Dagblaðið - 06.04.1981, Blaðsíða 21

DAGBLAÐIÐ. MÁNUDAGUR 6. APRÍL Í981.
21
|f
t WJJ ' S>1
w 4j||Si M
ji ■KE

Jassleikur
eins og hann
gerist bestur
—slíkur er Clark Terry
Tónleikar Clark Terry ásamt hljómsveit sinni í
Háskólabíói 3. aprfl, á vogum Jassvakningar.
Lengi höfðu menn beðið eftir
hingaðkomu mesta lyrikers jassins,
Clark Terry. Frést hafði nokkrum
sinnum að brátt yrði von á sjóla, en
jafn oft höfðu jassunnendur orðið
fyrir vonbrigðum. En nú var enginn
vafi, Clark Terry var mættur til leiks
og með sextán manna band að auki.
Hljómsveit Terrys er skipuð
ungum, frískum mönnum. Þetta eru
ákafir spilarar, sem hafa hlotið góða
grunnskólun í heimi jassins. Löngum
hefur verið haldið fram, að jass verði
ekki lærður í skólum heldur læri
menn leik hans fyrst og fremst eins og
i forðum tíð — lærlingur af meistara
í dagsins önn og amstri. Hraði og
kröfur nútímans hafa hins vegar séð
fyrir því, að án skóla í einhverri
mynd verður einn skemmtilegasti
meiður jasslistarinnar, „Big-band-
ið”, útundan.
Skóli eða ekki
Dæmi þessa höfum við hér heima á
íslandi, þar sem „big-band” hefur
átt erfitt uppdráttar, þar til á allra
síðustu tímum. En nú blasir líka við
betri tíð, því að minnsta kosti á
tveimur stöðum eru reknir hörku
jassskólar, bæði í höndum Gunnars
Ormslev, suður í Kópavogi og eins
hjá Tónlistarskóla FÍH. Þannig
megum við brátt fara að vænta hóps
af ungum áköfum spilurum, vonandi
af sama gæðaflokki og „krakkarnir”
hans Clarks Terry. „Big-band” er
háskóli jassins, því hvergi fá menn
eins góða alhliða þjálfun í jassleik.
Engin einokun
„Big-band” Terrys er ævintýra-
lega gott. Þar er valinn maður í
hverju rúmi og höfðinginn sjálfur er
óspar á að leyfa mönnum að spreyta
sig í sólóköflum og er síður en svo að
einoka stöðu forystusauðsins. Liðs-
menn Terrys stóðu sig að sjálfsögðu
misjafnlega sem sólóistar. Saxófón-
leikararnir, Russel, Marsellis, House
og De Rosa og Otter eru allir þrosk-
aðir einleikarar og sem saxgrúppa
frábær. Trompetarnir eru stórgóðir
saman, en gjalda þess að höfuðpaur-
inn ber höfuð og herðar yfir þá sem
einleikari. Þó gerðu þeir býsna
margt gott, Gary Blackmann og
Byron Sibling. Básúnuleikaramir
komu manni þó hvað mest á óvart.
Tækni þeirra er ótrúlega góð, og þar
báru þeir af Crane og Herwig, sem
mér þóttu blása töluvert í Klein-
schuster stil. Ryþmagrúppan var ekki
síður frábær.
Tveir góðir
Chris Woods birtist svo eins og
skollinn úr sauðarleggnum og hann
og Terry blésu sundur og saman
nokkra góða og gamalkunna ópusa.
Og enn ein skrautfjöðrin, Michel
Beckham. Fröken Beckham er feikna
söngkona með rödd og stíl, sem líkja
mætti við sambland af Erthu Kitt og
Ellu Fitzgerald, án þess þó að hafa til
að bera sjarma þeirra tveggja.
Tæpast nær hún þó mjög langt ef
hún sýnir ekki af sér betri samstarfs-
vilja við meðleikara sína en áheyr-
endur urðu vitni að í Háskólabíói.
Svo var það gamli góði Terry
sjálfur. Lyriskasti blásari jassins.
Sjálfur alinn upp í Big-band og
genginn í gegnum eigin skóla. Ekki
brást hann vonum manna — jafnvel
skemmtilegri en þegar hann var
stjarnan í allt of skammlífu bandi
Quincy Jones. Clark Terry vil ég
þakka Ijúfan blástur fyrr og síðar.
Vargur í véum
í hverri veiðistöð skal samt ævin-
lega róa einn gikkur. Sá gikkur var i
Háskólabíói, sveinstaulinn sem sat
við hljómstjórnarborð og kunni ekki
til verka. Hann gerði ítrekaðar til-
raunir til að heyrnarskerða áheyr-
endur, fyrir utan það að bjaga og
skrumskæla á fjölbreytilegasta hátt
frábæran leik góðra listamanna.
Hann var svart ský á heiðríkjuhimni
jassins þetta kvöld í Háskólabíói,
pilturinn sá. En þrátt fyrir illvirki
þessi mátti njóta jassleiks eins og
hann gerist bestur.
Slíkur er Clark Terry. - EM
Tónlist
Eskifjörður:
Spyrt í skreið í logni
og tóK stiga hita
— búðar-, skóla- og skrif stof ufólk hamaðist alla helgina
Það hefur borizt óhemju mikill Hjá sumum fiskikaupendunum voru Auk þess afla sem landað var á Eski-
fiskur hér á land og verið unnið til kl. borðin sett út til að fólkið gæti notið firði komu þangað vörubílar með fisk
11 og 12 á hverju kvöldi og alla sein- veðurblíðunnar meðan það spyrti í frá Litla-Rússlandi, öðru nafni Nes-
ustu helgi. Stærsti fiskurinn er saltaður skreið. kaupstað. - Regína / IHH.
en sá smærri settur í skreið. .1 vetur
hefur óvenju mikið verið sett t skreið,
sérstaklega hjá yngri söltunarstöðvun-
um eins og t.d. Friðþjófi hf„ Guðjóni
Hjaltasyni og útgerðarfélaginu Þór sf.
Það var gefið frí í grunnskólanum á
föstudaginn eftir hádegið svo ungling-
arnir gætu farið í fiskvinnu. Það er
sjaldgæft því skólastjórinn vill að
börnin læri. Búðar- og skrifstofufólk
hefur líka farið í fiskinn um helgina og
einnig hefur fólk komið ofan af Héraði
og frá Reyðarfirði til hjálpar.
Veðrið var gott á Eskifirði í gær,
logn og sól, tólf stiga hiti í forsælunni.
Sumartjústaðalóðir
EignarióAir
Til sölu eru tvær sumarbústaðalóðir í Gríms-
nesi, ca 6000 fermetra hvor. Góð kjör ef samið
er strax.
Upplýsingar í síma 76030.
Pantió nýja FREEMANS vörulistann strax
. . . og veljið vandaðan sumarfatnað frá stærstu póstverslun í London fyrir
ykkur og fjöl'skylduna í rólegheituirv heima. Skrifið eða hringið strax í dag
eftir nýja pöntunarlistanum. Verð kr. 49.00. Póstburðargjald kr. 16.60.
Vinsamlega sendið mér nýja FREEMANS pöntunarlistann i póstkröfu.
Nafn:
heimili:
staður:
Sendist til FREEMANS OF LONDON c/o BALCO h/f, Reykjavíkurvegi 66, 220 Hafnarfirði. sími 53900.
of London
Þar scm tískan byrjar