Þjóðviljinn - 30.12.1988, Blaðsíða 2

SKAÐI SKRIFAR
í RÓSA-
GARÐINUM
ILLA MED
ÍBURDINN FARID.
Ofgerum íburði í umgerð jól-
anna.
Fyrirsögn í Tímanum
ÉG ER VISS UM AÐ HÚN
VAR HÉRNA í GÆR
Týndist „kreppan" í jólainn-
kaupunum?
Tíminn
EIGI ER ÖL NEMA
í TÍMA SÉ DRUKKIÐ
íslendingar ætla að taka bjór-
inn með trompi þegar hann kem-
ur fyrsta mars: Taka frá sæti á
ölstofunum.
Tíminn
Þegar vio fækkum
jólasveinunum
Alltaf þegar líða tekur að áramótum þá leggst ég, Skaði, undir feld,
og leita að einhverri skynsamlegri lausn á vandamálum þjóðfélagsins
og veit ég vel að ekki mun af veita. Meðan ég nú var að þessu í gær
kom einn frændi minn hagfróður í heimsókn, nánartiltekið hann Jónsi
litli hennar Gunnu, og hann var strax kominn á ferð og flug með sínar
lausnir. Það er aldrei verið að bíða eftir því sem ég segi.
Ég veit ráð, frændi, sagði hann. Til að spara í þjóðfélaginu
Og hvað ætti það svosem að vera, sagði ég vantrúaður.
Við fækkum jólasveinunum um helming, sagði hann.
Til hvers svosem? spurði ég
Til að spara. Það leyfir engin þjóð sér jafn marga jólasveina og
íslendingar. Ekki hafa amríkanar nema einn jólasvein. Rússar hafa
líka einn og láta svo unga stúlku vera að flækjast með honum á
sleðanum og veit ég satt að segja ekki hvað svoleiðis kvennafar á að
fyrirstilla.
Og hvernig ætlarðu að fækka þeim um helming? spurði ég.
Við höfum það eins og þegar Flugleiðir varð til úr Flugfélaginu og
Loftleiðum, sagði Jónsi.
Nú, og hvernig þá í fjandanum...
Það er mjög einfalt Skaði, ef þú nenntir einhverntíma að hlusta á
mig. Þú tekur til dæmis Gáttaþef og Pottasleiki og brýð til Pottaþef,
sem er bæði rökrétt og myndrænt. Þú tekur jólasveina sem kenndir
eru við ýmsa parta hússins eins og Gluggagægi og Hurðaskelli og
gerir úr þeim sprellifandi Gluggaskelli. (Því ekki Pottaskelli? hugsaði
ég, trúr minni eigin sköpunargáfu.) Svona má halda áfram. Við gerum
til dæmis einn mathák úr tveim - Bjúgnakrækir og Skyrjarmur verða
að einum Skyrkræki.
Maður getur ekki krækt í skyr, hnussaði í mér
Vist getur maður það, Skaði og vertu ekki að trufla mig. Askasleikir
og Þvörusleikir verða náttúrlega að einum jólasveini og Stúfur og
Kertasníkir verða að Kertastúf! Finnst bér það ekki fyndið?
Læt ég það vera, sagði ég. En þá er Stekkjarstaur eftir. Hvað
ætlarðu að gera við hann?
Við fellum hann niður alveg, sagði Jónsi.
Ja en Jónsi, til hvers að hafa svona sparnað? Þetta er blátt áfram
tilræði við þjóðlegan menningararf og allt það. Hvað heldurðu að
forsetinn segi?
Ég pípi á forsetann, sagði Jónsi hagfróði. Þú skilur ekki hina djúp-
sálfræðilegu og táknvirku merkingu í þessum niðurskurði. Við víkjum
frá hefðinni - satt er það, en þó virðum við hana til hálfs. Um leið
komum við því að hjá þessu ungviði sem fylgist mest með jóla-
sveinunm, að færri eru betri. Til dæmis geta færri kókflöskur alveg
eins verið betri kókflöskur. Að maður nú ekki tali um kjaftshöggin.
Þessu næst smýgur fordæmið inn í sál mæðranna sem kannski fara
að hugsa sem svo: úr því búið er að skeyta svona saman jólasveinana
get ég þá ekki skeytt saman sokkabuxur og blússu eða eitthvað og
sætt mig við að það sé ekki til nautahakk og svínahakk heldur eitt
allsherjarhakk? Svo koma karlarnir og þeir útfæra sparnaðardæmið
pólitískt og fara og taka sig til og búa til einn A-flokk úr AA- flokkunum
og innlima Borgarahérvillingana í Sjálfstæðisflokkinn aftur og Kvenna-
listinn sameinast karlaflokki einhverjum. Hugsaðu þér: svoleiðis
sparnaður mundi þýða að hægt væri að leggja niður þriðjung stöðu-
gilda á fréttastofum. Ég tala nú ekki um þegar þessi sparnaðar- og
samskeytingarbylting hefði náð alla leið upp í topp á Sjálfstæðis-
flokknum okkar.
Hvað meinarðu? spurði ég og var ekki alveg laus við að vera orðinn
dálítið spenntur,
Ég meina það að við skeytum saman foringjunum, búum til einn
mann úr Þorsteini og Davíð, hugsaðu þér að hafa í einum manni
bernska mildi og ráðleysi Þorsteins og yndislega frekjuna og gikks-
háttinn í Davíð, nei þá mættu fuglene sko fare at vare sig.
ÞETTA GRUNAÐI MIG
ALLTAF
Hermann Ragnar Stefánsson,
sem kunnur er fyrir áhuga sinn á
siðum og venjum, segir að ára-
mót séu hátíðleg stund, sem eigi
að halda upp á með því að gera
sér dagamun.
DV.
OG ÉG BLÉS EKKI
UR NOS
Við Jaruszelski fórum tiltölu-
lega fljótt yfir sögu þegar við
ræddum efnahagsáætlun Pól-
lands.
Jón Baldvin í Alþýðublaðinu.
FRAM ÞJÁÐIR MENN
Á ÞÚSUND MOGGUM
Hvað sem þessu öllu líður á
Víkverji auðvelt með að skipa sér
í raðir þeirra sem telja margt at-
hugavert við það sem ber hæst í
þjóðfélagi okkar þessa mánuð-
ina.
Morgunblaðið
RJÚFIÐ El
HIN HELGU VÉ
Sumir ganga jafnvel svo langt
að segja að hann (Jesús Kristur)
hafi aldrei verið til og ættu of-
stækismenn trúar sinnar í þessum
efnum að láta af árásum sínum á
ýmis önnur verðmæti almennings
svo sem kvikmyndahús og danss-
taði.
Morgunblaðið
ENN LIFIR FÓRNFÝSIN
Albert fer til Parísar þrátt fvrir
allt
Tíminn
ÞANÞOLIÐ
í FJÖLMIÐLNUM.
Áramótaskaupið f ár er saet
harla mislukkað frá upphafi til
enda.
Pressan
SÁÁ í sjónvarpinu?
Heimildir Pressunnar herma
að landsmenn þurfi ekki að vera
ofurölvi til að afbera áramóta-
skaup sjónvarpsins þetta árið.
Pressan