Dagblaðið Vísir - DV - 29.04.2000, Side 8

8
Útlönd
LAUGARDAGUR 29. APRÍL 2000
DV
Slagorö hrópuö
Ungur maður hrópar slagorð á fundi
Khameneis erkiklerks í Teheran.
Orðrómurum
byltingu í íran
Orðrómur um byltingu er nú á
kreiki í Teheran í íran í kjölfar
banns yfirvalda á útgáfu næstum
allra frjálslyndra dagblaða og tíma-
rita. Breska blaðið The Guardian
hefur greint frá því að yfirmenn
hersins í íranska byltingarráðinu
hafi skipulagt valdarán til þess að
stöðva umbæturnar í landinu og
bola Mohammad Khatami forseta
frá völdum. Vitnar fréttaritari
blaðsins í segulbandsupptöku frá
fundi þriggja háttsettra leiðtoga
byltingarráðsins og stuðnings-
manna þeirra.
Vlktoría Svíaprinsessa
Hló þegar hún var spurð um einveru
með Bandaríkjaforseta.
Viktoría efins um
að hún vilji vera
ein með Clinton
Viktoría Svíaprinsessa er ekki
viss um hvort hún vill vera í ein-
rúmi með Bandaríkjaforseta. Þegar
prinsessan, sem var í Washington í
tilefni vikingasýningarinnar þar,
var spurð hvað hún myndi segja við
Bill Clinton Bandaríkjaforseta fengi
hún tækifæri til að vera ein með
honum í 5 mínútur svaraði hún
hlæjandi: „Vill maður það?“
Viktoría var meðal annarra
tiginna norrænna gesta í
hádegisveröarboöi bandarísku
forsetahjónanna í Hvíta húsinu í
Washington í gær.
Samningamaöur
Mannræningjar vilja ekki Nur
Misuari, til vinstri, sem
sáttasemjara.
Hóta að háls-
höggva gíslana
Talsmaður múslímskra uppreisn-
armanna á Filippseyjum sagði í gær
að gíslar þeirra yrðu hálshöggnir ef
samningamanni stjórnvalda, Nur
Misuari, yrði ekki skipt út. Upp-
reisnarmenn vilja í staðinn semja
við sendiherra þeirra landa sem
gíslarnir eru frá. Filippseyskir her-
menn gerðu í gær árás á búðir
skæruliða þar sem þeir hafa haldið
nær þrjátíu Filippseyingum í
gíslingu í rúman mánuð.
Svartir lofa að
stöðva ofbeldi
Leiðtogi uppgjafahermanna í
Simbabve, Chenjerai Hunzwi,
skipaöi stuðningsmönnum i gær
aö binda enda á ofbeldi gagnvart
hvítum bændum og vinnumönn-
um þeirra. Á fundi stjómarflokks
Roberts Mugabes forseta í úthverfi
Harare sagði Hunzvi jafnframt að
það væri markmið uppgjafaher-
mannanna að yfirtaka land handa
landlausum íbúum Simbabve.
„Enginn fer frá búgörðunum fyrr
en við höfum komið okkar fólki
fyrir,“ sagði Hunzvi við mikinn
fögnuð áheyrenda.
Áður hafði Hunzvi sagt að
loknum fundi með uppgjafaher-
mönnum og samtökum hvitra
bænda að uppgjafahermennimir
yrðu um kyrrt á búgörðunum.
Hins vegar yrði gripiö til aðgerða
gegn öllum þeim sem beittu of-
beldi. Litið yröi á ofbeldi sem
glæp sem ekki væri hægt að
sætta sig við.
Bresk yfirvöld höfðu krafist
Samkomulag
Hvítir og svartir í Simbabve náðu i gær
samkomulagi.
þess að ofbeldi yrði hætt. Annars
veittu Bretar ekki fjárhagsaðstoð
við skiptingu jarðnæðis í
Simbabve.
Að minnsta kosti 14 manns,
bændur, vinnumenn og stjómar-
andstæðingar, hafa verið myrtir
á undanfórnum níu vikum frá
því að stuðningsmenn stjórn-
valda yfirtóku hundruð búgarða
hvítra bænda sem þeir segja að
hafi verið stolið á nýlendutíma
Breta í fyrrverandi Ródesíu.
Bretar juku þrýsting sinn á yf-
irvöld í Simbabve í gær. Sagði
Robin Cook, utanríkisráðherra
Bretlands, að ekki væri hægt að
halda frjálsar og réttlátar kosn-
ingar þegar lögmætir pólitískir
fundir væru bannaðir. Ráðherr-
ann John Nkomo, sem fór fyrir
sendinefnd Simbabve til
Bretlands, sagði að Bretar ættu
annaðhvort að borga til að
aðstoða við lausn vandans eða
þegja.
Lengi lifi Saddam
„Lengi lifi Saddam Hussein“ sungu íbúarnir í Tikrit, heimabæ íraksforseta, þegar þeir fögnuöu
63 ára afmæli leiðtogans með skrúögöngu um bæinn.
Giuliani og frú viðriðin
nýtt hneykslismál
Það ríkir öngþveiti í ráðhúsinu í
New York og á skrifstofu borgar-
stjórans. í þetta sinn er það ekki
vegna hruns í kauphöllinni. Málið
þykir enn alvarlegra. Þann 30. maí
næstkomandi verður frumsýnt á ný
leikritið The vagina monologues,
raunsætt gamanleikrit í hverju kyn-
færi kvenna eru nefnd yfir hundrað
sinnum. Leikritið er auk þess
skyndinámskeið í líffærafræði.
Enn þá alvarlegra þykir að eigin-
kona Rudolphs Giulianis, Donna
Hanover, leikur eitt hlutverkið. Það
alvarlegasta er aö höfundur líffræði-
kennslustundarinnar er Eve Ensler.
Hún er ekki bara einn af nánustu
stuðningsmönnum Hillary Clinton,
forsetafrúar Bandarikjanna, heldur
hefur hún einnig verið virk í kosn-
ingabaráttu forsetafrúarinnar í
Borgarstjóri New York
í leikritinu sem eiginkona Giulianis
leikur í eru kynfæri kvenna nefnd yfir
hundraö sinnum.
New York gegn Giuliani, þó svo að
hann hafi ekki formlega boðið sie
fram.
Höfundar slúðurdálka blaðanna í
New York eru hæstánægðir þessa
dagana, ekki síst vegna leiks borg-
arstjórafrúarinnar sem í leiðinni
auglýsir fyrir Hillary. Máliö þykir
oröið fjölskylduhneyksli en borgar-
stjórinn hefur ekki viljað tjá sig um
það.
Leikritið var fyrst frumsýnt 1996.
Skipt er um leikendur á hálfsmán-
aðarfresti og hafa flestar leikkvenna
Hollywood sóst eftir aö leika í gam-
anleiknum. Aldrei hefur þó verið
Qallað jafnmikið um nokkra sýn-
ingu og þá sem nú stendur fyrir dyr-
um. New York-búar standa í biðröð
til Þess nð geta hlýtt á borgarstjóra-
frúna segja ákveðin orð.
Rubin hættur hjá Albright
James Rubin,
talsmaður banda-
ríska utanríkisráð-
herrans, Madel-
eine Albright,
hætti störfum í
gær til þess að
verða heimavinn-
andi faðir. Rubin á
mánaðargamlan
son með Christiane Amanpour sem
ætlar að snúa sér aftur að frétta-
mannsstörfum hjá CNN-sjónvarps-
stöðinni. Rubin viðurkenndi á fundi
með fréttamönnum í vikunni að
hann hefði enn ekki skipt um bleiu
á þeim stutta.
Einræktun yngir dýr
Bandarískum vísindamönnum
virðist hafa með einræktun sex kúa
tekist að setja lifklukku þeirra aftur
á bak. Reynist þetta rétt kann að
vera hægt að þróa nær ódauðleg líf-
færi. Aðferðin kann að gagnast gegn
öldrunarsjúkdómum og hjartveiki.
Mannskæð átök
Fimm hafa látið líflð og fimmtán
særst 1 átökum í Gvatemalaborg
undanfama þrjá daga milli lögreglu
og mótmælenda. Átökin brutust út
þegar yflrvöld tilkynntu um hækk-
un fargjalda með strætisvögnum.
Evran I lágmarki
Sameiginleg mynt Evrópusam-
bandins, evran, náði nýju lágmarki
síðdegis í gær gagnvart dollar í kjöl-
far vaxtahækkunar Seðlabanka Evr-
ópu á flmmtudaginn.
Batnaði við genameðferð
Frönskum læknum hefur tekist
að lækna tvö börn meö genameð-
ferð. Bömin þurfa nú ekki aö vera í
plastbelg heldur geta þau leikið sér
viö önnur böm.
Verkfall í Noregi
Jens Stolten-
berg, forsætisráð-
herra Noregs, seg-
ir skort á hófsemi
meðal leiðtoga at-
vinnulífsins eina
mikilvægustu
ástæðu þess að fé-
lagar í Alþýðu-
sambandi Noregs felldu tillögu
vinnuveitenda um nýjan kjara-
samning. Alþýðusambandið hefur
boðað yfir 80 þúsund manns i verk-
fall næstkomandi miðvikudag berist
ekki ný tillaga.
Feitir fangar vilja styrk
Tveim sænskum föngum, sem
fitnuðu í fangelsi, hefur verið neitað
um styrk til að kaupa ný fót. Fang-
arnir eru ekki ánægðir með að
ganga um í fangabúningum.
Skotárás í Danmörku
Einn lét lífið og annar særðist lífs-
hættulega í Danmörku í gærmorgun.
19 ára unglingur tók að skjóta í
kringum sig í veislu í Randers. Ung-
lingurmn skaut einn veislugesta í
höfuðið og síðan sjálfan sig. Árás-
armaðurinn lést af sárum sínum.
Lögreglustjóri segir af sér
Lögreglustjórinn í Miami á Flór-
ída, William O’Brien sagði af sér í
gær. Borgarstjórinn í Miami, Joe
Carollo, hafði hvatt til þess aö lög-
reglustjóranum yrði sagt upp þar
sem borgarstjórinn vissi ekki
hvenær Elian Gonzalez yrði sóttur.