Dagblaðið Vísir - DV - 20.10.2001, Síða 56

FRETTASKOTIÐ
SÍMINN SEM ALDREISEFUR
Hafir þú ábendingu eöa vitneskju um frétt,
hringdu þá í síma 550 5555. Fyrir hvert
fréttaskot, sem birtist eöa er notaö í DV,
greiöast 3.000 krónur. Fyrir besta fréttaskotið
í hverri viku greiðast 7.000. Fullrar nafnleyndar
er gætt. Viö tökum viö fréttaskotum allan
sólarhringinn.
550 5555
LAUGARDAGUR 20. OKTÓBER 2001
Steingrímur J. Sigfússon á landsfundi VG:
Póllinn gegn
ríkisstjórninni
„Við skulum því bera höfuðið
hátt og vera stolt af því hlutskipti
okkar í íslensktun stjórnmálum að
bera fram skýran valkost við
stefnu núverandi ríkisstjórnar,
vera póllinn á móti í hverjum
málaflokknum á fætur öðrum. Ég
hef stundum hugsað um það
einmitt undanfarnar vikur hvem-
ig staðan væri í umfjöllun um t.d.
atburði á sviði utanríkismála,
skattamála, umhverfismála
o.s.frv., ef Vinstrihreyfingin -
grænt framboð væri ekki til staðar
♦ nú í íslenskum stjórnmálum.“
Þetta sagði Steingrímur J. Sigfús-
son m.a. í setningarræðu sinni á
öðrum landsfundi Vinstrihreyfing-
arinnar - græns framboðs sem hófst
í Rúgbrauðsgerðinni í gær. Stein-
grímur kom víða við í ræðu sinni
og skaut fostum skotum á pólitíska
andstæðinga samhliða því að hann
taldi kjark í flokksmenn. Hann kom
m.a. inn á þróunina í heimsmálun-
um eftir árásimar á Bandaríkin og
fordæmdi hryðjuverk og sagði brýnt
að ná ódæðismönnunum fyrir dóm.
Hann sagði hins vegar að það hafi
komið fram sem hann óttaðist að
hernarðarhyggjan hafi orðið ofan á
og viðraði áhyggjur sínar af bláfá-
tækum almenningi í Afganistan.
Formaður VG gagnrýndi efna-
hagsstefnu ríkisstjórnarinnar
einnig harðlega. „Ýmsar heldur
dapurlegar staðreyndir hafa hrann-
ast upp um góðærið svokallaða sem
forsætisráðherra, Davíð Oddsson,
hefur lengst af persónugert við sjálf-
an sig. Nú er að sjá hvort hann tel-
ur efnahagserfiðleikana jafn skilget-
ið afkvæmi sitt. Útspil ríkisstjórnar-
innar í skattamálum er örvæntingar-
full tilraun til að halda veislunni
áfram, hysja upp um verðbréfamark-
aðinn, kaupa sér tíma fram yfir enn
einar kosningar," sagði hann.
Steingrímur dró síðan fram að rík-
isstjórnin hafi gert alvarleg hag-
stjórnarmistök strax árin 1997-98 og
aukið á þensluna með ýmsum hætti
frekar en dregið úr henni.
-BG
Gaman á landsfundi
Steingrímur J. Sigfússon, formaöur VG, ásamt Þuríöi Backman þingkonu viö upphaf landsfundar síödegis í gær.
Steingrímur J. kom víöa við í setningarræöu sinni og gagnrýndi meöal annars efnahagsstefnu ríkisstjórnarinnar
harkalega. Hann sagði útspil stjórnarinnar í skattamáium bera vott um örvæntingu.
Fýrrum öryggis-
vörður játar
milljónaþjófnað
Karlmaður á þrítugsaldri hefur
játað að hafa stolið tæpum fjórum
milljónum frá viðskiptavinum
Securitas.
Þjófnaðurinn átti sér stað á löng-
um tíma en maðurinn starfaði sem
öryggisvörður hjá fyrirtækinu.
Hann hefur viðurkennt að hafa á
eftirlitsferðum sínum farið inn í sex
einbýlishús í höfuðborginni og tvö
fyrirtæki þar sem hann lét greipar
( sópa.
Samkvæmt upplýsingum lögreglu
var maðurinn einvörðungu á hött-
unum eftir beinhörðum peningum
og ágimtist ekki aðra hluti.
Fyrsti þjófnaðurinn mun hafa átt
sér stað skömmu fyrir áramótin
2000 en þá hafði maðurinn á brott
með sér fjármuni úr einbýlishúsi
sem var á vaktsvæði hans. Eftir það
átti þjófnaður sér stað öðru hverju
allt til vorsins 2001 en þá var mað-
urinn rekinn úr starfi hjá Securitas.
Lögreglan i Reykjavik hefur unn-
ið að rannsókn málsins í nokkra
mánuði en henni lauk í vikunni.
Maöurinn bíður nú ákæru en málið
var í gær sent ákæruvaldinu. Með
ákæruvald fer Hjalti Pálmason, lög-
fræðingur hjá lögreglunni í Reykja-
vík. -aþ
18 útlendingar sitja inni þessa stundina - flestir vegna fíkniefnamála:
Tveir erlendir fangar
kosta um 40 milljónir
- ekkert í líkingu viö þetta hefur gerst áður
Átján erlendir afbrotamenn sitja í
afplánun eða gæsluvarðhaldi i fang-
elsum landsins sem stendur. Þetta er
„algjört íslandsmet - þetta hefur
aldrei áður verið í líkingu við þetta,"
segja fulltrúar fangelsismálayfir-
valda, enda hafa lögregla og tollverð-
ir handtekið meirihlutann af þessum
hópi vegna fíkniefna á þessu ári einu.
Hoilendingur er að afplána 9 ára dóm,
Austurríkismaður á yfir höfði sér
enn þyngri dóm fyrir metinnflutning
á sterkum fíkniefnum og sá þriðji,
Breti, er að taka út 7 ára dóm. Nokk-
uð ljóst er talið að tveir aðrir í hópn-
um, pólsk kona og portúgalskur karl-
maður, eigi einnig eftir að fá þunga
dóma. Hver fangi á íslandi kostar rík-
ið um 4 mifljónir króna á ári. Er þá
undanskilinn tímafrekur kostnaður
við rannsóknir lögregluyfírvalda og
meðferð ákæruvalds, verjendakostn-
aður sem greiðist úr ríkissjóði, túlkar
og fleira.
Sé gróflega reiknað hve mikið þess-
ir afbrotamenn muni kosta ríkissjóð
á næstu árum er ekki óvarlegt að
ætla að sú upphæð nemi um 100 millj-
ónum króna. Hollendingurinn og
Austurríkismaðurinn einir munu að
líkindum ekki kofeta ríkissjóð undir
40 mifljónum króna. Það sérstaka við
þessa menn er e.t.v. að þeir voru svo-
kallaðir transit-farþegar í Leifsstöð á
leið frá Evrópu til Bandaríkjanna
þegar þeir voru handteknir.
Sé litið á aðra hlið þessa máis er
ljóst að erlendir rikisborgarar sem
sitja i fangelsum landsins fá að jafn-
aði að sleppa fyrr út úr fangelsi en ís-
lendingar. Þeir fá að fara út eftir
helming afplánunar en íslendingar fá
ekki að sækja um reynslulausn í al-
varlegum málum fyrr en eftir að hafa
tekið út 2/3 hluta refsidóms. Ástæðan
fyrir þessu er sú að talin er íþyngj-
andi refsing fyrir útlendinga að vera
fjarri heimalandi sínu. Þannig geta
þeir síður fengið heimsóknir maka
eða ættingja og geta auk þess síður
nýtt sér dagsleyfi sem fangar fá eftir
ákveðinn tíma i afplánun.
Erlendir fangar fá á hinn bóginn
ekki að fara utan eftir helming af-
plánunar fyrr en það liggur ljóst fyr-
ir að Útlendingaeftirlitið muni vísa
viðkomandi strax úr landi. Þegar það
liggur fyrir er fanganum oftast fylgt
úr landi og hann afhentur stjórnvöld-
um í heimalandi sínu. Eftir það lýkur
afskiptum íslendinga af fanganum
nema að því leyti að með því er fylgst
að hann komi ekki aftur til íslands,
að minnsta kosti ekki í ákveðinn
tíma. Sé fanga vísað úr landi á íslandi
t.d. í 5 ár má hann heldur ekki fara til
annarra Norðurlanda. -Ótt
Jón Kristjánsson á ársfundi Tryggingastofnunar í gær:
Hafnar deildaskiptingu sjúklinga
„Það er ýmislegt sem bendir til þess í
augnablikinu að flokkspólitískar átaka-
linur séu að færast yfir i velferðar- og
heilbrigðismál," sagði Jón Kristjánsson
heilbrigðisráðherra á ársfundi Trygg-
ingastofnunar ríkisins í gær. Jón taldi
þó að aðeins væri um tímabundnar
hræringar að ræða „vegna þess að þeg-
ar grannt eru skoðaðir almannahags-
munir og einkahagsmunir þá held ég,
að áfram muni ríkja breið sátt um þann
siðferðilega grundvöll sem velferðar- og
heilbrigðiskerfið hvílir á“.
Jón áætlar að næsti þáttur umræð-
unnar um einkavæðingu og biðlista
muni ekki snúast um almannatrygging-
ar heldur einka-
tryggingar ef um-
ræðan hér þróast
eins og í nálægum
löndum.
„Röksemdafærsl-
an er þessi, og
þannig er spurt: Það
eru langir biðlistar
Jón Kristjánsson. eftir aðgerðum og af
hverju getum við þá
ekki látið einstaklingana kaupa sér
einkatryggingar, sem standa svo undir
hluta kostnaðarins við aðgerðir á einka-
spítala, eða einkastofum?
Svar mitt við þessari spurningu er
einfalt: Það kemur ekki til greina vegna
þess að með því erum við að leggja
grunninn að tvískiptu kerfi - að fyrstu
og annarri deild í heilbrigðisþjónust-
unni.“
Jón benti á að ef menn notuðu
biðlista sem röksemdir fyrir einkavæð-
ingu væri líka hægt að tefla aðgerða-
ijölda á hverja 100 íbúa sem rökum fyr-
ir hinni góðu, vönduðu og umfangs-
miklu almennu opinberu þjónustu sem
veitt er. „Mér finnst við höfum kannske
verið allt of feimin við að tefla fram
þessum staðreyndum og hreykja okkur
af því góða sem hið opinbera gerir hér,“
sagði heilbrigðisráðherra. -BÞ
Útiljós
Rafkaup
Arniúla 24 • S. 585 2800
merkiuélin
fyrlr faymenn
ogfyrirtæki,
heimili og
skóta, fyrir riið
og regiu, mig
ogþig. j
ngogiaiiegl 14 • slmi 554 4443 • If.ls/rafport