuga
á að auka tekjur þínar um 5 millj-
ónir á ári?“
Þannig kynnir D. R. Morre, for-
stjóri og stofnandi Business Opp-
ortunity Club, hina ýmsu lána- og
íjárfestingarmöguleika fyrirtækis-
ins í einum bæklingnum.
„Við höfum engar sérstakar
áhyggjur af þessu að öðru leyti en
því að við viljum gjarnan vita
hvaða aðilar það eru sem eru að
auglýsa svona, með tilliti til
ákvæða í lögum um viðskipta-
banka. Ef þarna er um að ræða
aðila sem eru að kynna sig sem
umboðsaðila fyrir erlendan banka,
sem mér sýnist að auglýsingin beri
með sér, kann það að vera í and-
stöðu við viðskiptabankalögin. Er-
lendir bankar mega ekki að hafa á
hendi neina starfsemi hér nema í
formi umboðsskrifstofa og það þarf
að fá leyfi ráðherra til að skrá þær.
„Ef þarna er um að ræða erlent
fjármagn sem hefur verið flutt til
landsins þarf að fylgja ákveðnum
reglum varöandi það,“ sagði Þórð-
ur Ólafsson, forstöðumaður banka-
eftirlits Seðlabankans.
Að sögn Þórðar er málið í athug-
un af hálfu bankaeftirlitsins.
-gse
-
Framkvæmdir Viö elliheimilið á Þingeyri hafa verið stöövaðar vegna fjárskorts sveitarfélagsins. DV-mynd BB
Þingeyri:
Framkvæmdir við elli-
heimilið stöðvaðar
- vegna Qárskorts hreppsins. Kaupfélagiö skuldar sveitarfélaginu 15 milljónir krona
Vflborg Davíösdóttir, DV, Vestfjörðum:
Framkvæmdir við íbúðir aldraðra
á Þingeyri hafa veriö stöðvaðar
vegna þess að Þingeyrarhreppur get-
ur ekki staðið viö áður ákveðin ijár-
framlög í bygginguna. Byggingin er
fjármögnuð af Þingeyrarhreppi.
Auðkúluhreppi og Mýrahreppi eftir
höfðatölureglunni.
„Þingeyrarhreppur hefur ekki get-
aö staðið í stykkinu og það er vegna
þess aö við eigum svo mikiö í úti-
standandi skuldum," sagði. Jónas
Ólafsson, .sveitarstjóri á Þingeyri, í
samtali við DV.
„Það hafa verið erfiðleikar í at-
vinnurekstrinum hér og Kaupfélag
Dýrfirðinga skuldar okkur 15 millj-
ónir í fasteignagjöld, hafnargjöld og
ýmis önnur gjöld. Þetta er þaö sem
fer alveg meö okkur.
Á meðan ástandið er svona þá eru
allar framkvæmdir stopp og veröa
þar til eitthvað af skuldunum er
greitt,“ sagöi Jónas Ólafsson, sveit-
arstjóri á Þingeyri.
Könnun meðal 17-20 ára Akureyringa:
Nær helmingur á eigin bíl
Gylfi Kris^ánsson, DV, Akureyri:
í skoðanakönnun, sem JC-Akur-
eyri framkvæmdi meðal 17-20 ára
Akureyringa, kom m.a. í ljós að tæp-
lega helmingur þeirra ekur um á eig-
in bifreið, eða 142 af þeim 312 sem
svöruðu í könnuninni, en nær allir
sem svöruðu sögðust hafa bílpróf,
eða 291 af 312.
Þá er athyglisvert að 141 af þeim
312, sem svöruðu, sagðist hafa lent í
umferðaróhappi. Flestir vissu hver
hámarkshraði er í þéttbýli. Mikill
minnihluti sagðist ekki halda sig inn-
an hámarkshraða, flestir þeirra
vegna kæruleysis.
Örfáir, eða einungis 23, sögðust
hafa ekið undir áhrifum áfengis en
74 sögöust hafa verið farþegi í bifreið
sem ekið var af ökumanni undir
áhrifum áfengis. Nær allir sögðust
nota bílbelti og hafa ökuljós kveikt
við akstur.
Könnunin fór þannig fram að allir
Akureyringar á aldrinum 17-20 ára
voru heimsóttir og þeim afhentir
spurningalistar, auk þess sem þeir
fengu afhent „plakat“ til að minna á
að akstur er dauðans alvara. Aðaltil-
gangur könnunarinnar var aö vekja
unga ökumenn til umhugsunar um
umferðarmál, segir í frétt JC-Akur-
eyri um könnunina.