Dagblaðið Vísir - DV - 30.07.1999, Blaðsíða 12

12
FÖSTUDAGUR 30. JÚLÍ 1999
Spurningin
Hvaða lið verður íslands-
meistari í fótbolta?
Páll Jónsson, vinnur hjá Flug-
leiðum: KR, engin spurning.
Guðmundur Helgason sjómaður:
KR, að sjálfsögðu.
Heiðar Már Böðvarsson verka-
maður: Ég held að það verði KR-
ingar.
Hallur Lund vélsmiður: Ég segi að
það verði KR.
Eiður Aronsson nemi: KR-ingarn-
ir.
Stefanie Scheidgen uppeldisfræð-
ingur: Það verður KR.
Lesendur________________________
Áhöfnin á Odincova
frá Lettlandi
- sett saklaus í herkví
„Og nú er rétti tíminn til að bretta upp ermarnar og leysa þetta
viðfangsefni og losa blessað fólkið úr herkvínni sem það hef-
ur verið sett saklaust í,“ segir Konráð. - Skipið Odincova við
hafnargarð í Reykjavík.
Konráð Friðfinnsson
skrifar:
Odincova er togari frá
Lettlandi og hefur legið
um nokkurra mánaða
skeið bundinn við
bryggju í Reykjavík.
Ástæðan fyrir veru
skipsins í höfuðborginni
er að vélar skipsins eru
úrbræddar og ekki til
fjármagn þessa stundina
til að koma þeim í lag.
Auðvitað geta skip
bilað og menn lent í
vandræðum með að fjár-
magna dæmið. Það er
eðlilegt mál. Hið alvar-
lega í málinu er sú stað-
reynd að um borð í tog-
aranum eru menn sem
hafa ekki fengið greidd
laun svo mánuðum
skiptir, fyrir utan eitt-
hvert litiiræði sem barst
til þeirra fyrir nokkrum
vikum. En samkvæmt fregnum eru
útistandandi laun mannskapsins
um 14 milljónir króna nú. Að visu
var gert upp við hluta áhafnarinnar
fljótlega eftir komuna hingað, og fór
hún heim flugleiðis. Eftir sitja 12
eða 14 menn og konur sem enga
hugmynd hafa um hvenær úr rætist
hjá þeim. Eða hvort lausn finnst yf-
irleitt.
Þessu fólki er lofað en ekki staðið
við. Þannig framkoma þreytir menn
á endanum. - Hvemig geta svona
hlutir gerst í lýðræðisríkinu ís-
landi?
Þarna vantar greinilega eitthvað
upp á hina fógru mynd sem svo oft
er sett fram af íslandi. Fólkinu á
Odincova er raunverulega haldið
föngnu um borð í sínu skipi.
Kannski vegna þess að eitthvert
klúður er í gangi, eða menn héldu
ekki rétt á spilum. Hvar
er fólkið sem á að sinna
svona málum? Og hvar
er ríkisstjórnin, forseti
íslands, útlendingaeftir-
litið og sjómannafélög-
in, sjómannasambandið
og verkalýðsfélögin, eða
aðrir sem gagn geta
gert?
Á fólk að trúa því að
engum komi málið
raunverulega við? Að
það snúi eingöngu að
útgerð skipsins og um-
ræddri áhöfn? Að ætla
það er mikill misskiln-
ingur. En hvar er rétt-
lætið? Við eigum þó að
gæta bróður okkar, ekki
rétt?
Ég veit hins vegar að
menn eru að reyna að
leysa málin. En sann-
leikurinn er líka sá að
það sem gert hefur verið
hingað til er ekki nóg. Og nú er rétti
tíminn til að bretta upp ermarnar
og leysa þetta viðfangsefni og losa
blessað fólkið úr herkvínni sem það
hefur verið sett saklaust í. Orð án
verka eru einskis virði.
Það skal tekið fram að hér er ekki
verið að höggva að neinum eða
kenna einhverjum um, aðeins verið
að benda á staðreyndir. En undan
þeim svíður oft.
Viðhaldsframkvæmdir
á Hallgrimskirkju
- svar viö lesendabréfi
Jóhann Þorsteinsson, fram-
kvæmdastj. HaUgrímskirkju,
skrifar:
Ég óska eftir að koma á framfæri
nokkrum atriðum sem Gísli Guð-
mundsson fer ranglega með í les-
endabréfi sínu í DV fimmtud. 22.
júlí sl.
Það er rétt að ég kom í fréttum
sjónvarpsins vegna viðhaldsfram-
kvæmda sem fram undan eru í Hall-
grímskirkju en það er hins vegar
rangt að um sé að ræða skemmdir
sem búið sé að laga áður.
Fyrir um áratug var gert við
steypuskemmdir á hliðarvængjum
kirkjunnar og þar áður efsta hluta
turnspírunnar.
Það sem er þarna á milli er enn
ógert og um tvennt er að velja, láta
sem ekkert sé og horfa fram hjá
auknum skemmdum eða að leita
leiða til að lagfæra skemmdirnar.
Verktakar við Hallgrímskirkju
verða ekki dregnir til saka fyrir eitt-
hvað sem þeir bera ekki ábyrgð á.
En nú ríður á að opinberir aðilar
taki höndum saman með kirkjunni
og fylgi eftir ákvörðun Alþingis frá
árinu 1940 þar sem samþykkt var að
reisa Hallgrímskirkju sem þjóðar-
helgidóm og minnismerki um
sálmaskáldið Hallgrím Pétursson.
Á Þingeyri:
Vantar meira fólk en fisk
Sólveig Vagnsdóttir skrifar:
Fiskur er ekki allt, eða hvað?
Staðreyndin er líka sú, að hér á
Þingeyri vantar meira fólk en fisk.
Maður er nú orðinn leiður á hinni
neikvæðu umijöllun í fjölmiðlum
um ástandið á Vestfjörðum. Það er
nóg af slíku. Er ekki kominn tími til
að líta dálítið jákvætt á lífið, og
hvar eigi að hefjast handa?
Hér vestra þarf ýmislegt til að
laða fólk að, t.d. jákvæða umfjöllun,
ekki neikvæða. Hér kemur fjöldi
ferðafólks, en þaö vantar tilfinnan-
lega aðstöðu af ýmsu tagi. Fólk þarf
t.d. aö borða. Hér á staðnum er að
vísu bensínsjoppa og ekkert nema
gott um hana að segja, en það líkar
ekki öllum að snæða á sjoppu. Hér
ætti fyrir löngu að hafa verið veitt
leyfi til að setja upp „pöbb“ eins og
þeir á Flateyri hafa. Það ætti ekki
að þurfa að leiða til meiri vín-
drykkju. Ef hægt á að vera að
þjónusta
allan sólarhríngim^«
Lesendur geta sent mynd af
lér með bréfum sínum sem
birt verða á lesendasfðu
„Dýrafjörður, þú ert öllum fjörðum fegri," segir m.a. í bréfinu. - Við myndum
viija sjá flugvélar og skip til farþegaflutninga og verulega bættar samgöng-
ur, segir Sólvpig líka.
stunda vinnu á ísafirði þá er líka
stutt að ná í vín þangað.
Hér vantar sem sé sitt af hveiju
tagi til að laða fólk hingað. Til Flat-
eyrar koma og ýmsir skemmtikraft-
ar á pöbbinn sem gaman væri að fá
hingað. Eitthvað sem gefur lifrnu
gildi. Hér eru líka ýmsir sögufrægir
staðir sem gaman er að skoða. Að
ógleymdri náttúrufegurðinni. Hún
er mikil. Einhvers staðar stendur:
Dýraíjöröur, þú ert öllum fjörðum
fegri. Og þaö er satt.
Það er mikið öryggi í að búa á
Þingeyri. Engin snjóflóð og því eng-
inn kostnaður -við snjóflóðavarnir.
Þingmenn Vestfjarða þurfa að fara
að hugsa um byggðina hér á Vest-
fjörðum - til þess m.a. voru þeir
kosnir. Ég og margir aðrir myndu
vilja sjá hér bæði flugvélar og skip
fyrir farþegaflutninga og verulega
bættar samgöngur til og frá Þing-
eyri. með göngum undir Hrafhseyr-
arheiði. Þá er ég viss um að miklu
fleiri myndu vilja búa hér. Við höf-
um áður lent í áföllum og hljótum
að komast yfir þetta. Þingeyringar,
höfum trú á okkur sjálfum, stönd-
um saman.
Rothögg fyrir
félagshyggjufólk
Árni Stefánsson skrifar:
Fargjaldahækkun SVR er algjört
rothögg fyrir það félagshyggjufólk
sem trúði á núverandi meirihluta í
borgarstjórn sem raunhæfan valkost i
stjórnmálum. Ég var einn þeirra sem
töldu að fngibjörg Sólrún myndi
vinna með hagsmuni þeirra minna
megandi að leiðarljósi en annað hefur
komið í ljós. Á síðasta kjörtímabili
hækkaði R-listinn almenn fargjöld
SVR um 25% og fargjöld aldraðra og
öryrkja um 100%. Nú eru almenn far-
gjöld hækkuð um önnur 25% og far-
gjöld aldraðra og öryrkja um 20%. Síð-
an R-listinn fékk völdin hefur hann
því hækkað almenn fargjöld um 50%
og fargjöld aldraðra um 120%. Svari
nú hver fyrir sig hvort ráðstöfunar-
tekjur láglaunafólks, öryrkja og aldr-
aðra hafi hækkað jafnmikið á þessu
tímabili.
Akureyri á nidurleið
H.L.Ó. skrifar:
Mér fmnst hinn annars fallegi bær,
Akureyri, vera að koðna niður og
vera svipur hjá sjón frá því sem áður
var. Þar iðaði allt af mannlífi í mið-
bænum og á sumrin jókst mannfjöld-
inn um allan helming. Ég gisti á Ak-
ureyri á hóteli fyrir stuttu og mér brá
að sjá breytinguna. Meira að segja var
barinn á stærsta hótelinu lokaður kl.
10 á sunnudagskvöldi. Ekki það að ég
hafi saknað þess en ég sá að hér var
orðin mikil breyting frá því sem var,
og það um hásumartímann.
Óréttlát kauplækkun
Stelpur í unglingavinnunni sendu
þennan pistil:
Okkur fmnst það ótrúlega lélegt hjá
R-listanum, hinu ráðandi aíli í borgar-
stjóm Reykjavíkur, að lækka laun
hinna 16 ára í unglingavinnunni. Það
er ekki nóg með að við séum miklu
lægra launaðar en þeir vinir okkar
sem voru svo heppnir að fá vinnu á al-
mennum vinnumarkaði. Þeir fengu
allir verulega launahækkun milli ára.
Okkar aldurshópur fékk ekki einu
sinni hækkun í samræmi við verð-
lagshækkanir. Þegar við kvörtuðum
yfir þessu var sagt að þessu yrði ekki
breytt þar sem 16 ára unglingar hefðu
ekki samningsrétt og ekki heldur
kosningarétt!
Hroki menntafólks
J.M.G. skrifar:
Lærðir og leikir eiga takmai-kaða
samleið, jafnvel þó að biliö sé mjótt.
Þetta er það sem er að kljúfa laun-
þegasamtökin. Á seinni árum hefur
hroki menntafólksins komið æ betur í
ljós. Það kastar hnútum í alþýðufólk.
Þann 11. júlí sl. skrifar einn félagsvís-
indamaðurinn, Stefán Snævarr, grein
í Morgunblaðið þar sem hann kastar
stríðshanska að alþýðu landsins. Það
gæti þó komið annað hlióð í strokk-
inn. Það hefur nefnilega sýnt sig að ef
þessi sama alþýða fer í verkfall þá
hætta hjól atvinnulífsins að snúast
því það þarf alltaf einhverja til að
vinna verkin.
Davíö á aö hætta
Regína Thorarensen, Eskifirði,
skrifar:
Það gladdi mig mikið og ég þakkaði
guöi fyrir þegar Davíð Oddsson kom í
stjórnmálin á sínum tima. En núna
bið ég sama guð um að losa okkur við
Davíð. Mér finnst að hann hafi brugð-
ist að undanfomu og orðið sekur um
opinberar lygar. Fyrir kosningar
sagði hann okkur að allt væri í lukk-
unnar velstandi og að góðæri rikti í
landinu. En strax að morgni kjördags
létu ráðherrarnir hækka launin sín og
þeir eru nú dýrustu launþegar lands-
ins, með fria lúxusbíla og gott kaup.
Það gladdi mig mikið að frétta að
kennarar heföu líka fengið kjarabæt-
ur, en það tók þá langan tima og
mikla baráttu.
En aftur að Davíð. Núna, örfáum
vikum eftir kosningar, er Davíð kom-
inn að þeirri niðurstöðu að ekkert
góðæri sé í landinu lengur, nú þarf að
spara og draga saman seglin. Ég segi
það enn: Davíð hefur runnið sitt
skeið, er líklega orðinn þreyttur á
pólitíkinni, fjölmiðlar tala ekki lengur
við hann, og nú ætti þessi hæfileika-
ríki maður að snúa sér að öðm.