Dagblaðið Vísir - DV - 23.11.1988, Blaðsíða 33

MIÐVIKUDAGUR 23. NÓVEMBER 1988.
33
LífsstíU
Það er undir hælinn lagt aö fá
bílastæði í gamla bænum í Reykja-
vík - og þó víðar væri leitað. Sár-
astir allra eru vafalaust íbúar þessa
borgarhluta. Að fá ekki stæði fyrir
framan sitt eigið heimili gremst
mörgum og að vera sektaður af
bláu embættismönnunum er enn
verra.
„0, sérðu þennan, hann er alltaf
þarna þessi á gula bilnum. Hann
vinnur í húsinu á móti og heldur
bara að hann eigi stæðið þarna."
Setningar í likingu við þessa heyr-
ast oft frá sársvekktum íbúum sem
Heimilið
verða oft að leita langt frá húsum
sínum til að fá stæði fyrir farar-
skjótann - þarfasta þjón Reykvík-
inga.
Svo þegar loksins finnst stæði þá
finnst fólki eins og það sé að taka
stæðiö frá íbúum þess húss sem
auða stæðið er viö.
Vandinn er mikill. Fólki finnst
þetta auðvitað allt Davíð að kenna.
Það er hann sem á sök á því hve
stæðin eru fá - eöa hvað? Innst
inni veit þó fólk betur. Gæti ekki
verið að bílarnir séu Of margir? Er
ekki mögulegt að fleiri nýttu sér
þann möguleika að skjótast í strætó
■ í vinnuna til dæmis, eða aö skipt-
ast á við vinnufélaga sína að keyra
í vinnuna? Þannig myndi bílaum-
ferð ekki aðeins léttast í miðborg-
inni heldur í bænum öllum.
„Já, sko, það er núna eins og endranær, maður fær ekki stæði fyrir framan heimili sitt,“ gæti þessi lán-
lausi maður verið að hugsa. í gamla bænum í Reykjavík og víðar eru íbúar sárir yfir að geta ekki lagt fyrir
framan hús sín og vera jafnvel sektaðir. En það er hægt að vinna saman að einhverju leyti - kannski að
reyna mannleg samskipti? DV-mynd KAE
Bílastæðavandamál í gamla bænum:
Stöðugar framkvæmdir
Um þessar mundir er verið að
vinna að töluvert umfangsmiklum
framkvæmdum til þess aö fjölga
bílastæðum í miðborg Reykjavík-
ur. Við Laugaveg, Grettisgötu og
Njálsgötu eru bílastæði nú ská-
hallt, svo dæmi sé tekið. Þannig
hefur bílastæöum við Njálsgötu
íjölgað úr 83 í 132. í ráði er að þetta
fyrirkomulag verði viðhaft við all-
margar aðrar götur í bænum.
Að fá ekki stæði
við húsið sitt
En áfram halda stöðuverðir að
gera skyldu sína. Bílaeign lands-
manna er orðin svo mikil og sam-
gönguvenjur íslendinga orðnar svo
bundnar bílum að óhjákvæmilega
verður umferðin meiri en góðu
hófi gegnir. Þess vegna verða
árekstrar á milli fólks, eitthvað
verður undan að láta. Almenning-
ur eldar ekki bara grátt silfur við
stöðuverði heldur innbyrðis líka.
Hér virðist vera að skapast ástand
sem eitthvað verður að gera við.
En hvað?
í stórborgum erlendis sjást ekki
svo margir bilar miðað við fólks-
fjölda. Þar fer fólk í neðanjarðar-
lestum í vinnu, í strætisvögnum
eöa skiptist á aö keyra. En íslend-
ingar halda áfram að kaupa bíla,
helst áður en þeir verða 17 ára. Og
svo er bara að keyra í vinnuna.
Skilaboð á bílglugganum
DV hefur haft spurnir af íbúum
í gamla bænum sem reyna að fmna
lausn á þessum bílastæðavanda.
Þannig hafa hafa nokkrir góðborg-
arar tekiö sig til og sett vinsamleg
skilaboð á bílrúðuna hjá fólki sem
kemur til vinnu og leggur fyrir
framan íbúðarhús þeirra. Með því
móti reynir fólk að vinna saman -
þeir sem sækja vinnu og íbúar
húsa. Þarna er í það minnsta reynt
að stuðla að mannlegum samskipt-
um í stað þess að þegja þunnu
hljóði og bölva náunganum. Og
Davíð getur nú ekki reddað öllu.
Orðsendingar eru gjarna í líkingu
við þessa:
Kæri ökumaður. Okkur er ljós sá
vandi sem ökumenn eiga viö að
glíma við aö leggja bílum sínum.
Þrátt fyrir það viljum við íbúar
Grænugötu 17 fara þess á leit við
þig að þú hafir samband við okkur
til að finna Iausn á sameiginlegum
vanda okkar. Bíllinn þinn stendur
nú eins og áður fyrir framan hús
okkar. Gætir þú ekki komið og
reynt að finna flöt á þessum vanda
með okkur þannig að sem best
reynist fyrir alla.
Kær kveðja, láttu sjá þig!
-ÓTT
Hver segir að það sé bannað að koma persónulegum skilaboðum á framfæri á götuskiltum? Skyldu stork-
andi upplýsingar gera gagn? Á þessari mynd sést aö sumir reyna að vinna með náunganum.
DV-myndir KAE
Gunngeir Pétursson:
„Mætti sleppa gang-
stétt öðrum megin"
Gunngeir Pétursson, skrifstofu-
stjóri hjá Byggingafulltrúa Reykja-
víkurborgar, telur að það séu ekki
rétt vinnubrögð að keyra bíla á
brott s'em hefur verið lagt ólöglega.
„Við slíkar framkvæmdir verður
fólk fyrir miklum óþægindum og
kostnaöi viö að borga flutninga,"
segir hann.
„Þetta eru ekki réttar aðgerðir.
Mér finnst að það þurfi að taka á
þessu vandamáli frá grunni. Það
er ekki nóg að fjölga bílastæðum
með þeim hætti sem verið er að
gera núna með því að hafa þau á
ská. Þetta er lausn aö hluta til en
ekki nægileg.
Reyndar er verið aö eyða annaö
slagið úr bílastæðasjóðum en það
mætti leysa þennan vanda t.d. með
því að sleppa gangstéttum alveg
öðrum megin götu og setja þar
stæði. Það verður að taka þetta
vandamál fosturn tökum."
-ÓTT
Af einum sem leitaði
til yfirvalda
Einn viðmælenda DV úr mið-
borginni, sem segist eiga erfitt með
að leggja bílnum nær heimili sínu
en í 200-300 metra fjarlægð, leitaði
til borgaryfirvalda. Hann langaði
til aö athuga hvort einhver mögu-
leiki væri á aö það yrði komið til
móts við hann og fjölskylduna.
Maðurinn býr við Laugaveginn
og segist þurfa að hringsóla lengi
um nærliggjandi götur til að fá
stæði, ef fjölskyldan hefur þurft aö
fara einhverra erinda á bílnum.
„Þau svör sem ég fékk hjá borgar-
yfirvöldum voru einföld. Sá sem ég
talaði við spurði mig bara á móti
hvernig í ósköpunum mér hafi dot-
tið í hug að búa þarna - það væri
ekkert hægt að gera í þessu. Ætli
ég verði ekki bara aö halda áfram
að leita.“
-ÓTT
Ingi U. Magnússon gatnamálastjóri:
Hef samúð með
þessu
„Ég hef mikla samúð með því
fólki sem býr í þeim bæjarhlutum
þar sem erfitt er að fá bílastæði
fyrir framan íbúðarhús," sagði Ingi
U. Magnússon gatnamálastjóri .í
samtali við DV.
- En hvað er til ráða - er mögu-
leiki á að reyna að koma til móts
við íbúa þessara bæjarhluta með
einhverjum hætti?
„Það er stefnt að því að koma upp
bílastæðum í líkingu við þau sem
nú er verið að gera við Vesturgötu
7. Þetta eru geymsluhús fyrir bíla
þar sem fólk fengi ívilnun. Meö því
er átt viö að íbúar í viðkomandi
hverfi fengju stæði fyrir hálfvirði.
- Eruframkvæmdirhafnarannars
staðar en við Vesturgötu?
Aðgerðir í þessa veru eru reynd-
ar enn á umræðustigi. En þessi
bílastæðamál eru vandamál sem
ekki er hægt að leysa með einu
pennastriki.
- Kemur ekki til þess að stæði
fólki
verði merkt að einh verju leyti þeim
sem búa í viðkomandi húsum?
í bænum ríkir í rauninni sú regla
að það er sá fyrsti sem fær. Merkt
stæði eru ekki inni í myndinni,
nema fyrir fatlaða sem gert hefur
verið við ýmsa staði og svo við
sendiráð. Sendiráðin fá frí stæði
merkt og íslendingar njóta sömu
hlunninda erlendis við okkar
sendiráð.
Við getum ekkert annað gert en
að reyna að fara eftir merkjum og
lögum. Stöðuverðir reyna að skrifa
ekki strax upp bíla mjög snemma
dags. Það er reynt aö gefa fólki
möguleika á að komast til vinnu
o.s.frv. En þetta fer alveg jafnmikið
í taugarnar á mér og öðrum, t.d.
þegar bílum fólks sem býr tveim
götum neðar er lagt í stæði sem
maður telur sig hafa. Þá hefur við-
komandi auövitað lent í vandræö-
um heima hjá sér.“
-ÓTT