Dagblaðið Vísir - DV - 25.04.1992, Blaðsíða 44
56
LAUGARDAGUR 25. APRÍL 1992.
Menning__________________
Ugla sat á kvisti
Leikfélag Húsavikur hefur að undanförnu sýnt
Gaukshreiðrið við góðar undirtektir áhorfenda fyrir
norðan. Um daginn hélt leikhópurinn af stað með við-
amikla leikmynd og annað hafurtask, sem tilheyrir
sýningunni, og sýndi verkið nokkrum sinnum í Bæjar-
bíói í Hafnarfirði.
L.H. á sér, eins og kunnugt er, langa sögu og marga
góða liðsmenn. Það leyndi sér heldur ekki í þessari
sýningu að markið er sett hátt. Gaukshreiðrið hefur
ekki fyrr verið sett á svið hér á landi og verkið gerir
miklar kröfur til leikara og leikstjóra. Sonja B. Jóns-
dóttir hefur þýtt verkið og nær ágætlega málfari sem
á köflum er ansi kaldhamrað.
Sýningin í heild nær tökum á áhorfendum og fer í
ýmsum atriðum vel fram úr því sem venjulegt er hjá
áhugafólki. Túlkun leikenda í helstu hlutverkum er
nokkuð raunsæ og byggð upp á klárum hugmyndum
um hvem einstakling fyrir sig. Það er líka blessunar-
lega varast að gera þá að stöðluðum manngerðum eða
skopgera eymd þeirra.
Þó er mest um vert að sömu vinnubrögö eru viðhöfð
við mótun þeirra hlutverka sem mynda eins konar
bakgrunn. Þau em kannske minni háttar hvert fyrir
sig en engu að síður mikilsverður þáttur í heildar-
myndinni.
Það var sérstaklega ánægjulegt að sjá svona vandaða
og agaða úrvinnslu þar sem virðing fyrir viðfangsefni
og þátttakendum er í fyrirrúmi. María Sigurðardóttir
leikstjóri hefur leyst vandasamt verk með alúð, hún
nýtir vel hæfileika þátttakenda en gætir þess um leið
að ofgera engum.
Mörgum er minnisstæð kvikmyndin Gaukshreiðrið
þar sem margir góðir leikarar komu fram og Jack
Nicholson fór á kostum í hlutverki Randle P. McMurp-
hy. Hann er vistaður á geðsjúkrahúsi þegar önnur
úrræði þrýtur og „kerfið" er orðið uppgefið á að reyna
að tjónka við hann, enda maðurinn með eindæmum
harður af sér.
Hann fellur ekki inn í þann ramma sem þjóðfélagið
ætlast til og koma hans á stofnunina veldur titringi
meðal vistmanna og starfsfólks. í upphafi er hann stað-
ráðinn í að láta ekki brjóta sig niður en verður um
síðir að lúta í lægra haldi fyrir úrræðum Ratched
hjúkrunarkonu sem er bæði miskunnarlaus og köld.
Höfundurinn sýnir fram á hvernig öllum ráðum er
beitt til þess að eyðileggja sjálfsvitund sjúklinganna
en það er vænlegra að yfirfæra efnið í víðara sam-
hengi og sjá það sem dæmisögu um mannleg sam-
skipti og tilhneigingar almennt heldur en að einblína
á fremur fordómafulla lýsingu höfundar á læknismeð-
ferðinni.
Kúgun og valdboð í þessu litla samfélagi á sér hvort
sem er svo augljósar hliðstæður utan veggja hælisins
Leiklist
Auður Eydal
og það sama má segja um hræðslu yfirboðaranna við
fijálsa hugsun og frumkvæði.
Margir af leikurunum ná athyglisverðum tökum á
einstökum persónum, bæði gamalreyndir liðsmenn
L.H. og aðrir nýir.
Einvígi McMurphys og Ratched hjúkrunarkonu skii-
ar sér með ágætum í túlkun Jóns Fr. Benónýssonar
og Guðnýjar Þorgeirsdóttur. Þau móta þessar persón-
ur skýrum dráttum og leika fumlaust. Og Þorkell
Björnsson kemur ekki á óvart í hlutverki Dale Hard-
ings. Hann á mörg ágæt hlutverk að baki og bætir hér
enn einni minnisstæðri mannlýsingu í það safn.
Sigurður Illugason vinnur af tilfinningu og skilningi
úr vándasömu hlutverki Billy Bibbit og Baldri Kristj-
ánssyni tókst prýðilega upp sem indíánahöfðinginn
en það er eitt af burðarhlutverkunum. Margir aðrir
leikendur komu fram og eins og áður var sagt skipti
það sköpum fyrir sýninguna hvað öllum hugmyndum
var vel fylgt eftir og úrvinnslan vönduð.
Það var sannarlega ánægjulegt að eiga þessa kvöld-
stund með Leikfélagi Húsavíkur.
Leikfelag Húsavíkur sýndi i Bæjarbíói, Hafnarfirði:
GAUKSHREIÐRID
Höfundur: Dale Wasserman
Þýðandi: Sonja B. Jónsdóttir
Leikmynd: Einar H. Einarsson, Sigurður Sigurðsson og Svein-
björn Magnússon
Höfundur tónlistar og leikhljóða: Helgi Pétursson
Leikstjóri: Maria Sigurðardóttir
Myndgáta dv
Aímæli______________
Geir Jón Þórisson
Geir Jón Þórisson, aðalvarðstjóri
hjá Lögreglunni í Reykjavík, Stóra-
gerði 7, Vestmannaeyjum, varð fer-
tugurígær.
Starfsferill
Geir er fæddur í Reykjavík og ólst
þar upp. Hann lærði vélvirkjun hjá
Vélsmiðjunni Héðni hf.
Geir flutti til Vestmannaeyja 1974
og starfaði sem verslunarstjóri í
byggingavöruverslun fyrstu árin.
Hann hóf störf í Lögreglunni í Vest-
manneyjum 1976 og starfaði þar sem
varðstjóri og lögreglufulltrúi. Geir
hóf störf sem aðalvarðstjóri hjá Lög-
reglunni í Reykjavík í febrúar sl.
Fjölskylda
Geir kvæntist 1.11.1975 Guðrúnu
Ingveldi Traustadóttur, f. 5.3.1954,
sjúkraliða. Foreldrar hennar eru
Trausti Guðjónsson trésmíðameist-
ari og Ragnheiður Jónsdóttir
saumakona en þau eru búsett að
Ásbraut 13 í Kópavogi.
Börn Geirs og Guðrúnar: Þórir
Rúnar, f. 1.6.1978; Narfi ísak, f. 17.3.
1981; Símon Geir, f. 5.12.1984; Ragn-
Geir Jón Þórisson.
heiður Lind, f. 30.7.1987.
Systir Geirs er Rakel, f. 26.6.1954,
hjúkrunarfræðingur, gift Gísla Þór-
arni Júlíussyni heilsugæslulækni,
þau eru búsett á Hvammstanga og
eigaþijúböm.
Foreldrar Geirs eru Þórir Geir-
mundsson, f. 8.10.1927, verkstjóri
og Kristrún Skúladóttir, f. 8.2.1927,
Sóknarkona, en þau eru búsett að
Leifsgötu 9 í Reykjavík.
Andlát
Pálmi Sigurðsson frá Steiná í Svart-
árdal, Grettisgötu 77, Reykjavík, lést
af slysforum þriðjudaginn 21. þessa
mánaðar.
Ágúst Eiríksson, Safamýri 42, er lát-
inn.
Steinunn Jónsdóttir, dvalarheimil-
inu Hlíð, áður til heimilis að Helga-
magrastræti 47, Akureyri, lést 23.
apríl.
Þórður Maríasson frá Suðureyri,
>. Súgandafirði, lést að kvöldi 22. apríl
á Hrafnistu, Reykjavík.
THkyimiiigar
Félag eldri borgara a ■
Félagsvist spiluð í Risinu kl. 14 á sunnu-
dag.
Málþing um ungbarna-
geðlæknisfræði
Dagana 7.-a. maí heldur Bamageðlækn-
ingafélag íslands málþing sem ber yfir-
skriftina „Ungböm og mæður“. Málþing-
ið fjaliar um nýtt svið geðlækninga, ung-
bamageðlæknisfræði, sem einkum bein-
ist að tengslamyndun ungbama við sína
nánustu. Fyrirlesarar málþingsins em
r allir brautryðjendur á þessu sviði, bæði
hérlendis og erlendis. Málþingið hefst
fimmtudaginn 7. maí kl. 13 og er öllum
opið en sérstaklega er mikilvægt að
starfsfólk heilsugæslustöðva, bama-
deilda, fæðingardeilda og geðdeiida sæki
það. Þátttökutilkynningar í síma 91-
680469.
Gönguferð um Hafnarfjörð
Sunnudaginn 26. apríl mun ferðamálaráð
Skátafélagsins Hraunbúa í Hafnarfirði
bjóða almenningi upp á stutta gönguferð
um Hafnaiflörð.' Ætlunin er að bjóða
reglulega upp á slikar göngur í sumar
og er þetta sú fyrsta. Markmiðið er að
vekja athygti á gönguleiöum og áhuga-
r verðum stöðum í bænum og nágrenni.
Göngumar leiða sérfróðir skátar og
göngustjóri á sunnudaginn verður Magn-
ús Már Júlíusson kennari og mun hann
fara um norður- og vesturbæ. Gangan
hefst við Skátavelti á Víðistaðatúni kl.
14 og mun standa yfir í eina klst. Aðgang-
ur er ókeypis og allir velkomnir.
Kvenfélagið Freyja,
Kópavogi
t Félagsvist sunnudaginn 26. apríl að
Digranesvegi 12 kl. 15. Kaffiveitingar og -
spilaverðlaun.
Vitni óskast
Ekið var á beinhvíta Lödu 1200 og vinstri
afturhurð beygluð á bílastæði gamla
Akraborgarplansins aðfaranótt fimmtu-
dagsins sl. milli kl. 1.30 og 2.30. Ef ein-
hver getur gefið upplýsingar um ákeyrsl-
una þá vinsamlegast hringið í síma 35991.
Vortískusýning í
Borgarkringlunni
í dag, laugardag, kl. 13.30 verður haldin
vortískusýning í Borgarkringlunni.
Sýndar verða vörur frá verslununum
Kokteil, Plexiglas, Rodier, Blazer, Fiðr-
ildinu, Bláa fugtinum, Hárprýði, Fata-
prýði, Mömmunni, Gleraugnasmiðjunni
og Demantahúsinu. Þá verður einnig
fórðunarkynning á vegum Förðunar-
skóla Línu Rutar. Te- og kaffibúðin
Whittard of London verður með kynn-
ingu á tei og einnig verður Sól með vöm-
kynningu í Borgarkringlunni í dag.
Nemendasýning Dagnýjar
Bjarkar danskennara
í dag, 25. apríl, verður haldin aö Hótel
íslandi nemendasýning Dagnýjar Bjark-
ar danskennara. Á sýningunni koma
fram nemendur á aldrinum 4-80 ára og
munu sýna það sem þau hafa verið að
læra í vetur. Dansskófi Dagnýjar Bjarkar
hefur aðalaðsetur að Smiðjuvegi 1, Kópa-
vogi, en einnig er kennsla á Álftanesi,
Seltjamamesi, Tónabæ og svo víðs vegar
um landið. Hátíðin hefst Iti. 14 en húsið
verður opnað kl. 13. Öllum er heimill
aðgangur.
íslandsmeistaramót barþjóna
íslandsmeistaramót barþjóna verður
haldið á Hótel Sögu sunnudaginn 26.
apríl. Húsið opnað kl. 18 og þá munu
umboðsmenn verða með kynningu á sín-
um vörum. Að þvi loknu verður fram-
reiddur kvöldverður og þá verður flutt
skemmtidagskráin „Á söguslóðum" með
Gysbræðrum. Að þessu sinni taka tutt-
ugu og átta barþjónar þátt í íslandsmót-
inu. Miðaverði er mjög stillt í hóf, kr.
3.900. Að lokinni verðlaunaafhendingu
um miðnætti verður stiginn dans til kl.
03 með hljómsveitinni Einsdæmi.
Halldór Laxness 90 ára
Afmælisdagskrá til heiðurs Halldóri Lax-
ness, heiðursborgara Mosfellsbæjar,
verður haldin sunnudagskvöldið 26. apríl
nk. kl. 20.30 í Hlégarði. Aðgangur ókeyp-
is og alfir velkomnir.
Námskeiö
Prjónanámskeið
Nýtt 4 vikna pijónanámskeið hefst mið-
vikudaginn 6. mai. Leiðbeinandi er Am-
dís Bjömsdóttir. Nánari upplýsingar í
síma 11616.
Fyrirlestrar
Vorverk I Gerðubergi
í dag, 25. apríl, kl. 14 mun mun Einar
Logi Einarsson halda fyrirlestur um ís-
lensk nytjagrös í menningarmiðstöðinni
Gerðubergi. Einar mun fjalla almennt
um grasalækningar, te og kryddjurtir og
jurtatitun. Einar Logi er starfandi grasa-
læknir, sonur Ástu Ertingsdóttur grasa-
læknis, sem nú sýnir myndir málaðar
úr titum sem hún hefur unnið úr ríki
náttúrunnar í veitingabúð Gerðubergs
„Kaffi gerði“. Erindi Einars er það fyrsta
í röð erinda um gróður og garðrækt og
ganga þau undir nafninu „Vorverk í
Gerðubergi".
Fundir
Mígrensamtökin
halda fræðslufund mánudagskvöldið 27.
apríl kl. 20.30 að Bjarkarási, Stjömugróf
9. Efni: Ævar Jóhannesson talar um
heildrænar lækningameðferðir og nátt-
úmmeðul. Altir velkomnir.
Aðalfundur Mensu,
Menningarsamtaka Sunnlendinga 1992,
verður haldinn að Hótel Selfossi sunnu-
daginn 17. maí kl. 15.30. Fundurinn er
öllum opinn með málfrelsi og tillögu-
rétti. Kl. 14 hefst samsöngur sunnlenskra
bamakóra í Selfosskirkju undir stjórn
söngstjóra sinna og við undirleik sunn-
lensks tónlistarfólks.
Tónleikar
Tónleikar I Listasafni
Sigurjóns
Mucica Nova og Goethe institut verða
með tónleika í Listasafhi Sigurjóns kl. 17
í dag. Þar mun þýski sellóleikarinn Mic-
hael Bach flytja verk eftir Bemd Alois
Zimmermann og John Kage. Michael
hefur komið fram víða og leikið inn á
hijómplötur. Aðgangur er kr. 1000 en kr.
300 fyrir nemendur.
Tónleikar I Tónskóla
Sigursveins
í dag, 25. apríl, kl. 17 heldur Tónskóli
Sigursveins D. Kristinssonar tónleika í
sal skólans við Hraunberg 2. Einleikari á
tónleikunum verður Guðrún Másdóttir
óbóleikari og er þetta síðari hluti loka-
prófs hennar frá skólanum. Á tónleikun-
um verða flutt verk eftir Vivaldi, Mozart
og Poulenc. Guðrúnu til aöstoðar verða
hljóðfæraleikaramir Anna Magnúsdótt-
ir, Diljá Sigursveinsdóttir, Ingvar Jónas-
son, Olöf Sigursveinsdóttir, Rúnar Vil-
bergsson og Öm Magnússon. Allir em
velkomnir á tónleikana.
Ferðalög
Ferðafélag íslands
Upphaf raðgöngunnar 1992.
Sunnudagur 26. apríl kl. 13
A. Esja-vesturbrúnir/R-la. Gengið frá
Esjubergi á Kerhólakamb (851 m.y.s.) og
síðan haldið niður um vesturbrúnimar
að Artúni.
B. Kjalarnestangar-Saurbær/R-lb.
Auðveld ganga frá Brautarholti út með
ströndinni aö kirkjustaðnum Saurbæ.
Mætið vel búin, ekki síst í góðum skófatn-
aði til fjallgöngunnar. Munið nesti. Brott-
fór í ferðirnar frá Umferðarmiðstöðinni,
austanmegin (stansað við nýja félags-
heimiti F.I. að Mörkinni 6). Verð 1.000
kr. frítt f. böm 15 ára og yngri með for-
eldrum sínum. Veriö með í raðgöngunni
frá byijun.
Sýningar
Sýningin „Halldór
Laxness í austurvegi“
„Halldór Laxness í austurvegi" nefnist
titil sýning, sem sett hefur verið upp í
húsakynnum MÍR, Vatnsstig 10, í tilefni
níræðisafmætis skáldsins, en sýningin
tengist störfum Halldórs í félaginu og
kynningu og útgáfu verka hans í ýmsum
lýðveldum fyrrum Ráöstjórnarríkja.
Sýningin verður opnuð í dag kl. 14 og
verður opin til kl. 18 og á sama tíma á
morgun. Síðan verður sýningin opin
næstu fjóra daga, 27.-30. apríl kl. 17-18
daglega, en 1. maí, síðasta sýningardag-
inn, verður opið frá kl. 10 að morgni til
kl. 18. Hátíðarkaffi verður að venju í MÍR
þann dag frá kl. 14, hlutavelta og kvik-
myndasýningar. Aðgangur að sýning-
unni er ókeypis og öllum heimill.