Dagblaðið Vísir - DV - 06.11.2001, Qupperneq 27

31
ÞRIÐJUDAGUR 6. NÓVEMBER 2001___________________________________________________
DV Tilvera
Verst hvað
húfurnar
eru ljótar!
- segir Sveinn Kristján Rúnarsson
„Ég hef gengið með þann draum
alveg frá þvi ég var strákur að
verða lögga og lét hann rætast," seg-
ir Sveinn Kristján Rúnarsson sem
starfar í götudeild lögreglunnar i
Reykjavík. Harrn er nýmættur á
kvöldvakt á lögreglustöðina á
Hlemmi þegar viðtalið fer fram.
Spurður hvort löggulifið hafi verið
jafn eftirsóknarvert og hann hugði
kveður hann já við því en segir þó
einn galla á gjöf Njarðar. Það séu
launin. „En þetta er skemmtilegt
starf og góöur skóli því maður
kynnist vel öllum hliðum mannlífs-
ins,“ segir hann. - Eru það ekki
einkum þær dökku? spyr blaðamað-
ur. „Nei, nei, við sjáum líka margt
spaugilegt," svarar hann hinn
hressasti.
Hefur lent í ýmsu átakanlegu
Sveinn er frá Hvolsvelli en kveðst
hafa flutt suður áöur en hann hafði
aldur til að byrja í löggunni þar.
Vorið ‘99 hóf hann draumastarfið
hjá lögreglunni í Reykjavík, sem af-
leysingamaður og fór í lögregluskól-
ann um haustið. Hann segir námið
þar ekkert einfalt. Efnið sé mikið
sem farið sé i á stuttum tíma og
prófskilyrðin ströng. Þegar haft er
orð á að nú til dags sjáist aldrei
gangandi lögregla á götum úti segir
hann engan mannskap vera í það.
„Við rétt mönnum bílana," segir
hann en bætir við að miðbæjarlögg-
urnar séu reyndar oft á labbi um
helgar. Mótorhjólin tilheyra um-
ferðardeildinni. „Löggan er deilda-
skipt,“ útskýrir hann. „En ef eitt-
hvað er að þá hlaupa þeir til sem
næstir eru, úr hvaða deild sem er,
því öll erum við að vinna að því
sama.“ Sveinn kveðst hafa lent í
ýmsu átakanlegu, bæði þegar slys
hafi orðið, ölvun og leiðindi í
heimahúsum og óöld í miðbænum.
Kveðst samt aldrei hafa orðið
hræddur um líf sitt - ekki enn þá.
„Yfirleitt nær maður að róa fólk
með spjalli. Svo erum við aldrei ein
á ferð. Það eru alltaf tvær lögreglur
saman og yfirleitt stutt í aðstoð ef
eitthvað kemur upp á, því við erum
með talstöðvar og getum kaUað á
Sjáum margt spaugilegt
Sveinn Kristján Rúnarsson hefur gengiö meö lögguna „í maganum“ frá því hann var lítill.
DV-MYND E.ÓL.
hjálp,“ segir hann.
Syngur 1. tenór og trimmar
Sveinn syngur í lögreglukórnum
- 1. tenór og æfir tvisvar í viku.
Annars segir hann ekki mikið fé-
lagslíf í gangi. „Við fáum bara helg-
arfrí á sjö vikna fresti og eigum svo
frí í miðri viku, þannig að við eig-
um litla samleið með öðru fólki í
skemmtanalífinu," segir hann.
Vaktirnar eru þrískiptar og eftir
átta daga töm á hverri vakt koma
tveir frídagar, að sögn Sveins. En
þarf hann ekki að æfa lyftingar til
að geta tekið á þegar með þarf?
„Maður reynir aö halda sér við. Ég
hleyp úti og syndi töluvert,“ segir
hann en tekur fram að engin krafa
sé um slíkt af hálfu vinnuveitand-
ans. „Það mætti vera meira aðhald.
Minnsta kosti þannig aö menn haldi
sig innan þriggja stafa tölunnar í
kílóafjölda!"
Búningurínn ekki tilkomumikill
Sveinn er í flíspeysu með merki
lögreglunnar og svörtum sportlegum
buxum. Hann er spurður hvort „uni-
formið" hafi átt sinn þátt í lokka
hann í löggustarfið. Ekki vill hann
viðurkenna það. „Mér fmnst þessi
búningur nú ekki tilkomumikill, þótt
flísjakkamir séu góðir. Verst þykir
mér hvað húfumar em ljótar. Hvíta
húfan var lögð niður fyrir nokkrum
árum. Hún var miklu virðulegri.
Kannski var einhverjum uppsigað
við hana,“ segir Sveinn en bætir við:
„Þó held ég að bæði lögreglan sjálf og
borgararnir hafl borið virðingu fyrir
henni." Gun.
Sumum
er uppsigað við lögregluna
- segir Þórný Þórðardóttir
Þórný Þórðardóttir hóf störf hjá
lögreglunni í Reykjavík sumarið
1996, var tvö sumur sem aðstoðar-
maður og dreif sig svo í lögreglu-
skólann. „Þetta var eitthvað sem
mér datt i hug á unglingsárum og
ákvað að fylgja eftir. Ég sé ekki eft-
ir því. Margt er mjög gefandi í
þessu starfi þar sem allt snýst um
fólk og samskipti við það.“ Hún
viöurkennir að samskiptin geti
verið misánægjuleg. „Auðvitað em
sum mál erfið sem maður kemur
nálægt en mikilvægt er að reyna
að kúpla sig frá þeim þegar maður
fer heim og ná að hvilast," segir
hún.
Gengi ekki að vera ólétt í
götulöggunni
Þórný segir þeim stúlkum fara
fjölgandi sem gangi til liðs við lög-
regluna. Aðspurð segir hún þær þó
ekki komnar í kórinn. En gæti hún
verið ólétt í löggunni? „Ég held það
gengi nú ekki á götunni," segir
hún. „Þegar slík tilvik hafa komið
upp hafa stúlkur verið færðar í
aðrar deildir, rannsóknardeild, for-
varnardeild eða annað. Hún kveðst
enn hafa sloppið við að klippa fólk
út úr bílum eftir stórslys en þó hafi
hún unnið á slysavettvangi, við
lokanir á vegum. En hefur hún oft
þurft að neyta afls? „Já, við reyn-
um auðvitað í lengstu lög að kom-
ast hjá því að leggja hendur á fólk,
heldur tala það til,“ svarar Þómý.
Hún segir samt greinilegt að sum-
um sé uppsigað við lögregluna en
kveðst aldrei hafa orðið verulega
hrædd í vinnunni. „Það er þá frek-
ar þegar eitthvert mál er yfirstaðið
að manni verður hugsað til þess að
það hefði getað farið verr. En það
þýðir ekkert að spá í það. Þetta er
vinnan manns og svo veður maður
ekkert inn í eitthvað sem fyrirfram
er séð að maður getur ekki klárað,
heldur bíður eftir aðstoð," segir
hún.
UV-MYNU t.UL.
Anægð í iöggunni
Þórný Þóröardóttir segir starfið snúast um fólk og samskipti viö þaö.
Verður að víta sinn rétt
Hún kveðst halda sér i formi með
því að fara í ræktina og stunda
sund. „Maður verður að vera vel
syndur. Það er eitt af skilyrðunum
sem sett eru fyrir starfmu," segir
hún. Verður hún ekki líka að vera
vel að sér í lögum og reglum? „Jú,
maður þarf að kunna ansi margt
utan að,“ segir hún og bætir við.
„Við þurfum að taka ákvarðanir á
staönum og verðum því að vera viss
um hvaða heimildir við höfum.“ En
skyldi hún sjá mun á því hvort fólk
er undir áhrifum áfengis eða ann-
arra fíkniefna? „Já, yflrleitt er það
örara og ofstopafyllra ef þaö er und-
ir áhrifum fíkniefna. Notkun slíkra
efna er ört vaxandi vandamál. Mér
flnnst hún hafa aukist síðan ég byrj-
aði í löggunni."
Nú er Þómýju ekki til setunnar
boðiö lengur. Skyldustörfin kalla.
Innbrot hefur verið framið i borg-
inni, þótt bjartur dagur sé. Þá kem-
ur til kasta lögreglunnar. -Gun.
Mikil aðsókn að lögregluskólanum:
Heilbrigði og hreint
sakavottorð skilyrði
Gunnlaugur Snævarr yfirlögreglu-
þjónn hefur umsjón með grunnnámi
lögreglumanna. Hann segir ágæta að-
sókn að lögregluskólanum. „Síðast
þegar við auglýstum sóttu 122 um 40
pláss. Nú hefur verið ákveðið að fjölga
um átta eftir áramótin." En hver eru
inntökuskilyrði í skólann? Því lýsir
Gunnlaugur svo: „Til að komast inn
verður umsækjandi að hafa lokið
tveggja ára námi í framhaldsskóla og
vera á aldrinum 20-35 ára. Hann þarf
að hafa hreint sakavottorð og vera
heilbrigður, andlega og líkamlega. Við
megum reyndar víkja frá aldurshá-
markinu ef maðurinn hefur starfað að
einhverju hliðstæðu. Lögin kveða á
um að tekin séu inntökupróf í ís-
lensku og þreki og valnefndin hefur
leyfi til að prófa í fleiri greinum svo
tungumálakunnáttan er könnuð líka.
Lögreglumaður verður að geta talað
ensku eða þýsku og eitt Norðurlanda-
mál, fyrir utan íslenskuna. Starfið
snýst um að geta leiðbeint öðrum og
því er nauðsynlegt að kunna erlend
mál.“
Gunnlaugur segir líkamlegu kröf-
umar þær að strákar verði að geta
hlaupið þrjú þúsund metra á 15 og
hálfri mínútu og stelpur á 17 og hálfri.
Einnig að geta synt 600 metra á sama
tíma. Reyndar segir hann breytingar
á reglunum í vændum. Dregið verði
úr hlaupa- og sundkröfum en meiri
áhersla lögð á styrk í handleggjum.
„Þetta fólk þarf að geta lyft öðru fólki
og dregið það upp úr díkjum og gjót-
um. Því þarf það að vera vel að
manni.“
En hvaða greinar eru það svo sem
kenndar eru við skólann? „Það er í
fyrsta lagi lögfræði og einnig lögreglu-
fræðigreinar eins og umferðarfræði,
skýrslugerð og vettvangsteikningar.
Svo er sálfræði kennd og síðan erum
við með stóran þjálfunarpakka. Þar
erum við bæði að kenna fólki að verja
sig og bjarga öðrum," segir hann.
Guniiaugur segir lögreglunámið
aðeins taka eitt ár núna. Bóklegt í
fjóra mánuði, verklegt i fjóra og svo
aftur bóklegt í fjóra. Áður var námið
lengra og Gunnlaugur býst við að það
eigi eftir að lengjast aftur. „Þetta er
svona meðan við erum að fylla í götin
því við höfum ekki haft undan að
mennta fólk í þær stöður sem losna.,“
segir hann. Gun.
Yfirvarðstjóri lögregluskólans
Gunnlaugur Snævarr segir nauösynlegt aö kenna fólki aö verja sig
og bjarga öörum.