Þjóðviljinn - 30.09.1988, Blaðsíða 10

FOSTUDAGSFRETTIR
Sjómannasambandsþing
I skugga kjaraskerðingar
Oskar Vigfússon: Fiskverð aðeins hækkað um 6% ál7mánuðum. Samningsréttarbanni ogfrystingufiskverðs
harðlega mótmœlt. Forseti ASÍ: Samningsrétturinn verslunarvara allraflokka nema Kvennalista að stjórnaraðild
Igær hófst 16. þing Sjómanna-
sambands íslands og er það
fyrsta stéttarþingið sem kemur
saman eftir að ríkisstjórn Stein-
gríms Hermannssonar tók við
völdum í fyrradag. Það setur sinn
svip á þingið að nýbúið er að setja
bráðabirgðalög sem banna sjó-
mönnum að semja um kaup sín og
kjör og fiskverð mun ekki hækka
fyrr en í fyrsta lagi 15. febrúar á
næsta ári og þá aðeins um 1,5%.
f setningarræðu Óskars Vig-
fússonar forseta Sjómannasam-
bandsins mótmælti hann harð-
lega þeim skerðingarákvæðum á
kjör sjómanna sem er að finna í
bráðabirgðalögunum og sagði að
á 17 mánaða tímabili hefði fisk-
verð og þar með laun sjómanna
aðeins hækkað um 6% á meðan
viðmiðunarstéttir sjómanna
hefðu sitt svo á þurru frá fyrri
samningum í vor og bilið á milli
þeirra og sjómanna væri alltaf að
breikka frá því sem áður var
vegna stjórnvaldsaðgerða sem
bitnuðu fyrst og fremst á sjó-
mönnum sem drægjust sífellt
afturúr í kjörum í samanburði við
aðra. Þá gagnrýndi hann harð-
lega þá breytingu sem gerð hefur
verið á starfsemi Verðjöfnunar-
sjóðs fiskiðnaðarins og taldi bet-
ur að leggja hann niður í stað þess
að „misþyrma" honum á þennan
hátt eins og hann komst að orði.
Meðal þeirra sem ávörpuðu
þingfulltrúa voru þeir Ásmundur
Stefánsson forseti Alþýðusam-
bands fslands og Halldór Ás-
grímsson sjávarútvegsráðherra.
Ásmundur gagnrýndi harðlega
nýsett bráðabirgðalög og þá sér-
staklega að bann við frjálsum
samningum væri framlengt og
laun fryst. Hann sagði að launin
væru ekki stóri vandinn í efna-
hagslífinu og að samningsréttur-
inn væri úti í mýri. „Allir
stjórnmálaflokkar nema
KJÖTMIÐSTÖOIN
mmr Laugalæk 2,
sími 686511, 656400
HAKK Á
ÚTSÖLU
Nautahakk á 399 kr. kg
ef keypt eru 5 kíló eöa
meira
Kindahakk á 199 kr. kg
ef keypt eru 5 kíló eöa
meira
TIL HAGSÝNNA
Naut í heilu og hálfu
395,- kr. kg - frágengið
Svín í hálfu og heilu
383,- kr. kg - frágengið
KJÖTMIÐSTÖÐIN
Laugalæk 2,
simi 686511. 656400
Kvennalistinn hafa sameinast um
að gera samningsréttinn að versl-
unarvöru að stjórnaraðild," sagði
Ásmundur. Hann ítrekaði þá
skoðun sína að hann hefði staðið
gegn þessu innan síns flokks en
ekki haft erindi sem erfiði.
Sjávarútvegsráðherra gerði
skyldu sína og varði stefnu ríkis-
stjórnarinnar og sagði það vera
hagsmunamál sjómanna að
rekstur fiskvinnslunnar yrði rétt-
ur við með aðstoð Verðjöfnunar-
sjóðsins. Um Verðlagsráð sjávar-
útvegsins sagði ráðherra að hann
væri dómstóll um fiskverð og ef
sjómenn færu úr honum kæmust
sjónarmið þeirra ekki á framfæri
við verðlagningu fiskverðs.
-grh
Fall er fararheill; ólympíulandsliðið í skák steinlá er það atti kappi viö harðsnúið Pressulið í Kringlunni í gærdag. Mynd: Jim Smart.
Kringluskák
Ólympíuliðinu níllað upp
Pressuliðið vann stórt á göngugötunni ígœr. Fyrirtœkin í Kringlunni láta
hálfa miljón afhendi rakna til styrktar ólympíuliðinu ískák
r
Islenska óiympíulandsliðið i
skák saknaði síns fyrstaborðs-
manns, Jóhanns Hjartarsonar, er
það atti kappi við pressuliðið í
íþróttinni og tapaði stórt: 1,5
vinningur gegn 3,5. Viðureignin
fór fram á göngugötunni í Kringl-
unni um miðjan dag í gær og var
liður í vikulangri skákhátíð sem
nú stendur yfir í verslunarsam-
steypunni til styrktar ólympíu-
sveitinni sem brátt heldur til sinn-
ar kcppni í Grikklandi.
Sigurdór Sigurdórsson, blaða-
maður á DV, valdi pressuliðið
harðsnúna, þá Friðrik Ólafsson,
Guðmund Sigurjónsson, Hannes
Hlífar Stefánsson, Björgvin Jóns-
son, Sævar Bjarnason og Jón G.
Viðarsson, en að vísu gekk sá síð-
astnefndi úr skaftinu vegna for-
falla Jóhanns. Eftir fréttamann-
afund í Myllunni var ólympíulið-
ið tekið í bakaríið; Friðrik tapaði
að vísu fyrir Jóni L. og Hannes
Hlífar gerði jafntefli við Helga,
en öðrum í Pressuliðinu tókst
verðandi Grikklandsförum ekki
að marka á.
Ólympíuliðið skipa, auk Jó-
hanns, þeir Jón L. Árnason,
Margeir Pétursson, Helgi Ólafs-
son, Karl Þorsteins og Þröstur
Þórhallsson. Samstillt lið og
leikreynt eins og sagt er í öðrum
íþróttagreinum, og á glæsilegan
árangur að verja frá síðustu ól-
ympíukeppni er það hafnaði í 5.
sæti. Þráinn Guðmundsson, for-
seti Skáksambandsins kveður
raunhæft markmið að verða með-
al 10 efstu þjóða á ólympíumót-
inu, en það verður haldið í Þess-
alóníku í Grikklandi, og hefst 13.
nóvember.
Áður en vináttukeppnin við
Pressuliðið hófst - umhugsunar-
tíminn var klukkutími á mann og
fæstir höfðu fyrir því að skrifa
niður leikina - afhenti Einar
Halldórsson, framkvæmdastjóri
Kringlunnar, forseta skáksam-
bandsins, Þráni Guðmundssyni,
500 þúsund krónur frá 76 fyrir-
tækjum í Kringlunni, til styrktar
ólympíuförunum, en upphæðin
mun nægja til að standa undir
mestum hluta ferðakostnaðarins.
HS
Bækur
Andmæli gegn hásii unvæðu
Nýtt rit eftir dr. Wolfgang Edelstein
Það væri ofmælt að kalla þetta
barátturit þótt í bókinm séu
höfð uppi andmæli gegn hinni
hásu umræðu sem risið hefur hér
á landi um skólamál og einkennist
af ótrúlegum einföldunum og gíf-
uryrðum um að nýmæli í skóla-
starfi séu einskonar vinstrimann-
asamsæri gegn þjóðerni og menn-
ingu.
Á þessa leið mælti dr. Wolfang
Edelstein á blaðamannafundi
sem haldinn var í gær til kynning-
ar á riti hans „Skóli, nám, samfé-
lag“ . í fyrstu hlutum bókarinnar
kveðst höfundur reyna að grafast
fyrir um orsakir þess vanda, sem
steðjar að íslenskri menntun og
menningu við breyttar aðstæður
og gera grein fyrir þeim breyting-
um sem hafa orðið og þurfa að
verða á íslensku skólakerfi til að
það geti gegnt sínu hlutverki í
nútímanum. í þriðja hlutanum er
fjallað um þá tilraun sem unnið
var að á árunum 1974-84 hér á
landi og beindist að endurskoðun
og endurskipulagningu nokkurra
hefðbundinna námsgreina
grunnskólans. Hér er um að ræða
þá samþættingu í „samfélags-
fræði“ sem dró til sín saman-
lagðan fjandskap íhaldssamra
afla gegn nýmælum í skólastarfi -
þeirra sömu afla sem árið 1984
stöðvuðu þá tilraun sem af stað
var farin.
Ég vona, sagði Wolfgang Edel-
stein, að bókin hjálpi til við að
meta þá tilraun og átta sig á því
hvað um var deilt, hvað í húfi var.
Bókin „Skóli, nám samfélag"
kemur út í ritröð Kennarahá-
skóla íslands og forlagsins Iðunn-
ar, sem hafa um tíu ára skeið átt
samvinnu um útgáfu stærri og
smærri rita sem ætluð eru einkum
kennaranemum og starfandi
kennurum - eru þær bækur og
smárit nú nær tveim tugum.
Heimir Pálsson frá Iðunni sagði á
biaðamannafundinum, að sú bók
sem nú kemur út væri m.a.
virðingar- og þakklætisvottur til
höfundar fyrir hans tímabæra
reiðilestra yfir „okkur kennur-
um“, fyrir að benda mönnum á
leiðir og kenna þeim betur að
hugsa og tala um skólamál.
Wolfgang Edelstein er fæddur í
Þýskalandi 1929 en fluttist til ís-
lands með foreldrum sínum 1938:
er bókin kom út í gær voru rétt
fimmtíu ár liðin frá þeim degi.
Dr. Wolfgang hefur starfað frá
1963 við Max Planck rannsókna-
stofnunina í þroskavísindum og
skólaannsóknum í Vestur-
Berlín. Hann hefur margt skrifað
um fræði sín og rannsóknir og
margt unnið að mótun skóla-
stefnu og rannsóknum á þroska-
ferli íslenskra unglinga frá því
hann varð ráðgjafi menntamála-
ráðuneytisins 1966.
10 SÍÐA - ÞJÓÐVILJINN - NÝTT HELGARBLAÐ