Dagblaðið Vísir - DV - 07.07.1990, Page 10

10
LAUGARDAGUR 7. JÚLÍ 1990.
„Eruð þið frá Dagblaðinu-Vísi?
Helgarblaðinu? Guð minn góður.
En það er nyög gott að segja frá
afmælinu okkar,“ segir Reynir Pét-
ur Ingvarsson, heimilismaður að
Sólheimum í Grímsnesi, þegar
helgarblaðið heimsótti íbúana í
góðviðrinu á dögunum. Hann var
í óða önn að blanda lífræna áburð-
inn sem ætlaður er á gróðurinn og
eiginlega vorum við bara aö trufla.
„Ég blanda þetta allt í vélinni
hérna og það er töluvert nákvæmn-
isverk enda er ekki hverjum sem
er hleypt í hana,“ segir Reynir Pét-
ur og hlær óskaplega. „Strax á vor-
in er öllum vinnustofunum lokað
og við vinnum bara hér úti við
garðyrkju en á veturna vinnum við
að kertagerð, vefnaði og fieira.“
Reynir Pétur, sem varð lands-
frægur þegar hann gekk hringveg-
inn til styrktar íþróttaieikhúsinu á
staðnum, var fjögurra ára þegar
hann fluttist aö Sólheimum og hef-
ur nú búið þar í 37 ár.
Lúpínurnar prýða
„Það er alltaf fallegt héma. Lúp-
ínumar prýða svo mikið. Þetta er
min uppáhaldsplanta og ég sé fyrir
breiður í fánalitunum, bláu, rauðu
og hvítu,“ segir Reynir Pétur. Og
það em orð að sönnu því bláar lúp-
ínubreiður bjóða gesti velkomna
að Sólheimum á sinn sérstaka hátí.
íþróttaleikhúsið er nánast full-
búið en frágangi á anddyri er ný-
lokið. Þar fara fram íþróttaæfmgar
og samkomur, að ógleymdum leik-
sýningunum. Á dögunum var leik-
ritið Stígvélaði kötturinn fmmsýnt
og gefst almenningi kostur á að sjá
sýninguna nú um helgina en vist-
heimilið verður opið öllum í tilefni
sextugsafmælisins. Að sögn Þór-
unnar Sigurðardóttur, leiðsögu-
manns okkar um Sólheima, er
hljómburður mjög góður ög sækj-
ast kórar eftir því að halda söng-
skemmtanir í húsinu.
í íþróttaleikhúsinu er löggiltur
bocciavöllur og þar eru haldin mót
þar sem vistmenn og starfsmenn
keppa sín á milli og hafa vistmenn-
imir alltaf betur, sagði Þórunn.
Búskapur í blóma
Mikið ræktunarstarf er unnið að
Sólheimum. Grænmeti fer að
mestu til heimilisnota en það sem
er umfram er selt í Hagkaupi í
Reykjavík. Blómarækt er líka núk-
0 og er töluvert af blómum selt til
að afla tekna. Eins og áður sagði
vinna vistmenn eingöngu við garð-
yrkju yfir sumartímann. Ekki er
annað að sjá en garðyrkjan gangi
vel og eru í beðum allar algengar
grænmetistegundir en í gróður-
húsunum eru ræktaðar agúrkur
og paprikur. Öll ræktun að Sól-
heimum er lífræn en það þýðir að
aðeins er notaöur náttúrlegur
áburður, einmitt sá sem Reynir
Pétur sér um að blanda.
Sextán kálfar
og fjórir hestar
Sá sem búið hefur lengst að Sól-
heimum er Gunnar Kárason en
hann fluttist þangað fyrir 53 árum,
þá sex ára gamall. Gunnar er frá
Klúku í Eyjafirði og trúr uppruna
sínum er búskapurinn hans aðal-
starf. Hann lætur ekki vel af veður-
blíðunni síðustu daga því þurrkur-
inn ætlar að reynast gróðrinum
skaðlegur.
„Áburðurinn kemur ekki að
neinu gagni því hann er óbráðinn
á túninu. Ég er þó búinn aö slá
smávegis en ef hann ekki rignir
fljótlega lítur þetta illa út og tún
liggja undir skemmdum," segir
Gunnar. „Þessum sextán kálfum
mínum og flórum hestum veitir
ekki af öllu því heyi sem fæst.“
Búskapurinn hjá Gunnari er aö
mestu vélvæddur, ólíkt því sem
hann segist hafa vanist í sinni
heimasveit fyrir fimmtíu árum.
„Það munar miklu að hafa vélam-
ar en þó þarf að fara að endurnýja
flest tækin því þau eru orðin gömul
og úr sér gengin,“ segir hann. Hann
nýtur aðstoðar annarra heimil-
ismanna þegar mest er að gera í
heyskapnum en að öðru leyti er
hann einn að sinna bústofninum.
Reynir Pétur sér um að blanda Iffræna áburðinn sem Sólheimaheimilið notar.
DV-myndir Brynjar Gauti
Sóiheimar í Grímsnesi 60 ára:
Sjáum fyrir okkur
lúpínubreiðiu'
í fánalitunum
Sólheimar i Grímsnesi þar sem lúpínan breiðir úr sér og setur sterkan
svip á umhverfið.
Gunnar Kárason er bóndinn að Sólheimum og i hans umsjá eru sextán
kálfar og fjórir hestar.
Listmunir
í Ömmuhúsi
Þrátt fyrir mikla vinnu við bú-
störfm situr Gunnar ekki auöum
höndum í frítíma sínum. Hann
saumar út, saumar á saumavél eða
pijónar, allt eftir því hvað verkast
vill. „Mér er ómögulegt að sitja
bara og gera ekki neitt,“ segir
hann. Utsaumurinn er hans eigin
uppfmning og mynstrið teiknar
hann sjálfur. Það má glöggt sjá að
hann hefur bæði tök á nálinni og
penslinum.
Mununum sínum hefur Gunnar
safnað saman og geymir þá í svo-
kölluðu „Ömmuhúsi" því hann vill
bæði varðveita húsið og munina.
Ömmuhús er kennt við móður
Sesselju en hún bjó í þessu htla
húsi. Til skamms tíma bjó Gunnar
í húsinu en hefur nú flutt í nýrra
og rýmra húsnæði. Það er auðheyrt
á Gunnari að honum þykir vænt
um þetta hús og sögu þess. Húsið
er agnarlítið og lágt undir loft en
þama sýnir Gunnar listmunina
sína sem hann hefur imniö að í
gegnum árin.
Gunnar segir að Sólheimar hafi
mikið breyst mikiö frá því hann
kom þangað fyrst. „En starfsemin
hefur ekki breyst því frá upphafi
hefur verið unnið í anda Sesselju,"
segir hann og á þar við stofnanda
Sólheima, Sesselju H. Sigmunds-
dóttur, sem fyrir sextíu árum lagði
grunninn aö þeirri starfsemi sem
þama fer fram. „Hún var oft gagn-
rýnd en hún stóö þaö allt af sér
enda var hún afar dugleg.“
Starfsemin er rekin eftir andro-
possophiskum kenningum úr skóla
Rudolfs Steiner. Húsakynni Sól-
heima bera þessum kenningum
vitni í úthti innan og utan. „Sess-
elja kom með þessa kunnáttu frá
Þýskalandi og hafa fleiri tekið þetta
upp,“ segir Gunnar. „Alltaf síðan
hefur verið byggt í þessum stíl eins
og sjá má á íþróttaleikhúsinu."
Allir hjálpast að
Gunnar tók fyrstu skóflustung-
una að íþróttaleikhúsinu á sínum
tíma. „Hérna var fullt af fólki þegar
ég tók fyrstu skóflustunguna og
vélgrafan beiö fyrir aftan mig til
að klára grunninn enda mátti eng-
inn byrja fyrr en ég hafði klárað,“
segir hann. „Reynir Pétur sá svo
um að klára þetta með því að ganga
í kringum landið."
Sólheimar i Grímsnesi hafa notið
íjárstuðnings ýmissa aðila hin síð-
ustu ár. í þrjátíu ár hefur Lions-
klúbburinn Ægir haft það aö meg-
inverkefni að styrkja heimilið,
„Svo hjálpum við til sem búum
hér. Við þekkjum svo marga sem
vilja okkur vel og þegar við sjálf
vinnum að þessu er það enn betra,“
segir Gunnar Kárason, bóndinn að
Sólheimum í Grímsnesi. -JJ
Gunnar situr aldrei auðum hönd-
um og saumar og byggir í frítima
sínum.