Dagblaðið Vísir - DV - 23.12.2000, Blaðsíða 18

18
LAUGARDAGUR 23. DESEMBER 2000
Helgarblað
DV
Arnold Schwarzenegger.
Hann gat ekki einu sinni hermt
eftir sjálfum sér.
Arnold tapaði
í eftirhermu-
keppni
Arnold Schwarzenegger á ekki
mjög góða daga um þessar mundir.
í fyrsta lagi hafa laun hans fyrir
kvikmyndaleik lækkað verulega að
undanförnu og hann fær ekki nema
8 milljónir dollara fyrir hverja
mynd sem er hungurlús. Hann hef-
ur dregist aftur úr öðrum köppum
eins og Cruise, Gibson og Hanks
sem fá allt að 14 milljónir á mynd.
Austurríska ofurmennið virðist ein-
hvern veginn vera að missa vin-
sældir sínar.
Hann varð fyrir sérstæðu áfalli á
dögunum þegar hann var staddur í
Vancouver í Kanada til að kynna
nýjustu kvikmynd sína The 6th
Day. Hann heyrði í útvarpi að efnt
væri til keppni um það hver líktist
Schwarzenegger mest. I gríni ákvað
Amold að taka þátt og hringdi inn
og skráði sig og fór með nokkrar
þekktar línur úr kvikmyndum sín-
um. Hann fékk þá umsögn frá
stjómanda þáttarins að hann hljóm-
aði ágætlega sannfærandi en fengi
ekki fyrstu verðlaun.
Hvað á að drekka
með hangikjötinu?
- Steingrímur Sigurgeirsson svarar eftir bestu getu
„Þetta er mjög erfið spuming,"
sagði Steingrímur Sigurgeirsson,
blaðamaður og höfundur bókarinn-
ar Heimur vínsins, þegar hann var
spurður að því hvaða vín færi best
með hefðbundnum og vinsælum
jólamat á íslenskum heimilum.
Samkvæmt könnunum er ham-
borgarbryggur af svíni vinsælasti
jólamatur á íslandi en á jóladag
borðar yfirgnæfandi meirihluti
þjóðarinnar hangikjöt að þjóðlegum
íslenskum sið. í báðum tilvikum er
um að ræða mat sem er bæði saltað-
ur og reyktur.
Óvinir vínsins
„Þessar tegundir em báðar hálfgerð-
ir óvinir vínsins því saltur og reyktur
matur hefur tilhneigingu til þess að
bera vínið ofúrliði. Sætt og bragðsterkt
meðlæti, eins og brúnaðar kartöflur og
rauðkál, gera verkefnið enn erfiðara.
Mér finnst best að velja miliidýrt rauð-
vín með þessum réttum. Fínni atriði
dýrra vína fara algerlega forgörðum
með mat af þessu tagi og því er skásti
kosturinn að velja tfl dæmis eitthvert
reserva eða gran reserva vín frá Spáni
eða Cabemet Sauvignon frá Chile,
Suður-Afríku eða Kalifomíu. Það hef-
ur ekki mikið upp á sig að kaupa mik-
ið dýrari vín með hangikjöti eða ham-
borgarhrygg."
Auðveld bráð
Steingrímur sagði að i því tilviki
sem fólk hefði villibráð á borðum væri
valið í sjálfu sér nokkuð auðveldara.
„íslensk viilibráð, rjúpur og hrein-
dýr, er hvort tveggja mjög bragðsterk-
ur matur og þá þarf þung, bragðmikil
og voldug vín, sem era nógu öflug, með
slíkum mat. Þar myndi ég best treysta
vönduðu og finu Bordeaux víni.“
„íslensk villibráð, rjúpur
og hreindýr er hvort
tveggja mjög bragðsterk-
ur matur og þá þarf
þung, bragðmikil og vold-
ug vín, sem eru nógu öfl-
ug, með slíkum mat. Þar
myndi ég best treysta
vönduðu og fínu Bor-
deaux-víni. “
Ótroðnar vínleiðir
í bókinni Heimur vínsins nefnir
Steingrímur þá þumaifingursreglu að
hvítvín eigi við með fiski og rauðvín
með hangikjöti en tekur jathframt
fram að heimurinn sé ögn flóknari en
svo að reglan sé algild. Hann telur per-
sónulega að ekkert annað komi til
greina með jólamatnum en rauðvín
því það sé hátíðlegast og yfir veturinn
eigi betur við að drekka rauðvín en
annað.
„Þvi er samt ekki að leyna að ýmsir
sérfræðingar sem hafa reynt aðrar leið-
ir og þar finnst mér sú athyglisverðasta
að mæla með vel köldu, Gewurstaminer
hvítvíni frá Elsass með hangikjötinu.
Það er áreiðanlega ágæt lausn þótt per-
sónulega kjósi ég rauðvinið."
Hvurs slags er þetta?
Sá sem þetta ritar hefúr stundum
borðað hangikjöt hjá uppáfinninga-
sömum matgæðingi og fengið vel kalt
Steingrímur Sigurgeirsson
Steingrímur hefur skrifaö bók sem
heitir Heimur vínsins og veit margt
um vín en segist alltaf vera í vand-
ræöum meö að velja vín meö hefö-
bundnum ísienskum jólamat.
spænskt freyðivín með. Steingrímur
segist aldrei hafa heyrt um annað eins
uppátæki en telur að það geti vel geng-
ið. Að lokum skulum við líta í bókina
Heimur vínsins og sjá hvað höfundur-
inn segir um hitastig víns:
Hvaða stofuhiti?
„Það er gjaman sagt að bera eigi
góð rauðvín fram við stofuhita. Það
kann að hafa átt við í Evrópu á
þeim tíma þegar húsakynding var
með öðram hætti en nú. Ef þessari
reglu væri fylgt í dag þýddi það að
rauðvín væru borin fram 25 gráðu
heit. Ekkert vín ætti þó að bera
fram heitara en 18-20 gráður og
mörg rauðvín í léttari kantinum
njóta sín best á bilinu 16-18 gráður.
Hvítvín á að bera fram vel kæld, á
bilinu 6-12 gráða heit. Köldust eiga
kampavin að vera en eftir því sem
hvítvin veröur stærra og meira, t.d.
Chardonnay frá Nýja heiminum eða
Búrgund, er betra að hafa hitastigið
nær 12 gráðum. Það sama á við um
vönduð sætvín. Um tvær stundir
tekur að kæla vín í isskáp en mun
styttri tíma ef flaskan er sett í fötu
með ísvatni.
Hiti dregur fram áfengi vínsins og
ilm en eftir því sem vínið er kaldara
koma sýra og tannín betur í ljós.“
Svo mörg vora þau orð og ekkert eft-
ir nema óska lesendum gleðilegra jóla
og velgengni i vínvali.
-PÁÁ
Steingrímur segir aö þrautalendingin sé aö velja millidýrt rauövín. Ekki of dýrt
þvi siík vín njóti sín ekki í samfélagi við saltan og reyktan mat.
Hallgrímur Helgason

/
S
hnotskurn
Hallgmnur
Helgason
skrifar
Ég er búinn að fá jólakort frá
Agli Helgasyni. Það var þá þetta
sem hann var með i bakhöndinni
þegar hann flutti kaffihúsapistilinn
sinn um jólakort um síðustu helgi.
Þar ræddi hann um nauðsyn þess
að senda kortin ekki of snemma (þú
átt enga vini) og ekki of seint (þú ert
skussi) og ekki með fjölritaðri und-
irskrift (þú ert hrokagikkur) og
ekki með mynd af þér og bömunum
(þú ert plebbi).
Egill leysir þetta með ágætum.
Kortið er prentaö af Skjá Einum.
Þaö prýðir mynd af þáttagerðarfólki
stöðvarinnar. Allir kátir og bros-
andi.
Það hlýtur að vera rosalega gam-
an að vinna á Skjá Einum. Jólakort-
ið er eins og aðrar auglýsingar sjón-
varpsstöðvarinnar; það miðlar að-
eins einni tilfinningu: Allar stjömu-
rnar á Skjá Einum eru búnar aö
sofa saman eða eru bráðum að fara
að gera það. Sigríður Arnardóttir er
að tosa Johnny National úr bolnum,
Vala Matt er að kitla Finn í hálsa-
kotið. Björn Jörundur er með tvær í
takinu: önnu Rakel og Dóru
Takefusa. Og Sólveig Bergman er að
skreyta sjálft jólatréð Egil Helgason
sem stendur þama í miðri stofunni
og bíður sperrtur og allur á
greninálum eftir því að fá undir sig
mýksta pakka stöövarinnar í ár:
Mariko.
í hnotskurn: „Að mörgu leyti vel
heppnað jólakort sem lætur lesand-
anum líða vel um leið og það full-
vissar hann um að líf hans getur
aldrei orðið jafn æðislegt og líf send-
andans."
Mamma spuröi mig hvaða bækur
ég vildi í jólagjöf. Ég renndi yfir
bókatíðindin. Gat ekki ákveðiö mig.
Allar bækurnar eru búnar að fá frá-
bæra dóma í Bókablaði Morgun-
blaðsins. Það er greinilegt að mikil
framfór hefur átt sér stað innan
bókmenntafræðinnar á síðustu
árum. Nú eru bókmenntafræðing-
arnir orðnir svo færir aö þeir geta
alltaf komið auga á eitthvað gott við
hverja einustu bók.
í hnotskurn: „Ákaflega vel út bor-
ið blað þar sem dómarnir eru svo
vel skrifaðir að þeir geta ekki orðið
vondir.“
„ísland í bítið" síðasta þriðjudag.
í þáttinn kom einhver enn einn sér-
fræðingurinn, einhver enn einn
MBA-sálfræðingurinn frá Boston
eða Phoenix, Tómas að nafni.
Snyrtilegur og yfirvegaður og und-
arlega mjúkmáll miðað við hans
miskunnarlausa erindi. Hann var
að gefa út bók um tímaeyðslu og
alla tímaþjófana sem herja á okkur
daginn út og inn. Allt þetta óþolandi
lið sem droppar inn á básinn hjá
okkur á skrifstofunni, bara til að
kjafta. Svo ekki sé nú talað um alla
þá dómadags plebba sem láta sér
detta það í hug að kíkja í heimsókn
til manns á kvöldin. „Fólk sem fer
kannski ekki frá manni fyrr en eft-
ir klukkutima" sagði Tómas
Guðrún Gunnars og Snorri Már:
„Og hvernig á maður á tækla þetta
vandamál?"
Tómas: „Ef einhver kemur á bás-
inn til mín nota ég það gjarnan að
standa upp og gyrða mig. Ef ég hitti
einhvern á götu er ég alltaf með
símann stilltan á hringingu á fimm
mínútna fresti. Nú og ef einhver
bankar uppá hjá þér eftir kvöldmat
er gott að koma til dyranna bros-
andi en ákveðinn og segja „Jæja.
Góða kvöldið. Hvað get ég gert fyrir
þig?““
Satt að segja langar mig í þessa
bók eftir að hafa séð innslagið.
Kannski kemur hann með aðra bók
um næstu jól um það hvemig við
eigum að læra að láta bömin okkar
ekki trufla okkur þegar við komum
heim úr vinnunni.
Sem sagt. í hnotskurn: „Vel fram
sett og ákaflega þörf hugleiðing um
tímasóun nútímamannsins sem var
þó kannski full langdregin og tíma-
frek á þessum tíma dags.“
Og flugdólgamir eru komnir
heim fyrir jólin. Það er nú gott að
vita. Einn þeirra afhjúpaði sig strax
og heim kom; fór í viðtal. Hann
sagðist ekki skilja hverskonar með-
ferð þetta væri að kasta sér og
frúnni út á miðri leið til Mexíkó,
hann sem væri flokksbundinn Sjálf-
stæðismaður og Davíð Oddsson hafi
verið gestur í sextugsafmælinu
hans. Hvemig er það. Er ekki tími
til kominn að Davíð fái sér lífverði?
Við hljótum að krefjast þess ef for-
sætisráöherra er kominn I þennan
félagsskap.
Þá þvertók flugdólgurinn fyrir að
konan hans hefði veriö að strippa
fyrir farþegana á Saga-Class. Hún
hefði bara verið að biðja þá um að
hjálpa sér að leysa nokkra æða-
hnúta. Flugdólgurinn klykkti út
með því að hella sér (enn og aftur)
yfir samfarþega sína sem hann kall-
aði helvítis nöldurseggi og eintóma
vistmenn á elliheimilinu Grund.
í hnotskurn: „Að mögu leyti lífleg
en þó fremur dólgsleg frásögn sem
missir þó flugið um miðbikið og
skilur lesandann eftir í lausu lofti.“
Skammdegið hefur farið skamm-
laust í mann, þökk sé stilltu veðri
og fallegum sólarlögum á þriggja
tíma fresti. Dagarnir eru sýndir
hratt. Og pottablómin hengja haus
um langar nætur. Þá er gott að fá
jólin. Jól í gluggann, jól á borðið, jól
í hjarta. Jólin
í hnotskurn: „Að mörgu leyti
ákaflega góð hugmynd sem þrátt
fyrir fremur þreytta sögu og klisju-
kenndan boðskap nýtur mikillar
hylli meðal almennings þökk sé
góðri tímasetningu og þrauthugs-
aðri markaðssetningu.“