Þjóðviljinn - 30.09.1988, Blaðsíða 7

Væringar í Vemd
Herbergi á heimili fangahjálparinnar á Laugateigi.
Fangahjálpin þarf að byrja innan fangelsismúranna en ekki þegar fangarnir snúa aftur út i þjóðfélagið. Myndin er frá
Litla-Hrauni.
Stjóm Vemdar
Á aðalfundi Verndar átti að
kjósa 13 manns í stjórn samtak-
anna, en stjórnina skipa 40
manns og 5 til vara. Á hverjum
aðalfundi er skipt um þriðjung
stjórnarmanna. Þegar í ljós kom
að hætta var á að listi stjórnar
myndi ekki ná kjöri var farið í
hart með það hverjir væru at-
kvæðisbærir á fundinum.
Þótt fangarnir og ýmsir aörir
telji Björn Einarsson, félags-
málafulltrúa Verndar, hæfastan
til að að veita samtökunum for-
ystu, þá er talið mjög ólíklegt að
Björn sé þess sjálfur fýsandi. Því
hefur verið talað um að Guð-
mundur Jóhannsson, fyrrverandi
framkvæmdastjóri Verndar og
fyrrverandi fangelsisstjóri á
Litla-Hrauni færi fram gegn Jónu
Gróu. Óvíst er hvernig málinu
lýkur því þeir sem sátu eftir á
fundinum kusu sína menn
stjórn, en hvort sú kosning verð-
ur tekin gild er ekki ljóst.
Núverandi stjórn Verndar
skipa eftirtalin: Heiðursformað-
ur er Þóra Einarsdóttir. Formað-
ur er Jóna Gróa Sigurðardóttir.
Framkvæmdastjórn skipa Hrafn
Pálsson, varaformaður, Hanna
Johannessen, ritari, Ottó Örn
Pétursson og Sigurjón Kristjáns-
son.
Varamenn í framkvæmda-
stjórn eru Björn Einarsson,
Ragnar Halldórsson, Jón Guð-
bergsson, Hróbjartur Lúthersson
og Stella Magnúsdóttir.
í aðalstjórn sitja Árelíus Níels-
son, Árni Johnsen. Áslaug Cass-
ata, Axel Kvaran, Birgir Isleifur
Gunnarsson, Björg Hafsteins-
dóttir, Breynleifur Steingrfms-
son, Bragi Sigurðsson, Edda
Gísladóttir, Elísabet Hauks-
dóttir, Friðrik Sóphusson, Guð-
mundur Árni Stefánsson, Guð-
mundur J. Guðmundsson, Hall-
dór Einarsson, Helgi Krist-
bjarnarson, Hermann Gunnars-
son, Jóhanna Sigurðardóttir, Jón
Bjarman, Kristján Guðmunds-
son, Már Egilsson, Ólafur
Hauksson, Sigríður Heiðberg,
Sigríður Ólafsdóttir, Sigríður
Valdimarsdóttir, Sigurður Guð-
mundsson, Sjöfn Sigurbjörns-
dóttir, Sveinn Skúlason, Unnur
Jónsdóttir, Þorsteinn Guðlaugs-
son og fulltrúi dómsmálaráð-
herra.
Varamenn í aðalstjórn eru þau
Ásgrímur P. Lúðvíksson, Frank
Cassata, Sigríður Hannesdóttir,
Guðrún Beck og Helga Guð-
mundsdóttir.
-Sáf
Undanfarin misseri hefur mikil
óánægja verið að grafa um sig
innan félagasamtakanna og fang-
ahjálparinnar Verndar, með
störf Jónu Gróu Sigurðardóttur,
sem framkvæmdastjóra og for-
manns stjórnar félagasamtak-
anna. Á aðalfundi félagsins, sem
haldinn var fimmtudaginn 22.
október sauð svo upp úr og yfir-
gaf minnihluti fundargesta aðal-
fundinn með Jónu Gróu, eftir að
hún hafði slitið fundi. Meirihluti
fundargesta hélt þó áfram fundi
og kaus 12 menn í aðalstjórn og
fimm menn í varastjórn.
Ágreiningurinn sem upp kom á
fundinum snérist um það hvort
allir fundarmenn ættu að hafa at-
kvæðisrétt eða hvort einungis
þeir hefðu atkvæðisrétt, sem
hefðu skráð sig í Vernd með
minnst viku fyrirvara.
Vantraust
á fundarstjóra
Jón Bjarman, sjúkrahúsprest-
ur, var fundarstjóri á fundinum.
Hann úrskurðaði að allir fundar-
menn hefðu atkvæðisrétt. Hann
sagði í samtali við Nýja Helgar-
blaðið að úrskurð sinn hefði hann
byggt á því að sú hefð hefði ríkt
innan samtakanna að allir
fundarmenn á aðalfundi hefðu
atkvæðisrétt.
Jón sagði að strax í upphafi
fundar hefði Hrafn Magnússon,
varaformaður framkvæmda-
stjórnar, beðið um úrskurð um
hverjir væru atkvæðisbærir á
fundinum og að það hefði farið
fram umræða um það. „Á grund-
velli þeirrar umræðu tók ég svo
ákvörðun."
Dagskrá fundar hélt áfram
með eðlilegum hætti. Skýrsla
stjórnar og reikningar voru rædd-
ir og samþykktir en þegar kom að
liðnum lagabreytingar kom fram
skrifleg fyrirspurn utan úr sal frá
Sigurði Guðmundssyni, syni
Jónu Gróu og ritstjóra Verndar-
blaðsins, um það hvort Jón gerði
sér grein fyrir því hvaða vald
hann hefði tekið sér. „Ég leit á
það sem vantraust á mína fundar-
stjórn og vék því úr embætti á
meðan fundarstjórn mín yrði
rædd. Þá sleit formaður Verndar
fundinum. Samkvæmt mínum
skilningi á fundarsköpum var
ákvörðun mín um atkvæðisrétt-
inn fullkomlega eðlileg," sagði
Jón.
Fyrir sex árum, þegar Jóna
Gróa var kjörin formaður Vernd-
ar, kom upp mjög svipað mál. Þá
fjölmennti fólk á fundinn, sem
haldinn var á Hótel Holti, sem
ekki hafði áður starfað með
Vernd. Á þeim fundi féll í kosn-
ingum fólk sem hafði starfað
mikið að þessum málum, m.a.
Bjarki Elíasson, yfirlögreglu-
þjónn, Björk dóttir hans, sem
starfar í Hegningarhúsinu og Pét-
ur Jónsson, sem hafði mikið
starfað að þessum málum.
„Þetta sár virðist nú vera að
taka sig upp,“ sagði Björn Ein-
arsson, félagsmálafulltrúi Vernd-
ar, en hann hefur starfað að fang-
ahjálp í sjö ár. Björn sagði að það
fólk sem hefði orðið undir í kosn-
ingunum fyrir sex árum hefði nú
fjölmennt á fundinn.
Alls mættu 65 manns á fundinn
en um 20 yfirgáfu fundinn þegar
Jóna Gróa sleit honum. Hinir
héldu áfram fundarsetu og tók
Guðmundur Jóhannsson, fyrr-
verandi fangelsisstjóri á Litla
Hrauni og fyrrverandi fram-
kvæmdastjóri Verndar að sér
fundarstjórn. Á fundinum fór
fram kosning 12 stjórnarmanna
einsog boðað hafði verið á dag-
skrá fundarins. Einnig var boðað
til aðalstjórnarfundar 10. októ-
ber nk.
Jóna Gróa sagði að á fundinum
hefðu verið ansi margir sem ekki
væru á félagaskrá Verndar og því
hefði hún ákveðið að slíta fundi
til þess að fá úr því skorið laga-
lega hverjir hefðu atkvæðisrétt á
fundinum. Á fundi framkvæmd-t
astjórnar, sem haldinn var nú á
miðvikudag var ákveðið að fela
Jónu Gróu og tveimur öðrum
konum úr framkvæmdastjórn,
þeim Hönnu Johannessen og
Stellu Magnúsdóttur, að kanna
lagalega hlið málsins. Einnig var
ákveðið að halda annan fund
framkvæmdarstjórnar fljótlega
eftir að búið er að kanna lög-
fræðiiegu hliðina.
f samtali við Nýja Helgarblað-
ið sagði Jóna Gróa að meðal
þeirra sem ekki væru á félaga-
skrá, en hefðu mætt á fundinn,
væru t.d. margir af skjólstæðing-
um Verndar. „Við getum ekki
látið fólk af götunni kjósa stjórn
samtakanna. Mér finnst of langt
gengið þegar farið er inn á heimili
Verndar að Laugateig til þess að
hafa áhrif á fólk.“
Þegar gengið var á Jónu Gróu
og hún beðin að upplýsa hvaða
fólk hefði farið inn á heimilið
vildi hún ekki segja það að svo
stöddu, hinsvegar muni hún birta
lista yfir þetta fólk ef það komi
fram yfirlýsingar frá því. „Þá
munu alvarlegir hlutir koma upp
á yfirborðið.“
Ekki smalað
Sigurjón Jósepsson, húsvörður
á Laugateignum, sagði að sér
kæmi það á óvart að Jóna Gróa
væri með athugasemdir um það
að heimilismenn á Laugateignum
hefðu fjölmennt á fundinn, því
hún hefði fyrir fundinn mælst til
þess að hann hvetti heimilismenn
til þess að mæta.
„Það átti sér ekki stað nein
skipuleg smölun á fundinn. Ég
tók eins marga af heimilis-
mönnum með mér einsog ég gat,
enda er verið að fj alla um málefni
þessara stráka á fundum Vernd-
ar,“ sagði Sigurjón.
-Sáf
NÝTT HELGARBLAÐ - ÞJÓÐVILJINN - SÍÐA 7