Dagblaðið Vísir - DV - 08.07.1991, Blaðsíða 3

MÁNUDAGUR 8. JÚLÍ 1991.
3
Fréttir
Mikill uppgangur á Hvolsvelli:
Gott einbýlishús á sama
og blokkaríbúð í borginni
„Þetta SS-mál er náttúrlega búið
að eiga sér langa meðgöngu. Fyrir-
tækið er stofnað í þessum sýslum;
Rangárvallasýslu, Ámessýslu og
Skaftafellssýslu á sínum tíma og það
hefur alltaf blundað í mönnum að
vinnslan færi fram í heimahéraði.
Menn hafa séð ofsjónum yfir því að
vinnslan skuli öll þurfa að fara fram
í Reykjavík þó að alhr geri sér grein
fyrir að markaðurinn er þar,“ sagði
ísólfur Gylfi Pálmason sem hefur
verið sveitarstjóri sl. eitt og hálft ár.
Hann er innfæddur en hafði ekki
búið á Hvolsvelli í 20 ár þegar honum
var boðin staðan.
ísólfur Gylfi Pálmason, sveitarstjóri.
„Ástæðan fyrir þessum flutningi á
Hvolsvöll er fyrst og fremst sú að hér
var gott húsnæði fyrir hendi. Það var
nýtt og glæsilegt sláturhús sem hægt
var að nýta sem kjötvinnsluhús-
næði. Það verður aldrei gert of mikið
úr því hve mikill fengur það er fyrir
lítið byggðarlag eins og Hvolsvöll að
fá 100 ný atvinnutækifæri á einni
nóttu.
Af því er auðvitað mikið af fólki
sem flyst á staðinn, t.d. faglærðir
kjötiðnaðarmenn en það stendur til,
í samvinnu við Fjölbrautaskólann á
Selfossi og kjötvinnslu Sláturfélags-
ins, að gera þetta að sérhæfðu kjöt-
iðnaðaðarsvæði."
Ódýrt húsnæði
„Hérna var á tímabUi mjög erfitt
að selja húsnæði en þessi flutningur
varð til þess aö nú eru nánast öll hús
hér seld og við erum með skipulögð
ný íbúðarsvæði og höfum úthlutað
þar 20 lóðum. Þetta er líklega eitt-
hvert allra besta byggingarsvæði í
Evrópu því þetta er marOatt og ef
maður grefur 80 cm niður er maður
kominn á vikurlag og þar undir er
möl. Menn geta jafnvel grafið fyrir
húsum á einni kvöldstund með
skóflu.
Þegar menn eru að bera saman
íbúðarverð á Hvolsvelli og t.d.
Reykjavík þá er stofnkostnaðurinn
mun minni hér. Hér borga menn t.d.
ekkert fyrir lóð og öll gjöld eru mun
lægri. Gott einbýlishús hérna selst á
svona 7 milljónir sem er eins og góð
blokkaríbúð í Reykjavík. Fasteigna-
verð hefur hækkað en það er ennþá
langt undir byggingarkostnaðar-
verði.
Kaupféiagið enn stærst
Kaupfélagið hefur lengi verið aðal-
atvinnuveitandinn á staönum og ég
held að þeir séu ennþá með flesta
starfsmenn. Þeir eru með bílaverk-
stæði og rafmagnsverkstæði og
ýmislegt í þeim dúr. Síðan hafa verið
hér trésmiðjur og ýmiss konar þjón-
usta í byggingariðnaði og hér er
prjónaiðnaður. Síðan eru hérna
verktakafyrirtæki eins og t.d. Suður-
verk sem hefur verið í mjög stórum
verkefnum. í ferðamennskunni eru
náttúrlega sérleyfisfyrirtækið Aust-
urleið sem hefur bækistöðvar hér og
er mjög traust og gott fyrirtæki. Síð-
an er Hótel Hvolsvöllur og Hlíðar-
endi sem er mjög vegleg ferðaþjón-
usta auk ýmissa smærri aðila. Fyrir
utan allan opinbera geirann en á
Hvolsvelli er t.d. miðstöð RARIK á
Suðurlandi.
Núna búa í hreppnum um 700
manns þar af tæplega 600 á Hvols-
velh. Þetta er til þess að gera ungt
byggðarlag. Þetta byrjar að byggjast
1930 og þá út frá kaupfélaginu sem
flutti hingað frá Landeyjum. í kring-
um 1970 kemur svo mikill kippur
með virkjununum og fjárfestingu í
landbúnaði. Á þeim tíma byggði
kaupfélagið um 40 einbýlishús og
seldi fólki á mjög hagstæðu verði.
Eftir 1980 kom svo afturkippur en
nú blómstrar byggðin á nýjan leik.“
-pj
Vallarskeifan hans Rúnars Árna-
sonar er annað af tveimur fyrirtækj-
um á landinu sem framleiðir skeifur
og hklega sú stærsta. Þeir framleiða
um 12-14.000 ganga á ári eða rúmlega
50.000 skeifur. Verkstæðið framleiðir
þó eingöngu skeifur á veturna.
Þeir hafa einnig Verið að þreifa fyr-
ir sér með útflutning, aðallega til
Noregs, og hafa tvisvar sent þangað
100 ganga.
-pj
Rúnar Árnason i Vallarskeifunni með sýnishorn af framleiðslunni.
DV-mynd Brynjar Gauti
SS-húsið á Hvolsvelli sem færir byggðarlaginu 100 ný störf.
DV-myndir Brynjar Gauti
ÞEIR ERU

ÖÐRUVÍSI
ÞÝSKU VEQQSKÁPARNIR
Sliiál
Ef þú ert öðruvísi ættir þú að líta til okkar
því við eigum aldeilis stórkostlegt úrval
af fallegum veggskápum, stórum og Iitlum,
í hinum ýmsu viðarlitum.
Komdu í stærstu húsgagnaverslun landsins
QOÐ QREIÐSLUKJÖR
BlLDSHÖFÐA 20-112 REYKJAVÍK - SÍMI91-681199 - FAX 91-673511