Frjáls verslun - 01.04.1961, Blaðsíða 16

Athafnamenn og
frjálst framtak
3
EGGERT KRISTJÁNSSON
Eggert Kristjánsson er fæddur
6. október 1897 í Mýrdal í Kol-
beinsstaðahreppi. Forcldrar hans
voru hjónin Guðný Guðnadóttir
og Kristján Eggertsson, Eggerts-
sonar bónda í Miðgörðum. Þegar
Eggert var á öðru ári fluttust for-
eldrar hans að Dalsmynni í Eyja-
hreppi, þar sem þau bjuggu allan
sinn búskap.
Eggert dvaldist heima hjá for-
eldrurn sínum og stundaði alla
venjulega sveitavinnu, þar til
hann fór í Flenzborgarskólann
haustið 1915. Þaðan lauk hann
gagnfræðaprófi vorið 1918 og stóð
hugur hans þá til frekara náms,
en sökum fjárskorts gat ekki af
því orðið.
Eggert fluttist alfarinn til
Reykjavíkur haustið 1919. Stund-
aði hann verzlunar- og skrifstofu-
störf, fyrst hjá hinum kunna at-
hafnamanni Pétri A. Olafssyni
frá Patreksfirði og síðan hjá
Mjólkurfélagi Reykjavíkur. í nóv-
ember 1922 stofnaði Eggert, ásamt
Eyjólfi Jóhannssyni, firmað Egg-
ert Kristjánsson & Co., En tæpu
ári síðar gekk Eyjólfur úr firm-
anu.
Fyrstu árin var fyrirtækinu
skorinn þröngur stakkur vegna
fjárskorts, en eftir því sem árin
liafa liðið hefur fyrirtækið þróazt
svo, að það er nú orðið eitt um-
svifamesta umboðs- og heildsölu-
fyrirtæki landsins.
Fyrirtækið hóf starfsemi sína í
Aðalstræti 9, en flutti síðan skrif-
stofurnar í Hafnarstræti 15. Þegar
hús Mjólkurfélags Reykjavíkur
var fullgert, árið 1930, voru skrif-
stofurnar fluttar þangað, en þegar
Mjólkurfélagið varð að selja húsið,
árið 1939, beitti Eggert sér fyrir
því, að leigjendur hússins stofn-
uðu hlutafélagið Kaupvang, sem
þá keypti eignina.
Árið 1926 stofnaði Eggert ásamt
fleirum Kexverksmiðjuna Frón
hf., sem var fyrsta fyrirtæki lands-
ins á sínu sviði. Þessi verksmiðja,
ásamt Kexverksmiðjunni Esju lif.,
sem var stofnuð árið 1936, eru
stærstu fyrirtæki hér á landi í
sinni grein, og hefur Kexverk-
smiðjan Frón nú hafið allveruleg-
an útflutning á kexi.
Eggert Kristjánsson er stjórnar-
formaður í þeim fyrirtækjum, sem
hér hafa verið nefnd. Auk þess
er hann í stjórnum og stjórnar-
formaður í mörgum öðrum fyrir-
tækjum, sem eigi verða talin hér.
Eggert hefur jafnan notið mik-
ils trausts og gegnt margvíslegum
trúnaðarstörfum fyrir verzlunar-
stéttina og opinbera aðila. Hann
hefur verið aðalræðismaður Finn-
lands síðan 1954. Átti sæti í fyrstu
samninganefndinni, er samdi um
viðskipti milli Sovétríkjanna og
íslands árið 1946. Var formaður í
samninganefndum, sem sömdu um
viðskipti við Holland árið 1947 og
1948, og sömu ár átti hann sæti
í samninganefndum, er sömdu um
viðskipti við Noreg og Svíþjóð.
Eggert var í stjórn Félags ís-
lenzkra stórkaupmanna frá 1931
til 1949, þar af formaður félagsins
frá 1935 til 1949. í stjórn Verzl-
unarráðs íslands frá 1934 til 1956,
var varaformaður ráðsins frá 1945
til 1948 og síðan formaður til 1956.
Eggert var einn af stofnendum
Félags íslenzkra iðnrekenda og í
stjórn þess frá stofnun samtak-
anna, 1933, til 1939. Hann hefur
átt sæti í stjórn Vinnuveitenda-
sambands íslands frá stofnun
þess. Hann hefur tekið þátt í
mörgum Norðurlandafundum um
verzlunarmál og mætti sem full-
trúi íslands á alþjóðafundi kaup-
sýslumanna í New York 1944.
Strax eftir að Eggert fluttist til
Reykjavíkur gekk hann í Glímu-
félagið Ármann. Hann var mjög
áhugasamur íþróttamaður og tók
um langt árabil þátt í íslenzkri
glímu.
Kona Eggerts er Guðrún Þórð-
ardóttir Eyjólfssonar frá Vogsós-
um, eiga þau fjögur börn: Gunnar,
fulltrúa, kvæntan Báru Jóhanns-
dóttur, Kristjönu, gifta Magnúsi
Ingimundarsyni, fulltrúa, Aðal-
stein, fulltrúa, kvæntan Jónínu
Snorradóttur og Eddu, gifta Gísla
Einarssyni, viðskiptafræðingi.
16
FRJALS VBRHUN