Dagblaðið Vísir - DV - 23.02.1996, Blaðsíða 2

2
FÖSTUDAGUR 23. FEBRÚAR 1996
Fréttir
Röggsamur forseti Alþingis:
Þingfundur felldur niður
og nefndum sagt að vinna
- menn muna ekki til þess að það hafi gerst síðustu áratugina
„Ég hélt fund með formönnum
fastanefnda Alþingis síðastliðinn
mánudag. Ég afhenti þeim þar plögg,
sem þeir svo sem áttu að hafa undir
höndum, um hvað mál væru óaf-
greidd í viðkomandi nefndum. Ég
hvatti þá til þess að fara strax í það
að afgreiða mál og gera það upp við
sig hvaða mál eigi að afgreiða fyrir
þinghlé en taka hin til hliðar sem
geta beðið. Ég óskaði eftir því að þeir
kölluðu þingnefndir saman til auka-
funda í dag, fimmtudag, og ég sagði
þeim að ég myndi fella þingfund nið-
ur til þess að það væri hægt,“ sagði
Ólafur G. Einarsson, forseti Alþing-
is, í samtali við DV í gær.
Þá gerðist sá einstæði atburður að
forseti felldi niður þingfund svo að
hægt væri halda aukafund í nefnd-
um til að ýta málum áfram. Rögg-
semi Ólafs G. Einarssonar sem for-
seta Alþingis í vetur hefur vissulega
vakið athygli. Þetta mun þó vera
einsdæmi að fella niður þingfund og
segja þingnefndum að fara að vinna.
Menn muna ekki til þess að þetta
hafi gerst áður.
Ólafur var spurður hvort það væri
kannski málaþurrð á Alþingi?
„Nei, það er nú ekki málaþurrð á
þingi en þingstörf hafa gengið það
vel að það er enginn listi yfir mál
sem bíða þess að verða tekin fyrir.
Við höfum yfirleitt náð að klára dag-
skrána þannig að flest mál eru kom-
in til nefnda. Þau mál sem bíða, sem
er nokkur þingmannamál, eru tæp-
lega talin til stærstu nauðsynjamála,
þótt þau að sjálfsögðu verði tekin
fyrir. Það bíða líka nokkur stjómar-
fmmvörp en það lá ekki á að taka
þau fyrir í dag, auk þess sem ráð-
herrar eru bundnir. Þess vegna sagði
Seltjarnarnes:
Hús leigt út
án samráðs við
bæjarstjórn
„Það em mjög óeðlileg vinnu-
brögð að leigja út húsnæöi bæj-
arins án þess að bera það undir
nokkum í stjórnsýslunni. Sigur-
geir gerir samninga eins og
hann eigi þetta húsnæði sjálfur.
Hann verður að átta sig á því að
ákveðnar leikreglur gilda. Við
erum mjög ósátt við þessa ein-
ræðistakta sem endurtaka sig
öðru hvoru. Þetta er ákveðin
vanvirðing viö bæjarstjórn og
hina kjörnu fulltrúa," segir Siv
Friðleifsdóttir, bæjarfulltrúi
Bæjarmálafélagsins á Seltjarn-
arnesi.
Á síðasta fundi bæjarstjórnar
á Seltjarnarnesi létu bæjarfull-
trúar Bæjarmálaféiagsins bóka
að þeir teldu óeðlilegt að bæjar-
stjóri leigöi út húsnæði í eigu
bæjarins án samráös eða sam-
þykkis bæjarstjómar, fjárhags-
og launanefndar eða nokkurra
annarra stiga stjórnsýslunnar.
Bæjarstjóri hefur nýlega leigt
bílaskoðunarfyrirtæki um 100
fermetra húsnæði bæjarins við
Suðurströnd á Seltjamarnesi.
„Þetta er ekki rétt. Bæjar-
stjóri á að koma þeim eignum
bæjarins, sem em til leigu, í út-
leigu. Þessi hús eru það og mér
væri frekar láandi ef ég myndi
ekki gera það. Þessi hús em öll
keypt til niöurrifs og við emm
að reyna að hafa af þeim tekjur
á meðan þau fá að standa. Mér
er falið það af bæjarstjóm að
reyna að hafa tekjur af þessu og
síðan eru þessar húsaleigutekj-
ur látnar standa undir þeim
greiðslum sem við greiðum fyrir
þessi hús. Það hefur tekist nokk-
uð vel fram að þessu,“ segir Sig-
urgeir Sigurðsson bæjarstjóri.
Aðspurður um hvort fótur
gæti verið fyrir þeirri gagnrýni
á bæjarstjórann að hann sýni
einræðistakta sagöi hann að það
væri fjarstæða.
„Finnst þér það mjög líklegt?
Ég er búinn að vera hér í 30 ár
og ég er alltaf kosinn aftur. Ég
hef ósköp litla trú á því að fólk-
ið myndi sitja undir einræðis-
stjórn í 30 ár.“ -GHS
Fulltrúar Spalar, íslenskra stjórnvalda, verktaka og innlendra og erlendra fjármálastofnana undirrituðu í gær um 40
samninga vegna fyrirhugaðra jarðganga undir Hvalfjörð. Myndin sýnir ráðherrana Halldór Blöndal og Friðrik Soph-
usson við undirritunina. DV-mynd GVA
Undirritun samninga vegna HvalQaröarganga:
Langþráð stund
- segir Gylfi Þórðarson, stjórnarformaður Spalar hf.
„Þaö hefur náttúrlega gríðarlega
mikla þýðingu fyrir alla sem hafa
tekið þátt í undirbúningnum að nú
er búið að undirrita samningana.
Við erum búnir að berjast fyrir
þessu í 5 ár og nú sjáum við loks
fyrir endann á þessu. Héðan í frá
getum við Spalarmenn aðeins slak-
að á þó auðvitað sé heilmikil vinna
eftir. Þetta er því langþráð stund
fyrir aila,“ sagði Gylfi Þórðarson,
NIÐURSTAÐA
Berðu traust til
þjóðkirkjunnar?
r o d d
FÓLKSINS
904-1600
stjómarformaður Spalar, í samtali
við DV eftir að undirritun samn-
inga um fyrirhugaða gerð Hvalfjarð-
arganga var í höfn í Súlnasal Hótel
Sögu í gær.
Fulltrúar Spalar, verktaka og inn-
lendra og erlendra fjármálastofn-
ana, auk fjármáiaráðherra og sam-
gönguráðherra, undirrituðu í gær
alls um 40 samninga vegna Hval-
fjarðarganganna en framkvæmdir
hefjast á næstu vikum og á að vera
lokið snemma árs 1999.
Göngin verða 5.770 metra löng
með tveimur til þremur akreinum,
þar af verða sprengd 3.750 metra
löng göng undir sjó. Hvalfjarðar-
göngin stytta t.d. leiðina frá Reykja-
vík til Akraness um 61 kílómetra og
aksturstímann um 40 mínútur.
Verktaki er Fossvirki sf. sem er
sameignarfélag ístaks hf., sænska
verktakafyrirtækisins Skanska og
danska verktakafyrirtækisins E.
Phil og Sön. Göngin kosta fullbúin
4,6 milljarða króna, að meðtöldum
öllrnn undirbúpings- og fjármagns-
kostnaði á byggingartíma. Bankar
erlendis og hérlendis lána alls 4,1
milljarð króna til framkvæmda á
byggingartímanum og annar stofn-
kostnaður er fjármagnaður með
hlutafé og lánum úr ríkissjóði.
Bandarískt líftryggingarfyrir-
tæki, John Hancock, Mutual Life
Insurance Inc., tekur að sér stærst-
an hluta langtímafjármögnunar
verksins og kaupir skuldabréf fyrir
um 2,6 milljarða króna. Innlendar
fjármálastofnanir sjá um langtíma-
fjármögnun að öðru leyti, einkum
lífeyrissjóðir. Landsbréf sjá um að
selja skuldabréf fyrir alls um 1,7
milljarða. Gert er ráð fyrir að inn-
heimta veggjald til að borga mann-
virkið og standa undir rekstrar-
kostnaði og áætlaðar tekjur af um-
ferð um Hvaifjarðargöng á fyrsta
rekstrarárinu eru um 520 milljónir
króna. Bein rekstrargjöld verða um
100 mUljónir á ári til að byrja með
og áætlaö er starfsmenn Spalar við
göngin verði 8 talsins.
„Ég held að andstaðan sem við
mættum vegna þessa verkefnis hafi
að mestu verið byggð á misskilningi
og hún hefur styrkt okkur enn frek-
ar í trú okkar á þjóðhagslegan
ávinning ganganna," sagði Gylfi
enn fremur. -brh
ég strax á mánudaginn var að ef það
yrði ekki brýn þörf á fundi í dag,
fimmtudag, myndi ég fella þingfund-
inn niður en gera ráðstafanir til þess
að það yrðu skipulagðir aukafundir í
þingnefndum. Ég vil endilega fara að
fá afgreiðslu út úr nefndunum til
þess að koma í veg fyrir þetta venju-
lega álag, kvöld- og næturfundi, þeg-
ar þinghlé nálgast," sagði Ólafur G.
Einarsson. -S.dór
Stuttar fréttir
Umhverfismat fyrst
Samkvæmt úrskurði Skipu-
lagsstjóra ríkisins verður
óheimilt að hefja byggingu ál-
vers á Grundartanga fyrr en
umhverfismat liggur fyrir vegna
nauðsynlegra virkjana. Að sögn
RÚV telur stofnunin vatnsöflun-
armál til lengri tíma óleyst. '
Ólögleg gjaldskrá
Að mati Samkeppnisráðs
stríðir gjaldskrá fyrir skólatann-
lækningar í Reykjavík gegn
samkeppnislögum og hefur
mælst til þess við heilbrigðisráð-
herra að hann leggi gjaldskrána
niður.
Spítalar kærðir
Apótekarafélag íslands hefur
kært lyíjabúðarrekstur Sjúkra-
húss Reykjavíkur og Ríkisspítal-
anna til RLR. Samkvæmt Mbl.
telur félagið spítalana brjóta
lyfjalögin.
Sýslumaður á Krókinn
Ríkarður Másson, sýslumaður
á Hólmavík, hefur verið skip-
aður sýslumaður á Sauðárkróki
frá 1. apríl. Hann var í hópi 17
umsækjenda.
Nítjándu bestu
Samkvæmt niðurstöðum
bandarískrar stofnunar er ís-
land nítjánda besta land í heimi.
Þetta kom fram í Alþýðublað-
inu.
Auðlind ógnað
Alþjóðlega risafyrirtækið Uni-
lever, sem kaupir mikið af ís-
lenskum fiski, hefur tekið hönd-
um saman við áhrifamikil nátt-
úruverndarsamtök. Stöð 2
greindi frá þessu.
55 hús keypt
Ofanflóöasjóöur mun styrkja
kaup Súðavíkurhrepps á fast-
eignum á hættusvæðum. Sam-
kvæmt frétt Ríkissjónvarpsins
er um að ræða 55 fasteignir fyr-
ir um 500 milijónir króna.
20 milljóna sparnaður
Samkvæmt fjárhagsáætlun
Reykjavíkurborgar er gert ráð
fyrir 20 milljóna króna spamaði
hjá Dagvist bama. Mbl. greindi
frá þessu.
Nýr sjónvarpsmarkaður
Um næstu mánaðamót hefur
göngu sína á Ríkissjónvarpinu
sjónvarpsmarkaður undir heit-
inu Sjónvarpskringlan. Sam-
kvæmt Mbl. stendur Stilling hf.
að markaðnum.
Borgey eykur hlutafé
Á aðalfundi Borgeyjar á Höfn
í Hornafirði í gær var samþykkt
að auka hlutafé um 60 milljónir
króna og að 10% arður verði
greiddur til hluthafa. bjb