Dagblaðið Vísir - DV - 27.11.1999, Blaðsíða 44
52 trimm
LAUGARDAGUR 27. NÓVEMBER 1999
- aukin áhersia lögð á ástundun og aðferðir en minni á uppruna
VILL
Á fyrri hluta þessarar aldar voru
flestir bestu hlauparar heims af
hvíta kynstofninum. Þegar liða tók
á öldina fór að bera meira á því að
hlauparar af þeldökkum stofni
næðu besta árangrinum í hlaupum,
hvort sem talað var um styttri eða
lengri vegalengdir. Hlauparar frá
Afríkurikinu Keníu hafa á siðustu
áratugum verið sérstaklega áber-
andi á verðlaunapöllum í alþjóðleg-
um mótum í lengri hlaupunum.
Settar hafa verið fram vísindalegar
kenningar um yfirburði þeldökka
kynstofnsins í hlaupum og bent á að
munurinn á líkamsburðum þeirra
og annarra kynstofna væri þeim
mjög í hag í hlaupum. Aðrir vildu
benda á að góðan árangur Keníubúa
mætti að miklu leyti rekja til þess
að íbúar landsins búa á hásléttu og
eru því vanir hlaupum við súrefn-
issnauðar aðstæður.
Góður árangur hlaupara frá
mörgum öðrum þjóðum Afríku virð-
ist renna skoðum undir þær kenn-
ingar en þó er farið að bera á efa-
semdum um réttmæti þeirra. Til
dæmis hefur heimsmetið í mara-
þoni verið margbætt á síðustu árum
og farið hefur fjarri því að þeldökki
kynstofninn hafl verið einráður í
þeim efnum. Má þar til dæmis
benda á að einn fremsti maraþon-
hlaupari heims í karlaflokki er
Portúgalinn Ronaldo da Costa sem
átti heimsmetið um tíma (2:06:05
klst. sem bætt var á dögunum i
Chicago).
Japanskar konur hafa náð athyglis-
verðum árangri í maraþonhlaupum
og margar þeirra höggva nærri nú-
verandi heimsmeti.
Þegar settar voru fram
kenningar um getumun
kynþáttanna í hlaupum
voru margir þeirrar
skoðunar að asíski kyn-
þátturinn hefði sistu lík-
amsbygginguna til að ná
árangri. En það er ekki
mikið mark tekið á
þannig kenningum í dag.
Á síðastliðnum fimmtán
árum hafa til dæmis
komið fram fjölmargir
maraþonhlauparar í
kvennaflokki frá Japan
sem eru meðal þeirra
bestu i heiminum-í dag.
Er nú svo komið að
nokkrar japönsku af-
rekskvennanna eru tald-
ar eiga möguleika á að
bæta heimsmetið í
kvennaflokki og þrjár
þær bestu (Ichihashi,
Yamaguchi og Taka-
hashi) hafa hlaupið heilt
maraþon á innan við 2:22
klst.
Þeim sem fylgst hafa
með árangri Japana í
þessum efnum er ljóst að
hann byggist fyrst og
fremst á markvissum og
þrotlausum æfingum.
Þær japönsku hafa sann-
að það fyrir heimsbyggð-
inni, að uppruninn er
ekki það sem mestu máli
skiptir, heldur fyrst og
fremst ástundun og æf-
ingaraðferðir.
Þýtt og endursagt úr
Runner’s World.
-ÍS
Breyttar forsendur fyrir ár-
angri í langhlaupum
Fram undan...
Desember:
r
4. Alafosshlaup -
Hefst við Álafoss-kvosina,
Mosfellsbæ. Skráning á staðn-
um og búningsaðstaða við
sundlaug Varmár frá kl. 10.30.
| Vegalengdir: 3 km án tímatöku
hefst kl. 13, 6 km hefst kl. 12.45
og 9 km hefst kl. 12.30 með
tímatöku. Allir sem ljúka
keppni fá verðlaunapening. Út-
dráttarverðlaun. Upplýsingar
Hlynur Guðmundsson í síma
566 8463.
31. Gamlárshlaup ÍR
Hefst kl. 13 og skráning frá
kl. 11. Vegalengd: 10 km með
tímatöku. Flokkaskipting bæði
kyn: 18 ára og yngri, 19-39 ára,
40-44 ára, 45-49 ára, 50-54 ára,
55-59 ára, 60 ára og eldri. Upp-
lýsingar gefa Kjartan Árnason í
síma 587 2361 og Gunnar Páll
Jóakimsson í síma 565 6228.
31. Gamlárshlaup
UFA-
Hefst kl. 12 við Kompaníið
(Dynheima) og skráning frá kl.
11-11.45. Vegalengdir: 4 km og
10 km með tímatöku. Flokka-
skipting bæði kyn: 12 ára og
yngri, 13-15 ára (4 km), 16-39
ára (10 km), 40-49 ára, 50-59
ára, 60 ára og eldri. Upplýsing-
ar: UFA, pósthólf 385, 602 Akur-
| eyri.
31. Gamlárshlaup
KKK**
Hefst kl. 13 við Akratorg,
Akranesi. Vegalengdir: 2 km, 5
km og 7 km. Upplýsingar: Krist-
inn Reimarsson í síma 431 2643.
:
Vefsíða Reykjavíkur mara-
þons
HTTPV/WWW.TOTO.IS/RMAR
Netfang Reykjavíkur mara-
þons
RMAR@TOTO.IS
Þokkabótarhlaupið 20. nóvember:
Úvenjufjölmennt miðað við árstíma
Hlauparar úr hlaupahópi líkamsræktarstöðvarinnar Þokkabótar voru fjölmennir i Þokkabótarhlaupinu um síðustu
helgi.
Um síðustu helgi fór fram
Kippuhlaupið sem skipulagt var
af líkamsræktarstöðinni Þokka-
bót. Kippuhlaupið er nýtt í röð al-
menningshlaupa hér á landi, en
áformað er að það verði að árviss-
um viðburði. Kippuhlaupið var 10
km hlaup og hófst við líkams-
ræktarstöð Þokkabótar í Frosta-
skjólinu. Þátttaka var með ágæt-
um, sérstaklega ef miðað er við
árstíma. Alls mættu 44 hlauparar
tii leiks í prýðisveðri, um 4”C hita
og hægviðri. Þess má geta að hit-
inn var sá sami og þúsundir
hlaupara glímdu við í Chicagom-
araþoninu á dögunum, en þar var
einmitt sett heimsmet í karla-
flokki. Almennt er talað um að
kjörhitastig í almenningshlaup-
um sé um 14“C, en ef til vill verð-
ur að endurskoða það með tilliti
til þess góða árangurs sem náðst
hefur við lægra hitastig!
Fjölmargir hlauparanna í
Þokkabótarhlaupinu settu per-
sónulegt met og hefur eflaust spil-
að þar inn í að hlaupaleiðin er
mjög flöt og aðstæðurnar voru
eins og best varð á kosið. Tveir
fyrstu karlarnir í hlaupinu, Stef-
án Ágúst Hafsteinsson og Bjart-
mar Birgisson, bættu báðir sinn
besta tíma í 10 km. Stefán kom
fyrstur i mark á góðum tíma,
35:44 mínútum, en þess má geta
að Stefán er aðeins 18 ára gamall.
Þrátt fyrir lágan aldur er hann
þegar kominn í hóp fremstu
hlaupara landsins.
Keppt var um vegleg verðlaun í
þessu hlaupi, bæði fyrir efstu sæt-
in og sömuleiðis útdráttarverð-
laun. Bjartmar, sem varð í öðru
sæti í karlaflokki, var svo hepp-
inn að fá stóra vinninginn í út-
dráttarverðlaun, ferð til London
með Samvinnuferðum. Önnur út-
dráttarverðlaun voru vörur frá
Leppin og kort í líkamsrækarstöð-
ina Þokkabót.
Almenn ánægja ríkti með þetta
hlaup og þykir framkvæmd þess
hafa verið til fyrirmyndar. Fram-
kvæmdaaðilar eru þegar farnir að
huga að næsta hlaupi að ári.
Bestu tímar
Karlar Tími
1. Stefán Ágúst Hafsteinsson 35:44
2. Bjartmar Birgisson 36:08
3. Guðmann Elísson 36:49
4. Oddgeir Ágúst Ottesen 39:04
5. Ingvar Garðarsson 40:35
6. Gísli Einar Ámason 41:22
7. Torfl Helgi Leifsson 41:25
8. Þorlákur Jónsson 41:55
Konur Tími
1. Rannveig Oddsdóttir 41:59
2. Margrét Elíasdóttir 45:00
3. Ingileif B. Hallgrímsdóttir 45:56
4. Steinunn Jónsdóttir 47:09
5. Helga Björk Ólafsdóttir 47:57
6. Ebba Kristín Baldvinsdóttir 48:44
7. Ute Kandulski 49:00
8. Halla Björk Ólafsdóttir 49:04
-is