Árbók Landsbókasafns Íslands - Nýr flokkur - 01.01.1986, Page 68

68
LANDSBÓKASAFNIÐ 1984
aldrei gerð, nema starfsmenn safnsins séu stöðugt á verði og fylgist
mjög grannt með því, sem út er gefið, enda mæla prentskilalög svo
fyrir, að safnið hafi „eftirlit með skylduskilum“. Sem betur fer, hefur
að jafnaði tekizt ágæt samvinna um þessi mál við prentara og útgef-
endur. En það verður þó að segja eins og er, að safnið hefur ekki
undanfarin ár haft bolmagn til að vaka yfir þessum málum, svo sem
vert er og skylt.Við þetta hafa myndazt |eyður í safnkostinn, sem erfitt
getur stundum reynzt að fylla, og er það vitaskuld stóralvarlegt mál.
Nokkuð svipað má segja um skráningu íslenzka efnisins, en ætlazt
er til, að safnið gefi út árlega skrá um mestan hluta þess. Pótt það hafi
langoftast tekizt hin síðari ár, hefur samt út af því brugðið, svo sem á
árinu 1984, er við misstum bæði íslenzka bókaskrá og hljóðritaskrá
1983 yfir áramótin og komum þeim raunar ekki út fyrr en í júnímán-
uði síðastliðnum. Þá er og fyrirsjáanlegt, að 1984 skrárnar komast
ekki út fyrr en á árinu 1986.
Þjóðdeild safnsins ber samkvæmt lögum einnig að „þaulsafna
prentuðu efni íslenzku eða því sem ísland og íslenzk málefni varðar á
hverri tungu sem er.“ Þetta er mjög mikilvægur þáttur í starfsemi
Landsbókasafnsins, og hefur hann verið efldur hin síðustu ár. Hins
vegar hefur ekki tekizt að skrá þetta efni jafnóðum né heldur að birta
á prenti skrá um það, svo sem venja var fram til 1973.
Af ofansögðu má ljóst vera, að Þjóðdeild Landsbókasafns þarf
aukið starfslið bæði til að vinna upp þá þætti, sem dregizt hafa aftur
úr, og til að færa út kvíarnar. Verði ekki orðið við sanngjörnum
óskum í þessu efni, mun safnið seint eða aldrei bíða þess bætur.
TÖLUMERKING BÓKA í desember 1983 lauk störfum nefnd á
vegum Menntamálaráðuneytisins um
tölumerkingu íslenzkra rita samkvæmt alþjóðlegu kerfi, ISBN, sem
fólgið er í því, að hver bók fær númer samkvæmt alþjóðlegu kerfi.
Uthlutun þessara talna til útgefenda er víðast í höndum opinberra
aðila, oftast þjóðbókasafna. Kostir þessa kerfis eru einkum þessir:
1) Vegna tölvunotkunar reynist auðveldara að koma tölumerktum
bókum á markað erlendis.
2) Þá auðveldar tölumerking útgefendum allt birgðabókhald. Af
þeim sökum hafa nokkur íslenzk fyrirtæki tekið upp eigið númera-
kerfi.