Dagblaðið - 07.05.1979, Side 14

DAGBLAÐIÐ. MÁNUDAGUR 7. MAÍ 1979.
HAUKUR
HELGASON
NÆSTUM
KRAFTAVERK
Tónlistardagar á Akureyri
Sinfónkihljómsveitin og Sieglinde Kahmann
undir stjóm Hubert Soudant.
Aðalverkið á þessum tónleikum
var fjórða sinfónía Mahlers. Því
verður ekki neitað að nokkur uggur
var í manni áður en hún hófst. Þó er
þetta talin aðgengilegust og auðveld-
ust sinfónía Gustav Mahlers, þessa
ótrúlega meistara síðrómantikurinn-
ar í Miðevrópu. En Mahler er því
miður aldrei auðveldur og aðeins að-
gengilegur þeim sem nálgast hann
með galopnum huga og hjarta. Þó í
fjórðu sinfóníunni sé aðeins beitt
hljómsveit af Beethoven-Brahms
stærð (þó engar básúnur) er hún
langt frá að vera létt viðureignar.
Þrátt fyrir fjóra þaetti, að gamalli
venju, er form hennar feikna marg-
slungið og auðugt af alls konar uppá-
taekjum sem erfitt getur reynst að
halda saman ef eitthvað skortir á
tækni og þekkingu túlkenda. Því
verður að segjast að þessi flutningur
hljómsveitarinnar nálgaðist krafta-
verk, og hef ég sjaldan eða aldrei
heyrt hana leika betur. Soudant tókst
að fá hvern og einn til að leggja sig
allan fram og var t.d. aðdáanlegt
hvernig hann fékk hina fáliðuðu
strengi til að hljóma án þess að
nokkru sinni væri „pressað”.
Einstök tilfinning
Tónninn var auðvitað aldrei nægi-
lega mikill (hvernig á hann að vera
það með 10 1. fiðlur og þaðan af
færri í öðrum strengjaröddum?), en
oftast tær og hreinn. Guðný konsert-
meistari á sérstakt hrós skilið fyrir
sólóar sinar en það eiga margir aðrir
hljóðfæraleikarar líka. Ef á að telja
einhverja sérstaklega mætti nefna
Kristján Stephensen á 1. óbó, sem
formaði sína hluti af einstakri tilfinn-
ingu og jafnvægi (þ.e. nefnilega eng-
inn vandi að yfirleika í þessum ör-
stuttu sólóum), og Gareth Mollison
sem lék 1. horn af miklum glæsibrag,
en það gerðu raunar hin hornin þrjú
líka. En ekki má gleyma aðalsólistan-
um, sópraninum sem kemur fram i
fjórða þætti og syngur um lifið í
himnaríki. Þetta var Sieglinde
Kahmann en hún hafði sungið í Exul-
tate Jubilate Mozarts fyrir hlé með
miklum glans. í Mahler vantaði hana
sannarlega ekki tækni og öryggi hins
margreynda tónlistarmanns. En sá
saklausi og innilegi hljómur sem gert
er ráð fyrir í nótum og texta þáttarins
var því miður ekki til staðar. Með dá-
litlu hugarflugi var nú samt enginn
vandi að bæta sér þetta upp. Og
mikið stýrði Soudant þessu hljóðlega
og fallega í höfn.
Vafasamur apríl
Hins vegar kunni ég ekki að meta
flutning hljómsveitarinnar á Con-
certo Grosso eftir Hándel, í upphafi
tónleikanna. Þetta hljómaði ósköp
líflítið og óspennandi, eins og Hándel
getur nú annars verið skarpur og
skemmtilegur, þegar svo ber við.
Þettá var annars talsvert áhættu-
prógramm að koma með til Akur-
eyrar og eiginlega alls ekki það sem í
daglegu tali telst við hæfi fjöldans.
Því miður stóðust Akureyringar
heldur ekki prófið og hafa víst sjald-
an.verið færri á Sinfóníutónleikum
hér, og aldrei á opnun tónlistardaga.
Annars er þetta vondur timi: leiðin-
legt norðan snjóveður og blankheit i
lok mánaðar. Skollans óheppni að
hafa þetta ekki viku eða hálfum mán-
uði seinna, semsé í maí eins og áður.
Apríl er alltaf vafasamur hér á landi,
hvort sem það er fyrsti eða síðasti.
LÞ
Tonlist
„Sullum minna en þið
á mölinni
„Áfengi smakka ég daglega,”
sagði karl á Reykjavíkursvæðinu, en
fáir voru svo ákafir. „Ég er grjót-
timbraður í dag,” sagði annar karl á
Reykjavíkursvæðinu.
Flestir þeir, sem svöruðu játandi,
voru betur á sig komnir. „Ég fékk
mér eitt eða tvö glös með manninum
mínum á laugardagskvöldið,” sagði
kona i Keflavík. „Fékk mér smá
líkjör með kaffinu,” sagði önnur.
kona í Reykjaneskjördæmi.
Annars höfðu þeir, sem sögðu já,
yfirleitt fá orð um. Þeir, sem sögðu
nei, höfðu meira fram að færa. „Það
ætti að loka fyrir allt áfengi i land-
inu,” sagði karl á Akureyri. „Hef
ekki bragðað vín í sex ár og aldrei
liðið betur,” sagði karl á Reykjavík-
ursvæðinu. „Hef aldrei neytt áfengis
svo að auðvelt er að svara,” sagði
annar karl á höfuðborgarsvæðinu.
„Ég hef aldrei á ævinni smakkað
víndropa, og þar sem ég er orðin 55
ára held ég að ég geri það ekki úr
þessu,” sagði kona á Sauðárkróki.
„Ég frelsaðist fyrir 40 árum,”
sagði karl á ísafirði.
„Ég held að við sveitafólkið sull-
um mun minna í víni en þið á möl-
inni,” sagði kona í Eyjafirði.
Fyrir kom að fólk tók spurning-
unni illa en þó var það fátítt mjög.
„Eruð þið gluggagægjar?” spurði
karl á Neskaupstað.
- HH
45. könnun Dagblaðsins: Hefurðu neytt áfengis á síðustu sjö dögum?
Þriðjungur hafði „smakk-
að það” í vikunni
Rúmur þriðjungur landsmanna
hefur bragðað áfengi einhvern tíma á
síðustu sjö dögum. Þetta varð niður-
staða könnunar, sem Dagblaðið
gerði, þar sem fólk var að þessu
spurt.
Eins og í öðrum könnunum DB
voru alls 300 spurðir, þar af helming
urinn konur. Helmingur fólksins vai
á höfuðborgarsvæðinu. Mikill
munur var á svörum eftir því hvort
um Reykvíkinga eða landsbyggðar-
fólk var að ræða.
Af 75 körlum á Reykjavíkursvæð-
inu svöruðu 40 játandi eða meira en
helmingur.-
Hlutfalið var talsvert lægra hjá
konum á Reykjavíkursvæðinu. Af 75
konum á því svæði svöruðu 30 ját-
andi en 44 neitandi.
Miklu meiri munur varð milli karla
á Reykjavíkursvæðinu og karla úti á
landi. Af 75 körlum úti á landsbyggð-
inni svöruðu aðeins 18 játandi en 57
neitandi.
Kónur úti á landi áttu þó metið í
bindindissemi. Af 75 slíkum konum
svöruðu 17 játandi en 57 neitandi.
Aðeins einn af hverjum hundrað
vildi ekki svara spurningunni.
Könnunin var gerð fyrir nokkru og
ber að gæta þess að enginn sérstakur
„tyllidagur” var á sjö undanförnum
dögum. - HH
Niðurstöður könnunarinnar urðu
þessar:
ió
uu ••••••••••••••
Nei
1 " •••••••••••••
Svaraekki........
105 eða 35%
192 eða 64%
3 • • • • • eða 1%
maraþon
keppni
í stofuglugganum heima
hjá þérog nú mega
veóurguóirnir vara sig
GLERBORG HF
DALSHRAUNI 5 - HAFNARFIRÐI - SIMI 53333
Með nýrri sjálfvirkri vélasamstæðu og tvöfaldri límingu hefurGlerborg hafið
framleiðslu á gleri sem er reiðubúið í sannkallaða maraþonkeppni við hina
stormasömu íslensku veðráttu. ... Og í þetta skipti er hætt við því að veður-
guðirnir þurfi á allri sinni þolinmæði að halda. Tvöfalda límingin hefur
nefnilega verið viðurkennd af sérfræðingum um allan heim sem sérstaklega
örugg framleiðsluaðferð einangrunarglers. Hún sameinar þéttleika, við-
loðun og teygjanleika, og það eru þessir frábæru eiginleikar sem nú bjóða
íslenskri veðráttu í fyrsta sinn byrginn. Þú getur fylgst með æsispennandi
maraþonkeppni í glugganum heima hjá þér.