Dagblaðið - 06.04.1981, Blaðsíða 36
Ný f lugstöð á Kef lavíkurf lugvelli:
FORSENDA ADSKILNAB-
AR HERUFS OG ÞJÓÐLFS
— óbreytt aðild að varnarsamstarfinu, segir fályktun miðstjórnar Framsóknar
Endurkjörið var í allar helztu stöð-
ur Framsóknarflokksins á mið-
stjórnarfundinum fyrir helgi. Enda
þótt flokksþingin séu vettvangur
meiriháttar stefnumótunar, voru
ýmsar ályktanir gerðar á fundi mið-
stjórnarinnar í utanríkismálum, þar
með talið flugstöðvarmálum, efna-
hagsmálum, orkumálum og i
stjórnarskrármálinu, svo dæmi séu
nefnd.
„Aðalfundur miðstjórnar Fram-
sóknarflokksins lýsir eindregnum
stuðningi við byggingu nýrrar flug-
stöðvar á Keflavíkurflugvelli”, segir
á ályktun um það mál. Framar segir:
„Aðskilnaður herlífs 6g þjóðlifs
meðan erlendur her er í landinu, er
grundvallaratriði i stefnu Fram-
sóknarflokksins, og bygging nýrrar
flugstöðvar er forsenda þeirrar
stefnu.
Ný flugstöð er auk þess skilyrði
bættrar ferðamannaþjónustu og nú-
verandi aðstaða er ósamboðin þjóð-
legum metnaði.”
Aðalfundurinn var sammála um að
ísland stuðlaði að friðsamlegri sam-
búð og vinsamlegum samskiptum
þjóða. Unnið verði að því að slök-
unarstefnan verði endurvakin í
Evrópu. Stefnt sé með samningum að
gagnkvæmri takmörkun vígbúnaðar.
Framfylgt sé sjálfstæðri utanríkis-
stefnu.
Fundurinn leggur áherzlu á þátt-
töku í Sameinuðu þjóðunum, sam-
starfi Norðurlanda, og aðild að
varnarsamstarfi vestrænna ríkja. Við
ríkjandi aðstæður skal framfylgt
óbreyttri stefnu í utanrikismálum.
Steingrímur Hermannsson var
endurkjörinn formaður flokksins og
Halldór Ásgrímsson til vara, Tómas
Árnason ritari og Ragnheiður Svein-
björnsdóttir til vara, og Guðmundur
G. Þórarinsson gjaldkeri og Haukur
Ingibergsson til vara. -BS.
Hörmulegt slys í Örlygshöf n=
FIOGRA ARA DRENGUR
DRUKKNAÐI í SKURDI
—f éll með leikfélaga niður um ís — naumlega tókst að bjarga hinum drengnum
Það hörmulega slys varð rétt við
bæinn Ás í Örlygshöfn á föstudags-
kvöldið að fjögra ára drengur
Hrafnkell Hjartarsson, fæddur 15.
júnt 1976, frá Hænuvík, drukknaði í
framræsluskurði. Tveir drengir,
fjögra og sjö ára, höfðu verið að
leika sér og féll yngri drengurinn
niður í gegnum ís á skurðinum. Er sá
eldri reyndi að ná honum féll hann
einnig niður um vökina.
Að sögn lögreglunnar á Patreks-
Firði var tilkynnt um slysið um kl. 18.
Hrafnkell litli var gestkomandi á
bænum. Hann var að leik með
systkinum á bænum, sjö ára drengn-
um og þriggja ára stúlku. Stúlkan
sagði frá slysinu.
Þegar var hafin leit og kallað á
lögreglu frá Patreksfirði, sem er
handan við fjörðinn. Leiðin frá
Patreksfirði var illfær og mikið vatn
á veginum.
Ekki var sjáanleg vök á skurðin-
um, þar sem talið var að drengirnir
hefðu fallið niður. Faðir eldri drengs-
ins fann hann um 80 metrum fyrir
neðan slysstaðinn og hafði hann
borizt þangað undir isnum. Drengur-
inn var meðvitundarlítill, en vel gekk
að hressa hann við og var líðan hans
góð eftir atvikum. Þegar yngri
drengurinn fannst ekki var kallað á
björgunarsveit frá Patreksfirði.
Varðskip var í vari á Patreksfirði og
kom það björgunarsveitarmönnum
yfir fjörðinn.
Reynt var að brjóta ísinn á
skurðinum, en þegar það tókst ekki
fór björgunarsveitarmaður í frosk-
búningi undir ísinn. Hann fann
drenginn látinn um 100 metrum
neðan við slysstaðinn.
-EO. Patreksfirði.
12 stunda strand í Hornaf jarðarós
Dísarfellið strandaði í gærmorgun er
það sigldi inn til Hafnar í Hornafirði.
Hafði skipið, að sögn Ómars Jóhanns-
sonar hjá Skipadeild SÍS, eitthvað farið
út fyrir þá rennu sem þarna er inn ósinn
og tók niðri.
Útfall var er óhappið varð. Biðu
skipsmenn flóðs í gærkvöldi og komust
þá út hjálparlaust. Var farið til hafnar,
þangað sem Dísarfellið sótti þær vörur
er biðu skipsins. Út var haldið þaðan í
morgun. Ekkert virðist hafa orðið að
við þetta stutta strand.
-A.St/DB-mynd Ragnar Imsland
frjálst, úháð dagblað
MÁNUDAGUR 6. APRÍL1981.
Slökkt í Borgarfjarðarbíl á Langholts-
vegi. DB-mynd: S.
Margir minni
háttar brunar
Ótal smábrunar áttu sér stað um
helgina, íkveikjur, gleymdir pottar og
pönnur á eldavélum og fleira.
Að einum bíl var komið logandi á
Langholtsvegi en kviknað hafði í
mælaborði hans og klæðningu.
Reykskynjari að Bólstaðarhlíð 66
vakti fólk klukkan rúmlega 6 á laugar-
dagsmorgun. Þar hafði pottur gleymzt.
Það sama skeði í Miðtúni síðar sama
dag. í Lönguhlíð kviknaði í sjónvarpi á
föstudagskvöldið þegar fréttir áttu að
hefjast og á laugardagsnóttina kl. 4 var
eldur í forstofu á Laugalæk 60.
Loguðu föt þar og er grunur um
einhverju logandi hafi verið stungið inn
um bréfalúgu. -A.St.
Skákmótið íLone Pine:
Kortsnoj
enn efstur
Sovézki útlaginn Viktor Kortsnoj
heldur enn forystunni á alþjóðlega
skákmótinu í Lone Pine í Kaliforníu
þar sem 27 stórmeistarar eru meðal
keppenda.
Kortsnoj gerði í gær jafntefli við
bandaríska stórmeistarann Christian-
sen og er efstur með 5 vinninga. í 2.—
5. sæti eru Bandaríkjamennirnir
Christiansen, Lein og Seirawan, ásamt
Sovétmanninum Jusupov, með 4,5
vinninga.
Guðmundur Sigurjónsson vann í gær
efnilegan ungling frá Bandaríkjunum,
Root að nafni, og hefur nú 3 vinninga.
Jón L. Árnason gerði jafntefli við
alþjóðlega meistarann Zsaltman frá
Bandaríkjunum og hefur einnig 3 vinn-
inga.
Jóhann Hjartarson hafði mjög væn-
lega stöðu gegn stórmeistaranum
Biyiasas frá Bandarikjunum ei. lenti í
tímahraki og varð að sætta sig við jafn-
tefli. Jóhann hefur mætt mjög öflugum
andstæðingum í öllum umferðunum og
hefur 2,5 vinninga, sem verður að
teljast vel af sér vikið hjá honum þar
sem hann er óreyndur í svo sterku móti
sem þessu. -GAJ-
Ævintýraakst-
urígeymslu-
porti
Skemmdarverk voru unnin á svæði
Eimskips við Borgartún um helgina.
Farið var inn í geymsluportið og teknir
fjórir bílar sem þar stóðu. Var farið á
ökuferð á bílunum um portið og bíl-
arnir skemmdir mismunandi mikið, því
á ökuferðinni hefur ekki verið sinnt
um að sneiða hjá því sem fyrir varð.
Rannsóknarlögreglan fékk málið til
meðferðar. -A.St.
diet pepsi
MINNA EN EIN
KALÓRÍA í FLÖSKU
SaniLis
I