Þjóðviljinn - 09.09.1988, Blaðsíða 8

SMART-SKOT
_________________LEIÐARI______________
Botninn er suður í Borgarfirði
Ríkisstjórnin á aö fara frá.
Ekki er kyn þótt keraldiö leki, botninn er suöur
í Borgarfiröi sögöu þeir Gísli, Eiríkur og Helgi
eftir aö upp kom mikill vandi á Bakka og búið aö
skilgreina hann lengi í athugunarnefndum og á
samráðsfundum.
Þetta er svipað með ríkisstjórn Þorsteins,
Steingríms og Jóns Baldvins. Botninn er suöur í
Borgarfirði. Ríkisstjórnin hefur fyrir fullt og allt
misst það sem ríkisstjórn, - hvaða ríkisstjórn
sem er -, er allra nauðsynlegast. Þaö er tiltrú
þjóöarinnar.
Sú kreppusótt sem sífellt hefur elnað síðustu
daga er ekki einstæö. í rauninni hefur ríkis-
stjórnin veriö í kreppuástandi allt þetta ár. Þaö
mætti dagsetja kreppu stjórnarinnar við ákvörð-
unina um matarskatt, þaö mætti líka segja að
hún hafi orðið opinber og augljós þegar formað-
ur Framsóknarflokksins lýsti því yfir um miðjan
janúar að Róm brynni.
Síðan hefur bálið magnast, og efnahagsað-
gerðir ríkisstjórnarinnar aðeins gert illt verra.
Gengisfellingin og bráðabirgðalögin í maí áttu
að rétta við útflutningsgreinarnar, meðal annars
með banni gegn kjarasamningum og verkföll-
um. Árangrinum er best lýst með þeim orðum
Morgunblaðsins að þær séu „einhverjar mis-
heppnuðustu aðgerðir sem ríkisstjórn hefur
gripið til um langt skeið“.
Forsætisráðherra hefur haldið því að
mönnum að vandinn nú sé fyrst og fremst
sprottinn af ytri aðstæðum sem verði sífellt verri.
Morgunblaðið hefur verið iðið við að kenna um
almennri eyðslusemi og óskilgreindri neyslu,
sem nú verði að minnka. Oddvitar stjórnarand-
stöðunnar og forystumenn í samtökum launa-
fólks tala um hagstjórnarkreppu. Þessar skýr-
ingar eru allar brot af sannleikanum, að vísu í
ólíkum hlutföllum. Það er til dæmis rétt hjá Þor-
steini Pálssyni að ytri aðstæður hafa versnað
nokkuð frá því góðærið var í hámarki fyrir nokkr-
um misserum, og þessvegna er ekki lengur
hægt að koma vandamálunum fyrir kattarnef
með þess aðstoð. Því má heldur ekki gleyma að
nú standa yfir heiftúðugir timburmenn eftir það
frjálshyggjufyllirí í peningamálunum sem ríkis-
stjórn Steingríms Hermannssonar steypti sér í
með gráum markaði og hinu alræmda vaxta-
frelsi.
Menn hafa ýmsar skýringar og ýmsar lausnir,
en öllum ætti að vera Ijóst að sú ríkisstjórn sem
ætlar að stýra útúr brotsjónum þarf:
í fyrsta lagi að vera samhent,
í öðru lagi að vita hvert hún ætlar að fara,
í þriðja lagi að hafa stuðning fólksins, annars-
vegar skilning og hjálp öflugustu samtaka al-
þýðu, hinsvegar tiltrú almennings.
Ríkisstjórn Þorsteins Pálssonar uppfyllir ekk-
ert þessara skilyrða, og saga hennar hingaðtil
bendir sterklega til þess að hún sé ekki í þann
stakk búin að hún muni nokkurn tíma geta upp-
fyllt þau.
Ráðherrar, forstjórar og stjórnarþingmenn
hafa undanfarið verið í samkvæmisleikjum í við-
ræðustofum, sjónvarpssölum og á síðum
blaðanna. Þeir deila um það hvort stjórnin sé
dauð eða hálfdauð og hvort það sé hægt að
lífga við hræið. Á meðan ríkir upplausnarástand
víða í atvinnulífinu og neyðarástand á fleiri
heimilum en menn vilja vita af.
Þjóðin hefur ekki efni á því að botninn sé
hafður öllu lengur suður í Borgarfirði. Ríkis-
stjórnin á að fara frá, og það á að mynda nýja.
Því er borið við að kosningar og stjórnarmynd-
unarviðræður kosti of mikinn tíma. En hversu
miklum tíma hefur ekki þessi stjórn eytt til einsk-
is?
-m
Síðumúla 6 * 108 Reykjavík
Sími 681333
Kvöldsíml 681348
________\__________________
Utgefandl: Útgáfufélag Þjóðviljans.
Rltatjórar: Árni Bergmann, Mörður Ámason, Óttar Proppé.
Fróttastjóri: Lúðvík Geirsson.
Ðlaöamenn: Guðmundur Rúnar Heiðarsson, Heimir Már Pótursson,
HjörJeifurSveinbjömsson, KristóferSvavarsson, Magnfríður
Júlíusdóttir, Magnús H. Gíslason, Lilja Gunnarsdóttir, ólafurGíslason,
Páll Hannesson, SigurðurÁ. Friðþjófsson, Sævar Guðbjörnsson, Þor-
finnur ómarsson (íþr.).
Handrlta- og próf arkaleatur: Elías Mar, Hildur Firifisdóttir.
Ljósmyndarar: Einar ólason, Jim Smart.
Utlltataiknarar: Kristján Kristjánsson, KristbergurÓ. Pótursson
Framkvæmdastjóri: Hallur Páll Jónsson.
Skrlfstofustjóri: Jóhanna Leópoldsdóttir.
Skrlfatofa: Guðrún Geirsdóttir, Kristín Pótursdóttir.
Auglýslngastjóri: Olga Clausen.
Auglýsingar: Guðmunda Kristinsdóttir, Unnur
Ágústsdóttir, Sigurrós Kristinsdóttir.
Símavarsla: Sigríður Kristjánsdóttir, Þorgerður Sigurðardóttir.
Bílstjóri: Jóna Sigurdórsdóttir.
Útbrelöslu-og afgrelöslustjóri: Björn Ingi Rafnsson.
Afgreiösla: Halla Pálsdóttir, HrefnaMagnúsdóttir.
Innheimtumenn: Katrín Bárðardóttir, ÓlafurBjörnsson.
Utkeyrsla, afgreiösla, ritstjórn:
Síðumúla 6, Reykjavík, símar. 681333 & 681663.
Auglýsingar: Síðumúla 6, símar 681331 og 68131Q.
Umbrot og setning: Prentsmiðja Þjóðviljans hf.
Prentun: Blaðaprent hf.
8 SÍÐA - ÞJÓÐVILJINN - NÝTT HELGARBLAÐ