Dagblaðið Vísir - DV - 05.04.1990, Blaðsíða 11
FIMMTUDAGUR 5. APRÍL 1990.
11
Utlönd
Shimon Peres, leiðtogi ísraelska Verkamannaflokksins (tii vinstri), stendur nú á krossgötum. Segja sumir að for-
ysta flokksins muni aðeins gefa honum örfárra vikna frest áður en hún fer að svipast um eftir arftaka hans, s.s.
Yitzhak Rabin, fyrrum varnarmálaráðherra. Simamynd Reuter
Shimon Peres, leiötogi ísraelska Verkamannaflokksins:
Leiðtogi á
krossgötum
Shimon Peres, leiðtogi ísraelska
Verkamannaflokksins, stendur á
krossgötum. Svo getur fariö aö hann
missi af forsætisráðherraembætti
ísraels sem og leiötogaembætti
flokks síns takist honum ekki fljót-
lega að tryggja sér og Verkamanna-
flokknum nægan stuöning til aö setja
á laggirnar samsteypustjórn.
Peres fékk fyrir skemmstu þriggja
vikna stjómarmyndunarumboð.
Tvær vikur eru þegar liönar og enn
hefur honum ekki tekist að fá stuðn-
ingsmenn Likud-flokks Shamirs for-
sætisráöherra á þingi á sitt band. Nú
er svo komið aö báðir stærstu flokk-
arnir, Verkamannaflokkurinn og
Likud-flokkurinn, hafa svo aö segja
jafnan stuöning fulltrúa á hinu 120
sæta þingi.
„Ég er frekar svartsýnn á mögu-
leika hans til að koma saman stjórn,"
sagöi Gad Barzilai, kennari við Tel
Aviv háskólann, um stjórnarmynd-
unarmöguleika Peres. „Ef honum
tekst þaö ekki gæti hann misst leið-
togaembættið,“ bætti hann við.
Leiðtogaembættið í hættu
Fréttaskýrendur segja að takist
Peres ekki stjórnarmyndun nú
kunni að koma til aukinnar andstöðu
við hann innan flokksins sem svo
kynni að kosta hann leiðtogaembætt-
ið. ísraelsk dagblöð skýrðu frá því í
vikunni aö háttsettir embættismenn
innan Verkamannaflokksins vildu
aðeins veita Peres nokkurra daga
frest áður en þeir sneru sér að öðrum
leiðtogaefnum, s.s. Yitzhak Rabin
fyrrum varnarmálaráðherra.
Peres bar sigurorð af Rabin í bar-
áttu þeirra um leiðtogaembætti
flokksins árið 1976. Æ síðan hefur
verið frekar stirt á milli þeirra.
Heimildarmenn segja að nú sé þungt
hljóðið í mönnum innan Verka-
mannaflokksins. Likud-menn eru
aftur á móti fullir bjartsýni á fram-
tíðina og vissir um að fá umboð til
stjórnarmyndunar fljótlega.
Stjórnarkreppa
Stjórnarkreppa sú sem nú ríkir í
ísrael er til komin vegna ágreinings
Likud og Verkamannaflokksins um
afstöðu ríkisstjórnarinnar til friðar-
tillagna Bandaríkjanna. Verka-
mannaflokkurinn sleit stjómarsam-
starflnu þegar Shamir vildi ekki
skuldbinda flokk sinn til friðarvið-
ræðna við Palestínumenn.
Það eru trúarflokkar sem eru í
pddaaðstöðu í stjórnarmyndun í
ísrael nú sem endranær. Fjórir trú-
arflokkar ráða sanianlagt yflr átján
sætum á þingi og það er stuðningur
þeirra sem stóru flokkarnir sækjast
eftir. Takist hvorugum stjórnar-
myndun á þeim skamma tíma sem
þeir hafa til umráða verður gengið
til kosninga á nýjan leik í ísrael.
Reuter
Chai Ling flúði
til Frakklands
Chai Ling, leiðtogi kínverskra
námsmanna, er nú á sjúkrahúsi í
Frakklandi þar sem hún safnar
kröftum eftir að hafa verið á flótta
undan yfirvöldum í Kína í tíu mán-
uði. Kínverskir andófsmenn
greindu frá þessu í gær. Chai, sem
er rúmlega tvítug, var í fararbroddi
námsmanna sem kröfðust lýðræð-
islegra umbóta í Kína í fyrravor.
Barátta þeirra var brotin á bak aft-
ur með blóðugri árás kínverskra
hermanna á Torgi hins himneska
friðar í Peking í júníbyrjun.
Stjórnarerindrekar búast við
aukinni spennu milli franskra og
kínverskra yfirvalda vegna dvalar
Chai í Frakklandi. Kínversk yfir-
völd báru fimmtán sinnum fram
mótmæli við sendiherra Frakk-
lands í fyrra eftir að frönsk yflr-
völd höfðu samþykkt að hýsa
þekkta andófsmenn og leyft sam-
tökum, sem berjast fyrir lýðræði í
Kína, að setja upp aðalstöðvar í
París. í síðasta mánuði fetuðu
frönsk yfirvöld reyndar í fótspor
annarra vestrænna ríkja og til-
kynntu að þau ráðgerðu að taka
upp á ný viðskipti við Kína.
Miklar vangaveltur hafa verið
um afdrif Chai frá því að hermenn
gerðu árás á námsmenn á Torgi
hins himneska friðar. Fregnir hafa
borist af því að hún hafi flúið, ver-
ið handtekin eða jafnvel líflátin. í
dagblaði í Hong Kong í gær var
Leiðtogi kínverskra andófsmanna,
Chai Ling. Myndin er tekin af sjón-
varpsskjá. Simamynd Reuter
greint frá því að Chai og maöur
hennar, Feng Congde, sem einnig
er eftirlýstur af kínverskum yfir-
völdum, liefðu flúið frá Kína þann
24. mars síðastliðinn. Sjónvarpið í
Hong Kong sýndi seint á þriðju-
dagskvöld fréttamynd með Chai án
þess að greina frá dvalarstað henn-
ar. Þar sagði Chai að leiðin til frels-
is hefði verið löng og erflð og að í
lokin hefði hún verið að niðurlot-
um komin. Hún hét því að halda
áfram baráttunni fyrir lýöræði í
Kína. Reuter
Úrvals niðursuðuvörur
Gæði
med gódum mat
#/#*•••
íslenskV////
Ameriska
Tunguháls 11 • Síml 82700
FAGNAÐARFUNDUR
Átthagasal Hótel Sögu í kvöld fimmtudagskvöld 5. april kl. 20.30.
í kvöld fjölmenmim við á Sögu og kynnumst 23 merkisberum sameiningar um Nýjan Vettvang í málum Reykvíkinga.
A milli þess sem frambjóðendur Nýs Vettvangs kynna sig í eigin persónu, skemmta valinkunnir listamenn gestum
með söng, spjaiii, spaugi og hijóðfæraslætti. peir sem fram koma: Bubbi Morthens •
EHen Kristjánsdóttir og Flokkur mannsins hennar • Einar Kr. Einarsson gítarleikari
• Eftirherman góðkunna, Johannes Kristjánsson • Einsöngur: Páimi Gestsson
• Ávarp: Ragnheiður Davíðsdóttir formaður Samtaka um Nýjan Vettvang •
Kynnir: Jakob Frímann Magnússon.