Dagblaðið Vísir - DV - 17.08.2002, Blaðsíða 35
LAUGARDAGUR 17. ÁGÚST 2002
Helqctrblacf D V 43
Dean Martin fæddist í Ohio árið
1917, sonur ítalskra innflytjenda og
var skírður Dino. Hann var enginn
sunnudagaskólastrákur, lenti hvað
eftir annað í áflogum og tólf ára
gamall var hann farinn að stunda
fjárhættuspil. Frænkur sögðu móð-
ur hans að hann ætti eftir að enda
líf sitt í rafmagnsstólnum. Móðir
hans tók þær spár ekki alvarlega
og sagði um
söngelskan son
sinn: „Ef hann
verður ekki
söngvari þá verð-
ur enginn að
söngvara."
Hann hætti í
skóla eftir gagn-
fræðanám og
sagði ástæðuna
þá að hann hefði
verið gáfaðri en
kennarinn. Hann
stundaði hnefa-
leika um tíma en
fékk síðan vinnu
á næturklúbbi
við að skrá veð-
mál. Hann söng
einnig í ýmsum
klúbbum með
hljómsveitum.
Hljómsveitar-
stjórinn Glenn
Miller heyrði í
honum og sagði: „Tónlistin er ágæt
en það verður aldrei neitt úr
söngvaranum."
Eins og strákur í sælgæt-
isbúð
Dean giftist nítján ára gamall
stúlku sem hét Betty og þau eign-
uðust fjögur börn. Betty var feimin
og blíðlynd en reyndi að fylgja
hröðum lífsstíl eiginmanns síns
meö þeim árangri aö hún varð á
skömmum tima áfengissjúklingur.
Dean kynntist Jerry Lewis og
þeir fóru að skemmta saman á
sviði. Jerry sá í Dean Martin bróö-
urímynd, mann sem virtist búa
yfir styrk og sjálfsöryggi sem Jerry
skorti svo mjög og var auk þess
afar fríður en það sama varð ekki
sagt um Jerry. Þeir slógu í gegn og
komu fram í sjónvarpsþáttum og
nokkrum kvikmyndum. Þegar þeir
félagar voru búnir að koma sér fyr-
ir í Hollywood hófust þeir handa
við að lifa hinu ljúfa lífi. „Við vor-
um eins og sex ára strákar sem
ganga lausir í sælgætisbúð," sagði
Jerry Lewis.
Fálátur fjölskyldumaður
Eftir umfangsmikil framhjáhöld
hitti Dean Martin loks konuna sem
varð önnur eiginkona hans. Hún var
tvítug, hét Jeanne og var fyrirsæta.
Hún hafði farið með foreldrum sín-
um til Pal Beach á skemmtun með
þeim félögum. Hún sagðist aldrei
hafa trúað á ást við fyrstu sýn en
sannfærst um annað um leið og hún
horfðist í augu við söngvarann.
Dean Martin skildi við eiginkonu
sína eftir átta ára hjónaband og gift-
ist Jeanne. Hjónin bjuggu í risavillu
með þremur þjónum, sex bílum,
sundlaug og tennisvelli. Eftir fjög-
urra ára hjónaband og fæðingu son-
ar tilkynnti Jeanne að hún vildi
skilja við Martin. „Ég skil ekki
manninn minn,“ sagði hún. „Hann
gefur aldrei færi á sér. Hann er ekki
fær um tjáskipti. Hann hefur ekki
áhuga á þeim.“ Hún sagði seinna að
hann hefði ekki átt vini, aðeins
kunningja. „Hann hefur enga yfir-
Með þriðju eiginkonu sinni.
Sköminu eftir giftinguna sagði
Dean blaðamanni að hann ætlaði
að setjast í helgan stein og drekka
á hverjum degi þar til hann dæi.
þyrmandi þörf fyrir að vera elskað-
ur. Honum er nákvæmlega sama,“
sagði hún. „Hann stofnar ekki til vin-
áttusambanda af því hann hefur ekki
áhuga á þeim.“ Hjónin slitu samvist-
um um tíma en tóku svo saman aft-
ur. Jeanne gerði sér grein fyrir því
að hún gæti ekki breytt manni sín-
um og sagði: „Dean var ekki og er
ekki og verður aldrei hinn fullkomni
eiginmaður." Sjálf
reyndi hún að
verða hin full-
komna eiginkona
og móðir og það
var fyrir hennar
hvatningu sem
Dean sótti um og
fékk forræði yfir
fjórum bömum
sínum af fyrra
hjónabandi.
Bænir að
kvöldi
Heldur hafði
kólnað á milli
Jerry Lewis og
Dean Martin.
Dean fannst Jerry
eigna sér allan
heiðurinn af sam-
vinnu þeirra. Svo
fór að þeir slitu
samvinnu sem
hafði gert þá að milljónamæring-
um. Jerry Lewis líkti þeim slitum
við sársaukafullan skilnað. Einn
daginn fór hann til Dean Martin og
sagði: „Það eina sem ég get hugsað
um núna er að það sem við höfum
gert skiptir ekki svo miklu máli.
Hvaða tveir náungar sem er hefðu
getað gert það. En jafnvel þeir
bestu myndu ekki hafa það sem
gerði okkur að því sem við vor-
um.“
„Nú, hvað er það?“ spurði Mart-
in.
„Ég held að það sé væntum-
þykja. Ég held að okkur þyki enn
vænt hvor um annan,“ sagði Jerry
Lewis.
Martin lygndi aftur augunum og
Dean Martin. Söngvari, leikari og sjónvarpsstjarna.
Fálátur einfari. „Hann gefur aldrei færi á sér. Hann er ekki fær um tjáskipti. Hann hefur ekki áhuga á þeim,“
sagði eiginkona númer tvö um hann.
Dean náði nokkrum frama í kvikmyndaleik.
Hér er liann í myndinni Robin and The Seven Hoods.
sagði ekkert. Síðan horfði hann
fast á Jerry Lewis og sagði: „Þú
mátt tala eins mikið um væntum-
þykju og þér sýnist. Fyrir mér ertu
ekkert annað en andskotans doll-
aramerki.”
Martin sneri sér að einsöngsferli
og varð einn vinsælasti dægurlaga-
söngvari heims. Hann lék í kvik-
myndum og stjórnaði eigin sjón-
varpsþáttum sem nutu gífurlegra
vinsælda. Hann skemmti á sviði
ásamt félögum sínum, Sammy Dav-
is og Frank Sinatra. Ekkert af
þessu virtist skipta hann sérlega
miklu máli. Vinir hans sögðu hann
áhugalausan um mannleg sam-
skipti og láta sig engu varða eigin
frama en hann var trúaður og að
sögn eiginkonu hans fór hann með
bænir á hverju kvöldi áður en
hann lagðist til svefns.
Drykkja og einangrun
Dean hafði verið giftur Jeanne í
tuttugu ár og hún hafði reynst hon-
um vel en hann var ekki auðveldur
í sambúð. Hann fann sér unga feg-
urðardrottningu sem hafði hreppt
annað sætið í keppninni Ungfrú
heimur. Hann sagði eiginkonu
sinni að hann vildi skilnað og
flutti að heiman. „Hann bað mig
um skilnað sem kom mér á óvart,"
sagði eiginkona hans við blaða-
mann, „en ég vil ekki búa með
manni sem er ekki hamingjusamur
með mér. Nú er hann frjáls og það
er gott. Nú getur hann falið sig
sem er það sem hann gerir best.“
Martin sagði: „Hún getur fengið
húsið, ég rataði hvort sem er aldrei
þangað."
Ástarævintýri hans með fegurð-
ardrottningunni entist í þrjá mán-
uði. Þá kom ný stúlka til sögunnar,
Catharine Hawn, sem vann í mót-
töku á hóteli. Enginn vina hans
kunni vel við hana en hún var ung
og lagleg og það nægði honum.
Hann giftist henni og sagði blaða-
manni að hann ætlaði að setjast í
helgan stein og drekka á hverjum
degi þar til hann dæi. Þriðja hjóna-
band hans stóð stutt.
Hann herti enn drykkjuna eftir
að einn sona hans lést í flugslysi,
þrjátíu og fimm ára gamall. „Ég
þekki hann ekki mjög vel,“ hafði
sonur hans eitt sinn sagt þegar
hann var spurður um samband sitt
við föðurinn. Ári eftir dauða son-
arins fór Dean í tónleikaferö með
Frank Sinatra og Sammy Davis en
hætti í miðri ferö og sneri heim.
Eftir það bjó hann i einangrun.
Dean Martin lést á jólanótt árið
1995, sjötíu og átta ára gamall, eft-
ir langvinn veikindi. Önnur eigin-
kona hans, Jeanne, hafði hjúkrað
honum í veikindum hans en var
ekki við hlið hans þegar hann lést.
Svngj andi
einfarinn