Búnaðarsamband Austurlands - 01.01.1958, Page 5

Starfsskýrsla
Páls Sigbjörnssonar héraðsráðunautar tímabilið frá
sumarmálum 1957 til sama tíma 1958.
Staríi mínu hjá Búnaðarsambandi Austurlands var svip-
að háttað þetta ár eins og árin að undanförnu. Fyrsti hluti
vorsins fór í að ljúka við skýrslugerð, sem að vísu hafði
verið áætlað að ljúka áður en sumarstörf hæfust, en tafði
þó fyrir nokkuð fram eftir vori.
í maímánuði vigtaði ég sundur áburð og dreifði á til-
raunareiti, sem ég hef annast fyrir Búnaðarfræðslu Búnað-
arfélags íslands undanfarin ár og staðsettir eru á sex stöð-
um hér austan lands. Á þessu tímabili sótti ég og nokkra
búnaðarfélags- og sauðfjárræktarfélagsfundi.
Um mánaðamót júní—júlí kom Leifur Kr. Jóhannesson
til starfa hjá Búnaðarsambandi Austurlands og síðan höf-
um við skipt með okkur störfum eða unnið sameiginlega
að þeim verkefnum, sem legið hafa fyrir.
Sumarstarf mitt skiptist fyrst og fremst milli fjögurra
eftirtalinna verkefna.
1. Sldttur tiiraunareita, og í sambandi við það söfnun
sýnishorna, til lieys- og jarðvegsrannsókna. Tilraunir þessar
eru áburðartilraunir og er þeim nánar lýst á öðrum stað í
ritinu. Að uppskeru tilraunareitanna unnum við Leifur í
félagi.
2. Úttekt á jarðabótum hefur alltaf verið eitt stærsta verk-
efni starfsmanna sambandsins. Að þessu sinni hófst hún í
júlí en var að mestu framkvæmd í ágúst og september. Við
Leifur mældum allar jarðabætur á sambandssvæðinu.
3. Ræktunarácetlun fyrir Breiðdœiinga. Búnaðarfélag