Þjóðviljinn - 19.05.1989, Blaðsíða 2

___________SKAÐI SKRIFAR
íslenskir
aoalverktakar
eru mínir menn
Það er ekki að sökum að spyrja. Alltaf þegar mér líður vel í sálinni, ég
er léttur og glaöur, eins og núna síðustu dagana þegar kommarnir í
ríkisstjórninni og kommarnir í háskólamafíunni eru að rífa hver annan á
hol, þá þarf ég endilega að hitta einhvern leiðindagaur úr ættinni.
Einhvern sem vill trufla mínar sjálfstæðisskoðanir, setjast að mér,
fjasa og rausa og helst kveða mig í kútinn, þótt það takist aldrei.
Það er mörg mæðan.
Til dæmis þurfti ég í gær endilega að rekast á frænda minn Kalla
komma, þennan sem skírður var Karl Marx, vesællar minningar, allri
ættinni til blygðunar.
Jæja Skaði frændi, sagði hann si svona blaðskellandi andskoti og
illur viðskiptis. Vel borgar Kaninn sínum hermangsfurstum.
Það er alltaf svona þetta fólk. Enginn húmor í því, enginn skilningur á
aðstæðum manna, bara vaða beint af augum og kalla fólk ónefnum,
það kunna þeir.
Ég þykist vita að þú eigir við íslenska aðalverktaka og hann Vilhjálm
minn Árnason stjórnarformann, sagði ég.
Glöggur alltaf, sagði Kalli kommi glottandi eins og hálfviti.
Ég skal segja þér það frændi, að íslenskir aðalverktakar eru ekkert
lúsugt hermangsfyrirtæki. Þeir flytja út og til Keflavíkur íslenskt hugvit
og verksvit sem Kananum veitir ekkert af svo hann geti lært að gera
hlutina alminnilega og snúa á Rússa. Þarna starfa menn af iðni og
trúmennsku og fá sitt kaup.
Jájá, Villi þinn fær 8, 9 miljónir á ári fyrir að vera til.
Það er haugalýgi, sagði ég.
Jæja, sagði Kalli.
Ekkert jæja með það, sagði ég. Hann Vilhjálmur hefur laun fyrir sitt
starf og svo hefur hann eftirlaun því þetta er gamall maður. Ekki ert þú
á móti eftirlaunum? Þykist þú ekki vera húmanisti og vilja allt gera fyrir
gamla fólkið?
Og svo aukagreiðslur fyrir lögfræðistörf...
Eg skal segja þér eitt frændi, sagði ég. Maður á ekki að vera með
öfund út í fólk sem vinnur vel. Ef maðurinn er svo duglegur að hann
getur unnið flókna stjórnarformannsvinnu og verið á eftirlaunum líka,
þá á að leyfa mönnum það en ekki dæma þá úr leik fyrir aldurs sakir og
fela þá á einhverjum hælum eins og þið forsjárhyggjupakkið viljið. Og
hún er ekki tekin út með sældinni þessi lögf ræðiþjónusta skal ég segja
þór. Maðurinn þarf að nota síma, hann þarf að keyra bíl, það eru svo
margir útgjaldaliðir nú til dags.
Segðu mér eitt Skaði, borgar þú ekki þinn síma sjálfur?
Jú víst geri ég það. En ég þarf heldurekki aðtala eins mikið ísíma og
stjórnarformaður íslenkra aðalverktaka, það sér hver maður. Og fyrst
þú ert að röfla þetta, þá get ég sagt þór í eitt skipti fyrir öll, að þessir
menn hjá íslenskum aðalverktökum eru ekkert ofsælir þótt þeir fái
sæmilegt markaðsverð fyrir sína vinnu.
Ekkert ofsælir?
Nei, sagði ég. Þessir menn eru undir miklu og óþolandi fargi. Þið
kommar og herstöðvaandstæðingakerlingar allskonar liggið í þeim
með svívirðingum rétt eins og þeir séu alltaf að selja ömmu sína í
hórdóm eða eitthvað. Svo er fullt af smábröskurum og öfundarspírum
sem hafa ekki komist að á Vellinum og reyna að gera þeim allt til
bölvunar. Og hafa nú síðast beitt fyrir sig kratablókum eins og Jóni
Baldvin sem vill náttúrlega að ríkið gíni og gapi yfir þessu eina
útgerðar- og útflutningfyrirtæki á landinu sem ekki þarf að borga með.
Þar á ofan kemur svo það að alltaf er von á einhverjum endurskoðend-
um frá Washington sem neita kannski að skrifa upp á reikninga ef þeir
skilja ekki íslenska veðráttu og annað það sem sérstakt er við okkur.
Af þessu öllu stafar mikið böl og þraut, andvökur, höfuðverkur, maga-
verkur, streita í skeifugörn, áhyggjur, ærumeiðingar, þunglyndi og
margskonar tilvistarkreppa yfirleitt. Því segi ég það: Verður er verka-
maðurinn launanna, og aldrei eins og þegar hann stýrir (slenskum
aðalverktökum
Já frændi, en tæpar níu miljónir...
Miljónir hvað? Má nú enginn borga alminnilegt kaup hér á landi?
Eruð þið kommar ekki alltaf að heimta hærra kaup? Er ekkert sam-
ræmi í þessu slúðri hjá ykkur eða hvað? Geta ekki starfsmenn (s-
lenskra aðalverktaka verið þessi fræga forystusveit ykkar, sem hefur
forgöngu í kjarabaráttunni og dregur alla á eftir sér upp markaðsbraut-
imar, þar til allir standa á kjaratindi og sjá yfir vítt land og fagurt? Gáðu
að þessu góurinn og vertu sæll.
RÓSA-
GARÐINUM
ÞAÐ ER MEIRA EN
ÉG GERI
Við berum fyllsta traust til ís-
lendinga.
Ingvar Carlsson
forsætisráðherra Svía
LEIÐIR TIL FRAMA
Landar Noriega segja að hann
hafi orðið meðeigandi í hóruhús-
inu Ancon rétt hjá aðalherstöð-
inni á bandaríska yfirráðasvæð-
inu við Panamaskurð og þar með
aukið áhrif sín í 10.000 manna
herliði Bandaríkjamanna þar.
Morgunblaöió
TÍÐINDI ÚR SANN-
LEIKSLEITINNI
Eurovisonkeppnin snýst nú
einu sinni um show business. Ég
nefni þetta bara ef einhver hefur
ef til vill ekki veitt því athygli.
DV
ENN LIFIR
FJÓLUPABBI
Miðað við þá gagnrýni sem
Sameinaðir verktakar hefur
hlotið varðandi spumingu þína,
tel ég að þeir geti unað við að
minnka ásjónu félagsins í þeirri
umfjöllun, sem er og getur alltaf
skotið upp kollinum um þetta
mál.
Morgunblaðið
VAR HANN
ÓGILDUR?
Mitterrand fullgildir Albert
sem sendiherra.
Rosafyrirsögn f
Tímanum
ÞÆGILEG ÚT-
FLUTNINGSVARA?
Kílóið á óveiddum þorski á
fimmtán krónur
Morgunblaðið
FÆR LEIÐ TIL
KJARABÓTA
Okkur vantar ferðaskrifstofu
sem býður okkur uppá flugmiða
til Færeyja, svo við getum keypt
íslenskt lambalæri á 52 krónur kí-
lóið.
Morgunblaðið
ÞETTA GRUNAÐI
MIG ALLTAF
Vissulega stendur fiskvinnslu-
fólkið undir atvinnuvegum þjóð-
arinnar. En það er ekki bara fisk-
vinnslufólk sem gengur með lúk-
umar í eigin vösum.
Morgunblaðið
AF SJÓNAR-
HORNUM
Tíu stúlkur frá öllum lands-
homum keppa um titilinn Ungfrú
ísland að þessu sinni og athyglin
mun beinast að þeim. En hefur
Ólafur séð stúlkumar? „Ég hefi
kíkt á þær upp úr pottunum,“
svaraði hann.
Viötal f OV
HVOR HAFÐI
BETUR?
Stúlkumar tíu sem keppa um
titilinn í ár, fá aðeins samkeppni
frá matseðlinum, en hann hefur
verið í smíðum í heilt ár.
Sama viðtal í DV
2 SfÐA - NÝTT HELGARBLAÐ Föstudagur 19. maí 1989