Þjóðviljinn - 09.09.1988, Blaðsíða 26

Þjóðviljinn - 09.09.1988, Blaðsíða 26
AÁBDÐEÉFGHIÍJKLMNOÓPRSTUÚVXYÝÞÆÖ Setjiö rétta stafi í reitina hér fyrir neðan. Þeir mynda þá bæjarnafn. Sendið þetta nafn sem lausn á krossgátunni til Þjóðviljans, Síðumúla 6, Reykjavík, merkt: „Krossgáta nr. 7". Skilafrestur er þrjár vikur. Verðlaunin verða send til vinningshafa. Verðlaunakrossgóta £ 23 )2 15 f 6 )0 Z 3 21 Lausnarorðið á verðlaunakrossgátu nr. 4 var Blundsvatn. Dregið var Verðlaun fyrir krossgátu nr. 7 úr réttum lausnum og upp kom nafn Heiðu Rúnarsdóttur, Bárugötu 6, er bókin Ævi og ástir kven- Reykjavík. Hún fær senda bókina Hvísla að klettinum, Ijóð, jojk, þjóð- djöfuls eftir Fay Weldon For- sögur og ævintýri úr fórum Sama í þýðingu Einars Braga. |agjð gaf út MATU JÓNA SIGURÐARDÓniR Enn meira mexíkanskt Á Kyrrahafsströnd Oaxaca- fylkis í Mexíkó kúrir lítið fiski- mannaþorp er Puerto Angel heitir. Þótt íbúatalan sé ekki há, eða um 2000 íbúar, er þar ótrú- legur fjöldi lítilla, heillandi veitingastaða undir pálmaþökum er veita skjól fyrir miskunnar- lausri sólinni. Á einum slíkum stað réð ríkj- um kjarnakonan Romana Herr- era de la Cruz, eða mama Cruz eins og hún var kölluð af öllum í þorpinu. Staðir þessir voru allir með fiskrétti, sem eðlilegt er, en bestu réttina var að fá hjá mama Cruz. Hún útbjó hina herlegustu fisk- og skeldýrarétti er ég hefi smakkað, þar á meðal Ceviche; sítrónuleginn fisk, sem í hennar meðförum varð einstakt lostæti. Daginn sem ég og fjólskylda mín kvöddum þorpið fór ég þess á leit við mama Cruz að hún opinber- aði mér leyndardóminn. Gerði hún það fúslega, brosmild og hlý að vanda, en vorkenndi greini- lega þessari gringu sem búin var að búa í þorpinu mánuðum sam- an og kunni ekki einu sínni að búa til Ceviche. Uppskriftin var vandlega skjalfest og var hún á sama veg og flestar aðrar frá mexíkönskum konum; engin mál né vog, heldur tilfínningin sem ræður. Skjaí þetta fór því miður forgörðum á langri leið til heimahaganna en talsvert af uppskriftinni sat eftir í heilanum, hvað þá í bragð- laukunum, og nú ætla ég að reyna að gefa ykkur uppskrift að Cevic- he í von um að ykkur takist jafn vel og mama Cruz. 1 ýsuflak skoriö í litla bita safi úr 3-4 sítrónum 2 tómatar skornir í bita frekar smátt 1 laukur mjög smátt skorinn 4 eða fleiri pepperoni (chile) steinselja smátt söxuð oregano salt pipar og örlítið af einhverri góðri tómat- sósu. Setjið fiskinn á djúpan disk eða fat, og kreistið sítrónusafann yfir. Setjið í kæli og veltið fiskinum til öðru hvoru. Látið liggja í sítrónu- safanum a.m.k. sex klukkustund- ir. Veiðið fiskinn upp úr og geym- ið safann. Blandið saman tómötum, lauk, chili, steinselju, kryddið með oregano, salti og pipar, bæt- ið tómatsósu og safanum af fisk- inum út í ailt eftir vild. Þessi réttur er mjög góður sem forréttur með ósætu kexi, eða sem notalegt nasl, sem neytt er í góðra vina hópi, með hvítvíni, ljúfri tónlist og umræðum um að- gerðir ríkisstjórnarinnar í efna- hagsmálum. DRAUMSTAFIR KRISTJÁN ?RÍMANN Þeir dreymendur sem vilja fá drauma sína ráðna sendi þá ásamt fullu nafni, heimilisfangi og dulnafni til blaðsins merkt: Draumstafir, Nýtt helgarblað, Þjóð- viljinn, Síðumúla 6, 108 Reykjavík. Á f jórum eða tveim Við erum um margt kenjóttar skepnur, m.a. er einn af drauma- leikjum okkar að bregða okkur í gervi ýmissa dýra, til að villa sýn, sýnast, sýna lit, sýna hug eða ... t.d. er hesturinn oft tákn kyn- losta. Þegar við bregðum okkur í dýralíki í draumum okkar göngum við oft erinda græðgi, frekju, hörku, heimsku, drambs og ámóta göfugra markmiða. Oft er þettameðvituð athöfn til að breiða yfir raunverulegt lundar- far eða til að firra sig ábyrgð. Svo eru dýrin oft gervingar annarra „manna" eða táknmyndir tíma, t.d. getur api verið bein tilvísun til fyrsta tilverustigs. Úlffur í sauðargæru Dýrabúningarnir eru oft gerv- ingar tilfinninga eða myndir af ástandi sálarinnar. í kvikmynd- um, sögum og ævintýrum gerum við þessar kenndir okkar að veru- leika, gott dæmi um slíkt er „barna"sagan um Rauðhettu og úlfinn, sem er vel falin útlistun á Að lýsa úlfana úr sauöunum. streitu og fylgifiskum hennar. í íslenskum þjóðsögum er allt mor- andi af alls kyns skepnum, svo sem fnykum, skuggaböldrum, marbendlum og skoffínum. Þessi illþýði vísa oft beint til geðrænna erfiðleika sem á þeim tíma voru manninum ill skiljanlegir og um- breyttust því í vinsælar söguper- sónur. Draumur Hjörleifs Fyrir skemmstu dreymdi mig allsérkennilegan, óboðinn gest: mér þótti ég vera heima með stráka mína tvo, fimm og tveggja ára, og vorum við feðgar komnir uppí en þó ekki sofnaðir. Við heyrðum eitthvert þrusk í íbúð- inni, förum fram og rekumst þá á úlf. Úlfinum gátum við þröngvað ofan i strigapoka, en fyrst náðum við af honum útidyralyklinum imínum sem hann hafði misnotað til að brjótast inn hjá okkur. Við !fjór„menningarnir" förum þessu !næst út í bíl og keyrum sem leið liggur út á Keflavíkurflugvöll. Þar tekur við heilmikill þvælingur með pokaúlfinn sem við létum ganga sem þéttast meðal okkar, en settum fyrst derhúfu á hausinn á honum til að villa um fyrir starfsfólki Leifsstöðvar. Áætlun okkar var semsé að losna við þennan óboðna gest úr landi sem og tókst! Einhvern veginn kom-. um við honum í gegnum vega- bréfaeftirlit og upp í flugvél, sem síðar flaug með úlfinn eitthvað út í heim. Ráöning Það er oft skemmtilegt að sjá hversu slungin undirvitundin er að segja frá óþægilegum hlutum á sakleysislegan hátt, eins og hér í draumi Hjörleifs þar sem hún notar sögur úr barnæsku til að koma hálf hráslagalegum „sannleika" á framfæri. Þú munt lenda mjög bráðlega í upRgjöri v»ð „skoðun" sem hefur verið að þróast innra með þér. Þessi „skoðun" sem hefur verið að sækja á þig og þú hefur farið mjög dult með krefst nú réttar síns, að verða sýnileg eða...? „Skoðunin" sem virðist hafa logið sig inná þig neytir allra bragða til að ná yfirhöndinni og því muntu þurfa á öllu þínu hyggjuviti að halda til að ná því marki sem draumurínn boðar, að losna við úlfinn og halda eftir bæði lambi og heypoka. 26 SÍÐA - ÞJÓÐVILJINN - NÝTT HELGARBLAÐ

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.