Dagblaðið Vísir - DV - 17.02.1990, Blaðsíða 10
10
LAUGARÓAGUR 17. FEBRÚAR 1990.
Kvikmyndir
Óskarsverðlaunatilnefningar birtar:
Margt kom
á óvan
Þá er búiö aö birta nöfn þeirra sem
munu berjast hatrammri baráttu í
rúman mánuö fyrir því að fá náð
hjá amerísku kvikmyndaakademí-
unni þegar afhending hinna eftir-
sóttu óskarsverðlauna fer fram í
lok apríl.
Óskarsverðlaun eru kannski
ekki sá mælikvarði fyrir gæði sem
gagnrýnendur óska sér en ef kvik-
mynd fær óskarsverðlaun eða er
tilnefnd vekur það meiri athygli á
myndinni heldur en heils árs
markaðssetning fagmanna. Þetta á
einnig við um leikara. Má segja að
framtíð þeirra sé borgið þótt aðeins
sé um tilnefningu að ræða. Hafa
margir leikarar risið upp úr ösk-
ustó og öðlast vinsældir aðeins með
því að fá tilnefningu.
í fyrrakvöld voru birtar tilnefn-
ingar fyrir 1990. Má segja að aka-
demían hafi í mörgum tilfellum
komið á óvart. Það kom þó ekki á
óvart að Born on the Fourth of
July og Dead Poets Society skyldu
vera í fremstu röð kvikmynda sem
tilnefndar voru. Það kom aftur á
móti á óvart að kvikmynd Bruce
Beresford, Driving Miss Daisy,
skyldi fá níu tilnefningar og vera
sú kvikmynd sem ílestar tilnefn-
ingar hlaut.
Driving Miss Daisy er mannleg
saga og um leið gamansöm mynd
um eldri gyðingakonu og samskipti
hennar við svartan einkabílstjóra
sinn. Hin breskættaða Jessica
Tandy, sem er orðin 81 árs gömul,
fékk tilnefningu til óskarsverð-
launa í aðalhlutverki. Þá fékk
Morgan Freeman, sem leikur bíl-
stjóra hennar, einnig tilnefningu
sem besti leikari í aðalhlutverki.
Vietnam-mynd Olivers Stone,
Bom on the Fourth of July, sem
flestir höfðu spáð yfirburðum í til-
nefningum, fékk átta tilnefningar,
þar á meðal Tom Cruise fyrir best-
an leik í aðalhlutverki. Leikur
hann Ron Kovic, hermanninn sem
lamaðist í stríðinu og gerist einn
helsti talsmaður mótmælenda
stríðsins þegar heim kemur. Þá
fékk Oliver Stone tilnefningu sem
besti leikstjóri en hann er fyrrver-
andi Vietnam-hermaður sem særð-
ist tvisvar. Bæði Born on the Fo-
urth of July og Driving Miss Daisy
em meðal kvikmynda í flokknum
besta myndin.
Ef svo vildi til að Jessica Tandy
og Morgan Freeman ynnu bæði tíl
óskarsverðlauna yrði það í sjötta
sinn sem par fengi slík verðlaun
fyrir sömu mynd. Fyrsta parið sem
fékk slík verðlaun vom Clark
Gable og Claudette Colbert fyrir
leik sinn í It Happened One Night
sem gerð var 1934.
Þekktasti leikarinn í Driving
Miss Daisy er vafalaust Dan
Aykroyd og fékk hann tilnefningu
sem besti leikari í aukahlutverki.
Það vom margar tilnefningar
sem komu á óvart. Meðal annars
að hinn ungi breski snillingur Ken-
neth Brannagh skyldi fá tilnefn-
ingu sem besti leikari og besti leik-
stjóri fyrir mynd sína Hinrik 5. sem
gerð er eftir leikriti William Sha-
kespeare.
Með þeirri mynd fetaði hann í
fótspor Laurence Olivier sem gerði
einmitt kvikmynd eftir þessu verki
1944, kvikmynd sem margir telja
bestu Shakespeare-kvikmynd sem
gerð hefur verið.
Þá kom ekki síður á óvart að
írska kvikmyndin My Left Foot,
sem byggð er á ævi írska skáldsins
og málarans Christy Brown, skyldi
fá flmm tilnefningar, þar á meðal
fékk Daniel Day Lewis tilnefningu
sem besti leikari í aðalhlutverki
fyrir túlkun sína á Christy Brown.
Þriðji breski leikarinn, sem fékk
tilnefningu í aðalhlutverk, var
Kvikmyndir
Hilmar Karlsson
Tom Cruise vinnur stórsigur sem leikari í Bourn on the Fourth of July. Hér er hann í hlutverki Ron Kovic,
nýkominn heim frá Vietnam.
Franska leikkonan Isabella Adjani fær tilnefningu sem besta aðalleik-
kona fyrir leik sinn í Camille Claudell.
Pauline Collins, sem fáir aðrir en
breskir sjónvarpsáhorfendur
þekktu þar til hún fékk aðalhlut-
verkið í Shirley Valentine sem sleg-
ið hefur í gegn í Bandaríkjunum.
Endurtekur hún þar hlutverk sem
hún lék á sviði í London.
Fimm tilnefningar fékk einnig
Glory sem segir frá atburði í þræla-
stríðinu. Fleiri tilnefningar, sem
komu á óvart, eru til að mynda
Robin Williams fyrir leik sinn í
Dead Poets Society. Ekki það að
leikur hans sé ekki góður en hann
er í mesta lagi helming sýningar-
tímans á tjaldinu. Þá kom einnig á
óvart að Isabella Adjani skyldi vera
tilnefnd sem besta leikkona í aðal-
hlutverki fyrir leik sinn í Camille
Claudel þar sem sú mynd er á
frönsku. Hér á eftir fer listi yflr
tilnefningar í helstu verðlauna-
flokkana:
Besta kvikmynd: Born on the
Fourth of July, Dead Poets Society,
Driving Miss Daisy, Field of Dre-
ams og My Left Foot.
Besti karleikari í aðalhlutverki:
Kenneth Brannagh (Henry V.),
Tom Cruise (Bom on the Fourth
of July), Daniel Day Lewis (My
Left Foot), Morgan Freeman (Dri-
ving Miss Daisy) og Robin Williams
(Dead Poets Society).
Besta leikkona í aðalhlutverki:
Isabelle Adjani (Camille Claudel),
Pauline Collins (Shirley Valent-
ine), Jessica Lange (Music Box),
Michelle Pfeiffer (The Fabulous
Baker Boys) og Jessica Tandy (Dri-
ving Miss Daisy).
Besti karlleikari í aukahlutverki:
Danny Aiello (Do the Right Thing),
Dan Aykroyd (Driving Miss Daisy),
Marlon Brando (A Dry White Sea-
son), Martin Landau (Crimes and
Misdemeanors) og Denzel Was-
hington (Glory).
Besta leikkona í aukahlutverki:
Brenda Fricker (My Left Foot),
Anjelica Huston (Enemies, a Love
Story), Lena Olin (Enemies, a Love
Story), Julia Roberts (Steel Magn-
olias) og Dianne Wiest (Parentho-
od).
Besti leikstjóri: Oliver Stone
(Born on the Fourth of July), Wo-
ody Allen (Crimes and Misdemea-
nors), Peter Weir (Dead Poets Soci-
ety), Kenneth Brannagh (Henry V.)
og Jim Sheridan (My Left Foot).
Besta handri: Woody Allen (Cri-
mes and Misdemeanors), Tom
Schlman (Dead Poets Society),
Spike Lee (Do the Right Thing),
Steven Soderbergh (Sex, Lies and
Videotapes) og Nora Ephron (When
Harry Met Sally).
Besta handrit byggð á öðm verki:
Oliver Stone og Ron Kovic (Born
on the Fourth of July), Alfred Uhry
(Driving Miss Daisy), Roger L. Sim-
on og Paul Mazursky (Enemies, a
Love Story), Phil Alden Robinson
(Field of Dreams) og Jim Sheridan
(My Left Foot).
Besta erlenda kvikmyndin: Cam-
ille Claudel (Frakkland), Cinema
Paradiso (Ítalía), Jesus of Montreal
(Kanada), Santiago, the Story of his
New Life (Puerto Rico) og Waltzing
Regitze (Danmörk).
Eins og sjá má em nokkrar kvik-
myndir sem virðast hafa farið vel
í hina 6700 meðlimi bandarísku
kvikmyndaakademíunnar sem svo
mun velja úr þessum tilnefningum.
Það vekur athygli að í þriöja skipt-
ið í röð á Danmörk mynd meðal
tilnefninga um bestu erlendu kvik-
myndina og menn skulu mun það
að Veisla Babbettu og Pelle
sigurvegari sigruðu í þeim flokki
og máltækið segir: Allt er þegar
þrennt er.
-HK
Kenneth Brannagh er tilnefndur til tveggja óskarsverðlauna, sem besti
leikari og besti leikstjóri fyrir Henry V.
Það er ekki síst leikurunum Jessica Tandy og Morgan Freeman að
þakka hve vel hefur tekist til með Driving Miss Daisy.
My Left Foot er tilnefnd til fimm óskarsverðlauna. Á myndinni er Dani-
el Day Lewis í hjólastólnum, leikstjórinn Jim Sheridan stendur bak við
hann og til hliðar við þá er leikarinn góðkunni, Cyril Cusack.