Árbók Landsbókasafns Íslands - Nýr flokkur - 01.01.1986, Blaðsíða 53
Þrjú bréf Rögnvalds Ág. Ólafssonar
til Guðmundar Finnbogasonar
Finnbogi Guðmundsson bjó til prentunar.
í grein, er ég nefndi Úr sögu Safnahússins við Hverfisgötu og birti í
Árbók Landsbókasafns 1980, gat ég um þann merka þátt, er
Rögnvaldur Ólafsson átti í undirbúningi byggingar Safnahússins. En
hann samdi álitsskjal það, er fimm manna nefnd, kosin á Alþingi 5.
júlí 1905, lét fylgja áliti sínu. Hið seinasta bréfanna þriggja, er hér
verða birt, er dagsett á ísafirði 4. júlí 1905 eða daginn áður en hann
var kvaddur til samstarfs við þingnefndina.
Rögnvaldur Ágúst Ólafsson fæddist 5. desember 1874, sonur
hjónanna Ólafs Sakaríassonar á Ytri-Húsum í Dýrafirði og Veroníku
Jónsdóttur „prests um fjórðung aldar á Hornströndum (d. 1869),
Eyjólfssonar prests í Miðdalaþingum (d. 1843), Gíslasonar prests á
Breiðabólsstað á Skógarströnd (d. 1810), Ólafssonar biskups í
Skálholti (d. 1753). Móðir sr. Jóns Eyjólfssonar var Guðrún, dóttir
síra Jóns skálds Þorlákssonar á Bægisá og Margrétar Bogadóttur hins
gamla í Hrappsey.‘“
Rögnvaldur lauk stúdentsprófi með ágætiseinkunn vorið 1900 og
haíði lesið utanskóla tvo síðustu veturna. Fyrsta bréf hans til
Guðmundar Finnbogasonar, dagsett 4. febrúar 1897, sýnir, að hann
stefnir þá þegar að námi í húsagerðarlist og biður Guðmund, sem þá
var á fyrsta námsári sínu í heimspeki við Hafnarháskóla, að senda sér
upplýsingar um kennslu í byggingarlist í Kaupmannahöfn og hver
inntökuskilyrði í skólann séu.
Þegar Rögnvaldur hefur borið upp erindið, segir hann nýjustu
fréttir úr bæjarlífinu, m. a. það, er honum þykir mestum tíðindum
sæta, að Iðnaðarmannafélagið sé að reisa sér vænt og vandað
samkomu- og leikhús.
í bréfslok spyr hann, hvernig þeim líði frændum sínum, Jóni (síðar
landskjalaverði) og Páli (gullsmið) Þorkelssonum. En þeir og Rögn-
valdur voru bræðrasynir.
1 Sbr. minningargrein um Rögnvald í Morgunblaðinu 16. febrúar 1917.