Þjóðviljinn - 30.09.1988, Blaðsíða 25

;
J‘kob
09 Hel9>m^
Son9vari-ogl^Cj-
somaði þá Síðan-skein^
Síðan skein sól
úr stúdíói á Skagann
SÓMéle9^dir^~
Kringlunni.
... og á fleiri staði ... ýmsa
fjölbrautar- og framhaldsskóla í
Reykjavík og nágrenni ... þetta
kom meðal annars fram í spjalli
við Helga Björnsson söngvara
hljómsveitarinnar Síðan skein
sól, en þeir lögðu síðustu hönd á
plötu sína sem væntanlega kem-
ur út í lok október.
- Annars eigum við eftir að
hlusta betur á útkomuna og ef
okkur finnst ástæða til að breyta
einhverju gerum við það, sagði
Helgi í símaspjalli, og slóraði um
leið í vinnunni í plötubúð Skíf-
unnar í Kringlunni. - Við tókum
upp 12 lög og erum ekki ákveðnir
í hversu mörg þeirra við setjum á
plötuna. Þá hefur komið upp sú
hugmynd að hafa nokkur auka-
lög á diskinum, en ekki eru allir
sammála um ágæti þess, sumum
finnst það ranglátt gagnvart þeim
sem ekki eiga diskaspilara.
- Hvernig er að vinna með
Tony Clarke, sem stjórnaði upp-
tökum hjá ykkur?
-Það er gott að vinna með
manni sem hefur svona mikla
reynslu, hann er búinn að vinna
við þetta síða 1964, byrjaði í
Abbey Road stúdíói uni tvítugt
og hefur verið í þessu síðan.
Hann er búinn að vinna sjálfstætt
í nokkur ár, en var áður hjá EMI.
Hann leggur mikið upp úr því að
fólk leggi sitt fram af lífi og sál í
stúdíóinu, rétt eins og það væri í
fullu fjöri á hljómleikum. Hann
leggur áherslu á að hafa náið
samband við þá sem hann er að
vinna með, kynnast þeim, og er
nokkuð góður að finna út hvort
betra er að reyna að pressa á það
þegar illa gengur, eða hreinlega
láta lag bíða og reyna aftur seinna
- taka eitthvað annað fyrir á með-
an.
D/EGURMÁL
- Hvernig líst þér sjálfum á
plötuna?
- Ég held bara vel, annars er
maður orðinn svo samdauna
þessu að mér finnst erfitt að lýsa
því, en ég held að við getum verið
stoltir af henni. Þetta er svona
gítarrokk, bæði róleg og hröð
lög, og meira hugsað um „fíling“
en „sánd“ ... ef svo má segja.
- Hvernig er með leiklistina og
sjálfan þig?
- Ég varð nú að gefa frá mér
ansi spennandi hlutverk hjá Iðnó
í leikritinu Maraþondansi. -
They shoot horses, don‘t they
heitir það á frummálinu og marg-
ir kannast líklega við þá kvik-
mynd ... en það er einmitt út af
kvikmynd sem varð að afþakka
... ég var nefnilega búinn að ráða
mig í kvikmyndinni Meffí sem
Hilmar Oddsson er að gera og
byrja í nóvember hjá honum ...
ég get spilað sem sagt, verið í
rokkinu út næsta mánuð og við
á þig sem leikara
ætlum að þræða mennta- og fjöl-
brautaskólana þann tíma. Við
erum fyrst og fremst tónleika-
band.
- Líturðu
númer eitt?
- Ja, ég hef mjög gaman af að
vera í hljómsveit, en svona ef ég
»er að líta á lífshiaupið með fram-
tíðina í huga held ég að leiklistin
eigi eftir að verða þar tímafrekari
■ ég sé mig ekki sem rokkara
eftir fertugt, en ætli maður verði
ekki leikari alla tíð ...?
Ubu
ReykjavíR
Bubbi Mortens hélt skemmti-
lega hljómleika á Hótel fslandi
fimmtudagskvöld fyrir rúmri
viku. Hann byrjáði einn með gít-
arinn, en síðan komu Þursarnir í
spilið. Þeir hefðu nú mátt vera
búnir að æfa sig saman dulítið
lengur, en mikið andskoti er
hann Bubbi góður söngvari og
„performer", eins og maður slett-
ir stundum um framkomu
manna. Þá minnti hann þá ræki-
lega á, sem kannski voru búnir að
gleyma því, hvað hann er búinn
aö semja mörg rosalega góð lög í
gegnum tíðina. Auk lagaflóðsins
frá Bubba sjálfum fengu við-
staddir til dæmis að hlusta á sýnis-
horn frá blúsaranum gamla
(eiginlega forna) Leadbelly, og í
lokin söng Bubbi glæsilega með
Þursunum útsetningu Jimis
Hendrix á Bob-Dylan-laginu AU
along the watchtower .... og
Þórður Árna tók þetta líka
huggulega gítarsóló (reyndar
ekki það eina þetta kvöld). Þar
með fyrirgaf maður Þursunum
það sem betur hefði mátt fara hjá
þeim fyrr um kvöldið .... þetta
voru vel sóttir og fínir hljóm-
leikar. Myndina tók Einar Óla-
son.
ANDREA
JÓNSDÓTTIR
Ensk-ameríska nýrokksveitin
Pere Ubu mun halda hljómleika í
Tunglinu annað kvöld, laugar-
daginn 1. október. Koma Pere
Ubu hingað til lands er hvalreki á
fjörur íslenskra rokkunnenda.
Pere Ubu er nefnilega ein virtasta
og áhugaverðasta nýrokksveit
heims um þessar mundir.
Söngvarinn, söngvasmiðurinn
og háðfuglinn Davíð Thomas
stofnaði Pere Ubu í Ohio í
Bandaríkjunum 1975. Hann var
rokkvettvangnum vel kunnur:
Hafði verið blaðamaður hjá
poppblaðinu Creem og tilheyrði
kunningjahópi Velvet Under-
ground og Iggys Pop.
Pere Ubu tilheyrir frum-
kvöðlum pönks og nýbylgju New
York-borgar ’76. Síðar ferðaðist
Pere Ubu um Evrópu með
bresku pönksveitinni The Pop
Group og þýsku söngkonunni
Nico, sem lést nú síðsumars.
Þrátt fyrir töluverðar manna-
breytingar og fjögurra ára sumar-
frí (’82-’86) hefur Pere Ubu hald-
ið sínum sterka og spennandi ný-
rokkstíl, vinsældum og ómældri
virðingu, jafnt gagnrýnenda sem
annarra músíkanta. Platan „The
Modern Dance“ (’78) er jafn-
framt fyrir löngu komin í hóp
bestu sígildra nýrokkplatna.
Nýja platan, „The Tenement
Year“, hefur sömuleiðis verið
nefnd sem ein af bestu plötum
þessa árs. Smáskífan „We are the
Tecnology“ var einnig nýverið
valin smáskífa vikunnar af bresku
poppblöðunum.
Núverandi liðsskipan Pere
Ubu er, auk Davíðs Tómasar:
Hljómborðsleikarinn Allen Ra-
venstine (áður með Red Creola);
Bassaleikarinn Tony Maimone
og gítarleikarinn Jim Jones (báð-
ir áður með The Pedestrians,
ásamt Davíð Thomas, gítarleik-
aranum Richard Thompson,
blásaranum Lindsay Cooper,
sem spilaði með The Feminist
Improvising Group í Reykjavík
’78, trommuleikaranum Chris
Cutler o.fl.); Trommuleikararnir
Chris Cutler (áður með Henry
Cow, Mike Oldfield, Residents,
Art Bears, Cassiber, News from
Babel o.fl.) og R. Scott Krause.
Auk Peres Ubu á hljómleikunum
í Tunglinú koma fram hljóm-
sveitirnar Ham og Svart-hvítur
draumur. Þetta verða jafnframt
kveðjuhljómleikar Draumsins.
Forsala aðgöngumiða er í
Gramminu.
Að lokum skal þess getið að
söngvari Pere Ubu, Davíð Thom-
as, hefur tvívegis áður heimsótt
ísland og haldið hér þrenna vel
heppnaða hljómleika fyrir fullu
húsi í öll skiptin.
(Jens Guð.)
NÝTT HELGARBLAÐ - ÞJÓÐVIUINN - SÍÐA 25