Dagblaðið - 06.04.1981, Blaðsíða 16
DAGBLAÐIÐ. MANUDAGUR 6. APRtL 1981.
Iþróttir
Iþróttir
i
Iþróttir
Iþróttir
ÞRÓTTUR
í UNDAN-
ÚRSLIT
—eftirléttansigur
á Aftureldingu
22-16, að
Varmá á laugardag
Þrótlarur tryggðu sér fjórða undan-
úrslitasætið í bikarkeppni HSÍ er þeir
unnu Aftureldingu 22—16 að Varmá á
laugardag. Sigur Þróttara var öruggur
og eins og sagt er á handboltamáli: Þeir
tóku þetta með vinstri. Það var aðeins
framan af fyrri hálfleiknum að Aftur-
elding hélt i við Þrótt en síðan ekki
söguna meir. Hefði 2. deildarliðið sýnt
meiri yfirvegun er ekki að vita nema
það hefði getað komið Þrótti óþægi-
lega i opna skjöldu þvi Sæviöarsunds-
liðið lék alls ekki vel.
Fyrstu 20 mín. leiksins var nokkurt
jafnræði með liðunum og staðan 3—3
að þcim tíma loknum. Lítið skorað og
markvarzlan góð. Síðan skoraði
Þróttur 3 mörk í röð á 90 sek. og þar
mcð var mótspyrna heimaliðsins að
mestu brotin á bak aftur. Þróttur leiddi
í hálfleik 8—5 og fyrir hálfleikurinn
verður varla minnisstæður nema fyrir
nokkrar skemmtilegar fléttur Aftureld-
ingar sem gengu út á það að opna á
vinstri varnarvængnum hjá Þrótti. Það
tókst nokkrum sinnum með skemmti-
legum bakhandarsendingum en linu-
mennirnir fóru illa að ráði sínu.
Strax i upphafi síðari hálfleiks gerði
Þróttur út um leikinn. Leikmenn ein-
beittu sér að verkefninu í smátíma og
þá náði liðið strax 7 marka forystu sem
hélzt með smábreytingum út leikinn.
Aldrei 'nein hætta.
Leikmenn Aftureldingar börðust vel
en áttu við ofurefli að etja og aldrei
sigurmöguleika. Emil varði 10 skot í
markinu og vörnin var góð framan af
Sóknin var hins vegar anzi fálmkennd
og byggðist mikið á einkaframtakinu er
liða tók á. Hjá Þrótti var það sama tví-
eykið sem sá um mörkin og vanalega.
Auk þeirra Páls og Sigurðar var nafni
hans Ragnarsson í markinu góður —
varði 14 skot. Magnús Margeirsson var
einnig sterkur.
Mörkin: Þróttur: Siggi Sveins 9/3,
Páll 7, Jón Viðar 3, Magnús 2 og Einar
I. Afturelding: Sigurjón 6/4, Steinar 4,
Þorvaldur 3, Þórður 2 og Björn 1.
- SSv.
Það var heldur betur heitt í kolunum á föstudagskvöld er úrslitakeppni 3. flokks í handknattleik fór fram undir mið-
nættið. Valsmenn urðu þar meistarar en á myndinni að ofan er þjálfari 3. flokks Þróttar að þruma yfir öðrum dómara
leiksins, Stefáni Arnaldssyni, vegna dómgæzlunnar. Lauk þeim samskiptum með því að þjálfaranum var visað úr húsi.
DB-mynd S.
Glæsilegur sig-
ur FH í 2. flokki
Keppni i yngri flokkunum í hand-
knattleik lauk endanlega um helgina er
úrslit fengust i 2. flokki karla og
kvenna svo og 3. flokki karla. FH
hafði geysilega yfirburði í 2. flokki
karla. í 2. flokki kvenna sigraði ÍR
Hauka 7—3 í spennandi leik og tryggði
sér þar með íslandsmeistaratitilinn.
Þessi sömu lið léku til úrslita í 3. flokki
1978.
Það var hins vegar í 3. flokki karla
sem mesta fjörið var og geysileg
spenna. Um sl. helgi skildu þrjú lið,
HK, Valur og Þróttur, jöfn eftir
úrslitakeppnina og urðu því að mætast
ánýjanleik.
í fyrsta leiknum á föstudagskvöld
sigraði Valur HK og í þeim næsta
sigraði svo HK Þrótt. Val nægði því
jafntefli gegn Þrótti til að tryggja sér
sigur. Það tókst og gott betur því Valur
sigraði 9—6. Mikil læti brutust út í
leiknum er þjálfari Þróttar heimtaði að
aukakast, sem mistókst, yrði tekið
aftur. Valsmenn brunuðu upp og skor-
uðu og við það varð þjálfarinn æfur og
var honum vísað úr Höllinni. En það
voru vist áreiðanlega ánægðir Valsarar
sem yfirgáfu Höllina um lágnættið á
föstudag.
Keppni í 2. flokki karla lauk i gær og
hafði FH algera yfirburði — vann alla
keppinautana með glæsibrag. Loka-
staðan í úrslitakeppni 2. flokksins
fylgir hér með.
FH 5 5 0 0 97—46 10
Víkingur 5 3 0 2 76—77 6
Ármann 5 3 0 2 75—76 6
Þór, Vm. 5 3 0 2 54—55 6
Týr, Vm. 5 10 4 48—78 2
Breiðablik 5 0 0 5 67—85 0
Við munum birta myndir af sigur-
vegurum helgarinnar á morgun. -SSv.
Botninn datt úr leik íslenzka
liðsins eftir aðeins 10 mín!
— spennandi leikur varð að martröð er staðan breyttist úr 44 í 4-13 Noregi í vil
Ekki fór það svo að landsliðsdöm-
urnar okkar í handboitanum hefndu
ófaranna — hvað þá bættu árangurinn
frá því í leikjunum í Noregi í sl. viku, er
liðin mættust í Hafnarfirði á laugar-
dag. Fyrri leikinn í undankeppni HM
höfðu Norðmenn unnið 17—9 en á
laugardag varð sigurinn enn stærri,
21—10. Staöan í hálHeik var 13—4.
Samanlagt er þvi árangurinn 19—38 úr
báðum leikjunum — helmingsmunur.
Þó leit út fyrir að um skemmtilega
viðureign yrði að ræða. ísland byrjaði
leikinn mjög ákveðið og eftir 11 min.
leik var staðan jöfn, 4—4. En þar með
var botninn úr öllu. Ekki var heil brú i
neinu. Sónkarleikurinn fór allur úr
böndum, vörnin varð slök og mark-
varzla óþekkt fyrirbrigði. Ekki bætti úr
skák að sifellt var verið að skipta inn á
— oft án nokkurrar sýnilegrar ástæðu.
Allar þessar skiptingar fóru með
„rythmann” úr liðinu og eftirleikurinn
varð hræðilegur. Niu norsk mörk i röð
fyrir hálfleik og spilið þar með búið.
Síðari hálfleikurinn var þvi nánast
formsatriði. Þá tókst íslenzku stúlkun-
um að standa vel í þeim norsku — mest
fyrir tilstilli Jóhönnu Pálsdóttur, sem
tók að sýna sitt rétta andlit í markinu.
Munurinn varð minnstur 7 mörk en
nær tókst landanum ekki að komast,
þvi miður. Lokatölur sem fyrr sagði
21 — 10.
Fæstar íslenzku stúlknanna sýndu
hvað þær geta. Erna var langbezt og
FH-stelpurnar Margrét, Katrín og
Kristjana komust vel skammlaust frá
leiknum. Jóhanna varði vel í s.h. en sá
fyrri var ekki til að hrópa húrra fyrir. í
heild voru það þó skytturnar sem
brugðust verst. Aðeins tvö markanna
komu með langskotum. Norska liðið er
skipað mjög skemmtilegum stúlkum
sem hafa það að aðalsmerki að hætta
aldrei fyrr en flautan gellur. Gott dæmi
var í s.h. er ein þeirra dró eina íslenzku
stúlkuna langan veg með sér og hafði
það af að fiska víti á endanum. Þær eru
mjög fráar á fæti og skot þeirra mun
yfirvegaðri. Markverðirnir vörðu báðir
mjög vel og ekki voru skytturnar
íslenzku neitt að gera þeim léttara fyrir.
Mörkin. ísland: Margrét Theodórs-
dóttir 3/1, Guðríður Guðjónsdóttir
2/1, Kristjana Aradóttir 2, Erna Lúð-
víksdóttir, Ingunn Bernódusdóttir og
Jóhanna Halldórsdóttir 1 hver.
Noregur: Glosimot 6/2, Liberg 5/3,
Jensen 2/2, Thomassen 2/1, Rise 2,
Jensen, Larsen, Buchholdt og Taring
eitt hver.
Ekki verður svo skilið við leikinn að
ekki sé minnzt ofurlitið á sænsku dóm-
arana. Það væri e.t.v. ekki rétt að segja
að þeir hafi bókstaflega stutt annað
liðið en helvíti vantaði lítið á það.
Noregur fékk 11 víti — skoraði úr 8.
Jóhann varði tvivegis og eitt fór í
stöng. ísland fékk 3 og nýtti 2.
Guðríður þrumaði einu í þverslá. Sjö
íslenzkum stúlkum var vísað út af í 2
mín. en aðeins einni norskri. Það
verður þó að viðurkennast, að mörg
brota stúlknanna voru afar klaufaleg
og verðskulduðu oft brottrekstur en í
öðrum tilvikum ekki.
- SSv.
%
u
Erna Lúðvíksdóttir svifur hér glæsilega inn af línunni í leiknum við Noreg á laugardag. Ekki tókst henni að skora i þetta sinnið en var engu að siður bezt I
liðinu. , DB-mynd S.
Island — Noregur 10-21 í Hafnarfirði á laugardag: