Dagblaðið Vísir - DV - 25.04.1992, Blaðsíða 26
26
LAUGARDAGUR 25. APRÍL 1992.
Nýkrýnd fegurðardrottning íslands:
„Titillinn breytir
hvorki mér
né lífi mínu"
- segir María Rún Hafliðadóttir, 19
ára menntaskólastúlka sem var valin úr hópi átján stúlkna
„Ég svaf ekki mikiö nóttina eftir
keppnina enda var mikil spenna í
mér. Strax morguninn eftir byrjaði
síminn aö hringja og stoppaöi ekki
allan daginn. Vinir og vandamenn
hafa veriö aö óska mér til ham-
ingju,“ sagði María Rún Hafliöadótt-
ir, 19 ára, nýkjörin feguröardrottning
íslands, er helgarblaöið heimsótti
hana á heimili hennar og foreldr-
anna í Árbænum á sumardaginn
fyrsta. María Rún var ákaflega yflr-
veguð og róleg. Stofan var yfirfull af
fallegum blómvöndum sem borist
höföu og á stofuborðinu lá kóróna
drottningarinnar innan um fjöldann
allan af gjöfum og símskeytum.
„Gestir hafa veriö að koma og fara,“
útskýrði María Rún er blaðamaöur
hafði orö á öllum þessum fallegu
blómum. „Þetta er búiö að vera mjög
skemmtilegur dagur."
María Rún segist hafa tekiö þátt í
fegurðarsamkeppni íslands vegna
mikils þrýstings. „Ég var beðin í
fyrra og var byrjuð aö æfa en taldi
þetta þá ekki vera fyrir mig og hætti
viö. í desember sl. var fyrst farið aö
orða við mig aö taka þátt þetta árið
en ég svaraði neitandi. í janúar var
þrýst á mig enn frekar og það endaði
með að ég tók þátt í prufu. Mér leist
strax mjög vel á stúikurnar sem voru
með og ákvað þess vegna að slá til.
Ég er að ljúka menntaskólanum í vor
og ekkert sérstakt fram undan."
Skemmtilegur tími
Æfingar fyrir keppnina hófust í
febrúar með mikilh líkamsrækt og
gönguþjáifun. „Það fóru allir pásk-
amir í æfingar og þetta hefur verið
strembinn en skemmtilegur tími og
mjög þroskandi," segir hún. María
Rún segist ekki hafa taliö sig sigur-
vegara. „Ég var búin að sjá út fyrstu
þrjú sætin en ég var ekki þar á með-
al. Auk þess var ég mjög ánægð að
fá titilinn besta ljósmyndafyrirsæt-
an. Mér fannst ekki líklegt að ég fengi
báða titlana," segir hún ennfremur.
„Ég varð því mjög undrandi þegar
nafn mitt var nefnt. Mér líst vel á
aö fara í keppni erlendis fyrir hönd
íslands. Ennþá veit ég þó ekki hvaða
keppni ég mun taka þátt í eða hvað
bíður mín.“
Eftir að hvíta húfan hefur verið
sett upp í júní ætlar María Rún til
Mílanó og starfa þar sem fyrirsæta.
Hún hefur opin samning í höndunum
þannig að hún er ekki bundin. „Ég
get farið heim þegar mér hentar,"
segir hún.
Alin upp í Lúxemborg
María Rún er fædd í Lúxemborg
19. október 1972. Faðir hennar, Haf-
liði Bjömsson flugmaður, var starf-
andi þar. „Ég var tólf ára þegar viö
fluttum hingað heim. Þaö var gifur-
leg breyting fyrir mig að koma hing-
að. Ég var í lúxemborgískum bama-
skóla þar sem öll kennsla fór fram á
þýsku. Tólf ára fór ég í menntaskóla
þar en kennslan fór fram á frönsku
I honum. Þegar ég kom heim og byrj-
aði í gmnnskóla fannst mér ég vera
María Rún Hafliðadóttir, fegurðardrottning íslands og besta Ijósmyndafyrirsætan, Heiðrún Anna Björnsdóttir varð
í öðru sæti og Þórunn Lárusdóttir í því þriðja.
Heiðrún Anna Björnsdóttir varð í öðru sæti keppninn-
ar. Hér er hún ásamt foreldrum sínum, Má Gunnars-
syni og Guðrúnu Einarsdóttur, og systur, Vigdísi Más-
dóttur, sem varð Fordstúlkan 1992.
Stúlkurnar átján komu fram í glæsilegum samkvæmis-
kjólum.
Þórunn Lárusdóttir var í þriðja sæti. Hér er hún ásamt
kærastanum, Georg Friðrikssyni, móður sinni, Sigríði
Þorvaldsdóttur, og systrum, Ingibjörgu og Hjördísi El-
ínu. Þórunn varð í öðru sæti í Fordkeppninni 1991.
Dómnefnd kvöidsins. Hún var skipuð þeim Stefáni Hilm-
arssyni, Kristjönu Geirsdóttur, Sigurði Kolbeinssyni,
Matthildi Guðmundsdóttur, Sigtryggi Sigtryggssyni,
Bryndísi Ólafsdóttur og Þórarni Jóni Magnússyni.
komin í sumarfrí. Krakkamir virtust
komast upp með allt hér heima. í
Lúxemborg var gífurlegur agi. Ef
maður gleymdi bók heima þurfti að
skrifa margar blaðsíður í refsingar-
skyni. Ef bók eða annað dót datt á
gólfið í kennslustund var slegið á
hendur manns með reglustiku.
Hlýðnin var algjör í skólanum og
mér þótti gott að fá þennan aga. Auk
þess var bömum kennt að bera virð-
ingu fyrir fullorðnu fólki sem mér
finnst vera mjög ábótavant hér á
landi."
Góður námsmaður
María Rún á tvo eldri bræður sem
eru 22ja og 23ja ára. Annar þeirra er
í námi á Flórída og er nýkvæntur.
Hinn er að ljúka atvinnuflugmanns-
prófi um þessar mundir. Móðir Mar-
íu heitir Maja Guðmundsdóttir.
Þegar María Rún lauk grunnskóla
sótti hún um inngöngu í menntaskól-
ann við Hamrahlíð. Vegna hverfa-
skiptingar komst hún ekki inn fyrr
en um jólin og hefur hún því klárað
hann á þremur og hálfu ári. María
Rún er góður námsmaður og hefur
sérstakt dálæti á tungumálum. Hún
talar ensku, þýsku, frönsku og er að
læra ítölsku. „Ég ætla að reyna að
ná BA-prófi í sem flestum tungumál-
um og gerast síðan túlkur," segir
hún. „Mér finnst mjög gaman að
læra og leiðist aldrei yfir skólabók-
um.“
María Rún hefur undanfarin þrjú
sumur starfað sem fyrirsæta í Þýska-
landi, Tokyo og Mílanó. „Þegar ég
var fimmtán ára byrjaði ég að starfa
með Módel 79 eftir að einhver benti
á mig. Ég byrjaði strax að sýna og
hef t.d. sýnt undanfarin ár á tísku-
sýningum í fegurðarsamkeppni ís-
lands. Ég var þvi ekkert óvön að vera
á þessu sviði. Vinkona mín sendi um
þetta sama leyti mynd af mér í Elite-
keppnina og þegar hringt var í mig
var ég ekkert allt of hrifin. Ég tók
samt þátt en komst ekkert áfram.
Árið eftir var ég gestur á keppninni
og þá kom Casablanca, eigandi Elite,
til mín og bauð mér samning í Þýska-
landi. Mér leist strax vel á að fara
út til Þýskalands þar sem ég talaði
málið. Þjóðveijar taka manni betur
ef maðúr talar tungumál þeirra. Það
var byijunin á fyrirsætustörfum
mínum erlendis," útskýrir María
Rún.
Fyrirsætustörf
erlendis
Fyrir ári, þegar Eileen Ford kom
hingað til lands, sýndi María Rún
henni myndamöppu sína. Stuttu síð-
ar fékk María boð um samning hjá
Fprd Models í New York eða París.
„Ég var þá nýlega búin að skrifa
undir samning í Þýskalandi og gat
því ekki þegið boðið. Ég átti kærasta
og hann var búinn að fá vinnu í
Þýskalandi þannig að erfitt var að
breyta því. Það er samt aldrei að vita
hvað ég geri seinna," segir hún.
LAUGARDAGUR 25. APRÍL 1992.
39
Fegurðardrottning Islands ásamt móður sinni og ömmu.
María Rún segir að áhuginn á fyrir-
sætustörfum hafi komið af tilviljun
þegar hún kynntist Módel 79 á sínum
tíma. Eftir að ég tók þátt í Elite-
keppninni fékk ég enn meiri áhuga
á þeim,“ segir hún. „Mér finnst mjög
gaman að starfa við þetta í stuttan
tíma í einu. Yfirleitt er ég búin að fá
nóg eftir þrjá mánuði. Maður er allan
daginn að sýna sjálfan sig og mynd-
irnar og það er leiðigjarnt."
Fjölskylda Maríu Rúnar stóð með
henni þegar hún loks tók ákvörðun
um að vera með í fegurðarsam-
keppninni. „Þeim fannst það alfarið
vera mín ákvörðun. Þau voru líka
mjög hreykin þegar sigurinn var í
höfn. Móðir mín hringdi strax í
pabba en hann er staddur í Okla-
homa í Bandaríkjunum. Einnig var
hringt í bræður mína, annan í
Flórída og hinn sem er í fríi á Mall-
orca. Þeir voru mjög ánægðir með
systur sína,“ segir María Rún og
brosir.
Jarðbundin
og yfirveguð
Hún segir að þessi titill muni í engu
breyta henni. „Ég er jarðbundin og
það þarf mikið til að raska ró minni.
Mér finnst þetta engu breyta í mínu
lífi. Ég er sama manneskjan í dag og
í gær. Hins vegar er ég mjög stolt
yfir að mega bera þennan titil og mun
leitast við að standa mig sem best
sem fulltrúi íslands á erlendum vett-
vangi. Ég er ekki óvön að koma fram
og kannski er ég yfirvegaðri vegna
þess. Auk þess hef ég áður tekið þátt
í keppni sem þessari, Photomodel of
Europe, en það var á Sikiley árið
1989 þar sem ég varð í öðru sæti. Ég
býst við að það sé öðruvísi fyrir mig
að vinna þennan titil en stúlku sem
kemur úr sveit og hefur aldrei áður
kynnst sviösljósinu. Það yrðu að
minnsta kosti meiri viðbrigði fyrir
hana,“ útskýrir María Rún.
Frjáls á ný
Áhugamál hennar tengjast námi
„Ég er stolt af að mega bera þenn-
an titil," segir fegurðardrottning ís-
lands, María Rún Hafliðadóttir.
DV-myndir Hanna
og starfi en María hefur auk þess
gaman af að fara út og skemmta sér.
Hún hefur aldrei smakkað áfengi né
tóbak og segist ekki fara á böll til að
drekka vín heldur dansa. María Rún
var á íostu í fjögur ár en upp úr því
sambandi slitnaði sl. haust. „Kærasti
minn var í námi erlendis á síðasta
ári og ég sat ein heima yfir skólabók-
um allan þann tíma. Þegar við hætt-
um saman fannst mér ég fijálsari en
nokkum tima og hef notið þess að
fara í Casablanca næstum um hverja
helgi til að hitta fólk og skemmta
mér. Maður vill óneitanlega fjarlægj-
ast vini sína meðan á föstu samhandi
stendur. Ég neita því ekki að ég kann
fijálsræðinu vel og fmnst gott að
geta ráðið mér sjálf.
María Rún segist ætla að einblína
á próflestur á næstu dögum og hún
segist hlakka mjög til útskriftardags-
ins. Ég hlakka mikið til að setja upp
hvítu húfuna," segir hún. „Það er
aðeins eitt sem fer svolítið í taugam-
ar á mér en það er umtalið í kringum
fegurðarsamkeppnina. Fólk virðist
dæma þessar stúlkur án þess að
ástæða sé til. Oft er sagt að fegurðar-
drottning íslands sé merkileg með
sig. Ég vil ítreka að maður breytist
ekki við að veröa fegurðardrottning.
Fólk ætti að líta keppnina öðrum
augum. íslenskum stúlkum hefur
gengið vel í keppni erlendis og við
ættum að vera stolt af því. Ég kvíði
engu að bera titilinn og mun á engan
hátt breytast né líf mitt,“ segir María
Rún Hafliðadóttir, fegurðardrottning
íslands.
-ELA
Miss Universe-keppnin:
Svava verður ein
af tíu í úrslitum
- segir Heiöar Jonsson snyrtir
Fegurðarsamkeppni íslands var
fyrst haldin árið 1954. Frá árihu 1950
hafði Iiins vegar veriö valin ungfrú
Reykjavík. Þær stúlkur, sem nefndar
eru hér við hliðina, hafa allar farið
í Miss Universe-keppnina. Þess er
krafist í þeirri keppni að stúlkur nar
beri titil lands síns. Miss Universe
er stærsta fegurðarsamkeppni i
heimi. Hún var í fyrstu haldin á
Langasandi í Bandarí kj unum en
fluttist til Míami árið 1959. Þá var
tekin upp Miss Intemational á
Langasandi. Sú keppni fluttist síðan
til Japans. Allt frá árinu 1971 hefur
Miss Universe-keppnin verið á flakki
og fer núna fram í Singapore 9. mai
þar sem Svava Haraldsdóttir, fegurð-
ardrottning íslands 1991, verður
meðal þátttakenda.
Mjög strangar kröfur eru gerðar í
Miss Universe-keppninni. Árið 1956
sigraði Ágústa Guðmundsdóttir i
keppninni hér heima en þar sem hún
átti eiginmann og barn gat hún ekki
tekið þátt í Miss Universe, Þá var
valin ný ungfrú ísland sem var Guð-
laug Guðmundsdóttir sem fór utan.
Ágústa hélt engu að síður titli sín-
um.
Árið 1973, ’74 og ’75 var engin feg-
urðarsamkeppni haldin á íslandi. Þá
vom stúlkur valdar sérstaklega til
að fara í Miss Universe og gerðar að
ungfrú ísland svo þær mættu vera
þátttakendur.
Á tímabili var Miss World-keppnin
talin stærri en Miss Universe en eftir
að hún brey ttist hefur Miss Uni verse
aftur skotist fram fyrir hana. Heiðar
Jónsson, sem er allra manna fróöast-
ur um fegurðarsamkeppni, telur aö
Svava Haraldsdóttir muni ná einu
af tiu sætunum í keppninni 9. maí.
Þá er hann sannfæröur um aö María
Rún Hafliðadóttir muni ná góöum
árangri þar á næsta ári. íslenskar
stúlkur hafa ekki náð árangri í þeirri
keppni siðan Guðbjörg Sigurðardótt-
ir varð í öðru sæti árið 1982.
-ELA
1990 Asta Sigríður Einarsdóttir
1991 Svava Haraldsdóttir
1992 María Rún Halfliðadóttir
DV
Fegurðardrottningar Islands
1954 - 1992
1954 Ragna Ragnars
1955 Arna Hjörleifsdóttir
1956 Ágústa Guðmundsdóttir
og
Guðlaug Guðmundsdóttir
1957 Bryndís Schram
1958 Sigríður Þorvaldsdóttir
1959 Sirrý Geirs.
1960 Sigrún Ragnarsdóttir
1961 María Guðmundsdóttir
1962 Guðrún Bjarnadóttir
1963 Thelma Ingvarsdóttir
1964 Pálína Jónmundsdóttir
1965 Sigrún Vignisdóttir
1966 Kolbrún Einarsdóttir
1967 Guðrún Pétursdóttir
1968 Jónína Konráðsdóttir
1969 María Baldursdóttir
1970 Erna Jóhannesdóttir
1987 Anna Margrét Jónsdóttir
1988 Linda Pétursdóttir
1989 Hugrún L. Guðmundsdóttir
1971 Guðrún Valgarðsdóttir
1972 Þórunn Símonardóttir
1973 Helga Eldon
1974 Anna Björnsdóttir
1975 Guðmunda Jóhannesdóttir
1976 Kristjana Þráinsdóttir
1977 Anna Björk Eðvarðsdóttir
1978 Halldóra Björk Jónsdóttir
1979 Kristín Bernharðsdóttir
1980 Elísabet Traustadóttir
1981 Guðbjörg Sigurðardóttir
1982 Guðrún Möller
1983 Unnur Steinsson
1984 Berglind Johansen
1985 Halla Bryndís Jónsdóttir
1986 Gígja Birgisdóttir