Þjóðviljinn - 18.11.1988, Blaðsíða 9

FÖSTUDAGSFRÉTTIR
Ungfrú Heimur
Linda
vann
Linda Pétursdóttir, vopnfirska
stúlkan sem fyrr á þessu ári var
valin fegursta stúika á íslandi,
var í gærkvöldi krýnd ungfrú
Heimur í Lundúnum.
Lindu hafði verið spáð góðu
gengi í keppninni og hafði verið í
öðru sæti hjá veðbönkum í Bret-
landi, en stúlka frá Venesúela
verið í mestu uppáhaldi hjá Bret-
um.
Linda var fyrst kjörin ungfrú
Evrópa. Þegar kom að því að til-
greina hvaða stúlkur skipuðu
þrjú efstu sætin magnaðist spenn-
an í Royal Albert Hall.
í þriðja sæti var ungfrú Bret-
land. Ungfrú Kórea var í öðru
sæti. í fyrsta sæti var svq Linda
Pétursdóttir, ungfrú ísland.
Með Lindu í London eru for-
eldrar hennar og bróðir.
Hólmfríður Karlsdóttir var á
sínum tíma kjörin ungfrú heimur
og nú fetar Linda í fótspor henn-
ar, þannig að íslensk fegurð virð-
ist eiga upp á pallborðið.
Linda Pétursdóttir þegar hún var
krýnd ungfrú ísland á Hótel Islandi sl.
vor. Mynd E.ÓI
OECD-skýrsla
Ekki bent á færa leið
OECD vill að hér ríki markaðsvextir. Harmar afskipti stjórnvalda af
vaxtamálum. Steingrímur Hermannsson: Ríkisstjórnin knúin tilað
veljaaðraleið. Þjóðargjaldþrot blasir við. Svavar Gestsson:
Ríkisstjórnin var ekki mynduð til aðframfylgja frjálshyggjustefnu
Ríkisstjórnin er knúin til að
taka upp aðra stefnu en hér
hefur verið fylgt við stjórn efna-
hagsmála síðustu árin. Sú stefna
hefur ekki skilað árangri og nú er
svo komið að meginþorri útflutn-
ingsatvinnuveganna er gjald-
þrota, sagði Steingrímur Her-
mannsson forsætisráðherra þeg-
ar bornar voru undir hann niður-
stöður nýrrar skýrslu um efna-
hagsástandið á íslandi frá Efna-
hagssamvinnu og þróunar-
stofnunni (OECD).
í skýrslunni er talið að á árinu
1987 hafi skort hér á „aðhald í
eftirspurnarstjóm sem leiddi til
þess að þensluástand skapaðist."
Varað er við því að leggja of
mikla áherslu á að koma í veg
fyrir atvinnuleysi, það geti leitt til
svo mikillar linkindar gagnvart
verðbólguhvetjandi þrýstingi frá
vinnumarkaðinum.
OECD vill að aðgangur við-
skiptabankanna að lánum hjá
Seðlabankanum verði enn tak-
markaður. Talið er rangt að
sumar greinar (þ.e. húsnæðis-
lánakerfið) „hafi greiðan aðgang
að lánsfé á hagstæðum kjörum"
og lagt er til að ríkisábyrgð á
starfsemi fjárfestingalánasjóða
verði takmörkuð. Nýleg afskipti
stjórnvalda af vaxtaákvörðunum
eru talin skref aftur á bak.
„Nauðsynlegt er að koma aftur á
markaðsvöxtum eins fljótt og
kostur er til að tryggja að raun-
vextir lækki ekki um of.
Þegar þessi skilaboð voru bor-
in undir Svavar Gestsson
menntamálaráðherra sagði hann
að sér sýndist að OECD legði til
að haldið væri áfram á braut
frjálshyggjunnar. „Sú ríkisstjórn,
sem nú situr, var ekki mynduð til
þess að framfylgja þeirri stefnu
sem hefur orðið þjóðinni ákaf-
lega dýr. Við lok setu Sjálfstæðis-
flokksins í ríkisstjórn um hálfs ár-
atugs skeið stöndum við frammi
fyrir þjóðargjaldþroti samkvæmt
því sem haft er eftir forsætisráð-
herra.
„Þessi skýrsla er meira og
minna í samræmi við það sem
þeir hafa hin síðari ár sagt um
íslensk efnahagsmál og í henni er
svipaður andi og í því sem þeir
segja um efnahagsmál annarra
þjóða,“ sagði Birgir Árnason
hagfræðingur í viðskiptaráðu-
neytinu. „En það stingur í augun
að skýrslan er strax orðin dálítið
gömul. Þeir fylgjast ekki jafn-
grannt með málum og við sjálfir
og hafa því ekki jafnmiklar
áhyggjur af versnandi ástandi.
Þótt samningu skýrslunnar sé ný-
lega lokið hafa meginlínurnar
verið lagðar löngu fyrr. Þeir boða
almennar umbætur á efnahag-
skerfinu í stað þess að ræða um
hvernig á að bregðast við erfið-
leikum.
Hugsanagangur OECD-
manna fylgir meginstraumum og
þótt þau sjónarmið eigi rétt á sér,
þarf að taka tillit til þeirrar sér-
stöðu sem ytri skilyrði búa okkur.
Þrátt fyrir þetta er ljóst að það er
fyllsta ástæða til að hlusta á það
sem þessir menn segja þótt ljóst
sé að þeir eru óvanir að fást við
verðlagsbreytingar af þeirri
stærðargráðu sem við þekkjum,
eða það hvernig á að ná niður
20-30% verðbólgu á tveimur til
þremur mánuðum.
Steigrímur Hermannsson for-
sætisráðherra sagði að það lægi
fyrir að höfundar OECD-
skýrslunnar hefðu haft samráð
við embættismenn í
stjórnkerfinu. „En þeir töluðu
ekki við mig,“ sagði hann, „og
ekki aðra ráðherra svo að ég viti
til. Þeim hefði ugglaust verið
hollara að hlusta á forsvarsmenn
frystihúsanna en að byggja um of
á upplýsingum frá embættis-
mönnum í Seðlabankanum. Boð-
skapur þeirra er fjarri raunveru-
leikanum því að hann er ekki grár
heldur svartur."
Steingrímur sagði að búast
mætti við frekari aðgerðum til að
lækka raunvexti. Þar væri um
ýmsar leiðir að velja. Það væri
t.d. ekki sjálfgefið að Seðlabank-
inn héldi uppi háum vöxtum
(8,5%) á svokölluðu kaupþingi
eða greiddi ekki vexti af bundnu
fé bankastofnana. Þá hlyti
minnkandi þensla að leiða til
minni ásóknar í lánsfé. ÓP
Föstudagur 18. nóvember 1988 NYTT HELGARBLAÐ - SÍÐA 9
Jón segir nei við Palestínu
Jón Baldvin Hannibalsson utanríkisráðherra segir ótímabært að
viðurkenna ríki Palestínu sem Palestínska þjóðarráðið lýsti yfir stofn-
un á í þessari viku. Utanríkisráðherra segir það í andstöðu við viður-
kenndar reglur og venjur í þjóðarrétti að viðurkenna hið nýstofnaða
ríki. Vænlegasta leiðin til að koma á varanlegum friði í Mið-
Austurlöndum sé að efna til alþjóðlegrar ráðstefnu undir merki Sam-
einuðu þjóðanna. Hann minnir einnig á hugmyndir George Shultz
utanríkisráðherra Bandaríkjanna til lausnar vandanum, sem Jón segir
að séu athygliverðar.
Kvótar á dagvist
Kristín Á. Ólafsdóttir borgarfulltrúi Alþýðubandalagsins, hefur lagt
fram fyrirspurn í borgarstjórn þar sem hún spyr hvenær svokallaður
10% kvóti fyrir börn giftra og sambúðarforeldra inn á dagvistarheimili
hafi verið numinn úr gildi. Kristín spyr vegna yfirlýsingar Önnu Á.
Ólafsdóttur formanns stjórnar Dagvistar barna, í útvarpsþætti þar sem
Anna fullyrti að þessi kvótaregla hefði verið lögð af. Anna sagði þetta
koma fram í bókun frá því í nóvember 1984. Kristín vill fá að vita
hvernig þessi bókun hljóðar, hverjir samþykktu hana og hvernig hún
var afgreidd í borgarstjórn. Þá vill Kristín fá að vita hvernig umsóknir
barna giftra og sambúðarforeldra eru meðhöndlaðar.
Úhressir hjá Landhelgisgæslu
Starfsmenn Landhelgisgæslunnar eru óhressir með þau áform að
gera varðskipið Óðin ekki út á næsta ári. Skorar starfsmannafélag
Gæslunnar á stjórnvöld að gera skipið út ásamt hinum tveimur skipum
Gæslunar og að Gæslan taki Vitastofnun íslands yfir. Fráleitt sé að
taka Óðin úr umferð og verði það gert hafi Gæslan misst helming skipa
sinna á aðeins 5 árum. Það skjóti skökku við að þegar íslendingar geri
kröfu til stærri efnahagslögsögu og aukins öryggis sjófarenda og ann-
arra landsmanna sé Landhelgisgæslan skorin niður. Starfsmennirnir
segjast treysta því að dómsmálaráðherra og stjórnvöld sjái til þess að
þjónusta Gæslunnar verði ekki skorin niður.
Halli á einkageiranum
f skýrslu sem Fjárlaga- og hagsýslustofnun hefur sent frá sér kemur
fram að halli á ríkisbúskapnum hefur ekki verið eins viðvarandi og ætla
mætti. Á sex ára tímabili sem var kannað kom í ljós að að einungis var
halli á ríkisbúskapnum á tveimur árum þessa tímabils, samkvæmt
þrengstu skilgreiningu. Hins vegar var halli á einkageiranum öll þessi
ár og var hallinn umtalsverður sum árin án tillits til skilgreininga. í
skýrslunni segir að skuldir hins opinbera séu ntinni hér en í flestum
öðrum ríkjum Vestur-Evrópu.
Gamli Stýrimannaskólinn
Menntamálaráðherra hefur skipað nefnd til að gera tillögur um
framtíðarnýtingu gamla Stýrimannaskólans sem síðast hýsti starfsemi
Vesturbæjarskólans og áður Gagnfræðaskóla Vesturbæjar. í tilkynn-
ingu frá ráðuneytinu segir að húsið sé gamalt og virðulegt timburhús.
íbúasamtök Vesturbæjar og Foreldra og kennarafélag Vesturbæjar-
skóla hafa lýsti áhuga sínum á að í húsinu verði aðstaða fyrir
menningar- og félagsstarf í hverfinu. Sömu aðilar leggja áherslu á að
skólalóðin verði áfram leikvöllur barnanna í hverfinu.
Heimur í brennidepli
Rauði krossinn er 125 ára um þessar mundir og hafa alþjóðasamtök
hans ákveðið að efna til alþjóðlegrar ljósmyndasamkeppni af því
tilefni. Yfirskrift keppninnar verður „Rauði krossinn-heimur í brenni-
depli.“ Myndirnar í keppninni eiga að sýna sem best þá þjónustu sem
Rauði krossinn veitir og áherslu hans á mannúð og umhyggju fyrir lífi
fólks. Jafnt atvinnuljósmyndarar sem áhugamannaljósmyndarar geta
sent 5 myndir inn til keppninnar. Þær mega þó ekki vera eldri en
þriggja ára. Fyrstu verðlaun eru ferðalag til myndatöku á svæði þar
sem Rauði krossinn vinnur. Myndirnar verða að berast fyrir 31. des-
ember til Rauða krossins að Rauðarárstíg 18.
Gúmmítékkatal harmað
Samband íslenskra viðskiptabanka harmar þau ummæli Steingríms
Hermannssonar forsætisráðherra að bankar hvetji til útgáfu inni-
stæðulausra ávísana. Steingrímur gaf þetta til kynna á fundi Sölumið-
stöðvar hraðfrystihúsanna á miðvikudag. í ályktun frá SÍV segir að
útgáfa ávísana án innistæðna eða án heimildar sé verknaður sem varði
við lög og sé refsiverður.
Löggan heiðrar Davíð
Það vakti athygli þegar Davíð Oddsson borgarstjóri kom til vígslu
nýrrar skolpdælustöðvar við Skúlagötu á dögunum, að lögregluþjónar
stóðu heiðursvörð og fánar blöktu eins og leggja ætti blómsveig að
stalli Jóns Sigurðssonar. Lögreglan sá einnig um að gestir í sérstaka
veislu borgarstjórans kæmust hindrunarlaust að Höfða. Dælustöðin á
að dæla skolpi frá miðbænum og hluta austurbæjar út á Laugarnes
þaðan sem því er svo dælt á haf út. Nú er búið að reisa þrjár dælustöðv-
ar við norðurströnd borgarinnar. Næsta verkefni er að endurnýja
skolplagnir á suðurströndinni. -hmp