Þjóðviljinn - 19.05.1989, Blaðsíða 9

Allt um erótík
Nýstárleg bókmenntadagskrá í Iðnó. Guðrún Ásmundsdótt
ir: Ekkert eins erótískt og að ganga berfættur í sandi
„Helga Hjörvar skólastjóri Leiklistar-
skólans bað mig að setja upp bók-
menntadagskrá með þriðja árs nem-
endum, en það voru krakkarnir sjálfir
sem völdu þetta tema. Þarna verður
bókstaflega allt um erótík," sagði Guð-
rún Ásmundsdóttir leikkona og
stjórnandi umræddrar dagskrár sem
frumsýnd verður í Iðnó á þriðjudags-
kvöldið.
„Ég var stödd í Þýskalandi þegar þau
skrifuðu mér og reyndu að útskýra hvað
þau ætluðu að gera, en ég var engu nær. Og
ég sagði við tengdadóttur mína: Ég verð að
halda fund með börnunum og athuga hvað
þau vilja. Hún ansaði þurrlega: Fyrsta
skrefið er áreiðanlega að hætta að kalla þau
börn!
Ég var hálfneikvæð til að byrja með -
eiginlega finnst mér ungt fólk oft leiðinlegt
- en svo heilluðu þau mig auðvitað upp úr
skónum. Það er einhver frumkraftur í þeim
sem er svo gaman að vinna með. Samt er
ágætt að hafa reynda leikara líka.“
Auk þriðja árs nemanna taka leikararnir
Helga Þ. Stephensen, Valgerður Dan og
Þröstur Leó Gunnarsson þátt í sýningunni.
„Mér leist ekkert á blikuna þegar þau
komu með bókina „Blautleg ljóð“ á fyrsta
fundinn! En þegar við fórum að tala meira
saman sáum við að skoðanirnar voru ekki
svo ólíkar og við notum bara eitt Ijóð úr
þeirri bók. Eg sá að þau ætluðu ekki að
setjast á kassa á sviðinu og flytja fegurstu
ástarljóð á íslandi með tilþrifum heldur
vildu þau kanna hvað erótík væri. Þau lang-
aði til að dagskráin yrði spegill sem snýst og
sýnir hverja myndina á fætur annarri af ást
og erótík."
Hvað er erótík?
„Erótík er líf. Aflgjafi. Ef eitthvað
sprelllifnar á sviði er erótík í því. Það er svo
einfalt mál og þó flókið.
En ef allt er tekið með lifnar ekkert og við
urðum að þrengja rammann. Þá spurðum
við hvar við vildum vera þegar við flyttum
dagskrána og komumst að því að okkur
langaði til að vera í sandi - á eyðimörk þar
sem allt getur gerst. Ekkert er eins erótískt
og að ganga berfættur í sandi, hlaða litla
hóla úr sandi, liggja í sandi. Vandinn verður
bara að útvega nógan sand á sviðið!
Þá datt mér í hug að nota nýtt amerískt
leikrit eftir Erin Wilson sem gerist einmitt á
eyðimörk og er óhemju erótískt. Karl Guð-
mundsson þýddi það fyrir hópinn og við
fléttum inn í það ljóðum og frásögnum frá
ýmsum tímum og úr ýmsum áttum. Við
notum bæði brot úr Ljóðaljóðunum og nýja
dægurlagatexta, stillum saman nýju og
gömlu. Martraðir ástarinnar koma frá
Óskari Wilde og Miian Kundera, skáldið
sem vekur okkur til veruleikans aftur er
Birgir Sigurðsson. Píkuskrækur Eggerts
Ólafssonar minnir á þá sem klæða sig upp á.
Séra Árni kennir okkur að biðja þannig að
gimdin fari úr kroppnum. Þegar maðurinn
kemur inn með gúmmídúkkuna flytjum við
frásögn úr riddarasögu af líkneskinu sem
Tristran lét gera sér af ísönd. Líkneskið er
eins konar hliðstæða við dúkkuna.
Að lokum spyrjum við svo: Hvað er best?
Svarið er úr Kínverskum ljóðum í þýðingu
Helga Hálfdanarsonar:
Að ríða berbakt
alls nakinn í rigningu
sem steypist niður.
Það er gaman að finna erótík á óvæntum
stöðum!“
Söngstjóri er Helga Gunnarsdóttir.
Leikhljóð eru flutt af Pétri Grétarssyni.
Sýningar verða aðeins þrjár, á þriðjudag,
miðvikudag kl. 20.30 og fimmtudag kl.
17.00.
SA
FÖstudagur 19. mai 1989 NÝTT HELGARBLAÐ - SÍÐA 9