Dagblaðið Vísir - DV - 09.09.1995, Blaðsíða 18

Dagblaðið Vísir - DV - 09.09.1995, Blaðsíða 18
18 LAUGARDAGUR 9. SEPTEMBER 1995 Dagur í lífi Úmars Valdimarssonar blaðamanns fyrir 20 árum: Ekki var það allt fallegt Jónas Kristjánsson horfði á mig alvöruþrunginn og sagði: „Eina leiðin til að þetta geti gengið upp er að þetta verði andskoti gott blað. Þú verður að vera reiðubúinn að leggja mikið á þig." Ég var það og var þar með ráð- inn í erlendar fréttir á nýju dag- blaði sem enginn vissi þá fyrir víst hvað ætti að heita eða hvort kæmi yfirleitt út nema í nokkra daga. En það var uppreisnartónn í þessu öllu saman og það hentaði mjög vel á þeim árum. Svo hófust dagarnir og næturnar og oft rann það allt saman. Blaða- mennska á Dagblaðinu sáluga var ekki vinna heldur lífsmáti. Við Helgi Pje byrjuðum á erlendu síð- unum klukkan fimm á morgnana og vorum búnir með þær klukkan átta. Eftir það fórum við í innlendar fréttir þar til blaðinu var lokað um tiuleytið. Þá var farið í að skrifa erlendar greinar og safna ein- hverju í sarpinn fyrir morgundag- inn. Síðdegis var blaðamannafund- ur úti í bæ og ef von var um vín- veitingar fór stundum öll ritstjórn- in í einu - enda skorti ekkert á samkvæmislíf og góðan félagsanda hjá starfsmönnum blaðsins. Ef eitt- hvað stórt var í fréttum var unnið fram á nótt og fyrir kom að menn sofriuðu fram á spónaplöturnar sem áttu að heita skrifborð. Eftir nokkra mánuði af svona vinnu/lífsmáta fórum við út á Hót- el Loftleiðir með konunum okkar og sofnuðum út af í sófanum um níuleytið. 114 fermetra skonsu Við sátum þétt fyrstu mánuðina. Fréttastofan var í 14 fermetra skonsú í Síðumúlanum og ekki nema 30-40 sentímetrar á milli - en mikið var gaman Ómar Valdimarsson var einn af upphafsmönnum Dagblaðsins fyrir tuttugu árum. Nú rekur hann ráðgjafarfyrir- tækið Athygli. DV-mynd GVA borða. Menn urðu að skáskjóta sér inn í bás - hver með sínum hætti. Jón Birgir. Pétursson fréttastjóri var með flottustu sveifluna þegar hann kom inn og hafnaði í sæti sínu og svo sat hann í öllu kraða- kinu í félagi við þrjá blaðamenn aðra, lengst af okkur Braga Sig- urðsson, Ásgeir Tómasson, og Jó- hannes Reykdal útlitshönnuð og tæknistjóra að auki. Þeir sem áttu erindi við einhvern okkar máttu gjöra svo vel að tala við alla í einu - sem auk þess voru að tala í sím- ann, berja á handknúnar ritvélar og skipuleggja saklausa óknytti gagnvart hinum hluta ritstjórnar- innar, sem sat í nokkru stærra herbergi handan við ganginn. Keppinauturinn hinum megin Stöðugur straumur var af fólki inn á ritstjórnina og jarðsamband- ið meira og öflugra en á nokkurri annarri ritstjórn sem ég hef komið nærri. Sumir komu daglega til að spjalla, flytja fréttir, hlusta á bæj- arslúðrið eða tala illa um keppi- nautinn, Vísi garminn, hinum megin við vegginn. Aldrei vafðist það fyrir okkur að viö vorum miklu betri en Vísir - og hvert tækifæri sem gafst (og miklu fleiri raunar) var notað til að raupa af yfirburðum Dagblaðsins. Vísir og Mogginn voru bara venjuleg flokksmálgögn, sem var það ljótasta sem hægt var að hugsa sér í þá daga, og hallir undir Kerfið og flokkspólitíska spillingu. Af öllu slíku var DB blásaklaust. Annar eins meydómur hefur aldrei þekkst. Það skorti heldur ekkert upp á að menn tækju sig alvarlega - enda var ekki verið að gera neitt minna en að frelsa íslenskt samfélag úr klóm Kerfisins og rótgróinnar spillingar. Það var fjölmennt á AU The President's Men í Austurbæj- arbíói og í framhaldinu gerði rit- stjórinn samnefnda bók eftir Woodward og Bernstein að skyldu- lesningu með þeim orðum að svona ættu blaðamenn Dagblaðs- ins að vinna. Sumar máttu missa sig Auðvitað brást okkur stundum bogalistin í atgangi dagsins. Sjálf- sagt er fleirum okkar farið eins og mér, að muna eftir einni eða tveimur fréttum sem óskandi væri að aldrei hefðu verið skrifaðar. En eftir á að hyggja getum við sagt eins og fyrrum ritsrjóri banda- ríska tímaritsins Esquire, sem ný- lega hefur skrifað endurminningar sínar undir heitinu Ekki var það allt fallegt - en inikiö óskaplega var gaman! Kveðja, Ómar Finnur þú fimm breytinnar? 326 '#V«^,yJ *S«0 m^e^-mB tS+8 Nú er ég viss um að ég fæ mígrenikast aftur. Nafn: Heimili: Vinningshafar fyrir þrjú hundruð tuttugustu og fjórðu getraun reyndust vera: 1. Erla Björk Gísladóttir Esjubraut 27 300 Akranesi 2. Kristinn G. Wium Hátúni 11 230 Keflavík Myndirnar tvær virðast við fyrstu sýn eins en þegar betur er að gáð kemur í Ijós að á myndinni til hægri hefur fimm atriðum verið breytt.. Finnir þú þessi fnnm atriði skaltu merkja við þau með krossi á myndinni til hægri og senda okkur hana ásamt nafhi þínu og heimilisfangi. Að tveimur vikum liðnum birtum við nöfn sigurvegar- anna. 1. verðlaun: TENSAI ferðaútvarp með kassettu, að verðmæti kr. 4.990, frá Sjónvarpsmið- stöðinni, Síðumúla 2, Reykjavík. 2. verðlaun: Úrvalsbækur. Bækurnar sem eru í verðlaun heita Líkþrái maðurinn og Athvarf öreigans, úr bókaflokknum Bróðir Cadfael, að verðmæti kr. 1.790. Bækurnar eru gefnar út af Frjálsri fjölmiðlun. Vinningarnir veröa sendir heim. Merkið umslagið með lausninni: Finnur þú flmm breyöngar? 326 c/oDV, pósthólf5380 125 Reykjavík
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.