Dagblaðið Vísir - DV - 05.10.1990, Blaðsíða 7

FÖSTUDAGUR 5. OKTÓBER 1990.
7
Fréttir
Hallgrímur Snorrason hagstofustjóri:
Lífskjör á íslandi ein hin
bestu í heiminum
- líífræðileg samsetning þjóðarinnar ólík og hjá öðrum Norðurlandaþjóðum
„Lífskjör á Islandi eru svipuð og
á hinum Norðurlöndunum en þau
gerast vart betri í heiminum. Þetta
er meginniðurstaða þeirrar líf-
skjarakönnunnar sem gerð var hér
á landi.árið 1988 í tengslum viö
norræna rannsókn á þessu sviði,“
sagði Hallgrímur Snorrason hag-
stofustjóri á blaðamannafundi í
gær en bætti því jafnframt við að
Islendingar þyrftu að hafa meira
fyrir því að ná þessum kjörum en
hinar þjóðirnar.
- Tilefni fundarins var kynning á
fjórum nýútkomnum bókum um
Tífskjör á Islandi og hinum Norður-
löndunum. Auk Snorra sátu fyrir
svörum Stefán Ólafsson, forstöðu-
maður Félagsvisindastofnunar ís-
lands, og Kristinn Karlsson, yfirfé-
lagsfræðingur á Hagstofu íslands.
I máli Stefáns Ólafssonar kom
fram að þó Svíar hefðu fram til
þessa tahð sig státa af besta velferð-
arkerfi heims þá sýndi nýja könn-
unin að hinar Norðurlandaþjóðirn-
ar stæðu þeim siður en svo að baki.
Þó væri erfitt að meta heildarlífs-
kjörin enda þjóðfélögin ólík að
stærð og samsetningu. Undir þetta
tók Kristinn Karlsson og benti á
að líffræðileg samsetning íslensku
þjóðarinnar væri sumpart ólík því
sem gerðist á hinum Noröurlönd-
unum. Þannig væri íslenska þjóðin
t.d. yngri en hinar og þó heimilin
væru að meðaltali stærri hér á
landi þá þýddi það ekki meira rými
á hvern fjölskyldumeðlim enda
fjölskyldurnar stærri.
Bækur þær sem kynntar voru á
fundinum eru Lífskjör og lífshættir
á Norðurlöndunum 1986-1988 og
Lífskjör og lífshættir á íslandi, báð-
ar eftir Stefán Ólafsson, Leva í
Norden eftir Joachim Vogel og
töfluhefti með sama nafni.
-kaa
Rskþurrð
í Evrópu
England:
Lítið hefur verið um fisk á enska
markaðnum að undaníomu, verðið,
sem fæst fyrir fiskinn, er spegilmynd
af þeirri vöntun sem verið hefur! Hér
hefur verið fiskitregða og lítið komið
að landi að undanfornu. Hið háa verð
á fiskmörkuðunum innanlands gerir
frystihúsunum nær ókleift að kaupa
þar fisk til vinnslu.
Eina skipið, sem landað hefur er-
lendis síðustu viku, er bv. Gullver,
hann landaði 122 tonnum og seldi
fyrir 18 milljónir kr. Meðalverð
149,75.
Alls var seldur fiskur úr gámum
770 lestir fyrir 189 millj. króna.
Þýskaland:
Bv. Ögri seldi afla sinn í Bremer-
haven alls 160 lestir fyrir 15,9 millj.
kr. Meðalverð 99,62 kr. kg.
Bv. Viðey seldi afla sinn 28. sept-
ember, alls 210 lestir fyrir 19 milljón-
ir króna. Meðalverð 92,20 kr.
Gámasölur í Þýskalandi
í september:
Alls voru seldar 1.495 lestir fyrir
132 millj. króna. Meðalverð 88,46 kr.
kg.
Bandaríkin:
Spá fyrir október
Sú lægð, sem verið hefur á fisk-
markaðnum, eí- nú liðin og betri tími
tekur nú við.
Fyrstu mánuðirnir 1990 voru mun
betri en síðustu mánuðir árið 1989
og mun fiskverð hækka í framtíðinni
jafnt og þétt.
Nokkrir skuggar eru þó á fisksöl-
unni þó verðið hækki: Fisksala á
veitingahúsum hefur heldur dregist
saman, fiskkaup almennings hafa
einnig minnkað, birgðir hafa minnk-
að og að síðustu eru kaupmenn í
Evrópu og Japan að taka stóran hlut
af þeim fiski sem farið hefur til
Bandaríkjanna á undanfornum
árum. Fiskneysla er ekki söm og hún
var, en framleiðslan er dýr í öllum
liðum, t.d. stunda of mörg skip veiðar
miðað við þann fisk sem í sjonum er.
Fjárfesting í þessum iönaði' er fjár-
frek og áhættusöm. Þau fyrirtæki
sem standast þennan mikla iostnað
eiga góða framtíð.
Fiskmarkaðurinn
Ingólfur Stefánsson
Birgðir í frystigeymslum
í ágúst1990:
1986 1987 1989 1990
Þorskur 22.850 12.472 33.108 5.242
Ýsa 2.152 1.969 1.526 1.154
Karfi 383 1.030 678 1.205
Lax 12.639 5.882 5.040 3.354
(Stiklað á stóru úr Elkins).
Lækkun dollarans hefur haft slæm
áhrif á fisksöluna almennt, fiskverð-
ið hækkar og almenningur minnkar
neysluna.
New York:
Éins og fyrr er sagt gengur fisksal-
an nú betur en hún gerir yfir sumar-
mánuðina. Skólarnir hefjast um
þetta leyti og veitingahúsin nota
meiri fisk en áður, t.d. í viðskipta-
miðdaga sem verða miklu fleiri þegar
menn eru komnir úr sumarleyfum.
Og þegar grannt er skoðað má segja
að 70% af allri fisksölunni fari fram
á veitingahúsum en sá markaður er
viðkvæmastur fyrir söluminnkun.
En þó neysla minnki aðeins hjá al-
menningi hefur það ekki eins mikið
að segja. í framtíðinni verður meira
framboð af Atlantshafslaxi á mark-
aðnum og lax frá Chile eykst jafnt
og þétt. Norðmenn hafa haldið því
fram að norski laxinn seljist fyrir
eins dollara hærra verð en lax ann-
ars staðar frá.
Alaskaufsi/surimi
Undir árslok verða 26 verksmiðju-
skip við veiðar á alaskaufsa og fram-
leiða surimi um borð. Eftir áramótin
■bætast við átta skip sem vinna aflann
í surimi. í landi eru verksmiðjur sem
geta framleitt 1.940 tonn af surimi á
sólarhring.
o
Síldarhrogn:
Landanir á síld í Kanada hafa verið
litlar en 27. ágúst var búið gþ fram-
leiða 800 tonn af hrognum eiplapan-
ir eru þolinmóðir, þeir bíðaæftir að
aðstæður batni svo hrognataka verði
möguleg. Aðeins voru 300 tonn af
hrognum unnin í ágúst.
Boulogne:
Eins og fram hefur komið hér í
þessum pistlum er fiskverð í Frakk-
landi oft mjög gott. Frá íslandi hefur
stundum verið seldur alls konar fisk-
ur og virðist ruslið, eins og það hefur
verið kallað, seljast á betra verði en
í Englandi. Gallinn er sá að miklu
dýrara er að flytja fiskinn á umrædd-
an markað en til Englands. Það getur
munað allt að 100 þúsund krónum á
gám, hvort hann er seldur í Frakk-
landi eða Englandi. Eins og við sáum
í síðasta pistli hefur mjög hátt verð
verið á fiski í París, en ekki veit ég
hver er munur á því að fara með fisk-'
inn til Parísar eða Boulogne.
Hér koma dæmi um verð á nokkr-
um tegundum: Nýlega seldist stein-
bítur fyrir 180 kr. kg, keilan seldist
á 119 kr. kg, langan á 120 kr. kg og
ýsa á 145 kr. kg. Ekki er mér alveg
ljóst hvor markaðurinn er betri, sá
franski eða enski.
Vegna fréttar um
slys á börnum
Vegna fréttar DV og viðtals þann
28. september, um slys á börnum í
umferðinni í Reykjavík, vill Margrét
Sæmundsdóttir, forskólafulltrúi Um-
ferðarráðs, benda á eftirfarandi:
Því miður urðu þau mistök að súlu-
rit í grafteikningu, sem fylgdi frétt-
inni, sýndi að eitt barn varð fyrir
umferðaróhappi í ágúst og sjö í sept-
ember en ekki fimm í ágúst og sjö í
september eins og rétt er.
I ágúst 1989 slasaðist ekkert barn í
umferðinni í Reykjavík en tvö í sept-
ember sama ár. Auðvitaö. er hæpið
að bera aðeins tvo mánuði á hvoru
ári saman og sýna þannig fram á að
slys hafi sexfaldast.
En mergur málsins er engu að síð-
ur sá að við verðum að halda vöku
okkar og koma í veg fyrir áfram-
haldandi slys á börnum með öllum
ráðum. Fyrri hluta ársins 1990 fækk-
aði slysum verulega miðað við síðast-
liðiö ár. Snúum vörn í sókn og leggj-
umst á eitt við að vinna að slysalausu
tímabih fram að jólum, það væri góð
jólagjöf.
Börn geta ekki barist fyrir sig sjálf
í þessum efnum. Það verðum við full-
orðna fólkið að gera.
EUFJLEIÐASALA ISLANDS HF.
SÍMI 675200, BÍLDSHÖFÐA 8