Dagblaðið Vísir - DV - 20.02.1999, Blaðsíða 23

X>V LAUGARDAGUR 20. FEBRÚAR 1999
Qðtal
23
Rætt við Ben Kingsley á kvikmyndahátíðinni í Berlín:
„Eg hef séð mjög athyglisverðar
íslenskar kvikmyndir"
Á Berlinale-kvikmyndahátíðinni,
sem nú stendur yfir í Berlín, voru
m.a. efnilegustu ungleikarar 18 Evr-
ópulanda, þeirra á meðal Ingvar Sig-
urðsson, kynntir á sérstakri dagskrá.
Undir stjóm breska stórleikarans
Bens Kingsleys komu leikaramir
saman og kynntu sig fyrir alþjóðleg-
um kvikmyndaframleiðendum og fjöl-
miðlum. Leikararnir í þessum hópi
eiga það allir sameiginlegt að hafa
náð mjög langt í heimalöndum sínum
en vera nær óþekktir utan þeirra.
European Film Promotion-samtökin,
sem stofnsett voru í fyrra, standa að
vali leikaranna. Markmið samtak-
anna er að koma þessum ungu leikur-
um á framfæri utan heimalandanna.
Kvikmyndasjóður íslands á aðild að
European Film Produktion.
„Big Ben"
Það er mikill styrkur fyrir ungu
leikarana að Ben Kingsley hefur
brennandi áhuga á því að greiða götu
þeirra. í kvikmyndaheiminum bera
menn óttablandna virðingu fyrir Ben
Kingsley sem menn kalla oft „Big
Ben“ . Ég hitti Big Ben þegar hann
hafði lokið vinnunni með ungu leikur-
unum og í návígi hefur hann svo
sannarlega þá töfra og útgeislun sem
hann er þekktur fyrir í kvikmynda-
persónunum sem hann hefur túlkað.
Flestum er hann minnisstæðastur í
hlutverki Gandís eða Itzhaks Sterns í
Lista Schindlers.
Ben Kingsley er alveg uppnuminn
af ungu leikurunum sem hann hefur
verið með síðustu daga.
„Ég hef eignast nýja fjölskyldu! Eft-
ir að hafa kynnst þessum ungu efni-
legu leikurum veit ég að það þarf eng-
inn að hafa áhyggjur af kvikmynda-
gerð framtíðarinnar. Þetta er ekki
fólk sem segir mig langar að verða
leikari, það segir ég verð að verða
leikari og ekkert annað. Ég er fullviss
um að menn eiga eftir að sjá þetta fólk
eftir nokkur ár í myndum hjá leik-
stjórum á við Steven Spielberg og
Bernardo Bertolucci. Þetta eru allt
mjög fjölhæfir leikarar, enda segir
það sitt að þeir eru allir stórstjörnur í
heimalandi sínu.“
Þó Ben Kingsley hafi ekki eytt löng-
um tíma með leikurunum náði hann
engu að síður að skoða hvern og einn
og leggja mat á getu þeirra. Að hans
mati er enginn vafi á því að Ingvar
Sigurðsson á framtíðina fyrir sér í
leiklistarheiminum.
„Ingvar er mjög hæfileikaríkur.
Hann nær að vera sannfærandi bæði
sem gamanleikari og í háalvarlegum
hlutverkum. Það er ekki auðvelt. Það
eru ekki margir sem geta það. Hann
hefur allt í það að geta náð langt.“
Allt of margir dáleiddir
af Hollywood
Það er oft talað um að sérstaklega
erfitt sé fyrir leikara sem ekki hafa
ensku að móðurmáli að sanna ágæti
sitt hjá stóru kvikmyndaframleiðend-
unum. Þetta vandamál var einnig til
umræðu. „Það mikilvægasta er að
menn einblíni ekki á að setja. markið
á bandaríska markaðinn. Allt of
margir eru dáleiddir af því að frægð
og frami gangi út á að komast til
Hollywood. Svo ég snúi mér að mynd-
unum sjálfum þá á frumtakmarkið
einfaldlega að vera að segja góða sögu.
Það veltur allt á gæðum handritsins,
ef það er gott þá er það byrjunin. Allt
of margir gera þau mistök að skrifa
ekki eftir sannfæringu sinni heldur
eftir hugsuninni: er þetta eitthvað fyr-
ir Bandaríkjamarkað? Sagan, handrit-
ið og góðir leikarar eru grunnurinn
að öllu og ef það gengur upp þá hefur
sýnt sig að vegurinn út í hinn stóra
heim kvikmyndanna er ekki óyfirstíg-
anlegur."
Heillaður af Islandi
í framhaldi af þessu snýst talið að
íslenskum kvikmyndum en í þessu
sambandi nær Big Ben að koma mér
verulega á óvart með þekkingu sinni
á myndum frá íslandi.
„Ég hef séð margar íslenskar kvik-
myndir, auðvitað, m.a. vegna setu
minnar í European Film Akademy.
Margar íslensku myndanna sem ég
hef séð voru mjög athyglisverðar. í
myndunum varð ég mjög heillaður af
íslandi og menningu landsins. Ég man
auðvitað ekki vel eftir einstökum titl-
um nema myndinni sem var tilnefnd
til óskarsverðlauna fyrir nokkrum
árum, Börn náttúrunnar, hún var
stórkostleg. Mynd sem þessi með góðu
handriti þar sem ekki hafa verið fam-
ar neinar málamiðlunarleiðir og leik-
stjórinn er trúr uppruna sínum eiga
alltaf eftir að ná athygli áhorfenda,
sama hvaðan þær koma eða á hvað
tungumáli þær eru.“
Gandhi, Lenín, Móses
og Wiesenthal
Ben Kingsley hefur sjálfur komið
víða við á löngum ferli sínum sem
hann hóf um tvítugt í Bretlandi. Á
þessum árum þótti hann meira að
segja efnilegur söngvari en það fer
m.a. sögum af því að hann hafi hafn-
að hljómplötusamningi við Brian Eb-
stein, sem síðar uppgötvaði Bítlana,
vegna þess að hann fékk tilboð frá
Royal Shakespeare Company sem
hann tók frekar. Kingsley hefur síðan
verið gagntekinn af leiklistinni og
þykir ódauðlegur í hlutverkum
margra frægra persónuleika mann-
kynssögunnar en fyrir utan að leika
Gandhi hefur hann m.a. verið í hlut-
verkum Leníns, Móses og og Simons
Wiesenthals. En eru enn þá til
draumahlutverk sem hann hefur ekki
fengið eða skyldi hann hafa spáð í að
hann hafi fyrir löngu náð hápunktin-
um og því sé kominn tími til þess að
fara að hægja á sér.
„Ég er og verð leikari af lífi og sál.
Einn kostur við að vera leikari er að
þeir geta átt mjög langan starfsferil.
Mér finnst ég enn þá vera tiltölulega
ungur, 55 ára, þegar ég hugsa til þess
að ég á t.d. starfsbróður sem er 93 ára.
Ég á enn þá margt eftir ólært, ég á
ekkert sérstakt draumahlutverk, mig
langar til að leika allt. Mér dettur
ekki í hug nein persóna sem ég vil alls
ekki leika.“
Kristln Jóhannsdóttir
„Ingvar er mjög hæfileikaríkur. Hann nær að vera sannfærandi bæði sem
gamanleikari og í háalvarlegum hlutverkum," segir Kingsley meðal annars
um Ingvar E. Sigurðsson. Hér sjáum við Ben Kingsley í hópi ungra og
efnilegra leikara.
Ben Kingsley og Kristín Jóhannsdóttir blaðamaður.