Dagblaðið Vísir - DV - 09.09.1995, Blaðsíða 15

Dagblaðið Vísir - DV - 09.09.1995, Blaðsíða 15
I LAUGARDAGUR 9. SEPTEMBER 1995 15 + Margir leggja hönd á plóginn á stóru dagblaði. Hér má sjá fjölmenna sveit góðra starfsmanna sem standa á bak við hvert og eitt tölublað DV. Dagblað almennings DV-mynd Þess er minnst með margvlsleg- um hætti um þessar mundir að tuttugu ár eru liðin fr á því fyrsta tölublað Dagblaðsins sá dagsins ljós. Sjálfur afrnælisdagurinn var í gær en í dag býður DV lesendum sínum til afmælisveislu í Perlunni. Síðar í haust efnir DV svo til hringferðar um landið til að fagna afmælinu með lesendum sínum á landsljyggðinni. Á þessum tímamótum munu lesendur DV einnig smátt og smátt verða varir við margvísleg- ar breytingar á blaðinu sjálfu, bæði að útliti og efhi. Það á til dæmis við um þetta helgarblað sem þú ert að lesa. Það er veru- lega breytt að útliti frá því sem áður var enda er það unnið með nýrri tölvutækni sem gefur mögu- leika á fjölbreytilegri framsetn- ingu texta og mynda. Næstu vikurnaf verða ýmsar frekari breytingar gerðar á efni og útliti DV. Þær miða allar að því að þjóna lesendum sem best með heiðarlegu, skeleggu og skemmti- legu dagblaði. Fjölmiðlabylting Þær breytingar sem orðið hafa í íslenskum fjölmiðlaheimi á þess- um síðustu tuttugu árum eru svo gífurlegar að rétt er að tala um byltingu. . Dagblaðið kom til sögunnar á tíma flokksblaða. Stjórnmála- flokkar gáfu þá út þrjú dagblöð, Tímann, Þjóðviljann og Alþýðu- blaðið, og höfðu meira og minna mótandi áhrif á önnur, það er Morgunblaðið og Vísi. Á þessum tíma var ríkið eitt um reksrur ljósvakamiðla. Hér var ein sjónvarpsdagskrá, takmarkað- an tíma á dag og aldrei á fimmtu- dögum, og ein útvarpsrás, gamla gufan, sem sendi út frá morgni til kvölds en þagnaði um nætur. Tilkoma Dagblaðsins árið 1975 hristi rækilega upp í þessu staðn- aða fjölmiðlaumhverfi. Blaðið varð opinn vettvangur fyrir manninn á götunni. Það knúði aðra fjölmiðla, og þá alveg sér- staklega keppinautinn á síðdegis- markaðinum, Vísi, til að stíga skref í sömu átt. Þar með hófst sú þróun í átt til frjálsra, óháðra fjöl- miðla sem ekki varð stöðvuð. Tvö stór dagblöð Eftir nokkurra ára harða sam- keppni á -síðdegismarkaðinum varð ný bylting í íslenskum fjöl- miðlaheimi árið 1981. Þá samein- uðust Dagblaðið og Vísir að loknu löngu prentaraverkfalli og DV hóf göngu sína. Sameiningin varð til þess að Morgunblaðið fékk í fyrsta sinn í langan tíma keppinaut sem nálg- aðist hann að útbreiðslu og lestri. Fyrsta stóra lestrarkönnunin sem gerð var eftir sameininguna, árið 1983, sýndi að 75 prósent þjóðar- innar sögðust lesa-Morgunblaðið daglega eða oft en 70 prósent DV. Munurinn var aðeins fimm pró- sentustig. Á þessum tíma höfðu önnur dagblöð samt sem áður umtals- verða útbreiðslu. Tíminn var þannig lesinn daglega eða oft af 26 prósentum þjóðarinnar og Þjóð- viljinn af 20 prósentum en Alþýðu- blaðið hafði 7 prósenta lestur. Síðan þá hafa stóru dagblöðin tvö styrkt stöðu sína og yfirburði á markaðnum á kostnað minni blaðanna sem hafa sum hver hreinlega dáið drottni sínum. Það má því segja með nokkrum rétti að nú séu einungis tvö alvörudag-. blöð á íslenskum blaðamarkaði, Morgunblaðið og DV. Ljósvakabyltingin Frjálsræðisþróun í ljósvaka- miðlun fylgdi í kjölfar vorleysing- anna á dagblaðamarkaðinum. Það var eiginlega fyrst í hörðu verk- falli opinberra starfsmanna árið 1984 að tekin voru raunveruleg skref í átt til frjáls útvarpsrekst- urs. Þegar Ríkisútvarpinu var lokað í þessu verkfalli var gripið til þess ráðs að hefja frjálsan útvarps- rekstur fram hjá ríkiskerfinu. Þar höfðu starfsmenn DV mikilvæga forystu með Fréttaútvarpinu svo- kallaða sem útvarpaði fréttum til landsmanna með reglubundnum hætti allt þar til stöðinni var lok- Laugardagspistill Elías Snæland Jónsson aðstoðarritstjóri að með áhlaupi rannsóknarlög- reglu. Eftir þau átök var ekki lengur meirihluti fyrir þvi á Alþingi að banna frjálsan útvarpsrekstur. Nýjar útvarpsstöðvar komu til sögunnar og í kjölfarið ný sjón- varpsstöð. Afleiðingin er meðal annars það gífurlega framboð á útvarps- og sjónvarpsefni sem allir kannast við i dag hjá ríkissjónvarpinu, Stöð 2, Fjölvarpinu og þeim er- lendu gervihnattastöðvum sem is- lenskir notendur ná beint gegnum eigin diska. Og fram undan virðist enn frek- ari samkeppni á því sviði þegar ís- lenska sjónvarpið og Sýn hefja reglulegar útsendingar á nokkrum rásum. Tölvubyltingin Önnur bylting hefur orðið í dag- blaðaheiminum á þessum tveimur áratugum. Öll sú tækni sem notuð er við vinnslu dagblaða hefur gjör- breyst. Þar ræður mestu gífurleg framþróun í tólvutækni. Fyrir tuttugu árum var allt efni dagblaðs skrifað á pappír á ein- faldar gerðir ritvéla. Nú eru frétt- ir og greinar samdar beint á tölv- ur sem geta leikið sér með form textans á marga vegu, allt eftir því sem hönnuðir blaðsins biðja um. Fyrir tuttugu árum voru lang- flestar myndir dagblaðanna svart- hvítar og stækkaðar á pappír. Nú eru allar myndir teknar í lit og filmurnar skannaðar beint inn í tölvuforrit sem geta lagað mynd- irnar nánast að vild. Þetta hefur stóraukið möguleika blaðanna til að sýna lesendum sínum veröld- ina í lit. Stærri og betri Það er víða lenska að trúa því að öllu miði aftur á bak. Heimur versnandLfer, segir máltækið. En þegar grannt er skoðað kem- ur yfirleitt í ljós að slíkar fullyrð- ingar byggjast á fortíðarsýn sem á meira skylt við hillingar en veru- leika. Þetta á líka við í blaðaútgáf- unni. Sá mikli munur sem er á is- lensku dagblöðunum nú og fyrir tuttugu árum er nefnilega allur nútímanum í hag þótt sumir haldi annað að óathuguðu máli. Stóru dagblöðin eru ekki aðeins stærri og efnismeiri heldur líka mun bet- ur úr garði gerð að öllu leyti. Grundvallaratriði blaða- mennsku sem vill vera frjáls og óháð eru hins vegar þau sömu og áður. Markmið hennar er sem fyrr að upplýsa lesendur um allt það sem almenning varðar og koma þeim frásögnum á framfæri á eins skýran og aðgengilegan máta og tök eru á. Margir leggja hönd á plóginn á stóru dagblaði. Tjjölmenn sveit góðra starfsmanna stendur þannig á bak við hvert og eitt tölublað DV. Eðli málsins samkvæmt er dag- blað nýtt á hverjum degi. Hvert tölublað er því ekki lengi í vinnslu. En handtökin eru afar mörg allt frá því fyrsta frétt dags- ins er skrifuð þar til blaðið er komið í hendur lesenda. Allir hlekkir í þeirri keðju hafa mikil- vægu hlutverki að gegna. Oghvaðsvo? Á miklum breytingatímum er erfitt að spá fyrir um þróun mála næstu áratuga. Það er því óvarlegt að fullyrða mikið nú um það hvað gerast muni í íslenskri fjölmiðlun næstu tuttugu árin. Eitt er þó næsta ljóst. Tölvubyltingin mun halda áfram að breyta heiminum og þar með daglegu umhverfi okkar ailra. Samspil tölvunnar, stafræna símkerfisins, sjónvarpsins og fjar- skiptahnattanna mun hafa mikil áhrif á vinnu manna og afþrey- ingu - daglegt amstur fólks, skemmtanir og menningarstarf. Sumir spekingar spá því að í þessari framtíðarbyltingu muni felast dauðadómur yfir prentmiðl- um. Þaö er mikill misskilningur. Tæknibreytingar síðustu ára eiga veigamikinn þátt í þeirri framför sem orðið hefur við framleiðslu blaða og bóka á liðnum áratugum. Ef prentmiðlunum tekst að nýta sér nýjungar komandi ára með svipuðum hætti er engin ástæða til að ætla annað en að dagblöð verði enn sem fyrr nauðsynlegur þáttur í daglegu lífi fólks þegar líða tekur á tuttugustu og fyrstu öldina. Elias Snæland Jónsson
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.