Dagblaðið Vísir - DV - 27.01.1998, Blaðsíða 8

8
ÞRIÐJUDAGUR 27. JANÚAR 1998
Útlönd
Stuttar fréttir i>v
Clinton harðneitar ásökunum um kynferðislegt samband við lærlinginn:
Frétt um vitni að at-
lotum reyndist röng
Bandaríska dagblaöið Dallas
Morning News dró í morgun 'til
baka frétt sem þaö birti í netútgáfu
sinni í gærkvöld um að maður úr
lífverði forsetans hefði komið að
Clinton og lærlingnum Monicu
Lewinsky í ástaratlotum.
í yfirlýsingu frá blaðinu segir að
heimildarmaður fréttarinnar hafi
skýrt frá því að hún væri röng.
Á forsíðu netútgáfunnar kom
fram að umræddur lífvörður hefði
rætt við starfsfólk Kenneths Starrs
saksóknara.
David Kendall, lögfræðingur
Clintons, hafði þegar fordæmt frétt
blaðsins í Dallas og sagt hana ranga
og illkvittnislega.
Bill Clinton Bandaríkjaforseti
kom fram á fundi með fréttamönn-
um í Hvíta húsinu í gær og vísaði
þar alfarið á bug öllum fullyrðing-
um um að hann hefði átt í kynferð-
islegu sambandi við Monicu Lewin-
sky, fyrrum lærling í Hvíta húsinu,
Færeyingar
íhuga skaða-
bótakröfu
Landstjórnin í Færeyjum und-
irbýr nú hvernig standa eigi að
mögulegri skaðabótakröfu vegna
bankamálsins. í kjölfar fundar
með Edmund Joensen lögmanni
hafa allir þingflokkar útnefnt
fulltrúa í nefnd sem á að hafa eft-
irlit með undirbúningnum að
skaðabótakröfu verði slík borin
fram. „Það er gífurlega mikil-
vægt að við séum samstiga i við-
brögðum okkar,“ segir formaöur
nefndarinnar.
Jeltsín sendir
sendiboða
til íraks
Borís Jeltsín Rússlandsforseti
ákvað í gær að senda sérlegan
sendiboða til íraks sem reyna á
að leysa deiluna milli Sameinuðu
þjóðanna og yfirvalda í írak um
vopnaeftirlit. Bandarísk yfirvöld
vöruðu í gær íraka við og sögðu
að fresturinn til að ná diplómat-
ískri lausn væri brátt á enda.
Sagði talsmaður Hvíta hússins að
vandamál Clintons Bandarikja-
forseta kæmu ekki i veg fyrir
áætlanir um aðgeröir gegn írak.
og hvatt hana til að ljúga til um það.
Dagblaðið New York Times skýr-
ir frá því í dag að Lewinsky hafi hitt
Clinton einslega í Hvíta húsinu
seint í síðasta mánuði, jafnvel þótt
embættismenn stjórnarinnar hefðu
fyrirskipað að aðgangur hennar að
Hvíta húsinu skyldi takmarkaður.
Blaðið segir að fundurinn hafi verið
haldinn tveimur vikum eftir að
Monica fékk stefnu þar sem henni
var gert að bera vitni í kynferðis-
áreitnimáli Paulu Jones gegn forset-
anum. Blaðið hefur þetta eftir bæði
fyrrum starfsmanni Hvita hússins
og vini Lewinsky.
Fullyrðingarnar um meint kyn-
ferðislegt samband forsetans við
Lewinsky og tilraunir síðar til að
hylma yfir það eru alvarlegasti
vandinn sem Clinton hefur þurft að
glíma við í Hvíta húsinu. En Clint-
on lét engan bilbug á sér finna í gær
þegar hann kom fram á fundi með
fréttamönnum.
„Ég vil segja eitt við bandarísku
þjóðina. Ég vil að þið hlustið á mig.
Ég segi það enn og aftur, ég átti
aldrei í kynferðislegu sambandi við
William Ginsburg, lögmaður Monicu
Lewinsky.
þessa konu, Lewinsky," sagði forset-
inn og veifaði fmgri til að leggja
áherslu á mál sitt.
„Ég sagði aldrei neinum að ljúga,
ekki í eitt einasta skipti, aldrei.
Þessar ásakanir eru rangar og ég
þarf að snúa mér að því að vinna
fyrir bandarísku þjóðina," sagði for-
setinn. Þar átti hann við stefnuræðu
sína sem hann flytur í þinginu i
nótt að íslenskum tíma.
Clinton svaraði ekki spurningum
fréttamanna eftir þessa fimmtu yfir-
lýsingu sína um málið á sex dögum.
Lewinsky hefur sagt í eiðsvarinni
skýrslu að hún og Clinton hafi
aldrei átt í ástarsambandi. Hún
heldur hinu gagnstæða fram á seg-
ulbandsupptökum af samtölum
hennar og fyrrum samstarfskonu.
Þar segist hún hafa átt munnmök
við forsetann í Hvíta húsinu og
einnig „símamök" seint á kvöldin.
Kenneth Starr hefur sent fjölda
manns stefnu um að bera vitni í
málinu, þar á meðal Vernon Jordan,
lögfræðingi og einkavini Clintons,
sem sakaður er um að hafa fengið
Monicu til að ljúga um samband
hennar og forsetans.
Hillary forsetafrú er sögð hafa
tekið að sér að stjórna varnarað-
gerðunum úr Hvíta húsinu. Hún
sagði þó ekkert um málið í ferð til
New York í gær. Reuter
Hillary Clinton forsetafrú hefur tekiö aö sér stjórn varnarbaráttunnar í Hvíta húsinu gegn ásökunum um kynferöis-
legt samband forsetans viö lærlinginn Monicu Lewinsky í Hvíta húsinu. Hér hvíslar hún einhverju í eyra bónda síns
á fundi meö fréttamönnum í gær þar sem kynlífsmálið bar varla á góma þótt enginn hafi um annað hugsað.
Uppsveifla
Veikari staða Bandaríkjanna
vegna vandamála Clintons Banda-
ríkjaforseta olli uppsveiflu á
mörkuðum í Asíu í gær.
Klámmessa
Vegna mikillar aðsóknar hafa
aðstandendur klámmessu á Jót-
landi ákveðið að veita Kristilega
þjóðarflokknum um milljón ís-
lenskar krónur í styrk. Flokkur-
inn hafði hvatt almenning til að
hunsa messuna.
Þakkaði páfa
Fidel Kastró Kúbuforseti
kvaddi í gær Jóhannes Pál páfa
og þakkaði hon-
um fyrir öll orð
sem hann hafði
látið falla,
einnig þau sem
Kastró var
ósammála.
Fréttaskýrend-
ur segja erfitt
að segja fyrir
um hvers konar áhrif heimsókn
páfa muni hafa á Kúbu. Enginn er
þó í vafa um að bæði páfi og for-
setinn voru ánægðir með heim-
sóknina.
Hættu friðarviðræðum
Flokkur Sambandssinna á N-ír-
landi, UDP, dró sig i gærkvöld úr
friðarviðræðum. Taldi flokkur-
inn, sem tengist hryðjuverkahópi
mótmælenda, að til stæði að vísa
honum frá viðræðunum. Þess
vegna hætti hann þáttöku.
Óveður á Spáni
Skíðamaður lét lífið er hann
féll í gil vegna lélegs skyggnis í
snjókomu í Pýreneafjöllunum á
Spáni. Tveggja skíðamanna er
saknað eftir óveðrið.
Kærir Noregsstjórn
Norskur námsmaður, sem
lyktaði svo illa að honum var
bannað að stunda nám við Óslóar-
háskóla, hefúr farið með mál sitt
fyrir Mannréttindadómstólinn í
Strasbourg.
Drottningarmóðir skorin
Elísabet, drottningarmóðir í
Bretlandi, gekkst í gær undir
mjaðmaliðsað-
gerð sem
heppnaðist vel,
að því er lækn-
ar greindu frá.
Drottningar-
móðirin, sem er
97 ára, datt á
sunnudaginn
með þeim afleiðingum að hún
mjaðmarbrotnaði.
Brundtland vongóð
Gro Harlem Brundtland, fyrr-
verandi forsætisráðherra Noregs,
er vongóð um að verða í dag fyrir
valinu sem nýr yfirmaður Al-
þjóða heilbrigðisstofnunarinnar
WHO. Hún keppir við fjóra aðra
um embættið. Reuter
úTsöLUŒmaaj

/zm
40% afsláttur
Skipholti 1
Sími: 552 9800